2 Tem 4:14 - BAEBOLO ANZƐƐ BULUKU NWUANZANWUANZA

¹⁴ Alɛzanda mɔɔ le kɔbele dwinvolɛ ne ɛyɛ me ɛtane kpole, na Awulae badua ye nwolɛ kakɛ noko, kɛmɔ ɔfɛta la.

2 Tem 4:14 ပူးပေါင်းရင်းမြစ်များ

2 Sam 3:39

Ɛdɛnkɛma ɛyila me ɛzie me belemgbunli, noko ɛnɛ kenle ye, me sa ɛhondo aze. Zɛluaya amra mrenya ne mɔ te me ɛbolɛ somaa. Ɛdɛnkɛma ɛdua ɛtanevolɛma kakɛ mɔɔ ɔfɛta bɛ amumuyɛ ne mɔ la.”

Edwɛndolɛ Buluku ne 28:4

Bua bɛ ndɛne, kɛmɔ bɛ gyima si de la, nee kɛmɔ bɛ ninyɛndane ne mɔ si de la. Tua bɛ kakɛ, kɛmɔ bɛ sa anloa gyima si de la. tua bɛ kakɛ mɔɔ fɛta la.

Edwɛndolɛ Buluku ne 62:12

O Awulae, wɔmɔ a ɛlɛ ɛhulolɛ kpundii a. Ɔluakɛ wɔmɔ yɛɛ ɛtua sonla kakɛ, kɛmɔ ye gyima si de la a.

Gyɛlɛmaya Buluku ne 15:15

Menganle kɛ, “O Ɛdɛnkɛma, wɔmɔ, ɛze ninyɛne kɔsɔɔti. Kakye me na boa me. Die me ti na di menli mɔɔ yɛ me kpɔdekpɔde la nzenralɛ. Mmasi bɛ nwo abotane toonwo ɛmaa bɛku me; nwu ye kɛ ɔlua wɔmɔ ɛ ti yɛɛ bɛlɛbɔ me aholoba a.

Gyɛlɛmaya Awolɛyelɛ 3:64

“O Ɛdɛnkɛma, tea bɛ wɔ mɔɔ bɛyɛ la anwo.

Wulo 12:19

Ayi mɔ, bɛmmafa ɛtane bɛtua ɛtane kakɛ ɛlɛ, bɛgyakyi debie biala anu bɛmaa Nyamenle ɛya ne. Ɔluakɛ Nyamenle Edwɛkɛ ne se, “Nzenralɛ le me ɛdeɛ, mebadua ɛtane kakɛ, Awulae a se a.”

Wulo 2:6

Ɔluakɛ Nyamenle badua awie biala kakɛ, kɛmɔ ye gyima de la.

2 Tɛs 1:6

Ɛhye ati Nyamenle badua menli mɔɔ ɛlɛmaa bɛanwu nyane la amuala kakɛ,

1 Tem 1:20

Menli zɛhae bie mɔ a le Haemɛneeyɛse nee Alɛzanda, mɔɔ meva bɛ mewula Seetan tumi ne abo la, amaa bɛahile bɛ kɛ ɔwɔ kɛ bɛgyakyi Nyamenle anwo edwɛkɛ ɛtane ɛhanlɛ.

2 Tem 4:15

Anrɛɛ nea ɛ nwo boɛ wɔ ɔ nwo, ɔluakɛ ɔtia yɛ edwɛkɛ ne mɔɔ yɛzo yɛlua la kpole.

1 Dw 5:16

Saa awie nwu adiema bie kɛ ɔlɛyɛ ɛtane mɔɔ ɛndwe ye ɛngɔ ewule nu la a, ɔzɛlɛ ɔmaa ye na Nyamenle kɛmaa adiema ne ngoane. Noko ɛtane ne bie wɔ ɛkɛ mɔɔ wie ewule a. Menga ye kɛ awie ɛzɛlɛ ɛhye anwo.

Yekile 18:20

Anwuma amra, bɛli fɛlɛko kɛ yebɔ a! Nyamenle menli, bɛli fɛlɛko; ɛzoanvolɛma nee Nyamenle kpɔmanvolɛma, bɛli fɛlɛko! Ɔboalekɛ bɛdabɛ bɛ ti Nyamenle ɛdea ye wɔ mɔɔ ɔyɛle bɛ la anwo.

Yekile 18:6

Bɛva mɔɔ ɔvale ɔyɛle bɛ la bie bɛyɛ ɔdaye, bɛdua ye kakɛ fane nwiɔ wɔ ye nyɛleɛ nwo, bɛmaa ɔnwu amaneɛ fane nwiɔ ɔdɛla mɔɔ ɔvale ɔhilele bɛ la.

Yekile 6:10

Bɛdeanle nu kɛ, “O Tumivolɛ Awulae! Ɛle nwuanzanwuanza nee nɔhalɛnli. Na kenlenzu yɛɛ ɛkɛbua azɛlɛ ye azo amra ndɛne na wɔadea bɛ kɛ bɛhunle yɛ a?”

1 Sam 24:12

Yɛ mu nwiɔ, Ɛdɛnkɛma ɛbua mɔɔ di fɔlɛ la. Ɛdɛnkɛma badua wɔ kakɛ wɔ nyɛleɛ mɔɔ wɔva wɔyɛ me la anwo. Mame, menrɛva me sa menrɛha wɔ yɛɛ menrɛyɛ wɔ ɛhwee.