2 Tɛs 1:7 - BAEBOLO ANZƐƐ BULUKU NWUANZANWUANZA

⁷ yeaye nyane mɔɔ bɛlɛnwu ye la bɛ kɔme zo, na nwolɛ nyilalɛ ne bie aha yɛdayɛ noko. Ɔbayɛ ɛhye wɔ mekɛ mɔɔ Awulae Gyisɛse vi anwuma, ɔ nee ye soanvolɛma mɔɔ lɛ tumi la lua sendɔlɔra nu kɛra

2 Tɛs 1:7 ပူးပေါင်းရင်းမြစ်များ

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 19:18

Na esike hedale Boka Saenae azo, ɔboalekɛ Ɛdɛnkɛma dwule zo kɛ senle la, na esike ne hɔle anwuma kɛ fonlomo esike la, na boka mumua ne kpusule kpole bie.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 3:2

Na Ɛdɛnkɛma soanvolɛ yɛle kɛ senle mɔɔ ɛlɛsɔ la na ɔyele ɔ nwo ɔhilele ye wɔ kpɔkɛ ne anu. Ɔnleanle, na ɔnwunle kɛ kpɔkɛ ne ɛlɛsɔ, noko ɔnyela.

Ayezaya Buluku ne 57:2

Bɛdabɛ mɔɔ bɛdi boɛ la da die bɛ ɛnwomenle wɔ bɛ ɛkpa zo.

Ayezaya Buluku ne 66:15

Ɔluakɛ bɛnlea, Ɛdɛnkɛma balua senle nu a ara a, yɛɛ ye konle ehwili ne mɔ bara kɛ ahumu, bɛbava ɛya kpole bɛava senle bɛadea menli mɔɔ di fɔlɛ la.

Yizikeɛle Buluku ne 1:13

Wɔ tease abɔdeɛ nna ne mɔ avinli, debie bie mɔɔ ɛdɔlɔ guaanye kɛ senle samɛnlankɛ, na ɔle kɛ tɛkɛ mɔɔ ɛlɛsɔ la wɔ ɛkɛ, na ɔsɔ ɔkpɔsa tease abɔdeɛ ne mɔ anu. Ye senle ne ta kpole kpalɛ, yɛɛ ɛsɛnlɛmanye kpakye fi nuhua finde.

Daneɛle Buluku ne 7:9

“Meneanle la, menwunle kɛ bɛva arelemgbunli mbia bɛraziezie ɛkɛ. Sonla ne mɔɔ ɔvi tete ɛnee ɔwɔ ɛkɛ ne la radɛnlanle aze. Ye tɛladeɛ ne le nwohyee kɛ ezukɔtweaba, yɛɛ ɔ ti enrinli le kɛ boane enrinli. Ye ebia ne le kɛ senle mɔɔ ɛlɛsɔ gbolamgbolam la, yɛɛ ebia ne agyakɛ ehwili ne mɔ le senle.

Edwɛkpa ne kɛmɔ Mateyu hɛlɛle la 16:27

Ɔluakɛ ɔnrɛhyɛ biala na medame Sonla Ra me nee me anwuma soanvolɛma yɛara, wɔ Egya anyunlunyia nu, na yɛaradua awie biala kakɛ kɛmɔ ye gyima de la.

Edwɛkpa ne kɛmɔ Mateyu hɛlɛle la 16:28

Bɛhakye ɛhye, menli bie gyigyi bɛ avinli ɛke mɔɔ bɛnrɛwu na bɛanwu Sonla Ra ne kɛ yera kɛ Belemgbunli la.”

Edwɛkpa ne kɛmɔ Mateyu hɛlɛle la 25:31

“Mekɛ mɔɔ medame Sonla Ra, menwɔra kɛ Belemgbunli, mɔɔ ɛnee me soanvolɛma ne amuala wɔ me nwo ɛkɛ ne la, mebadɛnla me anyunlunyia belemgbunli ebia ne anu,

Edwɛkpa ne kɛmɔ Mateyu hɛlɛle la 25:41

“Akee mebaze bɛdabɛ mɔɔ bɛwɔ me sa bɛne zo la kɛ, ‘Bɛvi me nwo ɛke bɛhɔ, munzule menli! Bɛhɔ senle ne mɔɔ ɛnnu ɛlɛ, mɔɔ ɔvi ewiade abobɔlɛ bɛhua bɛmaa Abɔnsam nee ye soanvolɛma la anu!

Edwɛkpa ne kɛmɔ Mateyu hɛlɛle la 26:64

Gyisɛse buale kɛ, “Yemɔ ala a wɔha la. Na meka meahile bɛ muala kɛ, ɔvi mekɛ ɛhye mɔɔ kɔ la bɛbanwu medame Sonla Ra, kɛ mede Tumivolɛ Nyamenle ne asa fema zo, na melua amungu nu melɛba bieko.”

Edwɛkpa ne kɛmɔ Maake hɛlɛle la 14:62

Gyisɛse buale ye kɛ, “Medame ɛne! Akee bɛ muala bɛbanwu medame, Sonla Ra, kɛ mede Tumivolɛ Nyamenle ne asa fema zo na melua amungu ne mɔ anu melɛba!”

Edwɛkpa ne kɛmɔ Maake hɛlɛle la 8:38

Yemɔti saa awie annea boɛ na ɔmaa me nwo nee me ngilehilelɛ ne yɛ ye nyiane wɔ ɛtane nee amumuyɛ mekɛ ye anu a, ɛnee noko ahenle ɛnwu ye kɛ, ɔdaye noko ɔ nwo bayɛ Medame Sonla Ra nyiane wɔ mekɛ mɔɔ me nee me anwuma soanvolɛma nwuanzanwuanza ne yɛkɛra Egya anyunlunyia ne anu la.”

Edwɛkpa ne kɛmɔ Luku hɛlɛle la 16:25

“Na Ebileham zele ye kɛ, ‘Me ra, kakye kɛ mekɛ mɔɔ ɛde aze la ɛnyianle ɛbɛla nu ninyɛne kpalɛ ngome, yɛɛ Lazalɛse nyianle ninyɛne ɛtane ngome. Na kɛkala, wɔ ɛke, ɔ rɛle ɛkyekye, yɛɛ wɔmɔ ɛlɛnwu amaneɛ a.

Edwɛkpa ne kɛmɔ Luku hɛlɛle la 17:30

Zɔhane ala yɛɛ kenle mɔɔ medame Sonla Ra, mebara la ɔbayɛ a.

Dw 1:3

Ɔ nwo zo yɛɛ Nyamenle luale yɛle ninyɛne kɔsɔɔti a; bɛangoati ye bɛanyɛ debie biala mɔɔ wɔ aleɛabo amuala la.

Dw 1:51

Na ɔhanle ɔhilele bɛ muala kɛ, “Meka nɔhalɛ ne meahile bɛ: bɛbanwu kɛ anwuma ɛbuke na Sonla Ra ne ati, Nyamenle soanvolɛma ɛlɛfo dwu.”

Ɛzoanvolɛma Gyima ne 1:11

“Galelima, duzu ati a bɛgyi ɛke na bɛ nye ɛha anwuma ɛ? Gyisɛse ɛhye mɔɔ bɛrava ye wɔ bɛ avinli ɛke bɛhɔ anwuma la bazia alua adenle zɔhane ala azo ara bieko, kɛmɔ bɛnwu ye kɛ ɔlɛkɔ la.”

Ɛzoanvolɛma Gyima ne 3:19

Zɔhane ati bɛnlu bɛ nwo na bɛzia bɛrɛla Nyamenle ɛkɛ, amaa yeava bɛ ɛtane ne mɔ amuala yeahyɛ bɛ,

Wulo 8:17

Na saa yɛle ɔ mra a, ɛnee yɛdi agya, yɛɛ ye ɛlolɛ ne mɔɔ yeva yezie ɛkɛ yemaa ɔ mra la yɛbanyia bie, na yɛ nee Kelaese ava mɔɔ Nyamenle ɛva ɛzie ɛkɛ ɛmaa ye la, ɔluakɛ saa yɛ nee Kelaese di nyane a yɛ nee ye kɛnyia ye anyunlunyia ne.

1 Kɔl 3:13

Na kɛ awie biala gyima si de la bala ali wienyi wɔ Kenle ne mɔɔ Kelaese bara la. Kenle zɔhane senle ne bamaa awie biala gyima ala ali; senle ne bazɔ awie biala gyima mɔɔ yeyɛ la anlea na yeaye ye kɛ ɔde la yeahile.

2 Kɔl 4:17

Nyane sikalɛ ekyi ɛhye mɔɔ yɛlɛnwu ye la bava anyunlunyia mɔɔ ɛnlɛ awieleɛ na ɔle kpole kpalɛ ɔtɛla nyane ɛhye la arɛlɛ yɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:2

Yɛ Ze Nyamenle nee Awulae Gyisɛse Kelaese ɛlo bɛ na ɔmaa bɛ anzonudwolɛ.

Kɔlɔ 1:16

Ɔ nwo zo a Nyamenle luale bɔle ninyɛne kɔsɔɔti a: mɔɔ wɔ anwuma o nee mɔɔ wɔ aze o, mɔɔ bɛnwu bɛ nee mɔɔ bɛnnwu bɛ la amuala, ewiade ye anu tumima nee arelemgbunli nee bɛdabɛ mɔɔ bɛsie ɛnɛ mekɛ ye anu awozinli ewiade ye nee sunsum nu ɛlɔnema; Nyamenle luale Kelaese anwo zo a bɔle ninyɛne kɔsɔɔti a, yɛɛ Kelaese ati a ɔbɔle bɛ a.

1 Tɛs 3:13

Zɛhae adenle zo yɛɛ ɔbamaa bɛ nwo ayɛ se, na bɛali munli, bɛ nwo ade wɔ yɛ Nyamenle Selɛ ne anyunlu, wɔ mekɛ mɔɔ yɛ Awulae Gyisɛse nee bɛdabɛ mɔɔ bɛle ye ɛdeɛ la kɛra la a. ɛra la a.

2 Tem 2:12

Saa yɛgyinla kpundii a, yɛ nee ye bali belemgbunli. Saa yɛkpo ye a, ɔdaye ɔkɛkpo yɛ.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:13

yɛva yɛhendɛ saleɛ Kenle ne mɔɔ yɛ nye la ye adenle wɔ melɛ mɔɔ yɛ Nyamenle bedevinli ne nee Ngoanedievolɛ Gyisɛse Kelaese bɛ anyunlunyia ne kɛra la.

Kɛlata mɔɔ bɛhɛlɛle bɛhɔmanle Hibuluma la 10:27

Ɛnee mɔɔ ɛha la a le kɛ yɛkɛva anwowozolɛ yɛkɛhendɛ Nyamenle Ndɛnebualɛ ne nee ye ɛya ne mɔɔ sɔ hulenyi kɛ senle mɔɔ bazɛkye bɛdabɛ mɔɔ bɛtia Nyamenle la.

Kɛlata mɔɔ bɛhɛlɛle bɛhɔmanle Hibuluma la 12:29

ɔluakɛ yɛ Nyamenle ne le sendɔlɔra.

Kɛlata mɔɔ bɛhɛlɛle bɛhɔmanle Hibuluma la 4:1

Kɛkala mɔɔ Nyamenle ɛwɔkɛ ne mɔɔ fane ɛnwomenlelielɛ nwo la tɛbɔ ɛkɛ ne la, bɛmaa yɛnlea boɛ na bɛanze yɛ bie mɔ kɛ bɛdɔ sinli na bɛnrɛdwu ɛnwomenlelielɛ ɛleka ne.

Kɛlata mɔɔ bɛhɛlɛle bɛhɔmanle Hibuluma la 4:11

Zɔhane ati, bɛmaa yɛbɔ mɔdenle kɛ yɛkɛnyia ɛnwomenlelielɛ ne, amaa yɛanlea boɛ na yɛ nuhua biala anyɛ anzosesebɛ, kɛmɔ yɛ nlenya mɔ yɛle la.

Kɛlata mɔɔ bɛhɛlɛle bɛhɔmanle Hibuluma la 4:9

Ɛhye ati Ɛnwomenlelielɛ Kenle tɛbɔ ɛkɛ ne tɛmaa Nyamenle menli ne, kɛmɔ Nyamenle liele ye ɛnwomenle wɔ kenle ne mɔɔ tɔ zolɛ nsuu la azo la.

Kɛlata mɔɔ bɛhɛlɛle bɛhɔmanle Hibuluma la 9:28

Zɔhane ala yɛɛ bɛvale Kelaese ɔdaye noko bɛbɔle azu kokye ala kɛ ɔranunu menli dɔɔnwo ɛtane ne mɔ a. Ɔbara bieko, na tɛ kɛ ɔ nee ɛtane bali ɔ, na ɔbalie menli ne mɔɔ ɛlɛkendɛ ye la ngoane.

1 Pit 3:22

Yemɔ yɛɛ yehɔ anwuma na ɔde Nyamenle asa fema zo na Nyamenle soanvolɛma nee anwuma tumivolɛma nee mgbolema amuala sonle ye a.

2 Pit 3:7

Nyamenle anloa edwɛkɛ ko ye ala azo a bɛlua bɛhua anwuma nee aze mɔɔ kɛkala wɔ ɛkɛ ne la anwo senle bɛzie ɛkɛ bɛlɛfa bɛahendɛ ndɛnebualɛ kenle ne nee menli mɔɔ ɛnze Nyamenle la ɛzɛkyelɛ a.

Dwuudu Kɛlata ne 1:7

Bɛhakye Sodɔm nee Gomɔla, nee azua mɔɔ zuozua bɛ la, menli mɔɔ wɔ azua ɛhye mɔ azo la bɔle adwɔmane nee munzule ɛbɛla, na ɔlua zolɛ kɛkala bɛdea bɛ wɔ senle ne mɔɔ ɛnnu ɛlɛ la anu, amaa yeayɛ kɔkɔbɔlɛ yeamaa menli kɔsɔɔti.

Yekile 1:7

Bɛnlea, ɔlua amungu ne mɔ anu ɔlɛba! Awie biala banwu ye, yɛɛ bɛdabɛ mɔɔ bɛwɔle ɔ nvenle foa atwɛ la banwu ye. Ɔdaye ɔ ti, menli ngakyile kɔsɔɔti mɔɔ wɔ ewiade la bazu aye awolɛ. Nɔhalɛ, ɔle zɔhane. Amen.

Yekile 14:10

kɛnwu kɛ Nyamenle ɛya ne mɔɔ gyi ye ɛya dwora ne anu la ɛzulolɛ si de la. Bɛdabɛ mɔɔ bɛyɛ zɔhane deɛ ne la, bɛbahile bɛ nyane wɔ senle nee sɔlefa nu wɔ soanvolɛma nwuanzanwuanza nee Boaneralɛ ne anyunlu.

Yekile 14:13

Akee mendele ɛnelɛ vi anwuma, ɔse, “Kɛlɛ ɛhye: Nyilalɛ ɛha bɛdabɛ mɔɔ ɔvi ɛnɛ mɔɔ kɔ la Awulae ɛzonlenlɛ ti bɛkɛwu la!” Na Sunsum ne liele zolɛ kɛ, “Nyilalɛ ɛha bɛ amgba! Bɛbalie bɛ ɛnwomenle wɔ bɛ gyima ɛsesebɛ ne mɔ mɔɔ bɛyɛ la anwo, ɔluakɛ bɛ gyima kpalɛ mɔɔ bɛdi la li bɛ nzi.”

Yekile 20:11

Akee menwunle Belemgbunli ne nee ye belemgbunli ebia fufule ne mɔɔ ɔde zolɛ la. Anwuma nee azɛlɛ minliminlinle ɔ nyunlu ɛkɛ ne na bɛannwu bɛ bieko.

Yekile 21:4

Ɔbakyikyi bɛ nye anwo monle. Ewule ɛnle ɛkɛ bieko, monle ɛnle ɛkɛ, nyane ɛnle ɛkɛ, ɛzunlɛ ɛnle ɛkɛ ne bieko. Ɔluakɛ alumua ninyɛne ne mɔ ɛze ɛhɔ.”

Yekile 22:16

“Medame Gyisɛse, yɛɛ mezoa me soanvolɛ kɛ ɔrabɔ ɛhye mɔ nolo ɔhile bɛ wɔ asɔne ne mɔ ati a. Mele Devidi anlɔnra; mame a mele nwonlomɔ ɛwɔlɔra ne mɔɔ ta kpole la a.”

Yekile 22:6

Na Nyamenle soanvolɛ ne zele me kɛ, “Edwɛkɛ ɛhye mɔ le nɔhalɛ na bɛfa bɛ rɛle bɛwula nu a ɔyɛ boɛ. Awulae Nyamenle ne mɔɔ fa ye Sunsum ne wula ye kpɔmanvolɛma la yɛɛ ɛzoa ye soanvolɛma ne mɔ anu ko kɛ ɔraye mɔɔ ɛnrɛhyɛ biala na yeazi la ɔhile ye sonvolɛma ne mɔ a.”

Yekile 22:9

Na ɔzele me kɛ, “Mmayɛ! Medame mele sonvolɛ kɛ ɛdawɔ nee ɛ mediema Nyamenle kpɔmanvolɛma ne mɔ, nee bɛdabɛ mɔɔ bɛdi edwɛkɛ mɔɔ wɔ buluku ɛhye anu la azo la. Sonle Nyamenle na mmasonle me!”

Yekile 6:11

Na bɛmanle ko biala tɛladeɛ fufule, na bɛhanle bɛhilele bɛ kɛ bɛlie bɛ ɛnwomenle ekyii, kɔkpula kɛ bɛ gɔnwo mɔ sonvolɛma nee mediema mɔɔ bɛdabɛ noko bɛbahu bɛ kɛ bɛdabɛ la, bɛ muala bɛ nloa kɛdɔ nu la.