2 Tem 3:2 - BAEBOLO ANZƐƐ BULUKU NWUANZANWUANZA

² Menli bayɛ angomedi nee ezukoa nwo anyebolo, bɛbamemaa bɛ nwo zo na bɛazua anyetele; bɛbabɔ aholoba, bɛnrɛdie bɛ awovolɛma, bɛbakpo amunli, bɛnrɛzonle Nyamenle;

2 Tem 3:2 ပူးပေါင်းရင်းမြစ်များ

Edwɛndolɛ Buluku ne 10:3

Ɔluakɛ amumuyɛnli fa mɔɔ ɔkpondɛ la tu ɔ nwo, yɛɛ mɔɔ di ndunlumi la ɛmbu Nyamenle, ɔkpo ye.

Edwɛndolɛ Buluku ne 49:6

Duzu ati a menwɔzulo menli mɔɔ bɛ rɛle wɔ bɛ anwonyia nu na bɛfa bɛ anwonyia kpole ne bɛtu bɛ nwo la ɛ?

Edwɛndolɛ Buluku ne 52:1

O katakyie, duzu ati a ɛfa wɔ amumuyɛ ɛtu ɛ nwo zɛhae ɛ? Nyamenle anwunvɔnezelɛ ne wɔ ɛkɛ ne dahuu.

Ayezaya Buluku ne 10:15

Ɛdɛnkɛma ɛlɛbiza kɛ, “Asoo akuma baha kɛ ɔ nwo yɛ se tɛla ahenle mɔɔ ɛlɛfa ye abu baka la? Asoo sɛlada bamemaa ɔ nwo zo ahile ahenle mɔɔ ɛlɛfa ye apɛ baka la? Asoo baka anzɛɛ kpɔma kola sonla zo maa? Sonla a maa baka anzɛɛ kpɔma zo a.”

Daneɛle Buluku ne 11:36

“Selea belemgbunli ne bayɛ debie biala mɔɔ ɔdaye ɔkulo la; ɔbamemaa ɔ nwo zo yeayɛ ɔ nwo kpole yeadɛla nyamenle biala, na yeaheha azibɛnwo edwɛkɛ yeatia nyamenle ne mɔ Nyamenle ne. Ɔbayɛ ɛhye yeahɔdwu mekɛ mɔɔ Nyamenle kɛhwe ɔ nzo la, ɔluakɛ ɔwɔ kɛ mɔɔ Nyamenle ɛhyehyɛ ɛdo ɛkɛ la yɛ zɔhane.

Daneɛle Buluku ne 7:25

Ɔbadendɛ ɛtane ɛtane yeatietia Anwuma Anwumanli ne na yeayɛ Anwuma Anwumanli ne menli ne mɔ kpɔdekpɔde. Ɔbamia ɔ nwo kɛ ɔkakyi nyamenlezonlenlɛ mɛla ne nee nuhua ɛvoyia mekɛ ne mɔ. Yemɔ yɛɛ Nyamenle menli ne bahɔ ɔ bo ɛvolɛ nsa siane nsia a.

Edwɛkpa ne kɛmɔ Mateyu hɛlɛle la 15:6

ɛnee ɔngyia kɛ ɔkɛli ɔ ze eni.’ Zɔhane ati bɛva bɛ amaamuo zɛhae bɛdu Nyamenle Edwɛkɛ ne bɛgua.

Edwɛkpa ne kɛmɔ Luku hɛlɛle la 12:15

Na ɔzɔle zolɛ ɔzele menli ne amuala kɛ, “Bɛmmayɛ anyebolo wɔ adenle biala anu, ɔboalekɛ sonla ngoane ɛnle ye anwonyia anzɛɛ ye ezukoa kpole mɔɔ ɔlɛ la anu.”

Edwɛkpa ne kɛmɔ Luku hɛlɛle la 16:14

Falasiima ne mɔ dele ɛhye amuala la, bɛgolole Gyisɛse anwo, ɔboalekɛ bɛkulo ezukoa kpalɛ.

Edwɛkpa ne kɛmɔ Luku hɛlɛle la 6:35

Kyɛkyɛ! Bɛhulo menli mɔɔ kpɔ bɛ la na bɛyɛ kpalɛ bɛmaa bɛ, bɛbɔ bɛ bosea, noko bɛmmamaa bɛ nye da kɛ bɛ sa kɛha ye, na Anwuma Anwuma Nyamenle ne bamaa bɛ nwolɛ ahatualɛ kpole, na yeavɛlɛ bɛ ɔ mra, ɔluakɛ ɔyɛ nyele ɔmaa anzeayɛlɛma nee angomedima amuala.

Ɛzoanvolɛma Gyima ne 5:36

Mekɛ bie mɔɔ ɛraze ɛhɔ la, Tiyudase dwazole na ɔyɛle ɔ nwo kɛ ɔle sonlakpole bie, na ɔhwenle menli ala kɛyɛ ɛya nna ɔlile ɔ nzi. Na nzinlii bɛhunle ye, na ye ɛdoavolɛma ne bɔle asande manle ye fane ne gule.

Wulo 11:18

Yemɔti, ɔnle kɛ bɛtu bɛ nwo bɛkile bɛdabɛ mɔɔ bɛpɛ bɛ bɛgua kɛ baka ngane la. Duzu ati a bɛmemaa bɛ nwo zo ɛ? Bɛle ngane ala; tɛ bɛmɛ a bɛsɔ ndinli ne a, ndinli ne a sɔ bɛ a.

2 Kɔl 5:15

Ɔwule ɔmanle menli muala, amaa bɛdabɛ mɔɔ bɛde ngoane nu la andɛnla ammaa bɛ ngome bɛ nwo, na bɛadɛnla bɛamaa sonla ne mɔɔ bɛ ti a ɔwule na bɛdwazole ye bɛrale ngoane nu la.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:21

Bɛdabɛ mɔɔ bɛha la biala ɛlɛbɔ ye ɛbɛla mɔɔ hyia ye la, na yegyakyi mɔɔ Gyisɛse Kelaese kpondɛ kɛ ɔyɛ la.

Kɔlɔ 3:5

Ɔwɔ kɛ bɛku nwonane nu atiakunluwɔzo ne mɔ mɔɔ wɔ bɛ nu, mɔɔ le kɛ adwɔmane, ɛbɛla mgbane mgbane ɛbɔlɛ, ɛhulolɛ ɛtane, atiakunluwɔzo ɛtane, yɛɛ anyebolo, ɔluakɛ ɛhye mɔ ɛyɛlɛ le awozonle ɛzonlenlɛ.

2 Tɛs 2:4

Saa ɔba a ɔbatia debie biala nee nyamenle biala mɔɔ menli sonle la. Ɔbavo yeagyinlegyinla bɛ bati, yeahɔdɛnla aze wɔ Nyamenle Ɛzonlenlɛ Sua ne anu na yeavɛlɛ ɔ nwo kɛ ɔdaye a ɔle Nyamenle a.

1 Tem 1:20

Menli zɛhae bie mɔ a le Haemɛneeyɛse nee Alɛzanda, mɔɔ meva bɛ mewula Seetan tumi ne abo la, amaa bɛahile bɛ kɛ ɔwɔ kɛ bɛgyakyi Nyamenle anwo edwɛkɛ ɛtane ɛhanlɛ.

1 Tem 1:9

Ɔwɔ kɛ yɛnwu kɛ tɛ menli mɔɔ di boɛ la ati a mɛla ne wɔ ɛkɛ a, mɛla ne wɔ ɛkɛ maa atuadelɛma, anzosesebɛma, bɛdabɛ mɔɔ bɛnze Nyamenle nee ɛtanevolɛma, bɛdabɛ mɔɔ bɛ nwo ɛnde, menli mɔɔ ku bɛ ze mɔ anzɛɛ bɛ nli mɔ, ahɔdiawu,

1 Tem 3:3

ɔnle kɛ ɔyɛ nzanli anzɛɛ ɔdi mgbonde; ɔwɔ kɛ ɔyɛ sonla bɛtɛɛ mɔɔ kyi manzonle; ɔnle kɛ ɔ nye bolo ezukoa.

1 Tem 6:10

Ɔluakɛ ezukoa nwo anyebolo le munzule muala abo ndinli; bie mɔ anye ɛbolo ye ɛkpondɛlɛ somaa yemaa bɛvi diedi ne anwo mɔɔ akee nyane ala a bɛdi a.

1 Tem 6:4

memaa ɔ nwo zo ala na ɔnze debie biala. Kpolerazulɛ nee edwɛkɛ kpɔkɛ nwo butulelilɛ ɛyɛ ye subane; na ɛhye noko nee nungunlehwenlɛ, manzonle, aholoba ɛbɔlɛ nee menli nwo adwenle ɛtane ɛvalɛ a lua a.

2 Tem 3:4

bɛbaye bɛ gɔnwo mɔ bɛamaa, bɛbayɛ mgbaha na bɛ ti anu ayɛ bɛ fɛ; bɛbahulo anyelielɛ bɛadɛla Nyamenle,

Gyemise Kɛlata ne 2:8

Saa bɛdi Belemgbunlililɛ ne anwo mɛla ne, mɔɔ Nyamenle Edwɛkɛ ne se la kɛ, “Kulo ɛ gɔnwo kɛ ɛdawɔ ɛ nwo” la azo a, ɛnee bɛlua nɔhalɛ adenle ne anu.

Gyemise Kɛlata ne 4:16

Na bɛmɛ, bɛmemaa bɛ nwo zo, bɛtu bɛ nloa anu; na adubɛnwo ɛhye mɔ amuala le ɛtaneyɛlɛ.

Gyemise Kɛlata ne 4:6

Noko Nyamenle ɛlolɛ ne mɔɔ ɔfa ɔmaa la le kpole. Nyamenle Edwɛkɛ ne se, “Nyamenle bɛlɛ mɔɔ le mgbanyizonle la aze, na ɔmaa mɔɔ bɛlɛ ɔ nwo aze la zo.”

1 Pit 5:5

Zɔhane ala yɛɛ ɔwɔ kɛ bɛdabɛ ngakula mɔɔ bɛwɔ asɔne ne anu la noko bu mgbanyima ne mɔ na bɛka bɛ nwo aze bɛmaa bɛ a. Bɛ muala bɛva fɛlɛko nee ɛzelekɛ bɛzonle bɛ nwo ngoko ngoko, ɔluakɛ “Nyamenle kyi mɔɔ memaa ɔ nwo zo la, na ɔyila mɔɔ bɛlɛ ɔ nwo aze la.”

2 Pit 2:10

Bɛdabɛ mɔɔ bɛli bɛ atiakunluwɔzo ɛtane nzi na bɛkpo Nyamenle la kɛ bɛbawie ye la ɛne. Kilehilevolɛma alane ɛhye mɔ si bɛ kɛnra, bɛmemaa bɛ nwo zo kpalɛ, yɛɛ bɛmbu anyunlunyiama mɔɔ wɔ anwuma la na bɛtendɛ bɛtia bɛ.

2 Pit 2:12

Menli ɛhye mɔ yɛ bɛ ninyɛne kɛ ɛbɔ nu nane mɔɔ bɛbɔle bɛ kɛ bɛhye bɛ bɛhu bɛ la. Bɛtendɛ ɛtane bɛtia debie biala mɔɔ bɛnze la, na bɛbazɛkye bɛ kɛ ɛbɔ nu nane.

2 Pit 2:18

Bɛtu bɛ nloa anu, bɛka edwɛkɛ mɔɔ nrɛlɛbɛ ɛnle nu la na bɛfa adwɔmanebɔlɛ atiakunluwɔzo bɛsɛkye bɛdabɛ mɔɔ bɔ zo mɔɔ bɛlɛbɔ mɔdenle bɛanriandi bɛavi menli mɔɔ de ɛtane nu la avinli la.

2 Pit 2:3

Bɛ anyebolo ti, kilehilevolɛma alane ɛhye mɔ bava adalɛ edwɛkɛ abɛlɛbɛla bɛ anyia bɛ nwo zo nvasoɛ. Bɛbua bɛ ndɛne dɛbadɛba, na ɔla ɛkɛ ɔlɛkendɛ bɛ. Ahenle mɔɔ bazɛkye bɛ la ɛtɛdafele.

Dwuudu Kɛlata ne 1:16

Menli ɛhye mɔ tendɛ bɛ nzo abo dahuu, bɛ kunlu ɛndwo bɛ nwo ɛlɛ; bɛdi bɛ atiakunluwɔzo ɛtane ne mɔ anzi, bɛtu bɛ nloa anu na bɛbɛlɛbɛla menli wɔ bɛdabɛ bɛ ngome bɛ boɛyɛlɛ ti.

Yekile 13:1

Akee menwunle kɛ nane bie vi nyevile ne anu ɛlɛfo ara file zo. Ɔlɛ mɛne bulu yɛɛ ɔ ti le nsuu. Bɛbɔ ye mɛne ne mɔ ko biala abɔtile na bɛhɛlɛ duma ɛtane bie mɔɔ tia Nyamenle la bɛgua nwolɛ.

Yekile 16:11

Bɛbɔle anwuma Nyamenle ne sasa wɔ bɛ nganlɛ ne mɔ nee bɛ abodelɛ ne ati, noko bɛannu bɛ nwo bɛangyakyi ninyɛndane ɛyɛlɛ.

Yekile 16:21

Ezuawolɛ mgbole mɔɔ ko to tone nu tɔno ɛya la dɔle bilididi guale menli nwo zo. Yemɔti menli bɔle Nyamenle sasa, ɔboalekɛ nyane ɛhye bole zolɛ.

Yekile 16:9

Menli nwo dwele bɛ kpalɛ, na bɛdendɛle ɛtane bɛtiale Nyamenle, mɔɔ lɛ tumi wɔ amaneɛnwunlɛ ngakyile ɛhye mɔ azo la duma ne. Na bɛangyakyi ɛtane ɛyɛlɛ, bɛanye Nyamenle ayɛlɛ kɛ ɔle bedevinli.