2 Tem 3:6 - BAEBOLO ANZƐƐ BULUKU NWUANZANWUANZA

⁶ Menli ɛhye bie mɔ luolua nu wolowolo azua di mraalɛ mɔɔ anwo ɛhyele bɛ na bɛ nwo yɛ anwunvɔne, na bɛ ɛtane nwo fɔlɛlilɛ ɛyɛ adesoa ɛlɛbu bɛ kɔme, na nwonane nu atiakunluwɔzo ngakyile ɛndie bɛ la anzo.

2 Tem 3:6 ပူးပေါင်းရင်းမြစ်များ

Edwɛndolɛ Buluku ne 38:4

Ɔluakɛ me amumuyɛ ɛbo me nwo zo, bɛ ɛnlomboɛ ɛyɛ adesoa ɛbo me nwo zo.

Ayezaya Buluku ne 1:4

Aa, maanle mɔɔ ɛtane ɛyi ye tɛkɛɛ a, menli mɔɔ ninyɛndane ɛyɛlɛ ɛli bɛ ti a, esiayɛɛ mralɛ, menli mɔɔ nzisi ala a bɛdi a, bɛbɔ munzule! Bɛkpo Ɛdɛnkɛma, bɛhyi Yizilayɛ Nwuanzanwuanza Ko ne, na bɛhakyi bɛ nzi bɛzi ye bɔkɔɔ.

Edwɛkpa ne kɛmɔ Mateyu hɛlɛle la 11:28

“Bɛdabɛ mɔɔ bɛzo ɛnlomboɛ na bɛvɛ la, bɛ muala bɛrɛla me nwo ɛke, na menwɔmaa bɛ ɛnwomenlelielɛ.

Edwɛkpa ne kɛmɔ Mateyu hɛlɛle la 23:13

“Munzule ɛha bɛmɛ mɛla kilehilevolɛma nee Falasiima! Nabalabama! Bɛmɛ, bɛto Anwuma Belemgbunlililɛ anlenkɛ ne anu bɛmaa menli ne ka ɔ nzi; bɛmɛ a, bɛnrɛhɔ nu, yɛɛ akee noko bɛnrɛmaa bɛdabɛ mɔɔ bɛlɛbɔ mɔdenle bɛahɔ nu la adenle bɛnrɛmaa bɛnrɛhɔ nu. [

Edwɛkpa ne kɛmɔ Mateyu hɛlɛle la 23:14

“Munzule ɛha bɛmɛ mɛla kilehilevolɛma nee Falasiima! Nabalabama! Bɛbɛlɛbɛla ahunlanvolɛ mraalɛ bɛbɔ bɛ awuke na akee bɛakpati bɛayɛ nwolɛ nzɛlɛlɛ ndendenle. Ɔlua ɛhye ati bɛ ndeanlɛ bayɛ kpole kpalɛ!]

Edwɛkpa ne kɛmɔ Mateyu hɛlɛle la 4:24

Ye nganeɛ dendenle hɔle Selea maanle ne anu amuala, na bɛvale bɛdabɛ mɔɔ ewule ngakyile ɛha bɛ na bɛlɛnwu amaneɛ: mɔɔ ɛbubu, mɔɔ awozonle ɛva bɛ, yɛɛ mɔɔ tɔ mgbutike la amuala bɛrɛlɛle ye, na ɔyɛle bɛ muala ayile.

Edwɛkpa ne kɛmɔ Maake hɛlɛle la 4:19

na ɛbɛlabɔlɛ ye anwo adwenleadwenle, anyiabɛnwo ɛhulolɛ, nee ninyɛne mgbane mgbane nwo atiakunluwɔzo fo keda edwɛkɛ ne azo, ɛhye ati bɛnzo ma.

1 Kɔl 12:2

Bɛze kɛ mekɛ mɔɔ ɛnee bɛnze Nyamenle la, awie mɔ vale adenle bie azo manle bɛzɔle mmonle mɔɔ ɛndendɛ la.

1 Tem 5:6

Na kunlanvolɛ mɔɔ ɛlɛdi ɔ ti la, kanzɛ ɔde ngoane nu bɔbɔ a yewu dɛbadɛba.

1 Tem 6:9

Bɛdabɛ mɔɔ bɛkpondɛ bɛ nwo bɛanyia la tɔ ngyegyelɛ nu, na munzule atiakunluwɔzo mgbane mgbane mɔɔ sɛkye menli, minli bɛ bo zo la kye bɛ wɔ ye ɛhane nu.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:11

Ɔwɔ kɛ ɛtua bɛ, ɔboalekɛ ɔlua ezukoakpondɛlɛ ti bɛlɛkilehile mɔɔ ɔnle kɛ bɛkilehile la, na bɛlɛsɛkye mbusua dɔɔnwo bɛabɔ bɛ awuke.

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:3

Ɔluakɛ ɛnee anrɛɛ yɛdayɛ noko yɛle ahɔnwɔne, tufoande, yɛɛ yɛminlinle. Yɛyɛle ngɛkɛlɛ yɛmanle nwonane nu atiakunluwɔzo nee anyelielɛ ngakyile kɔsɔɔti; yɛbɔle yɛ ɛbɛla ne atiakunlutane nee anyebolo nu; menli kpɔle yɛ yɛɛ yɛdayɛ noko yɛkpɔle yɛ nwo ngoko ngoko.

2 Pit 2:18

Bɛtu bɛ nloa anu, bɛka edwɛkɛ mɔɔ nrɛlɛbɛ ɛnle nu la na bɛfa adwɔmanebɔlɛ atiakunluwɔzo bɛsɛkye bɛdabɛ mɔɔ bɔ zo mɔɔ bɛlɛbɔ mɔdenle bɛanriandi bɛavi menli mɔɔ de ɛtane nu la avinli la.

2 Pit 3:17

Na ayi mɔ, bɛmɛ bɛhakye bɛ ɛhye mɔ anwo bie dɛba. Yemɔti bɛnlea boɛ na kpamgbanvolɛma anva bɛ amumuyɛ andwe bɛ angɔ nvonleɛ nu, na bɛavi ɛleka kɛnlɛma ɛhye mɔɔ bɛgyi la bɛagua aze.

Dwuudu Kɛlata ne 1:16

Menli ɛhye mɔ tendɛ bɛ nzo abo dahuu, bɛ kunlu ɛndwo bɛ nwo ɛlɛ; bɛdi bɛ atiakunluwɔzo ɛtane ne mɔ anzi, bɛtu bɛ nloa anu na bɛbɛlɛbɛla menli wɔ bɛdabɛ bɛ ngome bɛ boɛyɛlɛ ti.

Dwuudu Kɛlata ne 1:18

Bɛzele bɛ kɛ, “Saa awieleɛ mekɛ ne ba a, menli mɔɔ ɛnze Nyamenle na bɛdi bɛ ngome bɛ atiakunluwɔzo nzi la bara, na bɛarazi bɛ amgbu.”

Dwuudu Kɛlata ne 1:4

Ɔluakɛ menli bie mɔɔ ɛnze Nyamenle na bɛyɛ bɛ nzonlɛ bɛdo ɛkɛ dɛba kɛ bɛbazɛkye bɛ la ɛpe adenle bie azo ɛravea yɛ avinli. Menli ɛhye mɔ kakyi yɛ ɛlolɛ ne mɔɔ Nyamenle ɛva ɛlo yɛ mgbane la adwɔmanebɔlɛ, yɛɛ eza bɛkpo Gyisɛse Kelaese mɔɔ le yɛ Menle nee yɛ Awulae kokye la.