2 Tɛs 1:10 - BAEBOLO ANZƐƐ BULUKU NWUANZANWUANZA

¹⁰ Ɛhye bazi mekɛ mɔɔ Kenle ne kɛdwu na Kelaese kɛra kɛ ɔbalie ye anyunlunyia nee enililɛ yeavi ye menli ne nee bɛdabɛ mɔɔ bɛdie ye bɛdi la ɛkɛ ne la. Bɛdabɛ noko bɛbaboka Nyamenle menli ne anwo, ɔboalekɛ bɛlie ye edwɛkɛ ne mɔɔ yɛhanle yɛhilele bɛ la bɛli.

2 Tɛs 1:10 ပူးပေါင်းရင်းမြစ်များ

Edwɛndolɛ Buluku ne 68:35

O Nyamenle, ɛvi wɔ ɛleka nwuanzanwuanza ne ɛfinde a ɛ nwo yɛ ɛzulolɛ; Yizilayɛ Nyamenle ne, yemɔ yɛɛ ɔfa tumi nee anwosesebɛ ɔmaa ye menli a. Bɛye Nyamenle ayɛlɛ.

Edwɛndolɛ Buluku ne 89:7

Ɔle Nyamenle mɔɔ nwuanzanwuanzama ayia ne sulo ye a; ɔle kpole, ɔ nwo yɛ ɛzulolɛ tɛla bɛdabɛ mɔɔ bɛbɔ bɛyia ye la.

Ayezaya Buluku ne 2:11

Bɛ adubɛnwo ne kɔsɔɔti bawie na bɛ mgbolede ne abo agua. Ɛdɛnkɛma angomekye ala yɛɛ bɛbayeyɛ ye mekɛ zɔhane anu a.

Ayezaya Buluku ne 44:23

O anwumaneamra, bɛdo edwɛne, ɔluakɛ Ɛdɛnkɛma a ɛyɛ a; O azɛlɛ buma ne mɔ, bɛdea nu; O awoka, bɛdo edwɛne, O kpɔkɛ, nee nuhua mbaka kɔsɔɔti, bɛdo edwɛne! Ɔluakɛ Ɛdɛnkɛma ɛkpɔne Gyekɔbo abo zo amra, na bɛbawula ye anyunlunyia wɔ Yizilayɛ.

Ayezaya Buluku ne 49:3

Na ɔzele me kɛ, “Ɛle me sonvolɛ, Yizilayɛ, wɔmɔ ɛ ti, menli baye me ayɛlɛ.”

Ayezaya Buluku ne 60:21

Menli ne amuala bayɛ tenlenema; Bɛbava azɛlɛ ne bɛayɛ bɛ ɛdeɛ dahuu. Medame a menzole bɛ a, bɛle me sa anloa gyima, Amaa bɛawula me anyunlunyia.

Gyɛlɛmaya Buluku ne 33:9

Na Gyɛlusalɛm bayɛ anyelielɛ, ayɛlɛyelɛ, yɛɛ anyunlunyia ɛleka amaa me wɔ maanle maanle kɔsɔɔti anye zo. Maanle biala mɔɔ bade kpalɛ mɔɔ meyɛ memaa suakpole ye la bazulo, ɔ nwo awozo ye wɔ nyele mɔɔ meyɛ memaa ye nee ɛkpazilɛ mɔɔ memaa suakpole ne ɛkpazi la ati.”

Malakae Buluku ne 3:17

Tumivolɛ Ɛdɛnkɛma se, “Bɛbayɛ me ɛdeɛ. Bɛbayɛ me agyadeɛ mɔɔ anwo hyia a, wɔ kenle mɔɔ menwɔha me nwo la. Mebanwu bɛ anwunvɔne, kɛmɔ sonla nwu ɔ ra mɔɔ sonle ye la anwunvɔne la.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 23:23

Sili ɛngola ɛngye Gyekɔbo, Mizemiza ɛngola Yizilayɛ; Na menli baha ye wɔ Yizilayɛma anwo kɛ, ‘Nea mɔɔ Nyamenle ɛyɛ a!’

Edwɛkpa ne kɛmɔ Mateyu hɛlɛle la 16:27

Ɔluakɛ ɔnrɛhyɛ biala na medame Sonla Ra me nee me anwuma soanvolɛma yɛara, wɔ Egya anyunlunyia nu, na yɛaradua awie biala kakɛ kɛmɔ ye gyima de la.

Edwɛkpa ne kɛmɔ Mateyu hɛlɛle la 16:28

Bɛhakye ɛhye, menli bie gyigyi bɛ avinli ɛke mɔɔ bɛnrɛwu na bɛanwu Sonla Ra ne kɛ yera kɛ Belemgbunli la.”

Edwɛkpa ne kɛmɔ Mateyu hɛlɛle la 24:36

“Noko akee awie biala ɛnze kenle ne nee mekɛ ne; anwuma soanvolɛma nee Ralɛ ne bɔbɔ ɛnze. Selɛ ne angomekye a ze a.

Edwɛkpa ne kɛmɔ Mateyu hɛlɛle la 25:31

“Mekɛ mɔɔ medame Sonla Ra, menwɔra kɛ Belemgbunli, mɔɔ ɛnee me soanvolɛma ne amuala wɔ me nwo ɛkɛ ne la, mebadɛnla me anyunlunyia belemgbunli ebia ne anu,

Edwɛkpa ne kɛmɔ Mateyu hɛlɛle la 7:22

Saa Ndɛnebualɛ Kenle ne dwu a, dɔɔnwo ne ala baha ahile me kɛ, ‘Awulae, Awulae! Yɛluale wɔ duma nu yɛbɔle Edwɛkpa ne nolo, yɛluale wɔ duma nu yɛdudule mbɔnsam dɔɔnwo na yɛyɛle nwanwane ninyɛne!’

Edwɛkpa ne kɛmɔ Luku hɛlɛle la 10:12

Na meka meahile bɛ: Ndɛnebualɛ Kenle ne Nyamenle baze Sodɔmma amumuyɛ anwunvɔne dɔɔnwo adɛla sua zɔhane azo amra.

Dw 11:4

Mɔɔ Gyisɛse asa hanle nrɛlaleɛ ne la ɔhanle kɛ, “Anwondolɛ ɛhye ɛnrɛmaa Lazalɛse ɛnrɛwu. Nyamenle anyunlunyia ti yɛɛ ɛhye ɛzi a, na ɔbayɛ debie mɔɔ ɔlua zolɛ Nyamenle Ara ne ɔdaye ɔbanyia anyunlunyia a.”

Dw 17:10

Mɔɔ melɛ la le wɔ ɛdeɛ, yɛɛ mɔɔ ɛlɛ la amuala le me ɛdeɛ; na bɛ nwo zo yɛɛ me anyunlunyia dua da ali a.

1 Kɔl 1:6

Kelaese anwo edwɛkɛ ne ɛwie nyi wɔ bɛ nu dɛba,

1 Kɔl 3:13

Na kɛ awie biala gyima si de la bala ali wienyi wɔ Kenle ne mɔɔ Kelaese bara la. Kenle zɔhane senle ne bamaa awie biala gyima ala ali; senle ne bazɔ awie biala gyima mɔɔ yeyɛ la anlea na yeaye ye kɛ ɔde la yeahile.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:24

Na ɔlua me ti bɛyele Nyamenle ayɛlɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:12

Yemɔti bɛmaa yɛdayɛ mɔɔ yɛlumuale yɛnyianle anyelazo wɔ Kelaese anu la yɛye Nyamenle anyunlunyia ne ayɛlɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:14

Sunsum ne di agyinlanu kɛ yɛbanyia mɔɔ Nyamenle ɛva ɛbɔ ye menli ɛwɔkɛ la; eza ɔmaa yɛsi pi kɛ Nyamenle bamaa menli mɔɔ le ye ɛdeɛ la anyia bɛ ti bɔkɔɔ. Bɛmaa yɛye ye anyunlunyia ne ayɛlɛ!

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:18

Mesɛlɛ kɛ bɛ adwenle nu kɛbuke, amaa bɛanwu anyelazo ne mɔɔ yevɛlɛ bɛ wɔ nu, ye nwanwane nyilalɛ ne mɔ mɔɔ ɔfa ɔbɔ ye menli ɛwɔkɛ la anu anwonyia ne

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:6

Bɛmaa yɛye Nyamenle ayɛlɛ wɔ ye nwanwane ɛlolɛ kpole nee ye ahyɛlɛdeɛ ne mɔɔ yelua ɔ Ra ne mɔɔ ɔkulo ye la anwo zo yeva yemaa yɛ la ati.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:7

Ɔyɛle ɛhye amuala ɔhilele ye ɛlolɛ totohyia ne mɔɔ bɛngola bɛnzuzu la nee atiakunlukɛnlɛma mɔɔ ɔlua Kelaese Gyisɛse ati dahuu ɔlɛ ye wɔ yɛ nwo la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:10

amaa mekɛ ɛhye anu ala ɔlua Asɔne ne azo anwuma tumivolɛma nee mgbolema anwu Nyamenle nrɛlɛbɛ kpole ne.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:16

kɛ ye anyunlunyia ne kpole ti, ɔlua ye Sunsum ne azo ɔmaa bɛ anwosesebɛ ɔmaa bɛgyinla kpundii wɔ adwenle nu,

1 Tɛs 1:5

Ɔluakɛ yɛanva yɛ nloa mgbane a yɛvale Edwɛkpa ne yɛrɛlɛle bɛ a, yɛvale tumi nee Sunsum Nwuanzanwuanza ne nee ye nɔhalɛ ne anwo adwenle mɔɔ si pi la a yɛrale a. Bɛdabɛ bɛze kɛ yɛzile yɛbɔle yɛ ɛbɛla wɔ mekɛ mɔɔ yɛ nee bɛ de la; yɛyɛle ɛhye wɔ bɛdabɛ bɛ kpalɛ ti.

1 Tɛs 2:1

Mediema, bɛdabɛ bɛnwu kɛ yɛ ɛralɛ mɔɔ yɛrale bɛ nwo lɔ la anyɛ mgbane.

1 Tɛs 2:12

Yɛzile yɛ ahonle, yɛkyekyele bɛ rɛle, na yɛhɔle zolɛ yɛmanle bɛ anwosesebɛ kɛ bɛbɔ ɛbɛla mɔɔ fɛta Nyamenle ne mɔɔ fɛlɛ bɛ kɛ bɛrɛla ye anyunlunyia Belemgbunlililɛ ne anu la.

1 Tɛs 2:13

Debie bieko mɔɔ yemɔti dahuu yɛyɛ Nyamenle mo la a le kɛ, mɔɔ yɛvale Nyamenle nrɛlaleɛ ne yɛrɛlɛle bɛ la, bɛdiele na bɛzɔle nu kɛ ɔnle edwɛkɛ mɔɔ vi sonla ɛkɛ a, na ɔvi Nyamenle ɛkɛ, yɛɛ ɔle zɔhane noko. Ɔluakɛ Nyamenle ɛlɛyɛ ye gyima wɔ bɛdabɛ mɔɔ bɛdie bɛdi la anu.

2 Tɛs 1:12

amaa ɔlua zo bɛali yɛ Awulae Gyisɛse duma ne eni, na bɛdabɛ noko ɔlua yɛ Nyamenle ne nee Awulae Gyisɛse Kelaese ɛlolɛ zo bɛali bɛ eni.

2 Tɛs 2:13

Nyamenle kulo bɛ, yemɔti mediema, ɔwɔ kɛ dahuu yɛyɛ Nyamenle mo wɔ bɛ ti. Ɔluakɛ mɔlebɛbo ne ala yɛɛ Nyamenle kpale nu yele bɛ kɛ bɛlie bɛ ngoane a, wɔ bɛ diedi mɔɔ wɔ nɔhalɛ ne anu nee Sunsum ne tumi ne mɔɔ ɛyɛ bɛ Nyamenle menli mɔɔ anwo te la ati.

1 Tem 3:16

Yɛka yɛto gua kɛ nɔhalɛ, awozinli nu debie mɔɔ wɔ yɛ nyamenlezonlenlɛ ne anu la yɛ nwanwane: Ɔrale ewiade kɛ sonla, noko Sunsum nu a ɔle saanwu. Nyamenle soanvolɛma nwunle ye, bɛbɔle ɔ nwo nolo wɔ maanle maanle kɔsɔɔti anu. Ewiade amra amuala liele ye lile, na bɛvale ye bɛhɔle anwuma anyu

2 Tem 1:12

Zɔhane ati yɛɛ menwu amaneɛ ɛhye mɔ a. Noko ɔnyɛ me nyiane, ɔluakɛ meze mɔɔ meva me rɛle mewula ye nu la, na medie medi kɛ ɔkɛhola ɔkɛzie mɔɔ meva mewula ɔ sa nu la gyɛlɛɛnye ɔkɛhɔkpula Awulae Kenle ne.

2 Tem 1:18

Awulae ɛnwu ye anwunvɔne wɔ Awulae Kenle ne anu! Ɛdawɔ ɛze dɔɔnwo mɔɔ ɔyɛle ɔmanle me wɔ Ɛfɛsɛse a.

2 Tem 4:8

Na kɛkala konimlilɛ ahyɛlɛdeɛ ne, mɔɔ le fɔɔnwoma abɔtile ne, mɔɔ Awulae, Pɛlepɛle Ndɛnebuavolɛ ne bava amaa me wɔ Awulae Kenle ne la, wɔ ɛkɛ ne maa me, yɛɛ ɔnle ɛkɛ ɔmmaa me ngome, ɔwɔ ɛkɛ ne ɔmaa bɛdabɛ mɔɔ bɛlɛ ɛhulolɛ bɛlɛkendɛ ye ɛralɛ bieko la amuala.

1 Pit 2:9

Bɛmɛ a bɛle menli mɔɔ Nyamenle ɛkpa nu ɛye bɛ a. Bɛle Belemgbunli ne sɛlɛvolɛma, maanle nwuanzanwuanza, Nyamenle ɔdaye ye menli mɔɔ yeboɔboa yekpondɛ bɛ bo zo na yevɛlɛ bɛ kɛ bɛvi awozinli nu bɛrɛla ye wienyi ne anu na bɛbɔ ye nwanwane gyima ne nolo a.