2 Tɛs 2:1 - BAEBOLO ANZƐƐ BULUKU NWUANZANWUANZA

¹ Mediema, mɔɔ fane yɛ Awulae Gyisɛse Kelaese ɛralɛ ne nee yɛ nloa mɔɔ bɛbahuohua na yɛ nee ye ahɔyia la anwo, mesɛlɛ bɛ,

2 Tɛs 2:1 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 49:10

Belemgbunlililɛ ɛnrɛvi Dwuda sua nu, Yɛɛ mɛlalilɛma ɛnrɛkpa ye belemgbunli ebia bo, Kɔkpula kɛ ɔkɛdwu mɔɔ lɛ ye la ɛkɛ ne. Maanle maanle kɔsɔɔti badie ye.

Edwɛkpa ne kɛmɔ Mateyu hɛlɛle la 16:27

Ɔluakɛ ɔnrɛhyɛ biala na medame Sonla Ra me nee me anwuma soanvolɛma yɛara, wɔ Egya anyunlunyia nu, na yɛaradua awie biala kakɛ kɛmɔ ye gyima de la.

Edwɛkpa ne kɛmɔ Mateyu hɛlɛle la 16:28

Bɛhakye ɛhye, menli bie gyigyi bɛ avinli ɛke mɔɔ bɛnrɛwu na bɛanwu Sonla Ra ne kɛ yera kɛ Belemgbunli la.”

Edwɛkpa ne kɛmɔ Mateyu hɛlɛle la 24:31

Bɛbabɔ aweɛne kpole ne anu, na mebamaa me soanvolɛma ahɔ ewiade muleɛ ne amuala azo, bɛahɔhuohua Nyamenle menli ne mɔɔ yekpa nu yeye bɛ la anloa, ɔvi ewiade ye ati yeahɔdwu ɔ bo.

Edwɛkpa ne kɛmɔ Mateyu hɛlɛle la 25:32

na meaboɔboa aleɛabo amra amuala anloa wɔ me nyunlu ɛkɛ ne. Na mebahyɛ bɛ nuhua nwiɔ, kɛmɔ mboaneneavolɛ ye mboane fi mbɔnkye avinli la.

Edwɛkpa ne kɛmɔ Maake hɛlɛle la 13:27

Mebamaa anwuma soanvolɛma ahɔ ewiade muleɛ ne amuala azo ahɔhuohua Nyamenle menli ne mɔɔ yekpa nu yeye bɛ la anloa, ɔvi ewiade ye ati yeahɔkpula ɔ bo.

Wulo 12:1

Zɔhane ati me mediema, Nyamenle anwunvɔnezelɛ bebelebe ne mɔɔ ɔse yɛ la ati, mesɛlɛ bɛ, bɛva bɛ sonlabaka ne mɔ bɛbɔ azu mɔɔ anwo te na ɔsɔ ɛnyelɛ la bɛmaa Nyamenle. Ɛhye a le sunsum nu ɛzonlenlɛ kpalɛ mɔɔ ɔwɔ kɛ bɛfa bɛsonle ye a.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:10

Ngyehyɛlɛ ɛhye, mɔɔ ye mekɛ dwu a Nyamenle bamaa yeali munli la a le kɛ, ɔkuohua abɔdeɛ muala mɔɔ wɔ anwuma nee aze la anloa, na yeava Kelaese yeazie bɛ ti.

1 Tɛs 2:19

Na ɛnee yɛ anyelazo, yɛ anyelielɛ anzɛɛ abɔtile mɔɔ yɛfa yɛtu yɛ nloa anu wɔ mekɛ mɔɔ yɛ Awulae kɛra la a le boni? Tɛ yemɔ a le bɛdabɛ ɔ?

1 Tɛs 3:13

Zɛhae adenle zo yɛɛ ɔbamaa bɛ nwo ayɛ se, na bɛali munli, bɛ nwo ade wɔ yɛ Nyamenle Selɛ ne anyunlu, wɔ mekɛ mɔɔ yɛ Awulae Gyisɛse nee bɛdabɛ mɔɔ bɛle ye ɛdeɛ la kɛra la a. ɛra la a.

1 Tɛs 4:1

Awieleɛ ne, mediema, kɛmɔ bɛzukoale kɛ bɛkɛzi bɛkɛbɔ ɛbɛla kpalɛ mɔɔ sɔ Nyamenle anye la bɛvile yɛ ɛkɛ ne la, zɔhane ala yɛɛ bɛyɛ a. Na kɛkala yɛlua Awulae Gyisɛse duma nu yɛsɛlɛ bɛ kɛ bɛyɛ ye molozo.

2 Tɛs 1:3

Mediema, ɔwɔ kɛ yɛyɛ Nyamenle mo dahuu wɔ bɛ ti. Ɔle kpalɛ ɔmaa yɛ kɛ yɛkɛyɛ ye zɔhane, ɔboalekɛ bɛ diedi ɛlɛnyi, yɛɛ bɛ ɛhulolɛ mɔɔ bɛ nuhua ko biala lɛ ye wɔ ɔ gɔnwo mɔ diedima anwo la ɛlɛyɛ kpole.

2 Tem 4:1

Megyi Nyamenle nee Kelaese Gyisɛse mɔɔ babua anyewɔzo amra nee mɔwuamra ndɛne la anyunlu, meka ye ɛralɛ bieko nee ye belemgbunlililɛ ne na mese wɔ kɛ: