2 Tɛs 2:4 - BAEBOLO ANZƐƐ BULUKU NWUANZANWUANZA

⁴ Saa ɔba a ɔbatia debie biala nee nyamenle biala mɔɔ menli sonle la. Ɔbavo yeagyinlegyinla bɛ bati, yeahɔdɛnla aze wɔ Nyamenle Ɛzonlenlɛ Sua ne anu na yeavɛlɛ ɔ nwo kɛ ɔdaye a ɔle Nyamenle a.

2 Tɛs 2:4 ပူးပေါင်းရင်းမြစ်များ

Ayezaya Buluku ne 31:3

Yigyibitima le menli, bɛnle Nyamenle. Bɛ mgbɔnwɔ ne mɔ lɛ nwonane, bɛnle sunsum. Saa Ɛdɛnkɛma tenrɛ ɔ sa a, boavolɛ ne nee mɔɔ bɛboa ye la amuala badu agua, na bɛ muala bɛ bo zo baminli.

Yizikeɛle Buluku ne 28:2

Ɔse, “Sonla ra, ka kile Taya belemgbunli ne kɛ, medame Awulae Nyamenle mese: Kɛmɔ ɛtu ɛ nwo la ati, wɔha mgbole kɛ, ‘Medame, mele nyamenle, mede nyamenle ne mɔ kɔsɔɔti ebia nu, wɔ nyevile kunlu nehane,’ noko ɛle sonla, ɛnle nyamenle. Ɛyɛ ɛ nwo kɛ ɛze nrɛlɛbɛ kɛ nyamenle bie,

Yizikeɛle Buluku ne 28:6

“Yemɔti kɛ medame, Awulae Nyamenle mese la ɛne: Kɛmɔ wɔyɛ ɛ nwo kɛ ɛze nrɛlɛbɛ kɛ nyamenle bie la ati,

Yizikeɛle Buluku ne 28:9

Asoo ɛbaha kɛ, ‘Mele nyamenle,’ wɔ menli mɔɔ ɛlɛku wɔ la anyunlu? Ɛle sonla, ɛnle nyamenle wɔ menli mɔɔ ɛlɛbodɛboda wɔ la asa anu.

Daneɛle Buluku ne 11:36

“Selea belemgbunli ne bayɛ debie biala mɔɔ ɔdaye ɔkulo la; ɔbamemaa ɔ nwo zo yeayɛ ɔ nwo kpole yeadɛla nyamenle biala, na yeaheha azibɛnwo edwɛkɛ yeatia nyamenle ne mɔ Nyamenle ne. Ɔbayɛ ɛhye yeahɔdwu mekɛ mɔɔ Nyamenle kɛhwe ɔ nzo la, ɔluakɛ ɔwɔ kɛ mɔɔ Nyamenle ɛhyehyɛ ɛdo ɛkɛ la yɛ zɔhane.

Daneɛle Buluku ne 11:45

Ɔbazi ye arelemgbunli ndanlɛ azua ne mɔ wɔ nyevile ne nee boka ne mɔɔ Ɛzonlenlɛ Sua ne gyi zolɛ la avinli, noko ɔbawu; ɔnrɛnyia awie ɛnrɛboa ye.”

Daneɛle Buluku ne 7:25

Ɔbadendɛ ɛtane ɛtane yeatietia Anwuma Anwumanli ne na yeayɛ Anwuma Anwumanli ne menli ne mɔ kpɔdekpɔde. Ɔbamia ɔ nwo kɛ ɔkakyi nyamenlezonlenlɛ mɛla ne nee nuhua ɛvoyia mekɛ ne mɔ. Yemɔ yɛɛ Nyamenle menli ne bahɔ ɔ bo ɛvolɛ nsa siane nsia a.

Daneɛle Buluku ne 7:8

Mɔɔ melɛnea mɛne ne mɔ kpalɛ la, menwunle kɛ mɛne ekyi bie ɛlɛfinde alumua mɛne ɛdeɛ ne mɔ avinli. Ɔdudule alumua mɛne ne mɔ nsa ɔguale. Na nea, mɛne ɛhye lɛ ɛnyelɛ nee ɛnloanlɛ kɛ sonla la na ɔlɛka mgbole.

Ɛzoanvolɛma Gyima ne 17:23

Mekpɔsa suakpole ye azo dɔɔnwo, na mɔɔ menwu ye la a le kɛ ɛleka biala mɔɔ bɛsonle la ɛdɛneyelɛ ninyɛne wɔ ɛkɛ ne, yɛɛ eza bɛlɛ azubɔlɛ mokyea ko mɔɔ bɛhɛlɛ nwolɛ ‘Ɛhye le Nyamenle ne mɔɔ yɛnze ye la ɛdeɛ’ la wɔ ɛkɛ. Na mɔɔ bɛsonle ye, noko bɛnze ye la, yemɔ yɛɛ mebaha ɔ nwo edwɛkɛ meahile bɛ kɛkala la.

1 Kɔl 8:5

Na saa bɔbɔ nyamenle bie mɔ wɔ anwuma anzɛɛ azɛlɛ ye azo, kɛmɔ nɔhalɛ “nyamenle nee awulae mɔ” bie dɔɔnwo wɔ ɛkɛ ne la,