2 Tem 4:16 - BAEBOLO ANZƐƐ BULUKU NWUANZANWUANZA

¹⁶ Awie biala angyinla me nzi wɔ alumua ne mɔɔ mekaza me ne wɔ edwɛkɛlilɛ ne anu la. Bɛ muala bɛkpole me. Mesɛlɛ kɛ Nyamenle ɛva ɛhyɛ bɛ.

2 Tem 4:16 ပူးပေါင်းရင်းမြစ်များ

Edwɛkpa ne kɛmɔ Maake hɛlɛle la 14:50

Ɛkɛ ne ala ɛdoavolɛma ne amuala nriandile gyakyile Gyisɛse.

Edwɛkpa ne kɛmɔ Luku hɛlɛle la 12:11

“Saa bɛfa bɛ bɛkɔ kɛ bɛkali bɛ edwɛkɛ wɔ nyianu azua ne mɔ anu anzɛɛ amɛnladoma nee arelemgbunli nyunlu a, bɛmmadwenle mɔɔ bɛbaha anzɛɛ kɛ ɔkɛyɛ na bɛalie bɛ nwo la anwo.

Dw 16:32

Mekɛ ɛlɛba, na yedwu bɔbɔ, bɛbabɔ bɛ kɔsɔɔti asande, na awie biala ahɔ ɔdaye ye sua nu, na yeaha me ngomekye. Noko ɔnrɛha me ngome, ɔboalekɛ Selɛ ne nee me lua.

Ɛzoanvolɛma Gyima ne 22:1

“Ayi mɔ, mediema nee egya mɔ, bɛyɛ ɛnzonlɛ bɛdie me bɛmaa menza me ne mengile bɛ!”

Ɛzoanvolɛma Gyima ne 25:16

Na menzele bɛ kɛ ɔnle Wulomu mɛla kɛ bɛkɛye awie biala mɔɔ bɛkɛdo ye ɛzonle kɛ yedo mɛla la bɛkɛmaa kyesɛ ɔ nee menli mɔɔ donle ye ɛzonle ne la yia nu bɛka bɛmaa ɔdaye ɔnyia adenle ɔsa ɔ ne wɔ nwolɛ.

Ɛzoanvolɛma Gyima ne 7:60

Akee ɔhotole na ɔdeanle nu kpole kɛ, “Awulae, fa ɛtane ɛhye kyɛ bɛ!” Ɔhanle ɛhye la, ɔwule.

1 Kɔl 13:5

ɛhulolɛ ɛnyɛ ninyɛne mgbane mgbane, yɛɛ ɔndendɛ ɛtane ɔntia awie; ɔnle angomedi, ɔnva ɛya yɛɛ ɔmbu ɛtane nwo mgbonda;

1 Kɔl 9:3

Me ne mɔɔ mesa meahile bɛdabɛ mɔɔ bɛfedevede me ɛbɛlabɔlɛ nu la ɛne!

2 Kɔl 7:11

Bɛnlea gyima mɔɔ Nyamenle vale bɛ rɛle ne mɔɔ bɔle la lile a: bɛ nye bolole edwɛkɛ ne anwo manle bɛhilele kɛ bɛ nwo ɛnle nu! Nea bɛ ɛya mɔɔ bɛvale, ɛzulolɛ mɔɔ bɛnyianle ye bɛ nu, bɛ nwo mɔɔ dɔ me kɛ bɛ kunlu a anrɛɛ mewɔ lɔ, bɛ nwo mɔɔ bɛyelele kɛ bɛkɛbɔ ɛbɛla kpalɛ, nee kɛ bɛzile bɛdeanle bɛdabɛ mɔɔ bɛlile ɛtane la. Adenle biala anu bɛyɛle bɛhilele kɛ bɛnli fɔlɛ fee wɔ edwɛkɛ ne anwo.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:17

Bɛdabɛ mɔɔ bɛha la, bɛmbɔ Kelaese anwo nolo ne nɔhalɛ nu, bɛbɔ ye manzonlehwenlɛ nu, na bɛdwenle kɛ bɛyɛ ye zɔhane na bɛamaa me nwo ahyele me wɔ efiade ɛke.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:7

Medwenle bɛ nwo somaa! Na ɔle kpalɛ noko kɛ melɛ bɛ nwo adwenle zɛhae a, ɔluakɛ wɔ me efiadenla nu nee Edwɛkpa ne nolobɔlɛ nee ye ɛgyinlalɛ nu, me nee bɛ yɛ muala a yɛnyia Nyamenle ɛlolɛ ne a.

2 Tem 1:15

Ɛze kɛ awie biala mɔɔ wɔ Ehyea maanzinli ne anu la ɛnriandi me; Fegyɛlɛse nee Hɛmɔgyɛnize bɛdabɛ bɛboka bɛ.

2 Tem 4:10

Dimase ɛhulo kɛkala ewiade ye na yekpo me, yehɔ Tɛsalonaeka. Kelɛsɛnze ɛhɔ Galeehyea, yɛɛ Taetɛse ɛhɔ Dalemeehyea.

2 Tem 4:15

Anrɛɛ nea ɛ nwo boɛ wɔ ɔ nwo, ɔluakɛ ɔtia yɛ edwɛkɛ ne mɔɔ yɛzo yɛlua la kpole.

1 Pit 3:15

Bɛzulo Kelaese wɔ bɛ ahonle nu kɛ ɔle bɛ Awulae. Dahuu bɛziezie bɛ nwo, amaa saa awie biza bɛ bɛ anyelazo ne mɔɔ bɛlɛ ye la anwo edwɛkɛ a bɛahola bɛaye ɔ nloa,