2 Tɛs 1:5 - BAEBOLO ANZƐƐ BULUKU NWUANZANWUANZA

⁵ Ɛhye mɔ amuala kile kɛ Nyamenle ndɛnebualɛ ne le fɔɔnwo, amaa bɛafɛta Nyamenle Belemgbunlililɛ ne, mɔɔ yemɔti bɛlɛnwu amaneɛ la.

2 Tɛs 1:5 ပူးပေါင်းရင်းမြစ်များ

Dwobu Buluku ne 8:3

Ɛnea a ɛnee Nyamenle kyi nɔhalɛ, anzɛɛ Tumivolɛ ne kyi pɛlepɛlelilɛ ɔ?

Edwɛndolɛ Buluku ne 111:7

Ɔyɛ ye debie biala nɔhalɛ nu, ɔle fɔɔnwo; sonla fa ɔ rɛle wula mɔɔ ɔkɛha la anu a ɔyɛ boɛ.

Edwɛndolɛ Buluku ne 33:5

Ɛdɛnkɛma kulo tenleneyɛlɛ nee pɛlepɛlelilɛ; Ɛdɛnkɛma ɛhulolɛ kpundii ne ɛyi azɛlɛ ye.

Edwɛndolɛ Buluku ne 50:6

Anwumaneamra kile ye tenleneyɛlɛ ne, ɔluakɛ Nyamenle mumua ne a le ndɛnebuavolɛ a.

Edwɛndolɛ Buluku ne 72:2

Maa ɔva tenleneyɛlɛ ɔbua ye menli ne ndɛne, na ɔva pɛlepɛle ɔbua ehyianvolɛma ndɛne.

Edwɛndolɛ Buluku ne 99:4

Belemgbunli bedevinli, pɛlepɛlelilɛ kulovolɛ, wɔmaa pɛlepɛlelilɛ ɛlie ebia; wɔmaa pɛlepɛlelilɛ nee tenleneyɛlɛ ɛra Yizilayɛ.

Gyɛlɛmaya Buluku ne 9:24

Saa awie ɛlɛtu ɔ nwo a, ɔdu ɔ nwo kɛ ɔze me na ɔte me edwɛkɛ bo, kɛ mame a mele Ɛdɛnkɛma a. Me ɛhulolɛ ne gyi kpundii, yɛɛ meyɛ mɔɔ le pɛpɛ nee fɔɔnwo. Ɛhye mɔ a sɔ me nye a. Medame Ɛdɛnkɛma a mese a.”

Daneɛle Buluku ne 4:37

“Akee kɛkala, medame Nɛbukadenɛza, mefa ayɛlɛyelɛ, enililɛ mewula Anwuma Belemgbunli ne anyunlunyia. Ɔluakɛ ye gyima kɔsɔɔti le kpalɛ, yɛɛ ye ndenle le fɔɔnwo, na bɛdabɛ mɔɔ bɛmemaa bɛ nwo zo la, ɔkola ɔbɛlɛ bɛ aze.”

Edwɛkpa ne kɛmɔ Luku hɛlɛle la 20:35

na mrenya nee mraalɛ mɔɔ anwo fɛta Nyamenle Belemgbunlililɛ ne la, saa mekɛ ne dwu na bɛdwazo bɛ bɛfi ewule nu a bɛngya bɛ nwo.

Edwɛkpa ne kɛmɔ Luku hɛlɛle la 21:36

Zɔhane ati bɛzinza na bɛzɛlɛ dahuu na bɛanyia anwosesebɛ bɛali ninyɛne ɛhye mɔ mɔɔ basisi la anwo zo konim, na bɛahola medame Sonla Ra, me nyunlu gyinla.”

Ɛzoanvolɛma Gyima ne 13:46

Noko Pɔɔlo nee Baanabase dendɛle akɛnrasesebɛ zo zele bɛ kɛ, “Anrɛɛ ɔhyia kɛ bɛkɛlumua bɛkɛha Nyamenle edwɛkɛ ne bɛkɛhile bɛmɛ Dwuuma. Na saa bɛnyia bɛkpo kɛ bɛnrɛdie na bɛhile kɛ bɛ nwo ɛnfɛta ngoane mɔɔ ɛnlɛ awieleɛ la a, ɛnee ɔwɔ kɛ yɛgyakyi bɛ na yɛkɔka edwɛkɛ ne yɛkile bɛdabɛ mɔɔ bɛnle Dwuuma la.

Ɛzoanvolɛma Gyima ne 14:22

Bɛmanle diedima ne mɔ anwosesebɛ na bɛzele bɛ kɛ bɛzɔ diedi ne anu kpundii. Bɛhilehilele bɛ kɛ ɔwɔ kɛ yɛnwu amaneɛ dɔɔnwo na yɛanwu Nyamenle Belemgbunlililɛ ne.

Wulo 2:5

Noko bɛmɛ bɛ nzo yɛ se kpalɛ, yɛɛ bɛsolo. Zɔhane ati bɛlɛmaa bɛ ndeanlɛ ayɛ kpole wɔ Kenle ne mɔɔ Nyamenle ɛya ne nee ye ndɛnebualɛ fɔɔnwo ne kɛdwu la.

Wulo 8:17

Na saa yɛle ɔ mra a, ɛnee yɛdi agya, yɛɛ ye ɛlolɛ ne mɔɔ yeva yezie ɛkɛ yemaa ɔ mra la yɛbanyia bie, na yɛ nee Kelaese ava mɔɔ Nyamenle ɛva ɛzie ɛkɛ ɛmaa ye la, ɔluakɛ saa yɛ nee Kelaese di nyane a yɛ nee ye kɛnyia ye anyunlunyia ne.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:1

Zɔhane ati, mesɛlɛ bɛ, meze kɛ Awulae ɛzonlenlɛ ne ati mela efiade bɔbɔ ɛdeɛ, noko bɛbɔ ɛbɛla mɔɔ fɛta Nyamenle ɛvɛlɛlɛ ne mɔɔ yemɔti yevɛlɛ bɛ la.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:28

Bɛmmasulo bɛ agbɔvolɛ ne mɔ; bɛnyia akɛnrasesebɛ, na ɛhye bahile amaa bɛanwu kɛ bɛmɛ bɛli konim na bɛ agbɔvolɛ ne mɔ ɛho ɛdɔ. Ɔluakɛ bɛ ngoane a le Nyamenle.

Kɔlɔ 1:12

na bɛava fɛlɛkolilɛ bɛayɛ Selɛ ne mɔɔ ɛmaa bɛfɛta kɛ bɛ nee ye menli ne kɛbɔ nu kɛdɛnla ye wienyi ne anu la mo.

1 Tɛs 2:14

Ayi mɔ, mɔɔ zile asɔnema mɔɔ le Kelaese ɛdeɛ la anwo zo wɔ Dwudiya la, yemɔ ala a zile bɛdabɛ noko bɛ nwo zo a. Bɛnwunle amaneɛ wɔ bɛdabɛ bɛ menli asa anu, kɛmɔ Dwuuma yɛle ala la.

2 Tɛs 1:11

Ɛhye ati dahuu yɛsɛlɛ yɛmaa bɛ, yɛbiza yɛ Nyamenle ne kɛ ɔmaa bɛ nwo ɛfɛta ye ɛvɛlɛlɛ ne. Yɛsɛlɛ kɛ ɔlua ye tumi ne azo ɔmaa bɛhola bɛyɛ kpalɛ biala mɔɔ bɛkpondɛ kɛ bɛyɛ la na ɔmaa bɛ diedi nu gyima muala ɛli munli,

2 Tem 2:12

Saa yɛgyinla kpundii a, yɛ nee ye bali belemgbunli. Saa yɛkpo ye a, ɔdaye ɔkɛkpo yɛ.

Yekile 15:4

Awulae, nwane a ɛnrɛzulo wɔ a, nwane a kɛzu kpolera kɛ ɛnle kpole a? Ɛ ngomekye a ɛle nwuanzanwuanza a. Maanle maanle kɔsɔɔti badu agua ɛ nyunlu azonle wɔ, ɔboalekɛ awie biala ɛnwu kɛ ɛdi pɛlepɛle.”

Yekile 16:7

Na mendele ɛnelɛ bie vi azukponle ne anwo ɛkɛ, ɔse, “Awulae Nyamenle Bedevinli, wɔ ndɛnebualɛ le nɔhalɛ, ɔle fɔɔnwo amgba!”

Yekile 19:2

Ɔluakɛ ye ndɛnebualɛ le nɔhalɛ, ɔle fɔɔnwo! Yebua tuutuunli ne mɔɔ ɛlie duma na yeva ye adwɔmanebɔlɛ yezɛkye ewiade la ewule fɔlɛ. Nyamenle ɛdea ye, ɔluakɛ yehu Nyamenle sonvolɛma ne mɔ amuala.”

Yekile 3:4

Noko menli ekyi bie wɔ Saadese ɛkɛ ne mɔɔ bɛli bɛ nwo eni a. Bɛtɛyɛle bɛ ndanlɛ ne mɔ evinli. Bɛbayɛ fufule, na bɛ nee me alua, ɔluakɛ bɛfɛta.