2 Tɛs 3:14 - BAEBOLO ANZƐƐ BULUKU NWUANZANWUANZA

¹⁴ Saa awie wɔ ɛkɛ ne mɔɔ ɔnrɛli mɔɔ yɛhɛlɛ ye wɔ kɛlata ɛhye anu la azo a, bɛmɛ bɛyɛ ahenle zɔhane nzonlɛ, bɛmmayɛ ye ɛhwee, na ɔdaye ɔ ngome ɔ nyunlu bagua aze.

2 Tɛs 3:14 ပူးပေါင်းရင်းမြစ်များ

Ɛzela Buluku ne 9:6

“O me Nyamenle, ɔyɛ me anyiemgba na ɔyɛ me nyiane bɔbɔ kɛ menwɔkpogya me nye zo menwɔnlea wɔ a, ɔluakɛ yɛ amumuyɛ ɛbɛla ne ɛbo zolɛ na yɛ ɛtane ne mɔ ɛdwu ɛ nyunlu.

Edwɛndolɛ Buluku ne 83:16

O Ɛdɛnkɛma, maa anyiemgba ɛha bɛ, amaa bɛakpondɛ ɛ bo zo.

Mrɛlɛbulɛ Buluku ne 5:13

Meandie me kilehilevolɛma ane, yɛɛ meanyɛ ɛnzonlɛ meandie folɛdulɛ.

Gyɛlɛmaya Buluku ne 3:3

Yemɔti ezule ne ɛgyakyi ɛdɔlɛ, yɛɛ nyenyensuo ne ɛgyakyi ɛnyenyenlɛ. Bɛ ɛlualɛ nu kile kɛ bɛle tuutuuma, yɛɛ bɛnze nwolɛ nyiane.

Gyɛlɛmaya Buluku ne 6:15

Asoo bɛkyi ninyɛne ɛhye mɔ ɛyɛlɛ yɛle bɛ nyiane? Kyɛkyɛ, yeanyɛ bɛ nyiane fee, bɛnze nyiane deɛ holɛ. Yemɔti bɛbawu kɛ menli mɔɔ ɛwu la. Kenle mɔɔ menwɔze kɛ metea bɛ la ɛnee bɛ awieleɛ ne ala ɛne. Medame Ɛdɛnkɛma a mese a.”

Zɛfanaya Buluku ne 3:2

Bɛndie awie biala edwɛkɛ, yɛɛ bɛkyi bɛ nyunlu ɛhwilɛ. Bɛnva bɛ rɛle bɛnwula Ɛdɛnkɛma anu, yɛɛ bɛndwe bɛmbikye bɛ Nyamenle ne.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 12:14

Na Ɛdɛnkɛma zele Mosisi kɛ, “Saa ɔ ze a dole nyɛlɛ ɔ nyunlu a, anrɛɛ ye anyiemgba ɛnrɛdoa ye toonwo kenle nsuu ɔ? Bɛye ye azokoɛleɛ ɛkɛ bɛmaa ɔdɛnla kandiba nehane kenle nsuu; kenle nsuu ne dwu a, bɛmaa ɔrɛla azokoɛleɛ ne bieko.”

Edwɛkpa ne kɛmɔ Mateyu hɛlɛle la 18:17

Saa yeandie bɛ edwɛkɛ a, ka kile asɔnema amuala. Eza saa ɔnrɛdie asɔnema amuala noko edwɛkɛ a, ɛnee fa ye kɛ ɔnze Nyamenle anzɛɛ ɔle kɛ adwuledievolɛ la.

Wulo 16:17

Mesɛlɛ bɛ, me mediema, bɛnlea bɛ nwo boɛ wɔ amaantoma mɔɔ sɛkye awie mɔ diedi na bɛtia ngilehilelɛ mɔɔ bɛmɛ bɛnyia ye la asa anu. Bɛhwe bɛ nwo bɛvi menli zɔhane mɔ anwo.

1 Kɔl 4:14

Mengɛlɛ ɛhye kɛ megua bɛ nyunlu aze; mefa meadu bɛ folɛ kɛ bɛle me mra mɔɔ mekulo bɛ edwɛkɛ a.

1 Kɔl 5:11

Na mɔɔ mekpondɛ meaha la a le kɛ, bɛ nee awie biala mɔɔ fɛlɛ ɔ nwo Keleseɛnenli na ɔbɔ ɛbɛla mgbane mgbane, ɔle anyebolo, ɔsonle awozonle, ɔ nloa ɛdendɛlɛ ɛnyɛ fɛ, ɔle nzanli anzɛɛ ɔle awule la mmatu. Bɛ nee sonla zɛhae mmatɛnla ɛkponle nwo bɔbɔ di debie.

1 Kɔl 5:9

Menganle ye wɔ me kɛlata ne anu kɛ bɛ nee menli mɔɔ bɔ ɛbɛla mgbane mgbane la mmatu.

2 Kɔl 10:6

Na saa akee bɛkile kɛ bɛva bɛ nwo bɛmaa Kelaese bɔkɔɔ a, yɛadua awie biala mɔɔ anwo yɛ se la kakɛ wɔ ye nyɛleɛ nwo.

2 Kɔl 2:9

Mengɛlɛle bɛ kɛlata ɛhendeɛ ne, amaa ɔlua zo meanwu kɛ bɛzile bɛgyinlanle sɔnea ne anloa la, na eza meanlea kɛ saa dahuu bɛdi me ngilehilelɛ ne mɔ azo a.

2 Kɔl 7:15

Yemɔti ɔlɛ bɛ nwo ɛhulolɛ kpole, na ɔkakye bɛ muala bɛ tieyɛ nee kɛ bɛzile bɛvale ɛzulolɛ nee anwowozolɛ bɛyɛle ye akɔaba la.

Mɛla 16:12

Bɛhakye kɛ ɛnee bɛle ahanra wɔ Yigyibiti na bɛnlea boɛ bɛli mɛla ɛhye mɔ azo.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:12

Zɔhane ati ayi mɔ, kɛmɔ bɛlile me edwɛkɛ zo wɔ mekɛ mɔɔ ɛnee me nee bɛ de la, ɔhyia ɛsesebɛ kɛ akee bɛkɛyɛ ye zɔhane kɛkala mɔɔ me nee bɛ ɛnde la. Bɛva ɛzulolɛ nee anwowozolɛ bɛli bɛ ngoanelielɛ ne anwo gyima bɛhɔ awieleɛ,

Kɔlɔ 4:16

Saa bɛkenga kɛlata ɛhye bɛwie a, bɛnlea bɛmaa bɛgenga ye wɔ Lawɔdesiama asɔne ne anu noko. Eza anrɛɛ bɛgenga kɛlata mɔɔ vi Lawɔdesia kɛra la.

1 Tɛs 4:8

Zɔhane ati, mɔɔ kɛkpo ngilehilelɛ ɛhye la ɛmkpo sonla, na yekpo Nyamenle ne mɔɔ ɛva ye Sunsum Nwuanzanwuanza ne ɛmaa bɛ la.

2 Tɛs 3:6

Mediema, yɛlua Awulae Gyisɛse Kelaese duma nu, yɛka yɛahile bɛ kɛ bɛhwe bɛ nwo bɛvi mediema mɔɔ ɛlɛyɛ mgbovonle na bɛngulo kɛ bɛdi folɛ mɔɔ yɛdule bɛ la azo la anwo.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:8

Fa ɛdendɛlɛ kpalɛ mɔɔ menli ɛnrɛha nwolɛ edwɛkɛ la kilehile, amaa wɔ agbɔvolɛ asa aha bɛ gye nu, na bɛannyia edwɛkɛ ɛtane bɛanga wɔ yɛ nwo.

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:10

Sonla mɔɔ fa mgbakyemgbakye ara la, bɔ ye kɔkɔ fane kɛyɛ nwiɔ, na gyakyi ye maa ɔva ɔ nwo.

Pɔɔlo Kɛlata mɔɔ ɔhɛlɛle ɔhɔmanle Faelimɔn la 1:21

Melɛkɛlɛ kɛlata ɛhye, ɔluakɛ medie medi kɛ ɛkɛyɛ mɔɔ melɛbiza la. Nɔhalɛ, meze kɛ ɛkola ɛyɛ ɛmaa ɔbo zolɛ.

Kɛlata mɔɔ bɛhɛlɛle bɛhɔmanle Hibuluma la 13:17

Bɛdie bɛ mgbanyima ne mɔ na bɛli bɛ mɛla zo. Mgbanyima zɛhae mɔ a dahuu nea bɛ ɛkɛla zo a, ɔboalekɛ bɛbabu bɛ gyima nwo mgbonda bɛahile Nyamenle. Saa bɛtie bɛ nloa edwɛkɛ a, bɛdabɛ noko bɛbava fɛlɛkolilɛ bɛayɛ bɛ gyima. Saa tɛ ye zɔhane ɛdeɛ a, bɛbava nyanelilɛ a bɛayɛ a, na ɛhye noko ɛnrɛboa bɛ kpalɛ biala.

2 Dw 1:10

Saa awie ba bɛ ɛkɛ ne na ɔngilehile mɔɔ Kelaese hilehilele la a, bɛmmadie ye bɛkɔ bɛ azua nu; bɛmmayɛ ye akoaba bɔbɔ.