2 Tɛs 1:12 - BAEBOLO ANZƐƐ BULUKU NWUANZANWUANZA

¹² amaa ɔlua zo bɛali yɛ Awulae Gyisɛse duma ne eni, na bɛdabɛ noko ɔlua yɛ Nyamenle ne nee Awulae Gyisɛse Kelaese ɛlolɛ zo bɛali bɛ eni.

2 Tɛs 1:12 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 18:18

ɔboalekɛ Ebileham abo zo amra bayɛ maanle kpole, na maanle maanle kɔsɔɔti mɔɔ wɔ ewiade la balua ɔ nwo zo anyia nyilalɛ.

Edwɛndolɛ Buluku ne 72:17

Ye duma ɛdɛnla ɛkɛ ne dahuu, na ye anyunlunyia ɛda kɛ sɛnzɛne. Menli kɔsɔɔti ɛva ye ɛyila bɛ nwo, na maanle maanle ɛzuzu ye boɛ.

Ayezaya Buluku ne 24:15

Yemɔti bɛdabɛ mɔɔ bɛwɔ aduduleɛ la, bɛwula Ɛdɛnkɛma anyunlunyia, na bɛdabɛ mɔɔ bɛde ɛnweanloa la ɛye Ɛdɛnkɛma, Yizilayɛ Nyamenle ne ayɛlɛ.

Ayezaya Buluku ne 45:17

Ɛdɛnkɛma ɛlie Yizilayɛma ngoane, yemaa bɛ ngoanelielɛ mɔɔ ɛnlɛ awieleɛ, bɛ nyunlu ɛnrɛgua aze anzɛɛ bɛnrɛbɔ anyiemgba ɛlɛ.’ ”

Ayezaya Buluku ne 45:25

Ɛdɛnkɛma ati Yizilayɛma abo zo amra bali konim na bɛ nyunlu ara anyia dahuu.

Ayezaya Buluku ne 66:5

Bɛmɛ mɔɔ bɛsulo Ɛdɛnkɛma na bɛdi ye edwɛkɛ zo la, bɛdie mɔɔ ɔlɛka la. Ɔse, “Bɛ mediema ne mɔ mɔɔ kyi bɛ, na medame ti bɛmbu bɛ bie la ɛha kɛ, ‘Bɛmaa Ɛdɛnkɛma ɛhile ye anyunlunyia ne na ɔlie bɛ, amaa yɛanwu bɛ anyelielɛ ne.’ Na bɛmɛ bɔbɔ yɛɛ bɛ nyunlu bagua aze a.

Malakae Buluku ne 1:11

Me duma le kpole wɔ maanle maanle avinli ɔvi sɛnzɛne aduduleɛ kɔdwu adɔleɛ. Ɛleka biala bɛkpu ɛyɛlɛ evuanlɛ na bɛfa azubɔdeɛ mɔɔ anwo te la bɛmaa me, ɔluakɛ me duma ne le kpole wɔ maanle maanle avinli.

Dw 17:10

Mɔɔ melɛ la le wɔ ɛdeɛ, yɛɛ mɔɔ ɛlɛ la amuala le me ɛdeɛ; na bɛ nwo zo yɛɛ me anyunlunyia dua da ali a.

Wulo 1:7

Zɔhane ati melɛkɛlɛ kɛlata ɛhye mearɛlɛ bɛdabɛ mɔɔ Nyamenle kulo bɛ na yevɛlɛ bɛ kɛ bɛrayɛ ye menli na bɛwɔ Wulomu la amuala. Yɛ Ze Nyamenle ne nee Awulae Gyisɛse Kelaese ɛlo bɛ na ɔmaa bɛ anzonudwolɛ.

1 Kɔl 1:4

Dahuu meyɛ me Nyamenle ne mo memaa bɛ kɛ yelua Kelaese Gyisɛse anwo zo yelo bɛ a.

2 Kɔl 13:4

Na saa ɔyɛle bɛtɛɛ ɔwule meanubaka ne azo bɔbɔ a, ɔlua Nyamenle tumi zo ɔde ngoane nu. Yɛdayɛ noko yɛle bɛtɛɛ wɔ Kelaese ati, na ɔlua Nyamenle tumi ne azo yɛ nee ye badɛnla na yɛ nee bɛ ali.

2 Kɔl 8:9

Ɔluakɛ bɛze kɛ Awulae Gyisɛse Kelaese ɛlolɛ ne si de la; ɔle sukoavolɛ, noko ɔlua bɛ ti ɔyɛle ɔ nwo ehyianli, amaa yealua ye ehyia ne azo yeayɛ bɛ sukoavolɛma.

Pɔɔlo Kɛlata mɔɔ ɔhɛlɛle ɔhɔmanle Felepaema la 3:9

na bɛanwu kɛ me nee ye lua. Medame mumua ne menlɛ tenleneyɛlɛ biala menyɛ kɛ medi mɛla ne azo la ati ɔ. Me tenleneyɛlɛ lua kɛ medie Kelaese medi la ati ɔ. Tenleneyɛlɛ ɛhye vi Nyamenle ɛkɛ na ɔdua yɛ diedi zo a ɔfa ɔmaa a.

2 Tɛs 1:10

Ɛhye bazi mekɛ mɔɔ Kenle ne kɛdwu na Kelaese kɛra kɛ ɔbalie ye anyunlunyia nee enililɛ yeavi ye menli ne nee bɛdabɛ mɔɔ bɛdie ye bɛdi la ɛkɛ ne la. Bɛdabɛ noko bɛbaboka Nyamenle menli ne anwo, ɔboalekɛ bɛlie ye edwɛkɛ ne mɔɔ yɛhanle yɛhilele bɛ la bɛli.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:11

Ɔluakɛ Nyamenle ɛye ye ɛlolɛ ne ɛhile wɔ menli kɔsɔɔti bɛ ngoanelielɛ ti.

1 Pit 4:14

Saa Kelaese duma nu ti bɛkile bɛ nyane a, nyilalɛ ɛha bɛ, ɔluakɛ ɛhye kile kɛ anyunlunyia sunsum ne mɔɔ le Nyamenle Sunsum ne wɔ bɛ nwo zo.

Yekile 1:4

Medame Dwɔn a melɛkɛlɛ kɛlata ɛhye meahɔmaa asɔne nsuu ne mɔ mɔɔ wɔ Ehyea maanzinli nu la a: Tete Nyamenle ne mɔɔ ɛnee wɔ ɛkɛ ne, na ɔwɔ ɛkɛ ne kɛkala, na ɔbara la ɛlo bɛ na ɔmaa bɛ anzonudwolɛ. Sunsum nsuu ne mɔ mɔɔ wɔ Nyamenle Belemgbunli Ebia Kpole ne anyunlu la ɛlo bɛ na ɔmaa bɛ anzonudwolɛ.