2 Tem 3:5 - BAEBOLO ANZƐƐ BULUKU NWUANZANWUANZA

⁵ bɛbazɔ nyamenlezonlenlɛ nu, na bɛnrɛlie ye tumi kpalɛ ne bɛnrɛdo nu. Twe ɛ nwo fi menli zɛhae mɔ anwo.

2 Tem 3:5 ပူးပေါင်းရင်းမြစ်များ

Ayezaya Buluku ne 29:13

Awulae zele kɛ, “Kɛmɔ menli ɛhye mɔ fa bɛ nloa mgbane a twe bikye me, bɛdi me eni na bɛ ahonle ɛmbikye me, yɛɛ bɛ ɛzulolɛ mɔɔ bɛsulo me la le menli mɛla mɔɔ ɛli la azolilɛ, na bɛzukoa bɛgua bɛ ti anu ala la,

Edwɛkpa ne kɛmɔ Mateyu hɛlɛle la 7:15

“Bɛnlea bɛ nwo boɛ wɔ Nyamenle kpɔmanvolɛma alanema anwo; bɛle menli bie mɔɔ bɛyɛ bɛ nwo kɛ asɛɛ bɛnze nwolɛ bie, noko bɛ kunlu le bile.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:14

Ɛnee akee yɛnle ngakula bieko mɔɔ adalɛma fa bɛ ngilehilelɛ nee agyiba ne mɔ mɔɔ bɛfa bɛtwe menli bɛkɔ ɛtane nu la bɔ yɛ kɔ ba kɛ selɛkye nee anwoma la.

2 Tɛs 3:14

Saa awie wɔ ɛkɛ ne mɔɔ ɔnrɛli mɔɔ yɛhɛlɛ ye wɔ kɛlata ɛhye anu la azo a, bɛmɛ bɛyɛ ahenle zɔhane nzonlɛ, bɛmmayɛ ye ɛhwee, na ɔdaye ɔ ngome ɔ nyunlu bagua aze.

2 Tɛs 3:6

Mediema, yɛlua Awulae Gyisɛse Kelaese duma nu, yɛka yɛahile bɛ kɛ bɛhwe bɛ nwo bɛvi mediema mɔɔ ɛlɛyɛ mgbovonle na bɛngulo kɛ bɛdi folɛ mɔɔ yɛdule bɛ la azo la anwo.

1 Tem 4:7

Twe ɛ nwo fi yɛ nlenya mɔ anwo koasea nwɔra mgbane mgbane ne mɔ mɔɔ ɛnle nyamenlezonlenlɛ la anwo, na mia ɛ nwo sonle Nyamenle kpalɛ.

1 Tem 4:8

Nwonane agbɔkɛ nu ɛkpundinlɛ hyia kpalɛ, noko sunsum nu ɛdeɛ ne hyia kpole kpalɛ, ɔluakɛ ɔmaa yɛ kɛkala nee kenle bie ngoane mɔɔ ɛnlɛ awieleɛ.

1 Tem 5:8

Saa awie ɛngola ye mbusua nea, bɔbɔ ɔngola ye awovolɛ boɛ nea a, ɛnee yekpo diedi ne na yezɛkye yedɛla sonla mɔɔ ɛnlɛ diedi la.

1 Tem 6:5

Eza bɛ nee menli mɔɔ bɛ adwenle ɛzɛkye na nɔhalɛ ne ɛvi bɛ sa la su kpolera dahuu. Bɛ adwenle a le kɛ bɛdua nyamenlezonlenlɛ zo bɛanyia bɛ nwo.

2 Tem 2:16

Twe ɛ nwo fi bɛdabɛ mɔɔ bɛsu zɛhae munzule nee koasea kpolera la anwo. Ɛhye te menli fi Nyamenle anwo.

2 Tem 2:23

Twe ɛ nwo fi koasea kpolerazulɛ mgbane mgbane ne mɔ anwo, ɔluakɛ ɛze kɛ bɛwie butulelilɛ.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:16

Bɛdabɛ bɛse bɛze Nyamenle, noko bɛ nyɛleɛ ɛngile zɔhane. Ɛkpɔlɛ nee anzosesebɛ ɛyi bɛ tɛkɛɛ, yɛɛ bɛnze debie kpalɛ biala yɛ.

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:10

Sonla mɔɔ fa mgbakyemgbakye ara la, bɔ ye kɔkɔ fane kɛyɛ nwiɔ, na gyakyi ye maa ɔva ɔ nwo.