2 Tɛs 3:5 - BAEBOLO ANZƐƐ BULUKU NWUANZANWUANZA

⁵ Yɛsɛlɛ kɛ Awulae ɛha bɛ ahonle ɛmaa bɛnyia Nyamenle ɛhulolɛ ne anwo ndelebɛbo kpalɛ na bɛgyinla kpundii wɔ Kelaese anwo ngilehilelɛ ne anu.

2 Tɛs 3:5 ပူးပေါင်းရင်းမြစ်များ

1 Arl 8:58

Ɔboa yɛ ɔmaa yɛyɛ tieyɛ yɛmaa ye, amaa dahuu yɛayɛ ye ɛhulolɛdeɛ na yɛali ye mɛla nee ye ngilehilelɛ mɔɔ ɔvale ɔmanle yɛ ze mɔ la azo.

1 Edk 29:18

Yɛ nlenya mɔ Ebileham, Ayezeke, nee Gyekɔbo Ɛdɛnkɛma Nyamenle, maa tunwomaa sunsum ye mɔɔ menli ye ɛnyia ye la ɛdɛnla bɛ nu dahuu na ɔnyi, na maa bɛli nɔhalɛ bɛmaa wɔ.

Edwɛndolɛ Buluku ne 119:36

Maa me ahonle ɛbikye wɔ ngyehyɛlɛ ne mɔ ɛdɛla kɛ menwɔnyia me nwo.

Edwɛndolɛ Buluku ne 119:5

O anrɛɛ me ndenle adenrɛ fɔɔnwo wɔ me Nyamenle ne mɛlalilɛ zo.

Edwɛndolɛ Buluku ne 40:1

Menzile abotane mengendɛle Ɛdɛnkɛma; na ɔdiele me na ɔdele me ɛzunlɛ.

Mrɛlɛbulɛ Buluku ne 3:6

Nwu Nyamenle wɔ wɔ ɛbɛlabɔlɛ muala anu, na ɔbamaa wɔ ndenle adenrɛ fɔɔnwo amaa wɔ.

Gyɛlɛmaya Buluku ne 10:23

O Ɛdɛnkɛma, meze kɛ sonla ɔdaye ɔnlɛ ɔ nwo; sonla ɔdaye ɔnlɛ ye ngoane zo tumi.

Gyɛlɛmaya Buluku ne 31:33

Ngyekyeleɛ ne mɔɔ me nee Yizilayɛma bayɛ la ɛne: Mebava me mɛla ne meawula bɛ nuhua, mebahɛlɛ ye bɛ ahonle nu; mebayɛ bɛ Nyamenle, na bɛdabɛ noko bɛayɛ me menli.

Gyɛlɛmaya Awolɛyelɛ 3:26

Ɔle kpalɛ kɛ sonla kɛzie ɔ ti koonwu kɛkpondɛ Ɛdɛnkɛma ngoanelielɛ ne abo zo;

Wulo 5:5

Anyelazo ɛhye ɛnye yɛ anrinli ɛndo yɛ sa nu, ɔluakɛ Nyamenle ɛlua Sunsum Nwuanzanwuanza ne, mɔɔ le Nyamenle ahyɛlɛdeɛ ne azo ɛva ye ɛhulolɛ ɛyi yɛ ahonle ne mɔ tɛkɛɛ.

Wulo 8:25

Saa yɛmaa yɛ nye da debie mɔɔ yɛ nye ɛngyi nwolɛ la azo a, yɛɛ yɛfa abotane yɛkendɛ ye ɛnyianlɛ a.

Wulo 8:28

Yɛze kɛ wɔ debie biala anu, Nyamenle maa debie biala yɛ kpalɛ maa bɛdabɛ mɔɔ bɛkulo ye la, meka bɛdabɛ mɔɔ yevɛlɛ bɛ, kɛmɔ ye ngyehyɛlɛ ne de la.

1 Kɔl 8:3

Awie mɔɔ kulo Nyamenle la, Nyamenle ze ye.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:22

Nyamenle Sunsum ne ma a le ɛhye mɔ: ɛhulolɛ, anyelielɛ, anzonudwolɛ, abotane, atiakunlukɛnlɛmayɛlɛ, kpalɛyɛlɛ, nɔhalɛlilɛ,

Mɛla 30:6

Ɛdɛnkɛma bɛ Nyamenle ne bade bɛ ahonle nu, na yeade bɛ bo zo amra ahonle nu, amaa bɛava bɛ ahonle nee bɛ ɛkɛla muala bɛahulo Ɛdɛnkɛma bɛ Nyamenle ne, na bɛanyia ngoane.

1 Tɛs 1:10

Bɛkile kɛ kɛkala bɛlɛkendɛ ɔ Ra Gyisɛse kɛ ɔvi anwuma ɔbara. Yemɔ yɛɛ Nyamenle dwazole ye vile ewule nu, na ɔdie yɛ ɔfi Nyamenle ɛya kpole ne mɔɔ bara la anu a.

1 Tɛs 1:3

Ɔluakɛ saa yɛkɔ yɛ Nyamenle ne nee yɛ Ze ne anyunlu a, yɛkakye kɛ bɛzile bɛhilele bɛ diedi na bɛ ɛhulolɛ manle bɛyɛle gyima ɛsesebɛ, nee kɛ bɛ anyelazo mɔɔ wɔ yɛ Awulae Gyisɛse Kelaese anu la si gyi kpundii la.

1 Tɛs 3:11

Yɛsɛlɛ yɛ Nyamenle Selɛ mumua ne nee yɛ Awulae Gyisɛse kɛ ɔbuke adenle ɔmaa yɛnyia mekɛ yɛrɛla bɛ nwo lɔ.

2 Tem 4:8

Na kɛkala konimlilɛ ahyɛlɛdeɛ ne, mɔɔ le fɔɔnwoma abɔtile ne, mɔɔ Awulae, Pɛlepɛle Ndɛnebuavolɛ ne bava amaa me wɔ Awulae Kenle ne la, wɔ ɛkɛ ne maa me, yɛɛ ɔnle ɛkɛ ɔmmaa me ngome, ɔwɔ ɛkɛ ne ɔmaa bɛdabɛ mɔɔ bɛlɛ ɛhulolɛ bɛlɛkendɛ ye ɛralɛ bieko la amuala.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:13

yɛva yɛhendɛ saleɛ Kenle ne mɔɔ yɛ nye la ye adenle wɔ melɛ mɔɔ yɛ Nyamenle bedevinli ne nee Ngoanedievolɛ Gyisɛse Kelaese bɛ anyunlunyia ne kɛra la.

Kɛlata mɔɔ bɛhɛlɛle bɛhɔmanle Hibuluma la 9:28

Zɔhane ala yɛɛ bɛvale Kelaese ɔdaye noko bɛbɔle azu kokye ala kɛ ɔranunu menli dɔɔnwo ɛtane ne mɔ a. Ɔbara bieko, na tɛ kɛ ɔ nee ɛtane bali ɔ, na ɔbalie menli ne mɔɔ ɛlɛkendɛ ye la ngoane.

Gyemise Kɛlata ne 2:5

Me mediema kulovolɛma, bɛdie! Bɛdabɛ mɔɔ bɛle ehyianvolɛma wɔ aleɛabo la, bɛmɛ a Nyamenle ɛkpa nu ɛye bɛ, ɛyɛ bɛ diedi nu sukoavolɛma na bɛnyia Nyamenle belemgbunlililɛ ne, mɔɔ yeva yebɔ ɛwɔkɛ yemaa bɛdabɛ mɔɔ bɛkulo ye la a.

1 Pit 4:1

Kɛmɔ bɛmɛ bɛ ti Kelaese nwunle amaneɛ wɔ nwonane nu la, ɔwɔ kɛ bɛdabɛ noko bɛnwu ye kɛ bɛbanwu amaneɛ; ɔboalekɛ mɔɔ kɛnwu amaneɛ wɔ nwonane nu la ɛnyɛ ɛtane bieko.

2 Pit 3:12

wɔ mekɛ mɔɔ bɛlɛkendɛ na bɛ nye la kɛ Nyamenle Kenle ne bara ndɛndɛ la. Kenle zɔhane anwuma bayela adɔ nzonle na ye wuluwulu ne aholo anwumaneamra amuala.

1 Dw 4:19

Yɛkulo Nyamenle, ɔboalekɛ ɔlumuale ɔhulole yɛ.

Yekile 1:9

Mame a mele bɛ diema Dwɔn. Kelaese ati yɛ muala yɛle ko na yɛlɛ abotane yɛlɛnwu amaneɛ mɔɔ kile kɛ yɛ nwo fɛta ye Belemgbunlililɛ ne a. Bɛvale me bɛradole bɔra ye mɔɔ bɛfɛlɛ ye Patemɔso la azo, ɔluakɛ membɔle Nyamenle edwɛkɛ ne nee nɔhalɛ ne mɔɔ Gyisɛse yele hilele la nolo.

Yekile 13:10

Awie mɔɔ ɔwɔ kɛ bɛkye ye nuokɛ la, bɛbahye ye nuokɛ; awie mɔɔ ɔwɔ kɛ wu dadeɛ nloa la, bawu dadeɛ nloa. Ɛhye kile kɛ ɔwɔ kɛ Nyamenle menli ne nyia abotane, gyinla bɛ nwo, si ahonle, na bɛnyia diedi.