2 Tɛs 3:12 - BAEBOLO ANZƐƐ BULUKU NWUANZANWUANZA

¹² Yɛka yɛahile menli mɔɔ le zɛhae la kɛ yɛlua Awulae Gyisɛse Kelaese duma nu, yɛbɔ bɛ kɔkɔ anzɛɛ yɛkakye bɛ kɛ, bɛbɔ ɛbɛla mɔɔ maa anzonudwolɛ la na bɛyɛ gyima mɔɔ kɛmaa bɛ sa kɛhɔ bɛ nloa dahuu la.

2 Tɛs 3:12 ပူးပေါင်းရင်းမြစ်များ

Mrɛlɛbulɛ Buluku ne 17:1

Ɔle kpalɛ kɛ sonla kɛli mgbosawe na ɔ nzo nu kɛdwo ye tɛla kɛ ɔkɛli ye sosɔɔ wɔ awuke mɔɔ nuhua le konle ngome la anu.

Nolo 4:6

Ɔle kpalɛ kɛ ɛkɛnyia ekyi na ɛkɛnyia anzonudwolɛ tɛla kɛ ɛkɛva ɛ sa nwiɔ ɛkɛhu ɛ nwo ɛvɛlɛ na ɛkɛpele kɛ ɛkye anwoma.

Edwɛkpa ne kɛmɔ Luku hɛlɛle la 11:3

Maa yɛ kenle biala yɛ dahuu aleɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:28

Mɔɔ le awule la ɛgyakyi ye awule ne na ɔyɛ gyima, amaa yeanyia bie yeanlea ɔ nwo na eza yeanyia bie yeaboa bɛdabɛ mɔɔ bɛhyia la.

1 Tɛs 4:1

Awieleɛ ne, mediema, kɛmɔ bɛzukoale kɛ bɛkɛzi bɛkɛbɔ ɛbɛla kpalɛ mɔɔ sɔ Nyamenle anye la bɛvile yɛ ɛkɛ ne la, zɔhane ala yɛɛ bɛyɛ a. Na kɛkala yɛlua Awulae Gyisɛse duma nu yɛsɛlɛ bɛ kɛ bɛyɛ ye molozo.

1 Tɛs 4:11

Bɛva bɛzie bɛ nyunlu kɛ bɛkɛbɔ ɛbɛla mɔɔ le bɛtɛɛ a, bɛdwenle bɛ nwo na bɛbɔ ɛbɛla mɔɔ kɛmaa bɛkɛhola bɛ nwo nea a, kɛmɔ yɛhanle yɛhilele bɛ la.

2 Tɛs 3:8

Yɛanli awie biala debie mɔɔ yɛandua a. Yɛyɛle gyima, yɛhwinle yɛ ti anwo alehyenlɛ nee aledwolɛ, amaa yɛanyɛ kpomgbolo yɛamkpolo awie biala akɔme.

1 Tem 2:2

Yɛ nzɛlɛlɛ ne bie maa arelemgbunli nee menli mɔɔ tumi wɔ bɛ sa nu la amuala, amaa yɛ nwo adɔ yɛ na yɛanyia anzonudwolɛ yɛabɔ yɛ ɛbɛla, na yɛanyia adenle yɛazonle yɛ Nyamenle ne, yɛali ye eni, kɛmɔ ɔfɛta la.