2 Tɛs 2:8 - BAEBOLO ANZƐƐ BULUKU NWUANZANWUANZA

⁸ kolaa na akee Amumuyɛnli ne ara. Na saa Awulae Gyisɛse ba a, ɔbava ɔ nloa anu anwoma mgbane yeahu ye na yeava ɔ nyunlu ɛdalɛ wienyi kpole ne yeazɛkye ye bɔkɔɔ.

2 Tɛs 2:8 ပူးပေါင်းရင်းမြစ်များ

2 Sam 23:7

Sonla mɔɔ ɔsɔ bɛ nu la, kyesɛ ɔfa bulalɛ anzɛɛ atwɛ baka; bɛbayela bɛ bɔkɔɔ.

Dwobu Buluku ne 4:9

Nyamenle ɛnwomenle ɛgulɛ ku bɛ, na ye ɛya ne bɔ bɛ bo zo bɔkɔɔ.

Edwɛndolɛ Buluku ne 18:15

Nyevile bo azɛlɛ ne yele dɔle zo, ewiade adiabo ne mɔ anwo yele guale zo, wɔ mekɛ mɔɔ Ɛdɛnkɛma hwile kpɔvolɛma anyunlu, na ɔvale ɔ bonyi nu anwoma ɔkpanle bɛ nu la.

Ayezaya Buluku ne 11:4

Ɔbabua ehyianvolɛma ndɛne pɛlepɛle nu, na yeabua awienvolɛma ndɛne pɛpɛ; ɔbava ɔ nloa yeayɛ baka yeadea azɛlɛ ye azo ɛtanema, yeava ɔ nloa edwɛkɛ yeahu amumuyɛma.

Ayezaya Buluku ne 30:28

Ɔ bonyi nu anwoma le kɛ azuyilɛ mɔɔ li bɛ kɔme nu la. Ɔlɛ ye ɛzɛkyelɛ akegyebɛ ne ɔbahegye maanle maanle ne mɔ, na yeava nyɛma yeasosɔ bɛ nloa yeaminli bɛ.

Daneɛle Buluku ne 11:36

“Selea belemgbunli ne bayɛ debie biala mɔɔ ɔdaye ɔkulo la; ɔbamemaa ɔ nwo zo yeayɛ ɔ nwo kpole yeadɛla nyamenle biala, na yeaheha azibɛnwo edwɛkɛ yeatia nyamenle ne mɔ Nyamenle ne. Ɔbayɛ ɛhye yeahɔdwu mekɛ mɔɔ Nyamenle kɛhwe ɔ nzo la, ɔluakɛ ɔwɔ kɛ mɔɔ Nyamenle ɛhyehyɛ ɛdo ɛkɛ la yɛ zɔhane.

Daneɛle Buluku ne 7:25

Ɔbadendɛ ɛtane ɛtane yeatietia Anwuma Anwumanli ne na yeayɛ Anwuma Anwumanli ne menli ne mɔ kpɔdekpɔde. Ɔbamia ɔ nwo kɛ ɔkakyi nyamenlezonlenlɛ mɛla ne nee nuhua ɛvoyia mekɛ ne mɔ. Yemɔ yɛɛ Nyamenle menli ne bahɔ ɔ bo ɛvolɛ nsa siane nsia a.

Daneɛle Buluku ne 7:26

Na ndɛnebuavolɛ ne baradɛnla aze, abua ndɛne alie ye belemgbunlililɛ ne ɔ sa nu, na bɛabɔ ɔ bo zo bɔkɔɔ.

Daneɛle Buluku ne 8:25

Kɛmɔ ɔ nwo yɛ ɛvɛlɛ la ati, ɔbamaa adalɛ alie ebia wɔ ye mekɛ zo. Ɔ ti akunlu bayɛ ye fɛ yeamaa yeamemaa ɔ nwo zo. Ɔnrɛbɔ menli kɔkɔ na yeava konle yeadoa bɛ. Ɔbamia ɔ nwo bɔbɔ yeava konle yeadoa arelemgbunli Belemgbunli ne. Noko awie ɛnrɛva ɔ sa ɛnrɛha ye bɔbɔ na yeakpo aze.

Hozia Buluku ne 6:5

Yemɔti memaa me kpɔmanvolɛma ɛpɛ bɛ ɛgua. Meva me nloa edwɛkɛ mehu bɛ, yɛɛ me ndɛnebualɛ ne le wienyi;

Edwɛkpa ne kɛmɔ Mateyu hɛlɛle la 13:19

Saa awie te Belemgbunlililɛ ne anwo edwɛkɛ na yeande ɔ bo a, ɔle kɛ ma ne mɔɔ guale adenle ne anu la. Amumuyɛnli ne ba na ɔbaye mɔɔ bɛlua ye wɔ ye adwenle nu la ɔkɔ.

Edwɛkpa ne kɛmɔ Mateyu hɛlɛle la 13:38

ɛya ne a le ewiade; ma kpalɛ ne a le Belemgbunlililɛ ne amra; ndile ne a le Amumuyɛnli ne amra.

Edwɛkpa ne kɛmɔ Mateyu hɛlɛle la 16:27

Ɔluakɛ ɔnrɛhyɛ biala na medame Sonla Ra me nee me anwuma soanvolɛma yɛara, wɔ Egya anyunlunyia nu, na yɛaradua awie biala kakɛ kɛmɔ ye gyima de la.

Edwɛkpa ne kɛmɔ Mateyu hɛlɛle la 16:28

Bɛhakye ɛhye, menli bie gyigyi bɛ avinli ɛke mɔɔ bɛnrɛwu na bɛanwu Sonla Ra ne kɛ yera kɛ Belemgbunli la.”

1 Kɔl 1:28

Nyamenle kpale nu yele deɛ mɔɔ ewiade nea a ɔmbu ye bie na ɔfa ye kɛ ɔnle debie biala la kɛ ɔfa yeazɛkye deɛ mɔɔ ewiade dwenle kɛ ɔ nwo hyia la.

2 Tɛs 2:3

Bɛmmamaa awie biala bɛlɛbɛla bɛ wɔ adenle biala anu. Ɔluakɛ Kenle ne ɛnrɛra kyesɛ “Atuadelɛ” ɛra zolɛ kpalɛ na mɛladonlɛ ɛhakyi ɔ nwo “Amumuyɛnli” ne mɔɔ bɛbabua ye ewule fɔlɛ la ɛra.

1 Tem 6:14

di ngyehyɛlɛ ne azo na maa nwolɛ ɛde bɔkɔɔ ɔhɔkpula Kenle mɔɔ yɛ Awulae Gyisɛse Kelaese kɛra bieko la.

2 Tem 1:10

yɛɛ ɛnɛ bɛlua yɛ ngoanedievolɛ Kelaese Gyisɛse ɛralɛ ne ati bɛla ye ali a. Ɔpɛle ewule tumi ne anu na ɔluale Edwɛkpa ne azo ɔlale ngoane mɔɔ ɛnlɛ awieleɛ la ali ɔhilele yɛ.

2 Tem 4:1

Megyi Nyamenle nee Kelaese Gyisɛse mɔɔ babua anyewɔzo amra nee mɔwuamra ndɛne la anyunlu, meka ye ɛralɛ bieko nee ye belemgbunlililɛ ne na mese wɔ kɛ:

2 Tem 4:8

Na kɛkala konimlilɛ ahyɛlɛdeɛ ne, mɔɔ le fɔɔnwoma abɔtile ne, mɔɔ Awulae, Pɛlepɛle Ndɛnebuavolɛ ne bava amaa me wɔ Awulae Kenle ne la, wɔ ɛkɛ ne maa me, yɛɛ ɔnle ɛkɛ ɔmmaa me ngome, ɔwɔ ɛkɛ ne ɔmaa bɛdabɛ mɔɔ bɛlɛ ɛhulolɛ bɛlɛkendɛ ye ɛralɛ bieko la amuala.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:13

yɛva yɛhendɛ saleɛ Kenle ne mɔɔ yɛ nye la ye adenle wɔ melɛ mɔɔ yɛ Nyamenle bedevinli ne nee Ngoanedievolɛ Gyisɛse Kelaese bɛ anyunlunyia ne kɛra la.

Kɛlata mɔɔ bɛhɛlɛle bɛhɔmanle Hibuluma la 10:27

Ɛnee mɔɔ ɛha la a le kɛ yɛkɛva anwowozolɛ yɛkɛhendɛ Nyamenle Ndɛnebualɛ ne nee ye ɛya ne mɔɔ sɔ hulenyi kɛ senle mɔɔ bazɛkye bɛdabɛ mɔɔ bɛtia Nyamenle la.

1 Dw 2:13

Egya mɔ, melɛkɛlɛ bɛ, ɔboalekɛ bɛze sonla ne mɔɔ mɔlebɛbo ne ɛnee ɔwɔ ɛkɛ ne la. Mgbavolɛ, melɛkɛlɛ bɛ, ɔboalekɛ bɛli Abɔnsam anwo zo konim. Me mra ngakula, melɛkɛlɛ bɛ, ɔboalekɛ bɛze Selɛ ne.

1 Dw 3:12

Ɔnle kɛ yɛyɛ kɛ Keen mɔɔ le Abɔnsam ara, mɔɔ hunle ɔ diema ne la. Na duzu ati a ɔhunle ye a? Ɔhunle ɔ diema ne, ɔluakɛ ɔdaye Keen ye nyɛleɛ ne mɔ ɛnle kpalɛ, na ɔ diema ne nyɛleɛ ne mɔ le fɔɔnwo.

1 Dw 5:18

Yɛze kɛ awie biala mɔɔ le Nyamenle ara la ɛnyɛ ɛtane, ɔluakɛ Nyamenle Ara ne fa ye sie gyɛlɛɛnye mɔɔ Abɔnsam ɛngola ɛnva ɔ sa ɛnga ye a.

Yekile 1:16

Ɔlɛ nwɔlɔra nsuu ɔ sa fema ne anu, yɛɛ dadeɛ anye nwiɔ mɔɔ yɛ nla kɛ wowole la zia ɔ nloa anu. Ɔ nyunlu maanle ne ta kɛ ewia henlema sɛnzɛne.

Yekile 13:5

Nane ne lile ɔ ti siane abulanla nee nwiɔ, na bɛmanle ye adenle bɛmanle ɔhehanle munzule edwɛkɛ ɛtane ɛtane ɔtietiale Nyamenle.

Yekile 19:15

Dadeɛ nlane zia ɔ nloa anu, na yemɔ yɛɛ ɔbava yeali maanle maanle kɔsɔɔti anwo zo konim a. Ɔbava tumi kpole yeazie bɛ, na yeahwihwi Nyamenle Bedevinli ne ɛya kpole ne mɔɔ wɔ ye nwanye melahyinli ne anu la yeagua.

Yekile 2:16

Yemɔti nu ɛ nwo! Saa wɔannu ɛ nwo a ɔnrɛhyɛ biala, mebara ɛ nwo lɔ, na meava dadeɛ ne mɔɔ zia me nloa anu la me nee menli zɔhane mɔ araho.

Yekile 20:10

Na bɛvuandinle Abɔnsam ne mɔɔ rabɛlɛbɛlale bɛ la bɛdole sendɔlɔra nee sɔlefa tandane ne mɔɔ bɛguale nane ne nee ye kpɔmanvolɛ alane ne nu la anu; na bɛbahile bɛ nyane alehyenlɛ nee aledwolɛ mekɛ mɔɔ ɛnlɛ awieleɛ.