2 Tɛs 2:2 - BAEBOLO ANZƐƐ BULUKU NWUANZANWUANZA

² bɛmmamaa bɛ adwenle yɛ bɛ kpomgbondee anzɛɛ bɛmmadi nyane wɔ nwolɛ na bɛdwenle kɛ asɛɛ Awulae Kenle zɔhane ɛraze dɛbadɛba. Ɔkɛyɛ kɛ bekezɛ ɔvindele Sunsum nu edwɛkɛ bie anu anzɛɛ Nyamenle Edwɛkɛ ne nolobɔlɛ nu, anzɛɛ yɛhɛlɛ ye wɔ yɛ ngɛlata mɔɔ yɛva yɛrɛlɛ bɛ la bie anu.

2 Tɛs 2:2 ပူးပေါင်းရင်းမြစ်များ

Ayezaya Buluku ne 26:3

Sonla mɔɔ ye adwenle gyi ɛ nwo zo la, ɛmaa ye anzonudwolɛ mɔɔ di munli, ɔboalekɛ ɔ rɛle wɔ wɔ nu.

Ayezaya Buluku ne 7:2

Mɔɔ bɛhanle bɛhilele Devidi sua nu amra kɛ ɛlɔnema vi Selea ɛraboka Yifelaem anwo la, Ehaze nee ye menli ne kɔsɔɔti ahonle dule na bɛ nwo wozole bɛ kɛ ɛbɔ nu mbaka mɔɔ anwoma ɛlɛbɔ nu la.

Maeka Buluku ne 2:11

Saa awie duolua nuhua aheha mgbane mgbane, abɔ adalɛ kɛ, “Mebabɔ nwanye nee nza ɛsesebɛ nwo nolo meahile bɛ” a, anrɛɛ yemɔ a ɔkɛyɛ nolobɔvo kpalɛ ɔkɛmaa menli ɛhye mɔ a.

Edwɛkpa ne kɛmɔ Mateyu hɛlɛle la 24:24

Ɔluakɛ Mɛzayama adalɛ nee Nyamenle kpɔmanvolɛma alane dɔɔnwo bara; bɛbayɛ nwanwane ninyɛne mgbole mɔɔ yɛ ɛzulolɛ la dɔɔnwo, na saa bɛyɛ na ɔkɛyɛ boɛ a, bɛava bɛabɛlɛbɛla Nyamenle menli ne mɔɔ di munli bɔbɔ la na bɛaminli menli dɔɔnwo diedi.

Edwɛkpa ne kɛmɔ Maake hɛlɛle la 13:7

Noko saa konle si na ɔbikye bɛ, anzɛɛ bɛte kɛ konle ɛzi moa moa maanle bie anu a, bɛmmamaa bɛ ahonle tu. Ninyɛne ɛhye mɔ bazi, noko ɛnee awieleɛ ne ɛtɛdwule ɛkɛ.

Edwɛkpa ne kɛmɔ Luku hɛlɛle la 21:19

Bɛgyinla kpundii, na bɛkɛnyia ngoane.”

Edwɛkpa ne kɛmɔ Luku hɛlɛle la 21:9

Saa bɛte konle nee nzakadolɛ nganeɛ a, bɛmmasulo; ɔwɔ kɛ ninyɛne ɛhye mɔ dumua sisi, na bɛngile kɛ awieleɛ ne ɛbikye.”

Dw 14:1

Gyisɛse zele bɛ kɛ, “Bɛmmamaa bɛ rɛle bɔ na bɛdi nyane. Bɛlie Nyamenle bɛli na bɛlie medame noko bɛli.

Dw 14:27

“Anzonudwolɛ a mefa megyakyi bɛ a; medame me anzonudwolɛ a mefa megyakyi bɛ a. Menva memmaa bɛ kɛmɔ ewiade fa maa la. Bɛmmamaa bɛ rɛle bɔ na bɛdi nyane; bɛmmasulo noko.

1 Kɔl 1:8

Kelaese ɔdaye ɔbamaa bɛagyinla kpundii bɛahɔ awieleɛ, amaa bɛanli fɔlɛ wɔ debie biala anu wɔ yɛ Awulae Gyisɛse Kelaese Kenle ne.

1 Kɔl 14:32

Mɔɔ ka Nyamenle nrɛlaleɛ la ɛzɔ ɔ nwo,

1 Kɔl 7:26

Saa menea kɛkala mekɛ ye anu anwongyelelɛ mɔɔ ɛra la a, ɛnee medwenle kɛ ɔle kpalɛ kɛ sonla biala kɛdɛnla, kɛmɔ ɔde ye ala la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:6

Bɛmmamaa awie fa adubɛnloanu bɛlɛbɛla bɛ; ɔboalekɛ ɔlua ninyɛne zɛhae mɔ ati yɛɛ Nyamenle ɛya ne ba menli mɔɔ ɛndie ye edwɛkɛ la anwo zo a.

1 Tɛs 3:3

amaa bɛ biala andoa nyane mɔɔ bɛlɛkile bɛ la ati yeamkpo aze. Bɛdabɛ bɛze ye wienyi kɛ ɔyɛ Nyamenle ɛhulolɛ kɛ bɛkɛhile yɛ abodelɛ ɛhye mɔ amuala.

1 Tɛs 4:15

Wɔ ɛhye anwo, yɛka mɔɔ Awulae ɔdaye ye ngilehilelɛ ne se la: yɛdayɛ mɔɔ saa ɔdwu Awulae ɛralɛ ne a ɛnee yɛtɛte ngoane nu la ɛnrɛlumua bɛdabɛ mɔɔ bɛwu la anyunlu.

1 Tɛs 5:2

Ɔluakɛ bɛdabɛ bɛze kɛ Awulae Kenle ne bara kɛ awule ba bawua nɔɔzo la.

2 Tɛs 2:15

Yemɔti mediema, bɛgyinla kpundii na bɛzɔ nɔhalɛ ne mɔɔ yɛha nwolɛ edwɛkɛ wɔ yɛ nolobɔlɛ nu nee ngɛlata zo yɛhile bɛ la anu ɛsesebɛ.

2 Tɛs 3:17

Medame Pɔɔlo, me sa anloa ɛ. Mebiza bɛ ahye. Kɛ medwula me kɛlata biala mɔɔ menwɔhɛlɛ la ɛne; kɛ mekɛlɛ ye ala la ɛne.

Yekile 19:20

Bɛhyele nane ne, nee ye kpɔmanvolɛ alane ne mɔɔ ɛlua ngonyiayelɛ zo ɛbɛlɛbɛla bɛdabɛ mɔɔ bɛlɛ nane ne nzonlɛ wɔ bɛ nwo nee bɛdabɛ mɔɔ bɛsonle ye ananze ne la. Bɛvuandinle bɛ mu nwiɔ anyewɔzo bɛguale sendɔlɔra tandane ne mɔɔ lɛ sɔlefa ɛlɛsɔ la anu.