2 Tem 3:13 - BAEBOLO ANZƐƐ BULUKU NWUANZANWUANZA

¹³ Amumuyɛma nee adalɛma bahɔ zolɛ amaa bɛ ti ayɛ se kpalɛ, bɛbabɛlɛbɛla awie mɔ na bɛabɛlɛbɛla bɛdabɛ bɛ ngome bɛ nwo.

2 Tem 3:13 ပူးပေါင်းရင်းမြစ်များ

Dwobu Buluku ne 12:16

Anwosesebɛ nee nrɛlɛbɛ le ye ɛdeɛ; mɔɔ bɛlɛbɛla nee mɔɔ bɛbɛlɛbɛla ye la le ye ɛdeɛ.

Ayezaya Buluku ne 44:20

Ɔle kpalɛ kɛ ɔkɛli nzonle bɔbɔ; adwenle ɛtane ɛminli ye, yemɔti ɔngola ɔnlie ɔ nwo anzɛɛ ɔnga kɛ amonle ne mɔɔ ɔlɛ la ɛnle nyamenle fee.

Yizikeɛle Buluku ne 8:13

Eza ɔzele me kɛ, “Ɛbanwu bɛkyi ninyɛne mgbole kpalɛ mɔɔ bɛlɛyɛ mɔɔ tɛla ɛhye mɔ la.”

2 Kɔl 6:8

Bɛdi yɛ eni yɛɛ bɛgua yɛ nyunlu aze; bɛbɔ yɛ aholoba yɛɛ bɛye yɛ ayɛlɛ. Bɛbu yɛ alanema, noko yɛdi nɔhalɛ;

1 Tem 4:1

Nyamenle Sunsum ne ka ye wienyi kɛ menli ne bie mɔ bakpo bɛ diedi ne kenle bie; bɛbadie sunsum adalɛma edwɛkɛ na bɛali mbɔnsam ngilehilelɛ ne mɔ azo.

2 Tem 3:8

Kɛmɔ Gyanize nee Gyambilize dwazole tiale Mosisi la, zɔhane ala yɛɛ menli ɛhye mɔ tia nɔhalɛ ne a. Bɛle menli mɔɔ bɛ adwenle ɛnli munli na bɛ diedi tɔ sinli a.

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:3

Ɔluakɛ ɛnee anrɛɛ yɛdayɛ noko yɛle ahɔnwɔne, tufoande, yɛɛ yɛminlinle. Yɛyɛle ngɛkɛlɛ yɛmanle nwonane nu atiakunluwɔzo nee anyelielɛ ngakyile kɔsɔɔti; yɛbɔle yɛ ɛbɛla ne atiakunlutane nee anyebolo nu; menli kpɔle yɛ yɛɛ yɛdayɛ noko yɛkpɔle yɛ nwo ngoko ngoko.

2 Pit 2:20

Ɔluakɛ saa menli nwu yɛ Awulae nee Dievolɛ Kelaese Gyisɛse, na ɔlua ɔ ti bɛfi ewiade ninyɛndane nu na eza bɛsia bɛ nzi bɛmaa ninyɛne zɔhane mɔ fo bɛ nwo zo a, ɛnee noko bɛ gyakɔ; bɛbazɛkye kpalɛ wɔ awieleɛ ne bɛadɛla alumua ne.

2 Pit 3:3

Mɔɔ lumua la a le kɛ, ɔwɔ kɛ bɛnyia ndelebɛbo kɛ mekɛ mɔɔ li awieleɛ la amgbuzilɛma bie mɔɔ di bɛ atiakunluwɔzo nzi la badwazo na bɛarazi bɛ amgbu. Bɛbagolo bɛ nwo,

Yekile 12:9

Bɛvuandinle nane anwo ɛzulolɛ ne mɔɔ le kɛ ɛlɛnrɛne la bɛdole azɛlɛ ye azo. Yemɔ a le mɔmoane ɛwɔlɛ ne mɔɔ bɛfɛlɛ ye Abɔnsam anzɛɛ Seetan, mɔɔ ɛbɛlɛbɛla ewiade amra amuala la. Bɛvuandinle ye soanvolɛma ne mɔ noko bɛguale azɛlɛ ye azo.

Yekile 13:14

Ɔluale ngonyia ɛhye mɔ mɔɔ bɛmanle ye adenle bɛmanle ɔluale alumua nane ne anwo zo ɔyele la azo ɔbɛlɛbɛlale menli mɔɔ wɔ ewiade la amuala. Nane ɛhye mɔɔ tɔ zolɛ nwiɔ la zele menli kɔsɔɔti kɛ bɛyɛ ananze mɔɔ zɔho nane ne mɔɔ bɛbɔle ye hanlɛ kpole noko ɔtɛte ngoane nu la.

Yekile 18:23

Bɛnrɛzɔ kɛnlaneɛ wɔ zolɛ bieko ɛlɛ, yɛɛ bɛnrɛde atɔfolɛ nee ɔ hu bɛ ne wɔ zolɛ. Wɔ gualilɛma a ɛnee le menli mgbole wɔ ewiade a, na ɔvale ngonyia ɔbɛlɛbɛlale menli mɔɔ wɔ ewiade la amuala.