2 Tɛs 1:4 - BAEBOLO ANZƐƐ BULUKU NWUANZANWUANZA

⁴ Zɔhane ati yɛfa bɛ yɛpɛ Nyamenle menli mɔɔ ɛha la anye zo. Yɛfa bɛ diedi nu kpundii mɔɔ bɛgyi wɔ nyanenwunlɛ nee abodelɛ mɔɔ bɛlɛnwu ye la anu la yɛtu yɛ nloa anu kpole.

2 Tɛs 1:4 ပူးပေါင်းရင်းမြစ်များ

Wulo 12:12

Bɛmaa bɛ anyelazo ɛmaa bɛ nye ɛlie, bɛzi abotane wɔ bɛ amaneɛnwunlɛ nu, na bɛyɛ nzɛlɛlɛ dahuu.

Wulo 2:7

Menli bie wɔ ɛkɛ mɔɔ bɛmɛ, abotane nee kpalɛyɛlɛ ala a bɛli ɔ nzi a, na bɛkpondɛ anyunlunyia, enililɛ nee ngoane mɔɔ ɛnlɛ awieleɛ la. Na bɛmɛ noko ala yɛɛ Nyamenle bamaa bɛ ngoane mɔɔ ɛnlɛ awieleɛ a.

Wulo 8:25

Saa yɛmaa yɛ nye da debie mɔɔ yɛ nye ɛngyi nwolɛ la azo a, yɛɛ yɛfa abotane yɛkendɛ ye ɛnyianlɛ a.

1 Kɔl 7:17

Awie biala ɛlua ahyɛlɛdeɛ mɔɔ Nyamenle ɛva ɛlo ye la azo ɛdɛnla kɛmɔ ɛnee ɔde mɔɔ Nyamenle vɛlɛle ye la. Ɛhye yɛɛ mehyehyɛ memaa asɔne ne mɔ amuala a.

2 Kɔl 12:10

Kelaese ati, me kunlu dwo me nwo wɔ me bɛtɛɛyɛlɛ, aholoba ɛbɔlɛ, ngyegyelɛ, kpɔdekpɔdeyɛlɛ, yɛɛ munzule nu, ɔluakɛ mɔɔ menwɔyɛ bɛtɛɛ la ɛnee me nwo ɛyɛ se kpalɛ.

2 Kɔl 7:14

Saa mendule me nloa anu mengilele ye wɔ bɛ nwo a, bɛangua me nyunlu aze. Debie biala anu yɛka nɔhalɛ ne yɛkile bɛ, na ɛhye ati yɛɛ yɛ nloa anu mɔɔ yɛdule yɛhilele Taetɛse la ɛyɛ nɔhalɛ a.

2 Kɔl 7:4

Medie bɛ medi, mefa bɛ metu me nwo! Me nwo tɔ me, yɛɛ wɔ yɛ anwongyelelɛ muala anu medi fɛlɛko kpole.

2 Kɔl 9:2

Meze kɛ bɛkulo kɛ bɛboa, yɛɛ meva bɛ medu me nloa anu mehile Masidoneama. Menganle kɛ, “Sumunli ɛkenle ɛvolɛ ne yɛɛ mediema mɔɔ wɔ Akaya (Giliki) maanzinli nu la boɔboale bɛ nwo kɛ bɛboa a.” Zɛhae mɔdenlebɔlɛ ne ɛmaa menli dɔɔnwo ne ala akee anye ɛbolo.

2 Kɔl 9:4

Yeamba ye zɔ na saa Masidoneama bie mɔ nee me ba na bɛbanwu kɛ bɛtɛboɔboale bɛ nwo a, yɛ nee bɛ yɛ muala yɛ nyunlu bagua aze kpole kɛ yɛvale yɛ nye yɛdole bɛ nwo zo a.

1 Tɛs 1:3

Ɔluakɛ saa yɛkɔ yɛ Nyamenle ne nee yɛ Ze ne anyunlu a, yɛkakye kɛ bɛzile bɛhilele bɛ diedi na bɛ ɛhulolɛ manle bɛyɛle gyima ɛsesebɛ, nee kɛ bɛ anyelazo mɔɔ wɔ yɛ Awulae Gyisɛse Kelaese anu la si gyi kpundii la.

1 Tɛs 2:14

Ayi mɔ, mɔɔ zile asɔnema mɔɔ le Kelaese ɛdeɛ la anwo zo wɔ Dwudiya la, yemɔ ala a zile bɛdabɛ noko bɛ nwo zo a. Bɛnwunle amaneɛ wɔ bɛdabɛ bɛ menli asa anu, kɛmɔ Dwuuma yɛle ala la.

1 Tɛs 2:19

Na ɛnee yɛ anyelazo, yɛ anyelielɛ anzɛɛ abɔtile mɔɔ yɛfa yɛtu yɛ nloa anu wɔ mekɛ mɔɔ yɛ Awulae kɛra la a le boni? Tɛ yemɔ a le bɛdabɛ ɔ?

2 Tɛs 3:5

Yɛsɛlɛ kɛ Awulae ɛha bɛ ahonle ɛmaa bɛnyia Nyamenle ɛhulolɛ ne anwo ndelebɛbo kpalɛ na bɛgyinla kpundii wɔ Kelaese anwo ngilehilelɛ ne anu.

Kɛlata mɔɔ bɛhɛlɛle bɛhɔmanle Hibuluma la 10:36

Ɔwɔ kɛ bɛnyia abotane, amaa bɛahola bɛayɛ Nyamenle ɛhulolɛdeɛ na bɛanyia ye ɛwɔkɛ ne.

Kɛlata mɔɔ bɛhɛlɛle bɛhɔmanle Hibuluma la 6:12

Yɛngulo kɛ bɛkɛyɛ mgbovonle. Yɛkulo kɛ bɛsukoa menli mɔɔ bɛlua bɛ diedi nee abotane zo bɛnyia mɔɔ Nyamenle ɛva ɛbɔ ɛwɔkɛ la.

Kɛlata mɔɔ bɛhɛlɛle bɛhɔmanle Hibuluma la 6:15

Ebileham zile abotane, na ɔnyianle ɛwɔkɛ ne mɔɔ Nyamenle bɔle ye la.

Gyemise Kɛlata ne 5:11

Bɛdabɛ mɔɔ bɛgyinlanle kpundii, bɛvale abotane bɛzɔle nyane bɛhɔle awieleɛ la yɛɛ yɛka kɛ Nyamenle ɛyila bɛ a. Se bɛde Dwobu ɔdaye ye abotane ɛdeɛ ne mɔɔ ɔnyianle ɔvale ɔgyinlanle kpundii ɔzɔle ye nyane ne la anwo bie, yɛɛ eza bɛze kɛ awieleɛ ne Nyamenle zile lole ye la. Nyamenle se anwunvɔne yɛɛ ɔ kunlu yelɛyela ye.

2 Pit 1:6

Bɛva bɛ nwo zo ɛhomolɛ bɛboka bɛ deɛnwunlɛ nwo, bɛva kpundii ɛgyinlanlɛ bɛboka bɛ nwo zo ɛhomolɛ nwo, bɛva nyamenlezonlenlɛ bɛboka bɛ kpundii ɛgyinlanlɛ nwo,

Yekile 14:12

Ɛhye kile kɛ ɔwɔ kɛ Nyamenle menli ne mɔɔ di ye mɛla ne azo na bɛdi nɔhalɛ bɛmaa Gyisɛse la bɔ mɔdenle gyinla kpundii.