2 Tɛs 2:12 - BAEBOLO ANZƐƐ BULUKU NWUANZANWUANZA

¹² Ye awieleɛ a le kɛ, bɛbazɛkye bɛdabɛ mɔɔ bɛanlie nɔhalɛ ne bɛanli na bɛ nye die ɛtane nwo la amuala.

2 Tɛs 2:12 ပူးပေါင်းရင်းမြစ်များ

Edwɛndolɛ Buluku ne 11:5

Ɛdɛnkɛma sɔ kpalɛma nee amumuyɛma nea, na ɔkyi mɔɔ kulo konle konle la.

Hozia Buluku ne 7:3

Ɛdɛnkɛma se, “Menli fa bɛ maamɔlɛ adwenle ne bɛlɛbɛla belemgbunli nee ye mgbanyima ne mɔ.

Maeka Buluku ne 3:2

Noko bɛmɛ, bɛkyi kpalɛ na bɛkulo ɛtane; bɛye me menli ne nwoma na bɛye bɛ nwonane bɛfi bɛ mbowule nwo.

Edwɛkpa ne kɛmɔ Maake hɛlɛle la 14:11

Ɛhye yɛle sɛlɛvolɛ mgbanyinli ne mɔ fɛ kpole, na bɛbɔle ye ɛwɔkɛ kɛ bɛkɛmaa ye nwolɛ ezukoa. Na ɔvi mekɛ ne anu Dwudase bɔle ɔ bo kɛ ɔkpondɛ adenle yealua zolɛ yeaye Gyisɛse yeamaa.

Edwɛkpa ne kɛmɔ Maake hɛlɛle la 16:16

Awie biala mɔɔ kɛlie kɛli na bɛkɛzɔne ye la kɛnyia ngoane; na mɔɔ anlie anli la, bɛkɛbu ye ewule fɔlɛ.

Dw 3:36

Awie biala mɔɔ die Ralɛ ne di la lɛ ngoane mɔɔ ɛnlɛ awieleɛ, na mɔɔ kɛkpo kɛ ɔnrɛlie Ralɛ ne ɔnrɛli la ɛnrɛnyia ngoane mɔɔ ɛnlɛ awieleɛ la ɛlɛ, Nyamenle ndeanlɛ ne wɔ ɔ nwo zo dahuu.

Wulo 1:32

Bɛze noko kɛ Nyamenle mɛla ne kile kɛ bɛdabɛ mɔɔ bɛbɔ ɛbɛla zɛhae mɔ la fɛta ewule, noko bɛyɛ, yɛɛ bɛsi awie mɔ adua bɛmaa bɛyɛ bie.

Wulo 12:9

Bɛmaa bɛ ɛhulolɛ ɛyɛ nɔhalɛ ɛhulolɛ; bɛhyi mɔɔ le ɛtane la na bɛzɔ mɔɔ le kpalɛ la anu.

Wulo 2:8

Bie mɔ noko le angomedi, bɛkpo mɔɔ le nɔhalɛ la na bɛdi ɛtane nzi. Bɛ nwo zo yɛɛ Nyamenle bawola ye ɛya kpole ne agua a.

1 Kɔl 13:6

ɛhulolɛ anye ɛnlie ninyɛndane nwo, ɔdi fɛlɛko wɔ mɔɔ le nɔhalɛ la anwo.

Mɛla 32:35

Mekɛ mɔɔ bɛ gyakɛ kɛhoati la, medame a mebali nzenralɛ na meadua kakɛ a. Bɛ anwubɛnyunlu mekɛ ɛdwu, na bɛ awieleɛ ɛbikye.

1 Tɛs 5:9

Nyamenle angyehyɛ kɛ yɛranwu amaneɛ wɔ ye ɛya ne anu. Yevɛlɛ yɛ kɛ yɛralua yɛ Awulae Gyisɛse Kelaese anwo zo yɛnyia ngoane.

2 Tɛs 2:10

na yeava adalɛ nee amumuyɛ adenle zo yeahwe bɛdabɛ mɔɔ ɔwɔ kɛ bɛminli la. Menli ɛhye mɔ baminli, ɔluakɛ bɛangulo nɔhalɛ ne mɔɔ kɛlie bɛ ngoane la.

2 Pit 2:3

Bɛ anyebolo ti, kilehilevolɛma alane ɛhye mɔ bava adalɛ edwɛkɛ abɛlɛbɛla bɛ anyia bɛ nwo zo nvasoɛ. Bɛbua bɛ ndɛne dɛbadɛba, na ɔla ɛkɛ ɔlɛkendɛ bɛ. Ahenle mɔɔ bazɛkye bɛ la ɛtɛdafele.

3 Dw 1:11

Ayi, mmasukoa ɛyɛ mɔɔ le ɛtane la, sukoa yɛ mɔɔ le kpalɛ la. Awie biala mɔɔ yɛ mɔɔ le kpalɛ la le Nyamenle ɛdeɛ, yɛɛ awie biala mɔɔ di ɛtane la ɛtɛnwunle Nyamenle.