2 Tem 4:2 - BAEBOLO ANZƐƐ BULUKU NWUANZANWUANZA

² Bɔ edwɛkɛ ne nolo na si zolɛ mɔɔ ɛndwenle mɔɔ kɛzi ɔ nzi a, kpalɛ o, ɛtane o! Di menli ne adwenle maa bɛlie Edwɛkpa ne bɛdo nu, twi bɛ nyunlu, tu bɛ folɛ na fa abotane kilehile bɛ.

2 Tem 4:2 ပူးပေါင်းရင်းမြစ်များ

Edwɛndolɛ Buluku ne 40:9

Meha wɔ ngoanelielɛ nwo edwɛkɛ fɛlɛko ne, wɔ mekɛ mɔɔ wɔ menli ne amuala yiale la. Kɛmɔ ɛdawɔ ɛze la, O Ɛdɛnkɛma, metɛgyakyile wɔ nolobɔlɛ ne.

Dwona Buluku ne 3:2

na ɔzele ye kɛ, “Dwona, dwazo kɔ Nenɛvɛ, suakpole ne mɔɔ ɛlie duma kpole la azo, na kɔbɔ me edwɛkɛ ne mɔɔ meva mewula ɛ nloa la nolo.”

Edwɛkpa ne kɛmɔ Luku hɛlɛle la 7:23

Nyilalɛ ɛha bɛdabɛ mɔɔ medame ti bɛmkpo aze wɔ diedi nu la.”

Edwɛkpa ne kɛmɔ Luku hɛlɛle la 7:4

Mgbanyinli ne mɔ rale Gyisɛse anwo ɛkɛ ne na bɛbodole ye ɛsesebɛ kɛ, “Nrenya ɛhye fɛta wɔ moalɛ bɔkɔɔ.

Edwɛkpa ne kɛmɔ Luku hɛlɛle la 9:60

Gyisɛse buale ye kɛ, “Gyakyi menli mɔɔ ɛnde Nyamenle Edwɛkɛ ne abo la ati, bɛle kɛ avunli la maa bɛzie bɛ avunli. Wɔmɔ kɔ na kɔbɔ Nyamenle Belemgbunlililɛ ne nolo.”

Ɛzoanvolɛma Gyima ne 13:5

Mɔɔ bɛdwule Salamese la, bɛhanle Nyamenle edwɛkɛ ne wɔ Dwuuma nyianu sua ne anu. Bɛ nee Dwɔn Maake a hɔle a na ɔboale bɛ wɔ gyima ne ɛyɛlɛ nu.

Ɛzoanvolɛma Gyima ne 16:13

Ɛnwomenlelielɛ Kenle ne dwule la, yɛhɔle bɛ azule ne anloa wɔ suakpole ne kandiba. Yɛ adwenle a le kɛ kabezɛ ɛkɛ ne a Dwuuma ɔyɛ a yia yɛ nzɛlɛlɛ a.

Ɛzoanvolɛma Gyima ne 20:7

Dapɛne ne anu kenle ne mɔɔ lumua la nɔsolɛ nu, yɛyiale nu yɛlile Awulae aleɛ ne, na Pɔɔlo dendɛle hilele diedima ne mɔ, ɔluakɛ ɛnee ye alehyenlɛ nu ɔbahɔ, na ɔhɔle zolɛ ɔdendɛle dedee alevinli mu nwiɔ avinli.

Ɛzoanvolɛma Gyima ne 28:16

Mɔɔ yɛdwule Wulomu la, bɛmanle Pɔɔlo adenle kɛ ɔdaye ɔ ngome ɔhɔdɛnla, na bɛyele sogyanli ko kɛ ɔ nee ye ɛhɔdɛnla na ɔzinza ye.

Wulo 10:15

Na kɛ ɔkɛyɛ na bɛabɔ nolo ne wɔ mekɛ mɔɔ bɛtɛsoanle menli kɛ bɛhɔbɔ nolo la ɛ? Mɔɔ Nyamenle Edwɛkɛ ne ka ye wɔ nwolɛ la ɛne, “Soanvolɛma ne mɔɔ fa edwɛkɛ kpalɛ ne ara la ɛralɛ nu le kɛnlɛma na ɔyɛ nwanwane!”

Wulo 12:12

Bɛmaa bɛ anyelazo ɛmaa bɛ nye ɛlie, bɛzi abotane wɔ bɛ amaneɛnwunlɛ nu, na bɛyɛ nzɛlɛlɛ dahuu.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 6:6

Bɛmaa awie mɔɔ bɛlɛmaa ye Nyamenle Edwɛkɛ nwo ngilehilelɛ la ɛmaa ye kilehilevolɛ ne debie kpalɛ biala mɔɔ ɔkɛnyia ye la bie.

Kɔlɔ 1:25

Ɛhye ati yɛɛ Nyamenle ɛyɛ me asɔne ne sonvolɛ, na yeva gyima ɛhye yemaa me kɛ menyɛ wɔ bɛ ti a. Gyima ne a le Nyamenle edwɛkɛ ne nolobɔlɛ.

Kɔlɔ 4:3

Eza bɛzɛlɛ bɛmaa yɛdayɛ noko kɛ Nyamenle ɛmaa yɛ mekɛ kpalɛ ɔmaa yɛbɔ fealera nu Edwɛkpa ne mɔɔ fane Kelaese anwo la nolo. Ɔluakɛ ɛhye ala ati yɛɛ kɛkala mela efiade a.

1 Tɛs 1:6

Bɛzukoale yɛ nee Awulae; yemɔti bɛnwunle amaneɛ dɔɔnwo, na bɛvale anyelielɛ ne mɔɔ vi Sunsum Nwuanzanwuanza ne anu ba la bɛliele nrɛlaleɛ ne.

1 Tɛs 5:14

Yɛkakye bɛ, bɛbɔ mɔɔ le mgbovonle la kɔkɔ, bɛzi mɔɔ le foanvoanle la ahonle, bɛboa mɔɔ ɛnlɛ anwosesebɛ la, na bɛnyia biala anwo abotane.

1 Tɛs 5:20

bɛmmakpo Nyamenle nrɛlaleɛ kpalɛ biala.

1 Tem 4:13

Maa ɛ nye ɛbolo Nyamenle Edwɛkɛ ne ɛgengalɛ wɔ bagua nu, ye nolobɔlɛ nee ye ngilehilelɛ nwo kɔkpula kɛ menwɔra la.

1 Tem 5:20

Twi bɛdabɛ mɔɔ ɛtane ala a bɛyɛ la anyunlu wɔ bagua nu, amaa menli mɔɔ ɛha la azulo.

2 Tem 2:21

Saa awie twe ɔ nwo fi ninyɛne evinli nwo a, ɔkɛyɛ kɛ ɛyɛba mɔɔ anwo hyia na bɛde nwolɛ bɛmaa Nyamenle, na ɔ nwo ɛra nvasoɛ ɛmaa ɔ menle na bɛziezie ye kɛ bɛfa bɛayɛ gyima kpalɛ la.

2 Tem 2:25

Ɔwɔ kɛ ɔto ɔ rɛle azule nu ɔkilehile bɛdabɛ mɔɔ bɛ nee ye ɛnga la, ɔluakɛ saa ɔyɛ Nyamenle ɛhulolɛ a ɔbamaa bɛ mekɛ kpalɛ yeamaa bɛanlu bɛ nwo na bɛaranwu nɔhalɛ ne.

2 Tem 3:10

Na wɔmɔ, wɔli me ngilehilelɛ, me nyɛleɛ nee me ɛbɛlabɔlɛ nu bodane ne anzi; wɔnwu me diedi, me abotane, me ɛhulolɛ, nee me kpundii mɔɔ megyi,

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:13

Na mɔɔ ɔhanle la le nɔhalɛ. Ɔlua ɛhye ati ɔwɔ kɛ ɛtwi bɛ nyunlu kpalɛ, amaa bɛanyia diedi mɔɔ yɛ nla la,

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:15

Kilehile ɛhye mɔ amuala na fa wɔ tumi ne kpokpoti wula wɔ ngilehilelɛ nee bɛ nyunlu ɛhwilɛ nu. Mmamaa awie biala fa ɛ nyunlu kyikyi aze.

Kɛlata mɔɔ bɛhɛlɛle bɛhɔmanle Hibuluma la 13:22

Mebodo bɛ, me mediema, bɛzi abotane bɛdie akɛnrazilɛ nrɛlaleɛ ɛhye, ɔluakɛ kɛlata ɛhye mɔɔ mehɛlɛ bɛ la anwa biala.

Yekile 3:19

Bɛdabɛ mɔɔ mekulo bɛ la, metwi bɛ nyunlu na metea bɛ. Zɔhane ati bɔ mɔdenle nu ɛ nwo na yɛ gyima ɛsesebɛ.