2 Tɛs 1:1 - BAEBOLO ANZƐƐ BULUKU NWUANZANWUANZA

¹ Kɛlata ɛhye vi Pɔɔlo, Saelase, yɛɛ Temɔte ɛkɛ. Yɛfa yɛahɔmaa Tɛsalonaeka asɔnema mɔɔ le yɛ Ze Nyamenle ne nee Awulae Gyisɛse Kelaese ɛdeɛ la.

2 Tɛs 1:1 ပူးပေါင်းရင်းမြစ်များ

Ɛzoanvolɛma Gyima ne 15:22

Ɛzoanvolɛma ne nee mgbanyima ne mɔ, nee asɔnema ne mɔ amuala akee bɔle kpɔkɛ kɛ bɛsoa menli bɛamaa bɛ nee Pɔɔlo nee Baanabase ahɔ Anteɔko. Bɛdule menli nwiɔ mɔɔ bɛbu bɛ kpalɛ la bɛmanle bɛ nee bɛ hɔle. Bɛmɛ a le Dwudase mɔɔ eza bɛfɛlɛ ye Baasabase la, yɛɛ Saelase.

Ɛzoanvolɛma Gyima ne 16:1

Pɔɔlo eza rale Dɛbi nee Lesetela noko. Ɛdoavolɛ bie wɔ ɛkɛ, bɛfɛlɛ ye Temɔte. Ɔ nli le Dwuunli mɔɔ ɛlie Edwɛkpa ne ɛli a, yɛɛ ɔ ze le Gilikinli.

Ɛzoanvolɛma Gyima ne 17:1

Pɔɔlo nee Saelase kpɔsale hɔle Amfepɔlese nee Apɔlonea na bɛrale Tɛsalonaeka. Dwuuma lɛ nyianu sua wɔ ɛkɛ.

2 Kɔl 1:19

Ɔluakɛ Gyisɛse Kelaese mɔɔ le Nyamenle Ara ne, mɔɔ me nee Seleveenɛse nee Temɔte yɛbɔle ɔ nwo edwɛkɛ ne nolo yɛhilele bɛ la, ɛnle “Ɛhɛe” nee “Kyɛkyɛ” sonla. Ɔle Nyamenle nu “Ɛhɛe”;