2 Tɛs 2:13 - BAEBOLO ANZƐƐ BULUKU NWUANZANWUANZA

¹³ Nyamenle kulo bɛ, yemɔti mediema, ɔwɔ kɛ dahuu yɛyɛ Nyamenle mo wɔ bɛ ti. Ɔluakɛ mɔlebɛbo ne ala yɛɛ Nyamenle kpale nu yele bɛ kɛ bɛlie bɛ ngoane a, wɔ bɛ diedi mɔɔ wɔ nɔhalɛ ne anu nee Sunsum ne tumi ne mɔɔ ɛyɛ bɛ Nyamenle menli mɔɔ anwo te la ati.

2 Tɛs 2:13 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 1:1

Mɔlebɛbo ne Nyamenle bɔle anwuma nee aze.

2 Sam 12:25

na ɔmanle Nyamenle kpɔmanvolɛ Neetan hɔdonle ye duma Gyɛdedaya, ɔboalekɛ Ɛdɛnkɛma hulole ye.

Mrɛlɛbulɛ Buluku ne 8:23

Ɔbɔle me dɛbadɛba wɔ ɛvolɛ dɔɔnwo mɔɔ ɛze ɛhɔ, kolaa na ewiade abɔ ɔ bo.

Ayezaya Buluku ne 46:10

Medame a mɔlebɛbo ne menganle awieleɛ edwɛkɛ ne na mɔmoane menganle mɔɔ basisi la anwo bie menzele kɛ, ‘Mɔɔ meha la bagyinla ɛkɛ, yɛɛ mebayɛ mɔɔ mehyehyɛ la.’

Gyɛlɛmaya Buluku ne 31:3

mevi moa moa menvindele bɛ. Mehulo bɛ ɛhulolɛ mɔɔ ɛnlɛ awieleɛ la, yemɔti metɛdi nɔhalɛ metɛmaa bɛ.

Yizikeɛle Buluku ne 16:8

“Mɔɔ mese bɛ nwo ɛkɛ ne bieko na meneanle bɛ la, ɛnee yedwu mɔɔ bɛkulo bɛ a. Mengedale bɛ ndanlɛ na memkpale bɛ nyiane. Menyiale bɛ na me nee bɛ yɛle agyalɛ ngyekyeleɛ, na bɛyɛle medame Awulae Nyamenle, me ɛdeɛ.

Daneɛle Buluku ne 10:11

Na ɔzele me kɛ, “O Daneɛle mɔɔ Nyamenle kulo wɔ a, dwazo gyinla ɛ gyakɛ anu na tie mɔɔ melɛka meahile wɔ la, ɔboalekɛ bɛzoa me ɛ nwo ɛke.” Mɔɔ ɔ nloa wɔ zolɛ ɔlɛka edwɛkɛ ɛhye yeahile me la, mendwazole mengyinlanle; ɛnee me nwo tɛwozo me.

Daneɛle Buluku ne 10:19

Ɔzele me kɛ, “Ayi, Nyamenle kulo wɔ kpole, mmasulo. Anzonudwolɛ ɛha wɔ. Gyinla ɛ nwo na si ahonle.” Ɔhanle zɔhane la, akee menyianle anwosesebɛ na menganle kɛ, “Me menle, tendɛ, na kɛkala, wɔmaa menyia anwosesebɛ.”

Daneɛle Buluku ne 9:23

Ɛbɔle ɔ bo kɛ ɛyɛ wɔ modolɛ nzɛlɛlɛ ne ala la yɛɛ Nyamenle diele wɔ a, na mera kɛ mebaha meahile wɔ, ɔluakɛ ɔkulo wɔ kpole. Yemɔti tie na te wɔ ɛnyelɛzodeɛnwunlɛ ne abo.

Edwɛkpa ne kɛmɔ Luku hɛlɛle la 1:75

wɔ anwondelɛ nee fɔɔnwoyɛlɛ nu wɔ ɔ nyunlu wɔ mekɛ mɔɔ yɛde ngoane nu la.

Dw 1:1

Mekɛ mɔɔ bɛkabɔ ewiade la, ɛnee Edwɛkɛ ne wɔ ɛkɛ; Edwɛkɛ ne nee Nyamenle a wɔ ɛkɛ a, na Edwɛkɛ ne le Nyamenle.

Dw 14:6

Gyisɛse buale ye kɛ, “Mame a mele adenle ne, nɔhalɛ ne, nee ngoane ne a; awie biala ɛnrɛhola Selɛ ne ɛkɛ ne kɔ kyesɛ ɔdua me nwo zo.”

Ɛzoanvolɛma Gyima ne 13:48

Mɔɔ bɛdabɛ mɔɔ bɛnle Dwuuma la dele ɛhye la, bɛlile fɛlɛko na bɛyeyɛle Nyamenle wɔ ye edwɛkɛ ne anwo, na bɛ nuhua mɔɔ ɔwɔ kɛ Nyamenle maa bɛ ngoane mɔɔ ɛnlɛ awieleɛ la liele lile.

Ɛzoanvolɛma Gyima ne 15:9

Yeangile kɛ asolo yɛmɛ nee bɛmɛ. Ɔluale bɛ diedi zo yɛɛ ɔvale bɛ ɛtane ɔhyɛle bɛ a.

Wulo 6:17

Yɛyɛ Nyamenle mo, ɔluakɛ mekɛ bie, ɛnee bɛle ahanra bɛmaa ɛtane, na kɛmɔ bɛvale bɛ ahonle muala bɛyɛle tieyɛ bɛmanle nɔhalɛ ne mɔɔ bɛnwunle ye wɔ ngilehilelɛ mɔɔ bɛnyianle ye la anu la ati

Wulo 8:33

Nwane a kɛhola kɛdo Nyamenle menli ne mɔɔ yekpa nu yeye bɛ la ɛzonle a? Nyamenle ɔdaye yebua bɛ benle!

Wulo 9:11

Na amaa bɛ nuhua ko ɛvɛlɛlɛ ɛdeɛ ne ali munli, kɛmɔ Nyamenle hyehyɛle la, Nyamenle zele Relebɛka kɛ, “Kpanyinli ne bazonle kakula ne.” Ɔhanle ɛhye kolaa na bɛawo bɛ, na bɛanwu kpalɛ anzɛɛ ɛtane; ɛhye kile kɛ Nyamenle ɛvɛlɛlɛ ne gyi ye ɛhulolɛdeɛ zo na tɛ nyɛleɛ biala mɔɔ bɛyɛle la ati ɔ.

1 Kɔl 1:21

Ɔluakɛ Nyamenle luale ye nrɛlɛbɛ zo zile menli adenle, yeammaa bɛanlua bɛdabɛ bɛ nrɛlɛbɛ zo bɛannwu ye. Mɔɔ ɔyɛle la a le kɛ, Nyamenle luale mɔɔ bɛmɛ bɛse ɔle “koasea” edwɛkɛ yɛɛ yɛlɛbɔ ye nolo la azo bɔle kpɔkɛ kɛ ɔdie bɛdabɛ mɔɔ bɛdie bɛdi la ngoane.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:1

O Galeehyeama ahɔnwɔne! Nwane a ɛhye bɛ sili a? Asoo bɛngakye mɔɔ bɛhanle bɛhilele bɛ, mɔɔ fane kɛ ɔzile ɔyɛle mɔɔ bɛhunle Gyisɛse Kelaese wɔ meanubaka ne azo la?

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:8

Ɔluakɛ Nyamenle ɛlolɛ zo yɛɛ bɛ diedi ti yelie bɛ ngoane a.

Mɛla 33:12

Ɔhanle ɛhye wɔ Bɛngyaman abusua ekpunli ne anwo; “Ɛdɛnkɛma kulo abusua ekpunli ɛhye anu amra, ɔbɔ bɛ nwo bane, ɔsinza bɛ alehyenlɛ biala, na ɔde bɛ avinli.”

Kɔlɔ 1:5

ɔboalekɛ bɛlɛ anyelazo bie mɔɔ bɛ sa baha ye wɔ anwuma a. Anyelazo ɛhye a bɛdele nwolɛ edwɛkɛ alumua ne, wɔ mekɛ mɔɔ bɛvale Edwɛkpa ne bɛrɛlɛle bɛ la.

Kɔlɔ 3:12

Bɛle Nyamenle menli mɔɔ yehulo bɛ na yekpa nu yeye bɛ kɛ ɔdaye ye ɛdeɛ na bɛ nwo te a. Yemɔti bɛze anwunvɔne, bɛyɛ atiakunlukɛnlɛma, bɛbɛlɛ bɛ nwo aze, bɛyɛ bɛtɛɛ na bɛzi abotane wɔ debie biala anu.

1 Tɛs 1:4

Mediema, yɛze kɛ Nyamenle lɛ bɛ nwo ɛhulolɛ na yekpa nu yeye bɛ yemaa ɔ nwo.

1 Tɛs 2:12

Yɛzile yɛ ahonle, yɛkyekyele bɛ rɛle, na yɛhɔle zolɛ yɛmanle bɛ anwosesebɛ kɛ bɛbɔ ɛbɛla mɔɔ fɛta Nyamenle ne mɔɔ fɛlɛ bɛ kɛ bɛrɛla ye anyunlunyia Belemgbunlililɛ ne anu la.

1 Tɛs 4:7

Nyamenle anvɛlɛ yɛ kɛ yɛrabɔ ɛbɛla mgbane mgbane, ɔvɛlɛle yɛ kɛ yɛrayɛ menli mɔɔ anwo te a.

1 Tɛs 5:9

Nyamenle angyehyɛ kɛ yɛranwu amaneɛ wɔ ye ɛya ne anu. Yevɛlɛ yɛ kɛ yɛralua yɛ Awulae Gyisɛse Kelaese anwo zo yɛnyia ngoane.

2 Tɛs 1:3

Mediema, ɔwɔ kɛ yɛyɛ Nyamenle mo dahuu wɔ bɛ ti. Ɔle kpalɛ ɔmaa yɛ kɛ yɛkɛyɛ ye zɔhane, ɔboalekɛ bɛ diedi ɛlɛnyi, yɛɛ bɛ ɛhulolɛ mɔɔ bɛ nuhua ko biala lɛ ye wɔ ɔ gɔnwo mɔ diedima anwo la ɛlɛyɛ kpole.

2 Tɛs 2:10

na yeava adalɛ nee amumuyɛ adenle zo yeahwe bɛdabɛ mɔɔ ɔwɔ kɛ bɛminli la. Menli ɛhye mɔ baminli, ɔluakɛ bɛangulo nɔhalɛ ne mɔɔ kɛlie bɛ ngoane la.

2 Tɛs 2:12

Ye awieleɛ a le kɛ, bɛbazɛkye bɛdabɛ mɔɔ bɛanlie nɔhalɛ ne bɛanli na bɛ nye die ɛtane nwo la amuala.

2 Tɛs 2:16

Yɛ Awulae Gyisɛse Kelaese mumua ne nee yɛ Ze Nyamenle ne, mɔɔ hulole yɛ na ye ɛlolɛ ti yemaa yɛ anwosesebɛ mɔɔ ɛnlɛ awieleɛ nee anyelazo kpalɛ la,

2 Tem 1:9

Ɔliele yɛ ngoane na ɔvɛlɛle yɛ kɛ yɛrayɛ ye menli, tɛ yɛ gyima mɔɔ yɛyɛ la ati ɔ, na ɔlua ɔdaye ye bodane nee ye ɛlolɛ ti. Ɔluale Kelaese Gyisɛse anwo zo ɔvale ɛlolɛ ɛhye ɔmanle yɛ ɔvi aloamɔleɛ,

2 Tem 2:15

Bɔ mɔdenle ɛsesebɛ kɛ ɛkɛzɔ Nyamenle anye, kɛ gyimayɛvolɛ mɔɔ ɛnze ye gyima nwo nyiane na ɔkilehile Nyamenle nɔhalɛ edwɛkɛ ne kpalɛ la.

2 Tem 3:15

yɛɛ ɛkakye kɛ sumunli wɔ ngakula nu yɛɛ ɛzukoale Nyamenle Edwɛkɛ ne mɔɔ maa wɔ nrɛlɛbɛ mɔɔ saa ɛdie Kelaese Gyisɛse ɛdi a, ɔkola ɔmaa wɔ ngoanelielɛ la.

Kɛlata mɔɔ bɛhɛlɛle bɛhɔmanle Hibuluma la 1:10

Eza ɔhanle kɛ, “Awulae, wɔmɔ yɛɛ mɔlebɛbo ne ɛbɔle ewiade a, yɛɛ ɛ sa anloa gyima a le anwumaneamra.

Gyemise Kɛlata ne 1:18

Ɔdaye ye ɛhulolɛ zo yɛɛ ɔluale nɔhalɛ edwɛkɛ ne azo ɔwole yɛ a, amaa yɛayɛ ye abɔdeɛ nu alumuama.

1 Dw 4:10

Ɛhulolɛ kɛ de la ɛne: tɛ yɛmɛ a yɛhulole Nyamenle a, yemɔ a ɔhulole yɛ na ɔzoanle ɔ Ra ne kɛ ɔrayɛ yɛ ɛtane ne mɔ anwo mgbɔdalɛdeɛ, amaa ɔlua ɔ nwo zo bɛava yɛ ɛtane ne mɔ bɛahyɛ yɛ.

1 Dw 4:19

Yɛkulo Nyamenle, ɔboalekɛ ɔlumuale ɔhulole yɛ.