2 Tem 4:3 - BAEBOLO ANZƐƐ BULUKU NWUANZANWUANZA

³ Mekɛ bie bara mɔɔ menli ɛnrɛdie ngilehilelɛ kpalɛ a. Bɛbali bɛdabɛ bɛ atiakunluwɔzo nzi, na bɛaboɔboa kilehilevolɛma dɔɔnwo mɔɔ kɛha mɔɔ bɛkulo kɛ bɛte la anloa bɛamaa bɛ nwo.

2 Tem 4:3 ပူးပေါင်းရင်းမြစ်များ

1 Arl 18:22

Na Yilaegya zele ɛlɔne ne kɛ, “Medame, me ngome ala a mele Nyamenle kpɔmanvolɛ mɔɔ meha a; bozonle Beeyale ahɔmenle ne mɔ le ɛya nna abulanlu.

1 Arl 22:18

Yizilayɛ belemgbunli ne hanle hilele Gyɛhɔhyafate kɛ, “Meanze kɛ ɔba la ɔmbanga kpalɛ ɔmmaa me, munzule yɛɛ ɔbazuzu yeamaa me a?”

1 Arl 22:8

Yizilayɛ belemgbunli ne hanle hilele Gyɛhɔhyafate kɛ, “Sonla bieko wɔ ɛkɛ mɔɔ yɛkola yɛkɔnwu ye yɛmaa ɔbiza Ɛdɛnkɛma ɔmaa yɛ a. Yemɔ a le Yemela ara Maekaya. Na mekyi ye kɔkɔ kɔkɔ zɛhae, ɔboalekɛ ɔmbɔ me munzule kpalɛ; dahuu munzule ɛtane ala a ɔbɔ me a.” Gyɛhɔhyafate buale kɛ, “Nana, mmaka mɔɔ ɛlɛka la.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 32:33

Ɛdɛnkɛma zele Mosisi kɛ, “Ahenle ne mɔɔ ɛyɛ ɛtane ɛtia me la, yemɔ yɛɛ mebaye ye duma meavi buluku ne anu a.

Ayezaya Buluku ne 28:12

mɔɔ ɔzele bɛ kɛ, “Ɛnwomenlelielɛ a le ɛhye, bɛmaa mɔɔ ɛvɛ la ɛlie ye ɛnwomenle, ɛhye a le ɛnwomenlelielɛ a,” noko bɛandie la.

Ayezaya Buluku ne 30:10

Bɛka bɛkile ɛnyelɛzodeɛnwunlɛma kɛ “Bɛmmanwu debie,” na bɛaze Nyamenle kpɔmanvolɛma kɛ, “Bɛmmaka Nyamenle nrɛlaleɛ biala mɔɔ le nɔhalɛ la bɛkile yɛ. Bɛha mɔɔ le menlemenle nee nrɛlaleɛ mɔɔ ɛnle nɔhalɛ la.

Gyɛlɛmaya Buluku ne 18:18

Akee menli ne hanle kɛ, “Bɛmaa yɛva Gyɛlɛmaya anwo adwenle, ɔluakɛ ɔwɔ kɛ sɛlɛvolɛ a kilehile mɛla ne anu a, na nrɛlɛbɛvolɛ tu folɛ, yɛɛ Nyamenle kpɔmanvolɛ ka Nyamenle nrɛlaleɛ ne. Bɛmaa yɛdo ye ɛzonle na yɛduodua yɛ nzo wɔ ye edwɛkɛhanlɛ nwo.”

Gyɛlɛmaya Buluku ne 27:9

Yemɔti bɛmmatie bɛ Nyamenle kpɔmanvolɛma, bɛ menli mɔɔ tendɛ nwomenle nloa azo, bɛ menli mɔɔ ka ɛlalɛ, bɛ menli mɔɔ bɔ munzule anzɛɛ bɛ menli mɔɔ bɔ bayivolɛ ɛbɛla mɔɔ ɛlɛka ahile bɛ kɛ, ‘Bɛmmasonle Babelonia belemgbunli ne’ la.

Gyɛlɛmaya Buluku ne 29:8

Tumivolɛ Ɛdɛnkɛma, Yizilayɛ Nyamenle ne se: Bɛmmamaa bɛ Nyamenle kpɔmanvolɛma nee bɛ menli mɔɔ tendɛ nwomenle nloa azo mɔɔ wɔ bɛ avinli la bɛlɛbɛla bɛ, yɛɛ bɛmmatie bɛ ɛlalɛ mɔɔ bɛka la;

Gyɛlɛmaya Buluku ne 5:31

Nyamenle kpɔmanvolɛma bɔ adalɛ, yɛɛ sɛlɛvolɛma yɛ mɔɔ Nyamenle kpɔmanvolɛma kɛze bɛ la. Me menli ne die mɔɔ bɛka la to nu; bɛmkpo kɛ bɛnrɛyɛ ye zɔhane, na saa awieleɛ ne ba a duzu a bɛkɛyɛ a?”

Maeka Buluku ne 2:11

Saa awie duolua nuhua aheha mgbane mgbane, abɔ adalɛ kɛ, “Mebabɔ nwanye nee nza ɛsesebɛ nwo nolo meahile bɛ” a, anrɛɛ yemɔ a ɔkɛyɛ nolobɔvo kpalɛ ɔkɛmaa menli ɛhye mɔ a.

Edwɛkpa ne kɛmɔ Luku hɛlɛle la 20:19

Mɛla kilehilevolɛma ne nee sɛlɛvolɛ mgbanyinli ne mɔ yɛle kɛ bɛkye Gyisɛse ɛkɛ ne ala, ɔboalekɛ bɛze kɛ ɔbule ɛrɛlɛ ne ɔtiale bɛ; noko akee bɛzulole menli ne anye.

Edwɛkpa ne kɛmɔ Luku hɛlɛle la 6:26

“Munzule ɛha bɛ kɛ menli muala kɛyileyila bɛ kosoɛ a, ɔluakɛ zɔhane ala a bɛ nlenya mɔ yɛle Nyamenle kpɔmanvolɛma alane ne mɔ a.

Dw 8:45

Mame meka nɔhalɛ ne, na ɛhye ati noko yɛɛ bɛnlie me bɛnli a.

Ɛzoanvolɛma Gyima ne 17:21

(Ɔluakɛ menli mɔɔ wɔ Atɛnse nee nyɛvolɛ mɔɔ wɔ sua ne azo la le menli bie mɔɔ dahuu kulo kɛ bɛnyia mekɛ bɛtie anzɛɛ bɛka debie fofolɛ biala anwo edwɛkɛ a.)

1 Kɔl 2:1

Me mediema, mekɛ mɔɔ membale bɛ nwo lɔ kɛ mebabɔ Nyamenle nɔhalɛ edwɛkɛ ne mɔɔ vea la nolo meahile bɛ la, meanga ye kɛ mele sonla mɔɔ me nloa ɛde na meze nrɛlɛbɛ kpole la.

1 Kɔl 2:4

yɛɛ meanva sonla nrɛlɛbɛ nee anloanu kolokolo a mengilehilele bɛ, membɔle edwɛkɛ ne nolo a; menluale Nyamenle Sunsum ne tumi zo,

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:16

Na kɛ ɔyɛ mɔɔ kɛkala angome bɛmaa meyɛ bɛ kpɔvolɛ kɛ meha nɔhalɛ ne mehile bɛ la ɛ?

1 Tem 1:10

menli mɔɔ bɔ ɛbɛla funli, mrenya mɔɔ fa mrenya anzɛɛ mraalɛ mɔɔ fa mraalɛ, bɛdabɛ mɔɔ bɛwua menli, adalɛma, bɛdabɛ mɔɔ bɛdi dasewia anzɛɛ menli mɔɔ ɛnli nɔhalɛ ngilehilelɛ ne azo la.

2 Tem 1:13

Sɔ nɔhalɛ ne mɔɔ ɛdele ɛvile me ɛkɛ ne la anu boɛ, fa yɛ ndonwo di zo, na tɛnla diedi nee ɛhulolɛ ne mɔɔ Kelaese Gyisɛse ati ɔle yɛ ɛdeɛ la anu.

Dwuudu Kɛlata ne 1:18

Bɛzele bɛ kɛ, “Saa awieleɛ mekɛ ne ba a, menli mɔɔ ɛnze Nyamenle na bɛdi bɛ ngome bɛ atiakunluwɔzo nzi la bara, na bɛarazi bɛ amgbu.”