2 Tɛs 1:11 - BAEBOLO ANZƐƐ BULUKU NWUANZANWUANZA

¹¹ Ɛhye ati dahuu yɛsɛlɛ yɛmaa bɛ, yɛbiza yɛ Nyamenle ne kɛ ɔmaa bɛ nwo ɛfɛta ye ɛvɛlɛlɛ ne. Yɛsɛlɛ kɛ ɔlua ye tumi ne azo ɔmaa bɛhola bɛyɛ kpalɛ biala mɔɔ bɛkpondɛ kɛ bɛyɛ la na ɔmaa bɛ diedi nu gyima muala ɛli munli,

2 Tɛs 1:11 ပူးပေါင်းရင်းမြစ်များ

Edwɛndolɛ Buluku ne 138:8

Ɛdɛnkɛma bamaa mɔɔ yehyehyɛ yemaa me la ayɛ zɔ; O Ɛdɛnkɛma, wɔ ɛhulolɛ kpundii ne wɔ ɛkɛ dahuu. Mmakpo ɛ sa anloa gyima.

Edwɛndolɛ Buluku ne 48:14

“Nyamenle ne ɛne, ɔle yɛ Nyamenle dahuu. Ɔbahile yɛ adenle mekɛ biala.”

Edwɛndolɛ Buluku ne 51:18

Fa fɛlɛkolilɛ yɛ Zayɔn boɛ; die Gyɛlusalɛm bane ne mɔ fofolɛ,

Edwɛndolɛ Buluku ne 68:20

Yɛ Nyamenle ne le ngoanelielɛ Nyamenle; na yɛ Awulae Nyamenle ne ati, yɛɛ yɛkola yɛnriandi ewule a.

Mrɛlɛbulɛ Buluku ne 4:18

Tenlenema adenle nu le wienyi kɛ nwonlomɔ sɛnzɛne mɔɔ kɛkpuke la, ɔfi, ɔta toonwo ɔyɛ kɛ sɛnzɛngyinla ewia.

Ayezaya Buluku ne 25:9

Mekɛ ne anu bɛbaha kɛ, “Bɛnlea, yɛ Nyamenle ne ɛne, yɛhendɛ ye, amaa yealie yɛ ngoane. Ɛdɛnkɛma ɛne, yɛhendɛ ye; bɛmaa yɛ nye ɛlie na yɛli fɛlɛko wɔ ye ngoanelielɛ ne ati.”

Ayezaya Buluku ne 55:7

bɛmaa amumuyɛnli ne ɛgyakyi ɛtaneyɛlɛ, na mɔɔ ɛndwenle kpalɛ nwo la ɛgyakyi; bɛmaa ɔzia ɔrɛla Ɛdɛnkɛma ɛkɛ, amaa Ɛdɛnkɛma aze ye anwunvɔne, bɛmaa ɔzia ɔrɛla yɛ Nyamenle ne ɛkɛ, na Nyamenle bava ye ɛtane ahyɛ ye.

Ayezaya Buluku ne 66:9

Na medame Ɛdɛnkɛma, mebiza kɛ: Memaa ɔva ɛkolɛ na memmamaa ɔwo ɔ? Asoo medame, mɔɔ memaa bɛwo la, mendua ye awodeɛ ne adenle ɔ?”

Daneɛle Buluku ne 3:17

Saa ɔba ye zɔhane a, Nyamenle ne mɔɔ yɛsonle ye la kola die yɛ fi sendɔlɔra ne anu, yɛɛ ɔbalie yɛ yeavi ɛ sa nu.

Hozia Buluku ne 6:3

Bɛmaa yɛbɔ mɔdenle yɛnwu Ɛdɛnkɛma. Nɔhalɛ, ye ɛralɛ ɛnli mgbanwo, kɛmɔ alehyenlɛ ɛnli mgbanwo la. Ɔbara kɛ nyenyensuo nyenye doɔloa azɛlɛ ye la.”

Zɛkalaya Buluku ne 4:7

O awoka mgbole, bɛle duzu? Zɛlubabɛle badwulu bɛ yeamaa bɛayɛ kɛ azɛlɛ sɛsɛ; akee mɔɔ ɔkɛze kɛ ɔfa bolɛ ne mɔɔ la zolɛ anwuma la yeara la ɛnee bɛlɛtea nu kɛ, ‘Kɛnlɛmaleɛ! Ɔle kɛnlɛma somaa!’ ”

Edwɛkpa ne kɛmɔ Maake hɛlɛle la 4:28

Azɛlɛ ne maa mbaka ne nyi na bɛso ma. Saa awule a, ɔbalumua yeawɔlɔ, yeanrenzɛ na nzinlii yeatulu mralɛ.

Edwɛkpa ne kɛmɔ Luku hɛlɛle la 12:32

“Me mboane ekpunli ekyi, bɛmmasulo, ɔluakɛ bɛ Ze mɔɔ wɔ anwuma la kulo kɛ bɛnyia Belemgbunlililɛ ne.

Wulo 1:9

Nyamenle ne mɔɔ medua ɔ Ra ne anwo Edwɛkɛ Kpalɛ ne nolobɔlɛ zo mefa me ahonle muala mesonle ye la di me daselɛ kɛ mɔɔ melɛka la le nɔhalɛ. Nyamenle ze kɛ dahuu mekakye bɛ

Wulo 11:29

Ɔluakɛ Nyamenle ɛngakyi ye adwenle ɛlɛ wɔ menli mɔɔ yekpa nu yeye bɛ na yeyila bɛ la anwo.

Wulo 15:14

Me mediema, medame mumua ne medie meto nu kɛ kpalɛyɛlɛ ɛyi bɛ tɛkɛɛ, yɛɛ bɛlɛ adwenle ne na bɛkola bɛkilehile bɛ nwo ngoko ngoko.

Wulo 8:30

Yemɔti bɛdabɛ mɔɔ Nyamenle ɛkpa nu ɛye bɛ la yɛɛ ɔfɛlɛ bɛ na ɔdielie bɛ ɔmaa bɛsɔ ɔ nye, na ɔ nee bɛ tɛnla anyunlunyia nu a.

1 Kɔl 1:8

Kelaese ɔdaye ɔbamaa bɛagyinla kpundii bɛahɔ awieleɛ, amaa bɛanli fɔlɛ wɔ debie biala anu wɔ yɛ Awulae Gyisɛse Kelaese Kenle ne.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:16

dahuu meyɛ Nyamenle mo wɔ bɛ ti. Mekakye bɛ wɔ me nzɛlɛlɛ nu,

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:5

Nyamenle bɔle kpɔkɛ dɛba kɛ, ɔlua Gyisɛse Kelaese anwo zo, ɔbamaa yɛayɛ ɔ mra, kɛmɔ ye ɛhulolɛdeɛ ne mɔɔ gyi ɔ nyunlu la de la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:9

Nyamenle yɛle mɔɔ yehyehyɛ la, na yelua Kelaese anwo zo yemaa yɛnwu ye ngyehyɛlɛ ne mɔɔ yedwenle nwolɛ dɛba yedo ɛkɛ ne na ɔvea la.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:6

Zɔhane ati medie medi kɛ Nyamenle mɔɔ bɔle gyima kpalɛ ɛhye abo wɔ bɛ nu la kɛzɔ zolɛ kɛmaa ɔkɛli munli wɔ Kenle ne mɔɔ Kelaese Gyisɛse kɛra la.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:13

ɔluakɛ Nyamenle ɛlɛdi gyima wɔ bɛ nu dahuu, amaa bɛanyia ɛhulolɛ na bɛahola bɛayɛ mɔɔ ɔkpondɛ la.

Pɔɔlo Kɛlata mɔɔ ɔhɛlɛle ɔhɔmanle Felepaema la 3:14

Yemɔti memia me nwo kɛ menriandi meahɔ awieleɛ, amaa me sa aha ahyɛlɛdeɛ ne mɔɔ le anwuma ngoane ne mɔɔ Nyamenle lua Kelaese anwo zo ɛlɛfɛlɛ yɛ ahɔ nu la.

1 Tɛs 1:3

Ɔluakɛ saa yɛkɔ yɛ Nyamenle ne nee yɛ Ze ne anyunlu a, yɛkakye kɛ bɛzile bɛhilele bɛ diedi na bɛ ɛhulolɛ manle bɛyɛle gyima ɛsesebɛ, nee kɛ bɛ anyelazo mɔɔ wɔ yɛ Awulae Gyisɛse Kelaese anu la si gyi kpundii la.

2 Tɛs 1:5

Ɛhye mɔ amuala kile kɛ Nyamenle ndɛnebualɛ ne le fɔɔnwo, amaa bɛafɛta Nyamenle Belemgbunlililɛ ne, mɔɔ yemɔti bɛlɛnwu amaneɛ la.

2 Tɛs 2:14

Nyamenle luale Edwɛkpa ne mɔɔ yɛhanle yɛhilele bɛ la azo a vɛlɛle bɛ a, amaa bɛanyia Awulae Gyisɛse Kelaese anyunlunyia ne bie.

Kɛlata mɔɔ bɛhɛlɛle bɛhɔmanle Hibuluma la 12:2

Bɛmaa yɛnlea Gyisɛse angome ala, yemɔ yɛɛ ɔli yɛ nyunlu wɔ diedi nu na ɔmaa yɛ diedi di munli a. Ɔlua anyelielɛ mɔɔ ɛnee la ɔ nyunlu la ati, yeandwenle anyiemgba ewule ne mɔɔ ɔbawu meanubaka ne azo la anwo, na kɛkala ɔde Nyamenle belemgbunli ebia ne fema zo.

Kɛlata mɔɔ bɛhɛlɛle bɛhɔmanle Hibuluma la 3:1

Me mediema Keleseɛnema, mɔɔ bɛdabɛ noko Nyamenle ɛvɛlɛ bɛ a! Bɛdwenle Gyisɛse, mɔɔ Nyamenle ɛzoa ye kɛ ɔrayɛ Sɛlɛvolɛ Kpanyinli wɔ diedi ye mɔɔ yɛlɛ nu la anwo.

1 Pit 5:10

Na saa bɛte nyane ne ekyii bɛwie a ɛlolɛ kɔsɔɔti Nyamenle ne, mɔɔ ɛvɛlɛ bɛ kɛ bɛ nee Kelaese ɛradɛnla ye anyunlunyia ne mɔɔ wɔ ɛkɛ ne dahuu la anu la, ɔdaye mumua ne ɔbaziezie bɛ yeamaa bɛ anwosesebɛ nee akɛnrasesebɛ, na yeamaa bɛagyinla kpundii.

Yekile 3:4

Noko menli ekyi bie wɔ Saadese ɛkɛ ne mɔɔ bɛli bɛ nwo eni a. Bɛtɛyɛle bɛ ndanlɛ ne mɔ evinli. Bɛbayɛ fufule, na bɛ nee me alua, ɔluakɛ bɛfɛta.

Yekile 5:10

Wɔmaa bɛyɛ arelemgbunli nee Nyamenle sɛlɛvolɛma na bɛbali arelemgbunli wɔ azɛlɛ ye azo.”