2 Tɛs 3:2 - BAEBOLO ANZƐƐ BULUKU NWUANZANWUANZA

² Bɛzɛlɛ kɛ Nyamenle kɛlie yɛ kɛvi menli munzule atisesebɛma asa anu; ɔluakɛ tɛ menli ne amuala a die edwɛkɛ ne di a.

2 Tɛs 3:2 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 17:17

Gyisɛse buale kɛ, “Bɛmɛ mɔɔ bɛnlɛ diedi na bɛfo a! Me nee bɛ ɛdɛnla, menyia bɛ nwo abotane ɔhɔdwu kenlenzu? Fa kakula nrenya ne bɛla ɛke.”

Edwɛkpa ne kɛmɔ Mateyu hɛlɛle la 23:23

“Bɛmɛ mɛla kilehilevolɛma nee Falasiima, munzule ɛha bɛ! Nabalabama! Bɛmɛ bɛbu ɛlobɔ nu ɛya evuanlɛ mɔɔ le kɛ aabɛya la anu bulu bɛfa ko bɛmaa Nyamenle, na bɛbu bɛ nye bɛgua ninyɛne mɔɔ hyia kpalɛ wɔ mɛla ne anu, mɔɔ fane pɛlepɛlelilɛ, anwunvɔnezelɛ, yɛɛ nɔhalɛlilɛ nwo ngilehilelɛ la azo. Ɛhye mɔ a ɔwɔ kɛ bɛyɛ a, yɛɛ ɔnle kɛ bɛbu bɛ nye bɛgua mɔɔ ɛha la azo.

Edwɛkpa ne kɛmɔ Luku hɛlɛle la 18:8

Meka meahile bɛ, ɔkɛli bɛ edwɛkɛ ɔkɛmaa bɛ ndɛndɛ zo somaa. Na asoo saa medame Sonla Ra meba a, menwɔnwu awie mɔɔ ɔ rɛle wɔ Nyamenle anu la?”

Ɛzoanvolɛma Gyima ne 13:45

Mɔɔ Dwuuma ne nwunle menli dɔɔnwo ne la, anyebolo dɔle bɛ nwo; bɛdendɛle bɛtiale mɔɔ Pɔɔlo ɛlɛka la, na bɛbɔle bɛ aholoba.

Ɛzoanvolɛma Gyima ne 13:50

Na Dwuuma ne lile mgbanyima mɔɔ wɔ suakpole ne azo nee mraalɛ mgbanyinli mɔɔ gyi boɛ na bɛsulo Nyamenle na bɛnle Dwuuma la anzo. Bɛmanle bɛbɔle ɔ bo bɛyɛle Pɔɔlo nee Baanabase kpɔdekpɔde toonwo bɛdule bɛ maanzinli ne anu.

Ɛzoanvolɛma Gyima ne 14:2

Na Dwuuma bie mɔ mɔɔ anlie anli la lile wulale bɛdabɛ mɔɔ bɛnle Dwuuma la bie mɔ manle bɛvale diedima ne mɔ ɛkpɔlɛ.

Ɛzoanvolɛma Gyima ne 17:5

Ɛhye anwo akpule hunle Dwuuma ne mɔ. Yemɔti bɛsesale kpamgbanvolɛma bie bɛboɔboale bɛ nloa. Bɛmanle bɛdole nzaka wɔ suakpole ne azo toonwo bɛrale Gyeesen sua nu ɛkɛ kɛ bɛbakpondɛ Pɔɔlo nee Saelase bɛahwe bɛ bɛavinde bagua nu.

Ɛzoanvolɛma Gyima ne 25:27

Ɔluakɛ menea a ɔnwie nrɛlɛbɛ yɛ kɛ melɛ pilizanli melɛkɔ na menlɛ ɔ nwo ɛzonledonlɛ kpalɛ biala a.”

Ɛzoanvolɛma Gyima ne 28:24

Bie mɔ liele lile, na bie mɔ anlie anli.

Wulo 10:16

Noko tɛ bɛ muala a bɛlie Edwɛkpa ne bɛli a, ɔluakɛ Ayezaya hanle ye bɛ nwo kɛ, “Awulae, edwɛkɛ ne mɔɔ bɛdele bɛvile yɛ ɛkɛ ne la, nwane a liele lile a?”

Wulo 15:31

Bɛzɛlɛ kɛ Nyamenle kɛlie me kɛvi Dwudiyama ne mɔɔ ɛnlɛ diedi la asa anu, na eza me gyima mɔɔ mekali ye wɔ Gyɛlusalɛm la kɛzɔ Nyamenle menli ne mɔɔ wɔ ɛkɛ ne la anye,

1 Kɔl 15:32

Saa mele sonla ala, mɔɔ menlɛ anyelazo biala wɔ ewule nzi, yɛɛ me nee “ɛhoayelɛ nu nanemgbole” honle wɔ Ɛfɛsɛse a, ɛnee duzu nvasoɛ a menyia ye a? Saa Nyamenle ɛndwazo mɔwuamra ɛmba ngoane nu a, ɛnee kɛmɔ ɔyɛ a bie mɔ ka la, “Bɛmaa yɛli na yɛnlo, ɔluakɛ ɛhyema ɛnee yɛwu.”

Mɛla 32:20

Na ɔzele kɛ, ‘Meye me nye meado ɛbɔ nu, na meanlea kɛ bɛ awieleɛ kɛzi kɛwie bɛ la. Ɔluakɛ bɛle awolɛndoazo mɔɔ ɛzɛkye a, menli mɔɔ nɔhalɛ ɛnle bɛ nu.

1 Tɛs 2:18

Kɛmɔ yɛkpondɛ kɛ yɛsia yɛba bɛ nwo lɔ bieko la ati, medame Pɔɔlo, menyɛle biala kɛ anrɛɛ menwɔzia menwɔra, noko Seetan ammaa yɛ adenle.

2 Tem 4:17

Awulae gyinlanle me nzi, na ɔmanle me anwosesebɛ. Zɔhane ati mengolale membɔle Edwɛkpa ne nolo memanle bɛdabɛ mɔɔ bɛnle Dwuuma la amuala dele bie; na Nyamenle yele me vile awenade ne anloa anu.