2 Tem 4:18 - BAEBOLO ANZƐƐ BULUKU NWUANZANWUANZA

¹⁸ Na Awulae balie me gyɛlɛɛnye avi munzule muala anu na ɔ nee me ahɔ ye anwuma Belemgbunlililɛ ne abo. Anyunlunyia ɛha ye dahuu! Amen.

2 Tem 4:18 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 48:16

Nyamenle soanvolɛ ne mɔɔ ɛlie me ɛvi munzule kɔsɔɔti anu la, Ɛyila mgbavolɛ ɛhye mɔ; na ɔlua bɛ nwo zo bɛbɔ me nee me ze mɔ Ebileham nee Ayezeke aluma atɛnlase; Na bɛ nwo ɛzo bɛyɛ ɛlɔne wɔ azɛlɛ ye azo!”

1 Edk 4:10

Na Gyeebɛze zɛlɛle Yizilayɛ Nyamenle ne kɛ, “Yila me, Nyamenle, na maa me azɛlɛ kpole. Ɛ nee me ɛlua na ye me fi munzule mɔɔ kɛmaa menwɔde nyane la anu.” Na Nyamenle diele ye nzɛlɛlɛ, ɔyɛle mɔɔ ɔkpondɛ la ɔmanle ye.

Edwɛndolɛ Buluku ne 121:7

Ɛdɛnkɛma bazinza wɔ wɔ munzule muala anu; ɔbamaa ɛ nwo ayɛ kɔlɔnwo.

Edwɛndolɛ Buluku ne 37:28

Ɔluakɛ Ɛdɛnkɛma kulo pɛlepɛlelilɛ; ɔnrɛkpo ye menli ne mɔɔ di nɔhalɛ la. Ɔbabɔ tenlenema anwo bane dahuu, na yeaminli amumuyɛma abo zo.

Edwɛndolɛ Buluku ne 73:24

Ɛfa wɔ ngilehilelɛ ne ɛsinza me, na nzinlii ɛbalie me anyunlunyia nu.

Edwɛndolɛ Buluku ne 92:10

Wɔmaa me anwosesebɛ ɛyɛ kɛ ɛnlankɛ nyinli; wɔkpokpa me nwole fofolɛ.

Mrɛlɛbulɛ Buluku ne 14:32

Amumuyɛnli ninyɛndane ɛyɛlɛ maa ɔkpo aze, na tenlenenli nyia ɛvealeka wɔ ye nɔhalɛlilɛ nwo.

Edwɛkpa ne kɛmɔ Mateyu hɛlɛle la 13:43

Na Nyamenle menli ne bada kɛ sɛnzɛne wɔ bɛ Ze mɔɔ wɔ anwuma la Belemgbunlililɛ ne abo. Mɔɔ lɛ ɛnzonlɛ la ɛdie!

Edwɛkpa ne kɛmɔ Mateyu hɛlɛle la 25:34

Na akee meaze menli mɔɔ wɔ me sa fema zo la kɛ, ‘Bɛmɛ mɔɔ Egya ɛyila bɛ a, bɛrɛla! Bɛ nee me ɛrali belemgbunli. Egya hyehyɛle manle bɛ kolaa na bɛabɔ ewiade ye.

Edwɛkpa ne kɛmɔ Mateyu hɛlɛle la 6:13

Mmamaa yɛkɔ ngyegyelɛ nu, Ye yɛ fi munzule nu.’

Edwɛkpa ne kɛmɔ Luku hɛlɛle la 11:4

Na fa yɛ ɛtane ne mɔ kyɛ yɛ, ɔluakɛ awie mɔɔ fo yɛ la, yɛfa yɛkyɛ ye. Na mmamaa yɛkɔ sɔnea nu.’ ”

Edwɛkpa ne kɛmɔ Luku hɛlɛle la 12:32

“Me mboane ekpunli ekyi, bɛmmasulo, ɔluakɛ bɛ Ze mɔɔ wɔ anwuma la kulo kɛ bɛnyia Belemgbunlililɛ ne.

Edwɛkpa ne kɛmɔ Luku hɛlɛle la 22:29

yemɔti kɛmɔ Egya ɛmaa me tumi kɛ menli belemgbunli la, zɔhane ala noko yɛɛ bɛbayɛ a.

Dw 17:15

Membiza kɛ ɛye bɛ ɛvi ewiade ye anu, mesɛlɛ kɛ ɛkɛzie bɛ gyɛlɛɛnye ɛkɛvi amumuyɛnli Seetan asa anu.

Wulo 11:36

Ɔdaye a ɔbɔle ninyɛne kɔsɔɔti a, debie biala lua ɔ nwo zo, yɛɛ bɛwɔ ɛkɛ ne bɛmaa ye. Anyunlunyia ɛha Nyamenle dahuu! Amen.

1 Kɔl 1:21

Ɔluakɛ Nyamenle luale ye nrɛlɛbɛ zo zile menli adenle, yeammaa bɛanlua bɛdabɛ bɛ nrɛlɛbɛ zo bɛannwu ye. Mɔɔ ɔyɛle la a le kɛ, Nyamenle luale mɔɔ bɛmɛ bɛse ɔle “koasea” edwɛkɛ yɛɛ yɛlɛbɔ ye nolo la azo bɔle kpɔkɛ kɛ ɔdie bɛdabɛ mɔɔ bɛdie bɛdi la ngoane.

1 Kɔl 10:13

Sɔnea biala mɔɔ ɛdo bɛ la le kɛ mɔɔ to awie biala la. Nyamenle le nɔhalɛ, bɛkola bɛfa bɛ rɛle bɛwula ye nu kɛ ɔnrɛmaa sɔnea mɔɔ bɛnrɛhola ɔ nloa gyinla la ɛnrɛdo bɛ ɛlɛ. Bɛ sɔnea mekɛ nu bɔbɔ, ɔbamaa bɛ anwosesebɛ yeamaa bɛagyinla ɔ nloa, na yeahile bɛ adenle yeamaa bɛavi nu.

1 Kɔl 15:50

Mediema, mɔɔ mekpondɛ meaha la a le kɛ, nwonane nee mogya ɛngola ɛnnyia Nyamenle Belemgbunlililɛ ne, yɛɛ debie mɔɔ kpɔlɔ la ɛngola ɛnnyia mɔɔ ɛmkpɔlɔ la.

2 Kɔl 1:10

Ewule ɛzulolɛ zɛhae anu yɛɛ ɔyele yɛ ɔvile a, yɛɛ ɔkɛye yɛ nu somaa; yɛɛ eza yɛ rɛle wɔ ye nu kɛ ɔkɛye yɛ nu bieko,

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:5

Anyunlunyia ɛha Nyamenle dahuu! Amen.

1 Tɛs 5:23

Nyamenle ne mɔɔ maa anzonudwolɛ la ɛde bɛ nwo wɔ adenle biala anu, na ɔva bɛ sonla mumua ne ɔzie: bɛ ɛkɛla, bɛ sunsum, yɛɛ bɛ sonlabaka ne amuala, ɔye bɛ ɔvi nvonleɛ biala anu, ɔde bɛ nwo wɔ Kenle ne mɔɔ Awulae Gyisɛse Kelaese bara la.

2 Tɛs 3:3

Bɛkola bɛfa bɛ rɛle bɛwula Awulae anu. Ɔbamaa bɛ nwo ayɛ se na yealie bɛ gyɛlɛɛnye yeavi Ɛtanenli ne asa anu.

1 Tem 1:17

Na tete Belemgbunli ne, Damɛnlangoate Nyamenle kokye ne, mɔɔ ɛnyelɛ ɛnnwu ye la, yemɔ yɛɛ enililɛ nee anyunlunyia ɛha ye dahuu a. Amen

1 Tem 6:16

Ɔdaye ala a ɔle damɛnlangoate na ɔde wienyi ne mɔɔ awie ɛngola ɛmbikye ye la anu a. Awie biala ɛtɛnwunle ye ɛlɛ, yɛɛ awie ɛnrɛhola ɛnrɛnwu ye ɛlɛ. Enililɛ nee belemgbunlililɛ mɔɔ ɛmbɔ aze ɛlɛ la le ye ɛdeɛ dahuu! Amen.

2 Tem 1:12

Zɔhane ati yɛɛ menwu amaneɛ ɛhye mɔ a. Noko ɔnyɛ me nyiane, ɔluakɛ meze mɔɔ meva me rɛle mewula ye nu la, na medie medi kɛ ɔkɛhola ɔkɛzie mɔɔ meva mewula ɔ sa nu la gyɛlɛɛnye ɔkɛhɔkpula Awulae Kenle ne.

2 Tem 4:1

Megyi Nyamenle nee Kelaese Gyisɛse mɔɔ babua anyewɔzo amra nee mɔwuamra ndɛne la anyunlu, meka ye ɛralɛ bieko nee ye belemgbunlililɛ ne na mese wɔ kɛ:

Kɛlata mɔɔ bɛhɛlɛle bɛhɔmanle Hibuluma la 11:16

Ɛleka mɔɔ ɛnee bɛ nwo ɛlɛdɔ ye la a le anwuma maanle kpalɛ ne. Yemɔti noko yeanyɛ Nyamenle nyiane kɛ bɛkɛvɛlɛ ye bɛ Nyamenle, ɔboalekɛ yekyekye suakpole yezie ɛkɛ ne yemaa bɛ.

Kɛlata mɔɔ bɛhɛlɛle bɛhɔmanle Hibuluma la 12:22

Na bɛmɛ bɛra Boka Zayɔn, wɔ tease Nyamenle ne suakpole ne mɔɔ le anwuma lɔ Gyɛlusalɛm ne, mɔɔ Nyamenle soanvolɛma apenle apenle mɔɔ bɛnze bɛ nloa la ɛyi ye tɛkɛɛ la azo.

Kɛlata mɔɔ bɛhɛlɛle bɛhɔmanle Hibuluma la 13:21

ɛmaa bɛ sa ɛha debie biala mɔɔ le kpalɛ la. Nyamenle ɛmaa bɛhola bɛyɛ mɔɔ ɔkulo la, na ɔlua Gyisɛse Kelaese anwo zo ɔva bɛ ɔyɛ gyima mɔɔ sɔ ɔ nye la. Anyunlunyia ɛha Kelaese dahuu! Amen.

Gyemise Kɛlata ne 2:5

Me mediema kulovolɛma, bɛdie! Bɛdabɛ mɔɔ bɛle ehyianvolɛma wɔ aleɛabo la, bɛmɛ a Nyamenle ɛkpa nu ɛye bɛ, ɛyɛ bɛ diedi nu sukoavolɛma na bɛnyia Nyamenle belemgbunlililɛ ne, mɔɔ yeva yebɔ ɛwɔkɛ yemaa bɛdabɛ mɔɔ bɛkulo ye la a.

1 Pit 1:5

Zɛhae nyilalɛ ne le bɛdabɛ mɔɔ ɔlua bɛ diedi ti Nyamenle tumi ne dielie bɛ gyɛlɛɛnye na bɛbaye ngoanelielɛ ne bɛahile bɛ wɔ mekɛ ne mɔɔ li amozi la ɛdeɛ.

1 Pit 5:11

Nyamenle ɛhye yɛɛ tumi ne le ye ɛdeɛ dahuu a! Amen.

2 Pit 1:11

Zɛhae nyɛleɛ zo ala yɛɛ bɛlua a bɛkɛnyia yɛ Awulae nee Dievolɛ Gyisɛse Kelaese belemgbunlililɛ ne mɔɔ ɛmbɔ aze ɛlɛ la a.

2 Pit 3:18

Bɛhɔ zolɛ bɛnyi wɔ yɛ Awulae nee Dievolɛ Gyisɛse Kelaese anwo nrɛlɛbɛ nee ɛlolɛ ne anu. Yemɔ yɛɛ anyunlunyia ɛha ye kɛkala nee mekɛ mɔɔ ɛnlɛ awieleɛ la a! Amen.

Dwuudu Kɛlata ne 1:1

Medame Dwuudu, mɔɔ mele Gyisɛse Kelaese sonvolɛ nee Gyemise adiema la yɛɛ melɛkɛlɛ kɛlata ɛhye a. Melɛ mekamaa bɛdabɛ mɔɔ Nyamenle ɛvɛlɛ bɛ, na bɛde Egya Nyamenle ne ɛhulolɛ nu na Gyisɛse Kelaese wowa bɛ la amuala.

1 Sam 17:37

Ɛdɛnkɛma mɔɔ liele me vile awenade nee bedi ne mɔ asa anu la balie me avi Filisitianli ɛhye asa anu.” Sɔɔlo zele Devidi kɛ, “Kɔ, Ɛdɛnkɛma nee wɔ ɛhɔ.”

1 Sam 25:39

Devidi dele kɛ Neebale ɛwu la, ɔhanle kɛ, “Ayɛlɛyelɛ ɛha Ɛdɛnkɛma kɛ yeli Neebale aholoba ne mɔɔ ɔbɔle me la anwo nzenralɛ na yeammaa medame, ye sonvolɛ anyɛ ɛtane a. Ɛdɛnkɛma ɛmaa Neebale ɛtane ne ɛbɔ ɔ ti.” Na Devidi zoanle manle bɛhɔbizale Abegeli agyalɛ.