2 Tem 3:12 - BAEBOLO ANZƐƐ BULUKU NWUANZANWUANZA

¹² Nɔhalɛ, awie biala mɔɔ kpondɛ kɛ ɔbɔ ɛbɛla kpalɛ na ɔ nee Kelaese Gyisɛse dua la, bɛbayɛ ye kpɔdekpɔde.

2 Tem 3:12 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 16:24

Akee Gyisɛse zele ye ɛdoavolɛma ne kɛ, “Saa awie biala kpondɛ kɛ ɔ nee me dua a, ɛnee ɔkpo ɔ nwo, ɔva ye (amaneɛnwunlɛ) meanubaka ne ɔdo ɔ kɔme zo na ɔdoa me.

Edwɛkpa ne kɛmɔ Mateyu hɛlɛle la 23:34

Ɛhye ala ati yɛɛ melɛsoa Nyamenle kpɔmanvolɛma, nrɛlɛbɛvolɛma, yɛɛ kilehilevolɛma wɔ bɛ nwo a; noko bɛbahu bie mɔ, bɛbabɔ bie mɔ meanubaka nu, bɛbabo bie mɔ wɔ bɛ nyianu azua ne mɔ anu, na bɛayɛ bie mɔ kpɔdekpɔde wɔ bɛ azua ne mɔ azo.

Edwɛkpa ne kɛmɔ Maake hɛlɛle la 10:30

banyia bɛ molozo wɔ kɛkala mekɛ ye anu. Ɔbanyia azua, mediema mrenya nee mraalɛ, ninlima nee mralɛ nee azɛlɛ mɔnwo mɔnwo. Bɛbayɛ ye kpɔdekpɔde ɛdeɛ, noko kenle bie ɔkɛnyia ngoane mɔɔ ɛnlɛ awieleɛ.

Dw 16:2

Bɛbaye bɛ ali bɛavi bɛ nyianu azua ne mɔ anu. Mekɛ bara mɔɔ awie biala mɔɔ kɛhu bɛ nuhua bie la badwenle kɛ ɔlɛyɛ ye Nyamenle gyima.

Dw 16:33

Meha ɛhye mehile bɛ amaa saa bɛmeta me nwo a bɛanyia anzonudwolɛ. Ɛtane ewiade ɛhye bamaa bɛali nyane, noko bɛgyinla kpundii. Meli ɛtane ewiade ɛhye anwo zo konim!”

Dw 17:14

Meha wɔ nrɛlaleɛ ne mehile bɛ, yemɔti ɛtane ewiade ɛhye kpɔ bɛ, ɔboalekɛ bɛnle ɛtane ewiade ye ɛdeɛ, kɛmɔ menle ɛtane ewiade ye ɛdeɛ la.

Ɛzoanvolɛma Gyima ne 14:22

Bɛmanle diedima ne mɔ anwosesebɛ na bɛzele bɛ kɛ bɛzɔ diedi ne anu kpundii. Bɛhilehilele bɛ kɛ ɔwɔ kɛ yɛnwu amaneɛ dɔɔnwo na yɛanwu Nyamenle Belemgbunlililɛ ne.

1 Kɔl 15:19

Saa ngoane ɛhye anu ala yɛɛ yɛlɛ anyelazo wɔ Kelaese anu a, ɛnee noko yɛyɛ anwunvɔne kpole kpalɛ yɛtɛla menli kɔsɔɔti.

2 Kɔl 1:12

Mɔɔ yɛfa yɛtu yɛ nwo la a le ɛhye: yɛ ti kanrɛlɛ ne di daselɛ kɛ yɛlua Nyamenle nwuanzanwuanzayɛlɛ nee nɔhalɛlilɛ, nee Nyamenle ɛlolɛ ne tumi zo yɛɛ yɛfa yɛbɔ yɛ ɛbɛla wɔ ewiade ye anu a, bɔbɔ wɔ bɛ avinli, na tɛ ewiade nrɛlɛbɛ zo a yɛlua a.

2 Kɔl 4:9

bɛyɛ yɛ kpɔdekpɔde, noko yɛtɛkyianle agɔnwolɛ nwo ɛlɛ; yɛɛ ɔdwu mekɛ ne bie bɔbɔ a bɛbobɔ yɛ, noko yɛtɛwule.

1 Tem 2:2

Yɛ nzɛlɛlɛ ne bie maa arelemgbunli nee menli mɔɔ tumi wɔ bɛ sa nu la amuala, amaa yɛ nwo adɔ yɛ na yɛanyia anzonudwolɛ yɛabɔ yɛ ɛbɛla, na yɛanyia adenle yɛazonle yɛ Nyamenle ne, yɛali ye eni, kɛmɔ ɔfɛta la.

1 Tem 3:16

Yɛka yɛto gua kɛ nɔhalɛ, awozinli nu debie mɔɔ wɔ yɛ nyamenlezonlenlɛ ne anu la yɛ nwanwane: Ɔrale ewiade kɛ sonla, noko Sunsum nu a ɔle saanwu. Nyamenle soanvolɛma nwunle ye, bɛbɔle ɔ nwo nolo wɔ maanle maanle kɔsɔɔti anu. Ewiade amra amuala liele ye lile, na bɛvale ye bɛhɔle anwuma anyu

1 Tem 6:3

Awie biala mɔɔ kilehile ngilehilelɛ fofolɛ bie na ɔnlie yɛ Awulae Gyisɛse Kelaese nɔhalɛ edwɛkɛ ne nee yɛ nyamenlezonlenlɛ ngilehilelɛ ne ɔndo nu la

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:1

Medame Pɔɔlo, mɔɔ mele Nyamenle sonvolɛ nee Gyisɛse Kelaese ɛzoanvolɛ la yɛɛ melɛkɛlɛ kɛlata ɛhye a. Bɛyele me na bɛzoanle me kɛ mengɔmboa Nyamenle menli ne mɔɔ yekpa nu yeye bɛ la wɔ bɛ diedi nu, na mengilehile bɛ memaa bɛnwu nɔhalɛ ne mɔɔ wɔ yɛ nyamenlezonlenlɛ ne anu la.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:12

Zɔhane ɛlolɛ ne kilehile yɛ kɛ yɛvuandi ɛbɛla mgbane mgbane nee ewiade atiakunluwɔzo ne mɔ yɛgua, na yɛyɛ yɛ nye gyɛlɛmgbɛɛnye, yɛnlea boɛ na yɛbɔ Nyamenlezulolɛ ɛbɛla fɔɔnwo ne wɔ ewiade ye anu,

Dwɔhyua Buluku ne 17:14

Dwosefi abo zo amra ne zele Dwɔhyua kɛ, “Duzu ati yɛɛ wɔva azɛlɛ ne ɛkpɔ ko ala a wɔmaa yɛ a? Ɔluakɛ Ɛdɛnkɛma ɛyila yɛ ɛmaa yɛ nwo ɛzo kpalɛ.”

1 Pit 3:14

Na saa bɛnwu amaneɛ wɔ bɛ pɛlepɛlelilɛ ti bɔbɔ a, bɛbanyia nyilalɛ. Bɛmmasulo awie biala, yɛɛ bɛmmamaa bɛ ahonle tu.

2 Pit 3:11

Na saa bɛbazɛkye ewiade ye amuala wɔ adenle zɛhae anu a, ɛnee bɛdabɛ bɛnea a duzu menli a ɔwɔ kɛ bɛyɛ a? Ɔwɔ kɛ bɛyɛ menli mɔɔ bɛ ɛbɛla nwo te saanwu na bɛtu bɛ nwo bɛmaa Nyamenle,

Yekile 12:4

Ɔvale ɔ dua ɔhyɛle nwɔlɔra mɔɔ wɔ anwomanyunlu la anu ekpunli nsa na ɔpianle ko ɔguale aze. Akee ɔragyinlanle raalɛ ne mɔɔ ɛvo awolɛ zo la anyunlu ɛkɛ ne kɛ saa ɔwo a yeahye kakula ne yeali.

Yekile 7:14

Membuale ye kɛ, “Yɛmenle, ɛdawɔ yɛɛ ɛze a.” Na ɔzele me kɛ, “Menli ɛhye mɔ a le bɛdabɛ mɔɔ bɛho bɛdɔ zolɛ wɔ amaneɛnwunlɛ kpole ne anu la. Bɛkpole bɛ adɛladeɛ ne mɔ nwohyee wɔ Boaneralɛ ne mogya ne anu.