2 Tem 4:10 - BAEBOLO ANZƐƐ BULUKU NWUANZANWUANZA

¹⁰ Dimase ɛhulo kɛkala ewiade ye na yekpo me, yehɔ Tɛsalonaeka. Kelɛsɛnze ɛhɔ Galeehyea, yɛɛ Taetɛse ɛhɔ Dalemeehyea.

2 Tem 4:10 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 12:32

Awie biala mɔɔ tendɛ tia medame, Sonla Ra la, bɛbava bɛahyɛ ye, na mɔɔ kɛdendɛ kɛtia Sunsum Nwuanzanwuanza ne la, bɛnrɛva bɛnrɛhyɛ ye wɔ ɛnɛ anzɛɛ kenle bie.

Edwɛkpa ne kɛmɔ Mateyu hɛlɛle la 26:56

Na ɛhye mɔ amuala ɛzi amaa mɔɔ Nyamenle kpɔmanvolɛ ne hɛlɛle wɔ Nyamenle Edwɛkɛ ne anu la ayɛ nɔhalɛ.” Na ye ɛdoavolɛma ne amuala nriandile gyakyile ye.

Edwɛkpa ne kɛmɔ Luku hɛlɛle la 14:33

Na Gyisɛse dwulale ye edwɛkɛ ne kɛ, “Zɔhane ala yɛɛ saa bɛ nuhua ko biala angyakyi debie biala mɔɔ ɔlɛ la anzi ɛlilɛ a, ɔnrɛhola ɔnrɛyɛ me ɛdoavolɛ a.

Edwɛkpa ne kɛmɔ Luku hɛlɛle la 16:13

“Sonvolɛ biala ɛnrɛhola ɛmenlenlɛ nwiɔ sonle, ɔluakɛ ɔbakpɔ ko na yeahulo ko; ɔbali nɔhalɛ yeamaa ko na yeakpɔ ko. Zɔhane ala noko yɛɛ ɔde ɔmaa bɛ a, bɛnrɛhola Nyamenle nee ezukoa sonle.”

Edwɛkpa ne kɛmɔ Luku hɛlɛle la 17:32

Bɛhakye mɔɔ zile Lɔɔto aye ne anwo zo la!

Ɛzoanvolɛma Gyima ne 13:13

Pɔɔlo nee ɔ gɔnwo mɔ vi Peefɔso la bɛvale ɛlɛne bɛrale Pɛga, wɔ Pamefelea maanzinli nu, na Dwɔn Maake gyakyile bɛ ɛkɛ ne ziale hɔle Gyɛlusalɛm.

Ɛzoanvolɛma Gyima ne 15:38

noko Pɔɔlo adwenle a le kɛ suzuamgba ala mɔɔ Maake kpole bɛ wɔ Pamefelea, ɔgyakyile bɛ ɛkɛ ne na ɔ nee bɛ anyɛ gyima ne anwie la, ɔngyia kɛ bɛ nee ye kɛhɔ.

Ɛzoanvolɛma Gyima ne 16:6

Bɛhɔle Felegyea nee Galeehyea maanzinli ne mɔ anu, ɔluakɛ Sunsum Nwuanzanwuanza ne ammaa adenle ammaa bɛanga Edwɛkpa ne wɔ Ehyea maanzinli ne anu.

Ɛzoanvolɛma Gyima ne 17:1

Pɔɔlo nee Saelase kpɔsale hɔle Amfepɔlese nee Apɔlonea na bɛrale Tɛsalonaeka. Dwuuma lɛ nyianu sua wɔ ɛkɛ.

Ɛzoanvolɛma Gyima ne 17:11

Dwuuma mɔɔ wɔ ɛkɛ ne la adwenle nu ɛbuke ɛdɛla bɛdabɛ mɔɔ bɛwɔ Tɛsalonaeka la. Zɔhane ati bɛliele Edwɛkpa ne na dahuu bɛnleɛnleanle Nyamenle Edwɛkɛ ne anu kpalɛ kɛ saa mɔɔ Pɔɔlo ɛlɛka la le nɔhalɛ a.

Ɛzoanvolɛma Gyima ne 17:13

Na mɔɔ Dwuuma mɔɔ wɔ Tɛsalonaeka la dele kɛ Pɔɔlo ɛhɔha Nyamenle edwɛkɛ ne wɔ Bɛlia la, bɛrale ɛkɛ ne na bɛrafutule menli ne mɔ ahonle.

Ɛzoanvolɛma Gyima ne 18:23

Ɔlile mekɛ ekyi wɔ ɛkɛ ne la, ɔvile ɛkɛ ne na ɔhɔkpɔsale Galeehyea nee Felegyea maanzinli ne mɔ anu ɔmanle diedima ne mɔ anwosesebɛ.

2 Kɔl 2:13

Noko me nwo andɛ me kpalɛ biala, ɔluakɛ meannwu me diema Taetɛse wɔ ɛkɛ. Yemɔti me nee ɛkɛ ne amra lile nrɛlaleɛ na mendoale zolɛ mengɔle Masidonea.

2 Kɔl 7:6

Noko Nyamenle mɔɔ kyekye bɛdabɛ mɔɔ bɛ rɛle ɛbɔ la arɛle la, luale Taetɛse ɛralɛ ne azo kyekyele yɛ rɛle,

2 Kɔl 8:16

Yɛyɛ Nyamenle mo somaa kɛ yemaa Taetɛse noko ɛnyia ɛhulolɛ kɛ yɛdayɛ la, kɛ ɔba yearaboa bɛ a.

2 Kɔl 8:23

Taetɛse ɛdeɛ, ɔle me gɔnwo mɔɔ yɛbɔ nu yɛyɛ gyima yɛboa bɛ a; mediema mɔɔ nee ye ɛlɛba la gyigyi asɔne ne mɔ agyakɛ anu, yɛɛ bɛte Kelaese anyunlu.

2 Kɔl 8:6

Zɔhane ati yɛzɛlɛ Taetɛse mɔɔ lumuale bɔle gyima ɛhye abo la kɛ ɔrazɔ zolɛ wɔ bɛ nwo lɔ na ɔboa bɛ ɔmaa bɛwie ɛhulolɛ ɛzonlenlɛ ɛhye.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:2

Me nee mediema mɔɔ wɔ ɛke la amuala yɛbiza bɛdabɛ asɔnema mɔɔ bɛwɔ Galeehyea maanzinli nu la amuala ahye.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:21

Bɛdabɛ mɔɔ bɛha la biala ɛlɛbɔ ye ɛbɛla mɔɔ hyia ye la, na yegyakyi mɔɔ Gyisɛse Kelaese kpondɛ kɛ ɔyɛ la.

1 Tem 6:10

Ɔluakɛ ezukoa nwo anyebolo le munzule muala abo ndinli; bie mɔ anye ɛbolo ye ɛkpondɛlɛ somaa yemaa bɛvi diedi ne anwo mɔɔ akee nyane ala a bɛdi a.

1 Tem 6:17

Tendɛ kile bɛdabɛ mɔɔ bɛlɛ ngoane ɛhye anu anwonyia la kɛ bɛmmamemaa bɛ nwo zo, yɛɛ bɛmmafa bɛ nye bɛto ninyɛne mɔɔ pɛ nu se kɛ anwonyia la azo, bɛmaa bɛ nye ɛla Nyamenle mɔɔ maa yɛ debie biala molozo mɔɔ yɛfa yɛdie yɛ nye la anwo zo.

2 Tem 1:15

Ɛze kɛ awie biala mɔɔ wɔ Ehyea maanzinli ne anu la ɛnriandi me; Fegyɛlɛse nee Hɛmɔgyɛnize bɛdabɛ bɛboka bɛ.

2 Tem 4:16

Awie biala angyinla me nzi wɔ alumua ne mɔɔ mekaza me ne wɔ edwɛkɛlilɛ ne anu la. Bɛ muala bɛkpole me. Mesɛlɛ kɛ Nyamenle ɛva ɛhyɛ bɛ.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:4

Melɛkɛlɛ wɔ, Taetɛse, mɔɔ ɛle me ra kpalɛ la wɔ diedi ne mɔɔ yɛlɛ nu la ati. Egya Nyamenle nee Kelaese Gyisɛse, yɛ Ngoanedievolɛ ne ɛlo wɔ na ɔmaa wɔ anzonudwolɛ.

Pɔɔlo Kɛlata mɔɔ ɔhɛlɛle ɔhɔmanle Faelimɔn la 1:24

Zɔhane ala yɛɛ me gɔnwo mɔ gyimayɛvoma Maake, Alesetaakɛse, Dimase, yɛɛ Luku bɛdabɛ bɛbiza wɔ ahye a.

2 Pit 2:15

Bɛgyakyi adenle kpalɛ ne na bɛminli nwɔnda; bɛva Biyɔ ara Beelam mɔɔ doale ezukoa anyebolo na ɔlile ɛtane