2 Tɛs 3:16 - BAEBOLO ANZƐƐ BULUKU NWUANZANWUANZA

¹⁶ Yɛsɛlɛ kɛ Awulae mumua ne, mɔɔ le anzonudwolɛ maavolɛ la ɛmaa bɛ nzo nu ɛdwo bɛ mekɛ biala nee adenle biala anu. Awulae nee bɛ ɛdɛnla.

2 Tɛs 3:16 ပူးပေါင်းရင်းမြစ်များ

Edwɛndolɛ Buluku ne 29:11

Ɛdɛnkɛma ɛmaa ye menli ne anwosesebɛ, na ɔva anzonudwolɛ ɔyila ye menli ne.

Edwɛndolɛ Buluku ne 46:11

Tumivolɛ Ɛdɛnkɛma nee yɛ de; Gyekɔbo Nyamenle ne le yɛ ɛvealeka.

Edwɛndolɛ Buluku ne 46:7

Tumivolɛ Nyamenle ne nee yɛ de; Gyekɔbo Nyamenle ne le yɛ ɛvealeka.

Edwɛndolɛ Buluku ne 72:3

Maa menli mɔɔ wɔ azɛlɛ ne azo la ɛkpazi, na awoka ne mɔ azo ɛhye aleɛ ɛmaa menli ne, na tenleneyɛlɛ ɛyi maanle ne tɛkɛɛ.

Edwɛndolɛ Buluku ne 72:7

Maa tenleneyɛlɛ ɛdende ye mekɛ zo, na anzonudwolɛ ɛrɛla dahuu mekɛ mɔɔ ɛnlɛ awieleɛ.

Ayezaya Buluku ne 26:12

O Ɛdɛnkɛma, ɛbamaa yɛ nzo nu adwo yɛ, wɔyɛ yɛ gyima ne kɔsɔɔti wɔmaa yɛ.

Ayezaya Buluku ne 45:7

Medame a mebɔ wienyi nee awozinli a, medame a memaa sonla kpazi na memaa munzule to ye a, medame a mele Ɛdɛnkɛma mɔɔ yɛ ninyɛne ɛhye mɔ kɔsɔɔti a.

Ayezaya Buluku ne 54:10

Awoka mgbole badudu ahɔ, awoka ngyikyi bavi bɛ bo zo ne mɔ, na me ɛhulolɛ kpundii ne ɛnrɛvi ɛ nwo ɛlɛ, yɛɛ me anzonudwolɛ ngyekyeleɛ ne ɛnrɛkpa nwo ɛlɛ, medame Ɛdɛnkɛma, mɔɔ menwu wɔ anwunvɔne la a mese a.”

Ayezaya Buluku ne 66:12

Ɛdɛnkɛma se, “Bɛnlea, mebamaa bɛakpazi na maanle maanle ne mɔ anwonyia abu bɛ nwo zo kɛ azule mɔɔ bu aze la. Mebanloa bɛ nyɛfonlɛ, mebavia bɛ me nzi, na meadedɛ bɛ me gyakɛ azo meaha bɛ nwɔhoa.

Ayezaya Buluku ne 8:10

Bɛyia nu bɛva adwenle, noko ɔnrɛyɛ boɛ; bɛbɔ nu bɛbɔ kpɔkɛ, noko ɔnrɛyɛ boɛ, ɔluakɛ Nyamenle nee yɛ de.

Hagae Buluku ne 2:9

Amozi sua ɛdeɛ ne bayɛ kɛnlɛma kpole kpalɛ adɛla alumua ɛdeɛ ne, na ɛke yɛɛ mebamaa me menli ne akpazi a, medame Ɛdɛnkɛma a mese a.”

Zɛkalaya Buluku ne 6:13

Yemɔ a ɔbazi Ɛdɛnkɛma Ɛzonlenlɛ Sua ne a, na bɛbali ye eni kɛ belemgbunli. Ɔbadɛnla ye belemgbunli ebia nu na yeazie ye menli ne. Ɔbanyia sɛlɛvolɛ ko wɔ ye belemgbunli ebia ne anwo, na bɛdabɛ bɛ mu nwiɔ bɛ nloa bazɛ bɛ nwo anzonudwolɛ nu.’

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 6:26

Ɛdɛnkɛma ɛkpogya ɔ nye zo ɛnlea bɛ na ɔmaa bɛ anzonudwolɛ.”

Edwɛkpa ne kɛmɔ Mateyu hɛlɛle la 1:23

“Bɛlɛra mɔɔ ɛnze nrenya la banrenzɛ awo ralɛ nrenya na bɛbavɛlɛ ye Yemanoɛle.” (Ɔ bo a le “Nyamenle nee yɛ de.”)

Edwɛkpa ne kɛmɔ Mateyu hɛlɛle la 28:20

na bɛhilehile bɛ bɛmaa bɛli debie biala mɔɔ meha mehile bɛ la azo. Na bɛhakye kɛ me nee bɛ lua dahuu, kɔkpula ewiade awieleɛ.”

Edwɛkpa ne kɛmɔ Luku hɛlɛle la 2:14

“Anyunlunyia ɛha Nyamenle wɔ anwuma anwuma, anzonudwolɛ ɛha bɛdabɛ mɔɔ ɔ nye die bɛ nwo wɔ ewiade ye la.”

Dw 14:27

“Anzonudwolɛ a mefa megyakyi bɛ a; medame me anzonudwolɛ a mefa megyakyi bɛ a. Menva memmaa bɛ kɛmɔ ewiade fa maa la. Bɛmmamaa bɛ rɛle bɔ na bɛdi nyane; bɛmmasulo noko.

Dw 16:33

Meha ɛhye mehile bɛ amaa saa bɛmeta me nwo a bɛanyia anzonudwolɛ. Ɛtane ewiade ɛhye bamaa bɛali nyane, noko bɛgyinla kpundii. Meli ɛtane ewiade ɛhye anwo zo konim!”

Wulo 1:7

Zɔhane ati melɛkɛlɛ kɛlata ɛhye mearɛlɛ bɛdabɛ mɔɔ Nyamenle kulo bɛ na yevɛlɛ bɛ kɛ bɛrayɛ ye menli na bɛwɔ Wulomu la amuala. Yɛ Ze Nyamenle ne nee Awulae Gyisɛse Kelaese ɛlo bɛ na ɔmaa bɛ anzonudwolɛ.

Wulo 15:33

Nyamenle mɔɔ maa anzonudwolɛ la nee bɛ muala ɛdɛnla. Amen.

Wulo 16:20

Na Nyamenle, anzonudwolɛ maavolɛ ne, ɛnrɛhyɛ biala na yeabɛtɛ Seetan wɔ bɛdabɛ bɛ gyakɛ abo. [Yɛ Awulae ɛlolɛ ne nee bɛ ɛdɛnla.]

1 Kɔl 14:33

ɔluakɛ Nyamenle ɛnle basabasa Nyamenle. Ɔle anzonudwolɛ Nyamenle. Kɛmɔ bɛyɛ ye wɔ Nyamenle asɔnema ne mɔ amuala anu la,

2 Kɔl 13:11

Mediema, akee mewie, mebiza bɛ ahye. Bɛhakyi bɛ subane; bɛli me folɛdulɛ ne mɔ azo, bɛmaa bɛ nloa ɛzɛ bɛ nwo na bɛdɛnla anzonudwolɛ nu. Na ɛhulolɛ nee anzonudwolɛ Nyamenle ne nee bɛ badɛnla.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:23

Nyamenle Selɛ ne, nee Awulae Gyisɛse Kelaese ɛmaa mediema ne mɔ amuala anzonudwolɛ nee diedi nu ɛhulolɛ.

1 Tɛs 3:11

Yɛsɛlɛ yɛ Nyamenle Selɛ mumua ne nee yɛ Awulae Gyisɛse kɛ ɔbuke adenle ɔmaa yɛnyia mekɛ yɛrɛla bɛ nwo lɔ.

1 Tɛs 5:23

Nyamenle ne mɔɔ maa anzonudwolɛ la ɛde bɛ nwo wɔ adenle biala anu, na ɔva bɛ sonla mumua ne ɔzie: bɛ ɛkɛla, bɛ sunsum, yɛɛ bɛ sonlabaka ne amuala, ɔye bɛ ɔvi nvonleɛ biala anu, ɔde bɛ nwo wɔ Kenle ne mɔɔ Awulae Gyisɛse Kelaese bara la.

2 Tɛs 3:18

Yɛ Awulae Gyisɛse Kelaese ɛlo bɛ na ɔ nee bɛ ɛdɛnla.

2 Tem 4:22

Awulae nee wɔ sunsum ɛdɛnla. Nyamenle ɛlo bɛ muala.

Pɔɔlo Kɛlata mɔɔ ɔhɛlɛle ɔhɔmanle Faelimɔn la 1:25

Awulae Gyisɛse Kelaese ɛlo wɔ na ɔ nee wɔ ɛdɛnla.

Kɛlata mɔɔ bɛhɛlɛle bɛhɔmanle Hibuluma la 13:20

Anzonudwolɛ Nyamenle ne mɔɔ dwazole yɛ Awulae Gyisɛse, mɔɔ le Mboaneneavolɛ Kpole ne, mɔɔ luale ye ewule azubɔlɛ zo zɔle ngyekyeleɛ ne mɔɔ bɛntulu ye ɛlɛ la anloa la vile ewule nu la,

Kɛlata mɔɔ bɛhɛlɛle bɛhɔmanle Hibuluma la 7:2

na Ebileham hyɛle mɔɔ ɔnyianle ye wɔ konle ne anu la amuala anu bulu na ɔdule ɛkpɔ ko ɔmanle ye. (Mɛlekezidɛke duma ne abo ngilenu mɔɔ lumua la a le “Pɛlepɛlelilɛ Belemgbunli” yɛɛ kɛmɔ ɛnee ɔle belemgbunli wɔ Salɛm la, ye duma ne abo eza kile “Anzonudwolɛ Belemgbunli.”)

Maanlebuvolɛma Buluku ne 6:24

Akee Gedɛyɔn yɛle azukponle manle Ɛdɛnkɛma na ɔvɛlɛle ye “Ɛdɛnkɛma le anzonudwolɛ.” Na ɛnɛ nee ɛnɛ ala, ɔtɛgyi Ɔfela. Ɔfela le Ebayizɛma sua zo.

Wulu 2:4

Bowaze vi Bɛtelɛhɛm rale na ɔrayɛle ye gyimayɛvoma ne mo ɔzele kɛ, “Ɛdɛnkɛma nee bɛ ɛdɛnla.” Bɛliele zolɛ kɛ, “Ɛdɛnkɛma ɛyila wɔ.”

1 Sam 17:37

Ɛdɛnkɛma mɔɔ liele me vile awenade nee bedi ne mɔ asa anu la balie me avi Filisitianli ɛhye asa anu.” Sɔɔlo zele Devidi kɛ, “Kɔ, Ɛdɛnkɛma nee wɔ ɛhɔ.”

1 Sam 20:13

Saa ɔlɛ ɛ nwo adwenle ɛtane biala na meammaa wɔande, na eza meanlie wɔ ngoane a, Ɛdɛnkɛma ɛdua me kakɛ ɛgua me bie zo. Ɛdɛnkɛma nee wɔ ɛlua, kɛmɔ ɔ nee egya lua la.