2 Tɛs 3:4 - BAEBOLO ANZƐƐ BULUKU NWUANZANWUANZA

⁴ Awulae ɛmaa yɛ adwenle ɛzi pi wɔ bɛ nwo, yemɔti yɛze kɛ bɛlɛyɛ mɔɔ yɛhanle yɛhilele bɛ la, na eza bɛbahɔ zolɛ bɛayɛ ye zɔhane dahuu.

2 Tɛs 3:4 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 28:20

na bɛhilehile bɛ bɛmaa bɛli debie biala mɔɔ meha mehile bɛ la azo. Na bɛhakye kɛ me nee bɛ lua dahuu, kɔkpula ewiade awieleɛ.”

Wulo 15:14

Me mediema, medame mumua ne medie meto nu kɛ kpalɛyɛlɛ ɛyi bɛ tɛkɛɛ, yɛɛ bɛlɛ adwenle ne na bɛkola bɛkilehile bɛ nwo ngoko ngoko.

Wulo 15:18

Ɔluakɛ menrɛha edwɛkɛ ngakyile biala kɛ ninyɛne mɔɔ Kelaese ɛlua me nwo zo ɛyɛ la ala, amaa mealie bɛdabɛ mɔɔ bɛnle Dwuuma la meamaa bɛayɛ tieyɛ bɛamaa Nyamenle. Mebaha mɔɔ Kelaese yɛle la wɔ ɛdendɛlɛ nee nyɛleɛ nu,

Wulo 2:7

Menli bie wɔ ɛkɛ mɔɔ bɛmɛ, abotane nee kpalɛyɛlɛ ala a bɛli ɔ nzi a, na bɛkpondɛ anyunlunyia, enililɛ nee ngoane mɔɔ ɛnlɛ awieleɛ la. Na bɛmɛ noko ala yɛɛ Nyamenle bamaa bɛ ngoane mɔɔ ɛnlɛ awieleɛ a.

1 Kɔl 14:37

Saa bɛ nuhua bie bu ɔ nwo kɛ ɔle Nyamenle kpɔmanvolɛ, anzɛɛ ɔlɛ sunsum nu ahyɛlɛdeɛ a ɛnee ɔlie ɔdo nu kɛ mɔɔ melɛkɛlɛ la vi Awulae ɛkɛ.

1 Kɔl 7:19

Ɔluakɛ bɛyɛ wɔ mrenyanu nzonlɛ o, bɛanyɛ o, ɔngyia. Debie mɔɔ hyia la a le Nyamenle mɛla ne mɔ azo ɛlilɛ.

2 Kɔl 2:3

Ɛhye ati yɛɛ mengɛlɛle bɛ kɛlata ɛhendeɛ ne a, meangulo kɛ menwɔra na menli mɔɔ anrɛɛ kɛlielie me nye la abɔ me rɛle. Ɔluakɛ meze ye wienyi kɛ me nye die a, ɛnee bɛdabɛ noko bɛ nye ɛlie.

2 Kɔl 2:9

Mengɛlɛle bɛ kɛlata ɛhendeɛ ne, amaa ɔlua zo meanwu kɛ bɛzile bɛgyinlanle sɔnea ne anloa la, na eza meanlea kɛ saa dahuu bɛdi me ngilehilelɛ ne mɔ azo a.

2 Kɔl 8:22

Yemɔti yɛlɛsoa bɛ nee yɛ muala yɛ diema ne mɔɔ mekɛ dɔɔnwo ne ala yɛzɔ ye yɛnlea na yɛnwu kɛ ɔkulo kɛ dahuu ɔboa la bɛ nwo lɔ. Kɛkala yelie bɛ yeli, yɛɛ yenyia ɛhulolɛ kpole kɛ ɔboa.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:10

Melɛ diedi wɔ Awulae anu kɛ bɛnrɛnyia adwenle fofolɛ biala kɛ me ɛdeɛ ne ala. Na ahenle holɛ ko mɔɔ ɔdaye ɔse ɔkɛgyegye bɛ la, Nyamenle badua ye kakɛ!

Pɔɔlo Kɛlata mɔɔ ɔhɛlɛle ɔhɔmanle Felepaema la 1:6

Zɔhane ati medie medi kɛ Nyamenle mɔɔ bɔle gyima kpalɛ ɛhye abo wɔ bɛ nu la kɛzɔ zolɛ kɛmaa ɔkɛli munli wɔ Kenle ne mɔɔ Kelaese Gyisɛse kɛra la.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:12

Zɔhane ati ayi mɔ, kɛmɔ bɛlile me edwɛkɛ zo wɔ mekɛ mɔɔ ɛnee me nee bɛ de la, ɔhyia ɛsesebɛ kɛ akee bɛkɛyɛ ye zɔhane kɛkala mɔɔ me nee bɛ ɛnde la. Bɛva ɛzulolɛ nee anwowozolɛ bɛli bɛ ngoanelielɛ ne anwo gyima bɛhɔ awieleɛ,

1 Tɛs 4:10

Nɔhalɛ, zɛhae subane ne ala a bɛhile bɛmaa mediema mɔɔ wɔ Masidonea maanzinli nu la amuala a. Yemɔti yɛsɛlɛ bɛ, mediema, bɛyɛ ye zɔhane kpalɛ dahuu.

2 Tɛs 3:12

Yɛka yɛahile menli mɔɔ le zɛhae la kɛ yɛlua Awulae Gyisɛse Kelaese duma nu, yɛbɔ bɛ kɔkɔ anzɛɛ yɛkakye bɛ kɛ, bɛbɔ ɛbɛla mɔɔ maa anzonudwolɛ la na bɛyɛ gyima mɔɔ kɛmaa bɛ sa kɛhɔ bɛ nloa dahuu la.

2 Tɛs 3:6

Mediema, yɛlua Awulae Gyisɛse Kelaese duma nu, yɛka yɛahile bɛ kɛ bɛhwe bɛ nwo bɛvi mediema mɔɔ ɛlɛyɛ mgbovonle na bɛngulo kɛ bɛdi folɛ mɔɔ yɛdule bɛ la azo la anwo.

Pɔɔlo Kɛlata mɔɔ ɔhɛlɛle ɔhɔmanle Faelimɔn la 1:21

Melɛkɛlɛ kɛlata ɛhye, ɔluakɛ medie medi kɛ ɛkɛyɛ mɔɔ melɛbiza la. Nɔhalɛ, meze kɛ ɛkola ɛyɛ ɛmaa ɔbo zolɛ.