2 Tem 3:3 - BAEBOLO ANZƐƐ BULUKU NWUANZANWUANZA

³ bɛ ti bayɛ se, bɛnrɛze anwunvɔne, bɛbabɔ nzekue, bɛbali mgbonde, bɛbava ɛya mgbane mgbane na bɛahyi kpalɛ,

2 Tem 3:3 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 49:7

Munzule ɛha bɛ ɛyavalɛ, Ɔluakɛ bɛ ɛya nloa yɛ se. Munzule ɛha bɛ ahonle ɛfutulɛ, Ɔluakɛ ɔle amumuyɛ! Mebahyɛ bɛ nuhua na meabɔ bɛ asande wɔ Yizilayɛ.

Edwɛndolɛ Buluku ne 15:4

Ɔkyi menli mɔɔ Nyamenle ɛkpo bɛ la, na ɔdi bɛdabɛ mɔɔ bɛsulo Ɛdɛnkɛma la eni, ɔbɔ ɛwɔkɛ a ɔdi zolɛ yɛɛ ɔngakyi ɔ nloa.

Edwɛndolɛ Buluku ne 22:6

Na mame, mele sonlɛ, menle sonla; menli ɛmbu me, yɛɛ bɛ muala bɛkpo me.

Ayezaya Buluku ne 53:3

Menli kpole ye yɛɛ bɛambu ye; ɔnwunle amaneɛ na ɔdele nyane; ɔyɛle sonla mɔɔ menli nwu ye a bɛye bɛ nye bɛto ɛbɔ nu, bɛkpole ye yɛɛ yɛambu ye bie.

Ayezaya Buluku ne 60:14

Menli mɔɔ sisile bɛ la amra mrenya ne mɔ Barabɔ bɛ ti aze amaa bɛ; Menli mɔɔ kpole bɛ la kɔsɔɔti Baradu agua bɛ gyakɛ anu. Bɛbavɛlɛ sua ne ‘Ɛdɛnkɛma Suakpole,’ ‘Zayɔn, Yizilayɛ Nwuanzanwuanza Ko ne Suakpole.’

Daneɛle Buluku ne 8:23

“Saa arelemgbunli ɛhye mɔ di bɛ ebia ne toonwo na bɛ belemgbunlililɛ ne ɛlɛba awieleɛ, mɔɔ mɛladonlɛma kɔpo ne ɛwie yi la, belemgbunli bie badwazo, na yemɔ, ɔnzulo ɛhwee, yɛɛ ɔte agyiba biala abo.

Edwɛkpa ne kɛmɔ Mateyu hɛlɛle la 10:21

“Adiema baye adiema amaa kɛ bɛhu ye. Selɛ baye ralɛ amaa, mralɛ badwazo bɛ awovolɛma anwo zo na bɛaye bɛ bɛamaa bɛahu bɛ.

Edwɛkpa ne kɛmɔ Mateyu hɛlɛle la 4:1

Akee Sunsum ne vale Gyisɛse hɔle fienemgbole ne anu kɛ abɔnsam ɛzɔ ye ɛnlea.

Edwɛkpa ne kɛmɔ Luku hɛlɛle la 10:16

Gyisɛse zele ye ɛdoavolɛma ne kɛ, “Sonla mɔɔ kɛdie bɛ la ɛdie me; sonla mɔɔ andie bɛ la andie me, yɛɛ mɔɔ andie me la andie ahenle mɔɔ zoanle me la.”

Edwɛkpa ne kɛmɔ Luku hɛlɛle la 16:14

Falasiima ne mɔ dele ɛhye amuala la, bɛgolole Gyisɛse anwo, ɔboalekɛ bɛkulo ezukoa kpalɛ.

Dw 6:70

Gyisɛse buale kɛ, “Bɛmɛ bulu nee nwiɔ ye, se memkpale nu menyele bɛ o? Noko bɛ nuhua ko le musuɔfoɔ!”

Wulo 1:29

Ninyɛne mɔɔ le kɛ amumuyɛ, asiayɛ, anyebolo, ngunzi, nungule, kɔdiawu, konle, adalɛ nee nwondomgbɔ la ɛyi bɛ tɛkɛɛ. Bɛye ndɛne,

Wulo 1:31

bɛle ahɔnwɔne, bɛnlɛ diedi, bɛnze ahunlunyele yɛɛ bɛ ti yɛ se kpalɛ kpalɛ.

1 Kɔl 7:5

Bɛmmabɔ bɛ nwo abolɛ, kyesɛ bɛ mu nwiɔ bɛdumua bɛkponle zolɛ kɛ bɛyɛ ye zɔhane na bɛanyia alagye bɛazɛlɛ; nzinlii bɛzia bɛyia nu bieko, amaa yeamba ye kɛ bɛangola bɛ nwo sɔ la ati Seetan azɔ bɛ anlea.

1 Kɔl 7:9

Na saa bɛnea na bɛnrɛhola bɛ nwo sɔ a, ɛnee bɛgya bie; ɔle kpalɛ kɛ bɛkɛgya bie tɛla kɛ bɛ nwo kɛhyele bɛ na bɛnrɛhola bɛ nwo sɔ a.

1 Tɛs 4:8

Zɔhane ati, mɔɔ kɛkpo ngilehilelɛ ɛhye la ɛmkpo sonla, na yekpo Nyamenle ne mɔɔ ɛva ye Sunsum Nwuanzanwuanza ne ɛmaa bɛ la.

1 Tem 3:11

Zɔhane ala yɛɛ bɛ ye mɔ noko ɔwɔ kɛ yɛ mraalɛ mɔɔ bɛ nye gyi bɛ ti anwo na bɛdi nɔhalɛ wɔ debie biala anu a.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:8

Ɔwɔ kɛ awie biala kola wolo ye na ɔkulo kpalɛyɛlɛ, ɔwɔ kɛ ɔkola ɔsɔ ɔ nwo, ɔyɛ sonla mɔɔ ye subane le kpalɛ, ɔ nwo te na ɔdi ɔ nwo eni.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:3

Zɔhane ala noko yɛɛ maa mraalɛ mgbanyinli ne mɔ ɛnwu ye na bɛbɔ ɛbɛla mɔɔ kile kɛ bɛze Nyamenle la a. Bɛmmayɛ ngunzi anzɛɛ bɛmmayɛ bɛ nwo akɛlɛ bɛmaa nza. Ɔwɔ kɛ bɛkilehile mɔɔ le kpalɛ la,

Gyemise Kɛlata ne 2:6

Na bɛmɛ bɛmbu ehyianvolɛma bie. Asoo tɛ sukoavolɛma a sisi bɛ na bɛtwili bɛ bɛkɔ ndɛnebuavolɛma anyunlu la?

2 Pit 2:14

Adwɔmanebɔlɛ ɛnzea bɛ adenle yɛɛ bɛnze ɛtane nwo nyiane nretee zɛhae. Bɛbɛlɛbɛla bɛdabɛ mɔɔ bɛtɛtinle sunsum nu la. Anyebolo ɛwie bɛ ku! Abule ɛbu bɛ!

2 Pit 2:19

Bɛfa fanwodi bɛbɔ ɛwɔkɛ, wɔ mekɛ mɔɔ bɛdabɛ mumua ne bɛle subane ɛtane nwo ahanra la. Sonla biala mɔɔ kɛmaa debie kɛvo ɔ nwo zo la le kanranli maa deɛ zɔhane.

2 Pit 3:3

Mɔɔ lumua la a le kɛ, ɔwɔ kɛ bɛnyia ndelebɛbo kɛ mekɛ mɔɔ li awieleɛ la amgbuzilɛma bie mɔɔ di bɛ atiakunluwɔzo nzi la badwazo na bɛarazi bɛ amgbu. Bɛbagolo bɛ nwo,

Dwuudu Kɛlata ne 1:16

Menli ɛhye mɔ tendɛ bɛ nzo abo dahuu, bɛ kunlu ɛndwo bɛ nwo ɛlɛ; bɛdi bɛ atiakunluwɔzo ɛtane ne mɔ anzi, bɛtu bɛ nloa anu na bɛbɛlɛbɛla menli wɔ bɛdabɛ bɛ ngome bɛ boɛyɛlɛ ti.

Dwuudu Kɛlata ne 1:18

Bɛzele bɛ kɛ, “Saa awieleɛ mekɛ ne ba a, menli mɔɔ ɛnze Nyamenle na bɛdi bɛ ngome bɛ atiakunluwɔzo nzi la bara, na bɛarazi bɛ amgbu.”

Yekile 13:15

Bɛmanle adenle bɛmanle nane ɛhye mɔɔ tɔ zolɛ nwiɔ la liele ɛnwomenle guale alumua nane ne ananze ne azo, amaa ananze ne adendɛ. Eza bɛmanle ye adenle bɛmanle ɔhunle bɛdabɛ mɔɔ bɛanzonle alumua nane ne ananze ne la amuala.

Yekile 13:17

Ɛdawɔ mɔɔ ɛnlɛ nzonlɛ ne mɔɔ le nane ne duma anzɛɛ ye sɛkɛlɛneɛ ne bie la, ɛngola ɛnli gua.

Yekile 16:6

Bɛhanle Nyamenle menli ne nee kpɔmanvolɛma mogya bɛguale, na ɛdawɔ noko wɔmaa bɛ mogya kɛ bɛnlo. Mɔɔ bɛnyia ye la fɛta bɛ!”

Yekile 17:6

Na menwunle kɛ raalɛ ne ɛbo. Nyamenle menli ne nee bɛdabɛ mɔɔ bɛ nɔhalɛlilɛ mɔɔ wɔ Gyisɛse anu la ati bɛhunle bɛ la mogya mɔɔ ɔnlonle la a ɛmaa yebo zɔhane a. Menwunle ye la, ɔzinle me nwo.