3 Dw 1:10 - BAEBOLO ANZƐƐ BULUKU NWUANZANWUANZA

¹⁰ Zɔhane ati, saa meba a menwɔye ye gyima mɔɔ yeli, yɛ nwo nzekue mɔɔ ɔbɔ nee adalɛ mɔɔ ɔbɔ ye yɛ nwo la menwɔdo gua. Yeanga ye zɔhane, saa mediema ne mɔ ba a, yemɔ a, ɔnrɛlie bɛ yɛɛ akee noko ɔndie bɛdabɛ mɔɔ bɛkulo kɛ bɛkɛlie bɛ la, na ɔbɔ mɔdenle kɛ ɔye zɛhae menli ne mɔ ali yeavi asɔne ne anu.

3 Dw 1:10 ပူးပေါင်းရင်းမြစ်များ

Mrɛlɛbulɛ Buluku ne 10:10

Sonla mɔɔ bu anyehoanlɛ la twe dwɛwɔlɛ ba, na mɔɔ buke ye munli nu tendɛ la fa anzonudwolɛ ba.

Mrɛlɛbulɛ Buluku ne 10:8

Sonla mɔɔ ze nrɛlɛbɛ la di mɛla zo, na koasea ɛdendɛzoma fa ɔ nwo to munzule nu.

Ayezaya Buluku ne 66:5

Bɛmɛ mɔɔ bɛsulo Ɛdɛnkɛma na bɛdi ye edwɛkɛ zo la, bɛdie mɔɔ ɔlɛka la. Ɔse, “Bɛ mediema ne mɔ mɔɔ kyi bɛ, na medame ti bɛmbu bɛ bie la ɛha kɛ, ‘Bɛmaa Ɛdɛnkɛma ɛhile ye anyunlunyia ne na ɔlie bɛ, amaa yɛanwu bɛ anyelielɛ ne.’ Na bɛmɛ bɔbɔ yɛɛ bɛ nyunlu bagua aze a.

Edwɛkpa ne kɛmɔ Luku hɛlɛle la 6:22

“Nyilalɛ ɛha bɛ, wɔ mekɛ mɔɔ menli kɛkpo bɛ, kɛyɛ bɛ aholoba, na bɛkɛze bɛ kɛ bɛle musuofoɔ, wɔ mame Sonla Ra me ti la!

Dw 9:22

Ye awovolɛ ne hanle ɛhye, ɔluakɛ bɛsulo Dwuu mgbanyima ne mɔ. Dwuu mgbanyima ne mɔ ɛbɔ kpɔkɛ kɛ awie biala mɔɔ kɛha kɛ Gyisɛse le Mɛzaya la, bɛkɛye ye bɛkɛvi nyianu sua ne anu.

Ɛzoanvolɛma Gyima ne 1:15

Mekɛ ne anu diedima ne yiale nu. Bɛ nloa kɛyɛ ɛya ko abulanwiɔ. Pita dwazole zele bɛ kɛ,

2 Kɔl 13:2

Mekakye bɛdabɛ mɔɔ bɛyɛ ɛtane dɛba, nee bɛdabɛ mɔɔ bɛha la amuala kɛ, meha ye dɛba wɔ mekɛ mɔɔ membamkpɔlale bɛ mɔɔ tɔ zolɛ nwiɔ la, yɛɛ melɛka ye bieko kɛkala mɔɔ menle bɛ nwo lɔ la kɛ, saa meba a bɛ nuhua biala mɔɔ ɛyɛ ɛtane la ɛnrɛva ɔ nwo dwɔɔ.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 6:10

Zɔhane ati, kenle biala mɔɔ mekɛ kɛra kɛ ɔwɔ kɛ yɛyɛ nyele la, bɛmaa yɛyɛ yɛmaa awie biala, bɔbɔ bɛdabɛ mɔɔ yɛ nee bɛ yɛ muala yɛlɛ diedi ko la.

1 Tem 5:13

Eza bɛsɛkye mekɛ bɛduolua ye mgbovonle nu bɛwolowolo azua nu, yɛɛ tɛ ɛhye angome, bɛbɔ nzekue, bɛfa bɛ nloa bɛwulowula awie mɔ edwɛkɛ nu, na bɛkeha edwɛkɛ mɔɔ ɔnle kɛ bɛka la.

2 Dw 1:10

Saa awie ba bɛ ɛkɛ ne na ɔngilehile mɔɔ Kelaese hilehilele la a, bɛmmadie ye bɛkɔ bɛ azua nu; bɛmmayɛ ye akoaba bɔbɔ.

2 Dw 1:12

Melɛ edwɛkɛ dɔɔnwo meka mekile bɛ, noko akee menrɛhulo kɛ menwɔva kɛlata nee ɛnke menwɔhɛlɛ; me nye la kɛ ɔnrɛhyɛ na meara bɛ nwo lɔ na yɛava edwɛkɛ ne mɔ yɛali adwelie, na yɛ fɛlɛkolilɛ ne ali munli.

3 Dw 1:3

Me nye liele kpole wɔ mekɛ mɔɔ mediema ne bie mɔ rale ralile wɔ nɔhalɛlilɛ ne anwo daselɛ kɛ amgba ɛli nɔhalɛ ne anzi la. Kɛkala, ɛtɛdi nɔhalɛ ne anzi.

3 Dw 1:5

Ayi, nɔhalɛ gyima ne ala a ɛlɛdi wɔamaa mediema ne mɔ la, bɔbɔ bɛdabɛ mɔɔ bɛle nyɛvolɛ la.