2 Tem 3:10 - BAEBOLO ANZƐƐ BULUKU NWUANZANWUANZA

¹⁰ Na wɔmɔ, wɔli me ngilehilelɛ, me nyɛleɛ nee me ɛbɛlabɔlɛ nu bodane ne anzi; wɔnwu me diedi, me abotane, me ɛhulolɛ, nee me kpundii mɔɔ megyi,

2 Tem 3:10 ပူးပေါင်းရင်းမြစ်များ

Daneɛle Buluku ne 1:8

Na Daneɛle yɛle ye adwenle kɛ ɔnrɛdoa alehelɛ aleɛ ne anzɛɛ nza ne ɔnrɛgua ɔ nwo evinli. Yemɔti ɔnwunle sonvolɛ kpanyinli ne kɛ ɔmaa ye adenle na ɔnrɛli aleɛ ne, yɛɛ ɔnrɛnlo nza ne ɔnrɛgua ɔ nwo evinli.

Edwɛkpa ne kɛmɔ Luku hɛlɛle la 1:3

Zɔhane ati, Nana, kɛmɔ medame noko menleɛnlea ninyɛne ɛhye mɔ anu boɛ, ɔvi bɛ mɔlebɛbo ne la, medwenle nwolɛ kɛ ɔle kpalɛ kɛ menwɔhɛlɛ ye fɔɔnwo ne ala menwɔmaa wɔ.

Ɛzoanvolɛma Gyima ne 11:23

Mɔɔ ɔhɔdwule na ɔnwunle kɛ Nyamenle ɛzi ɛlo menli ne la, ɔlile fɛlɛko na ɔzile bɛ kɛnra kɛ bɛva bɛ ahonle muala bɛzɔ diedi ne anu kpalɛ na bɛli nɔhalɛ bɛmaa Awulae.

Ɛzoanvolɛma Gyima ne 2:42

Na bɛdule bɛ nwo bɛmanle ɛzoanvolɛma ne ngilehilelɛ ne, bɛ nee bɛ zonlenle, na bɛbɔle nu bɛlile debie wɔ mediema ɛyɛlɛ nu.

Ɛzoanvolɛma Gyima ne 20:18

Bɛrale la ɔzele bɛ kɛ, “Bɛdabɛ bɛnwu kɛ mezi mebɔ me ɛbɛla, ɔvi kenle mɔɔ membandwule Ehyea maanle ye anu toonwo mɔɔ ɛradwu ɛnɛ la.

Ɛzoanvolɛma Gyima ne 26:4

“Ɔvi me ngakula nu, Dwuuma amuala ze kɛ mezi mebɔ me ɛbɛla la. Bɛze kɛ membɔle me ɛbɛla bo wɔ me maanle ye anu, nee Gyɛlusalɛm.

Wulo 16:17

Mesɛlɛ bɛ, me mediema, bɛnlea bɛ nwo boɛ wɔ amaantoma mɔɔ sɛkye awie mɔ diedi na bɛtia ngilehilelɛ mɔɔ bɛmɛ bɛnyia ye la asa anu. Bɛhwe bɛ nwo bɛvi menli zɔhane mɔ anwo.

2 Kɔl 1:17

Yemɔti ngyehyɛlɛ ɛhye mɔɔ menyɛle la kile kɛ mele sonla mɔɔ meka a menyɛ ɔ? Anzɛɛ meyɛ me ngyehyɛlɛ kɛ adalɛ sonla bie mɔɔ meka kɛ “ɛhɛe” a ɛnee mekile “kyɛkyɛ” ɔ?

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:14

Ɛnee akee yɛnle ngakula bieko mɔɔ adalɛma fa bɛ ngilehilelɛ nee agyiba ne mɔ mɔɔ bɛfa bɛtwe menli bɛkɔ ɛtane nu la bɔ yɛ kɔ ba kɛ selɛkye nee anwoma la.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:20

Menlɛ awie mɔɔ kɛdwenle bɛ nwo kpalɛ kɛ medame la, kyesɛ Temɔte ala, yɛɛ yemɔ noko ala a kɛdwenle bɛ nwo a.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:22

Bɛdabɛ bɛze Temɔte bolɛ mɔɔ sonle a. Bɛze gyima kpalɛ mɔɔ ɔyɛle ɔ nwo kɛ ralɛ na ɔ nee me yɛlile wɔ Edwɛkpa ne anwo a.

1 Tɛs 1:5

Ɔluakɛ yɛanva yɛ nloa mgbane a yɛvale Edwɛkpa ne yɛrɛlɛle bɛ a, yɛvale tumi nee Sunsum Nwuanzanwuanza ne nee ye nɔhalɛ ne anwo adwenle mɔɔ si pi la a yɛrale a. Bɛdabɛ bɛze kɛ yɛzile yɛbɔle yɛ ɛbɛla wɔ mekɛ mɔɔ yɛ nee bɛ de la; yɛyɛle ɛhye wɔ bɛdabɛ bɛ kpalɛ ti.

1 Tem 1:3

Mekpondɛ kɛ ɛtɛnla Ɛfɛsɛse, kɛmɔ mesia meahɔ Masidonea mɔɔ menganle mengilele wɔ la. Menli bie wɔ ɛkɛ ne ɛlɛkilehile ngilehilelɛ mɔɔ ɛnle nɔhalɛ a, na tua bɛ.

1 Tem 4:6

Saa ɛfa ngilehilelɛ ɛhye mɔ ɛkilehile mediema ne mɔ a, ɛbayɛ Kelaese Gyisɛse sonvolɛ kpalɛ, na diedi nu ngilehilelɛ ne nee ngilehilelɛ kpalɛ ne mɔɔ dahuu ɛli ɔ nzi la aboa amaa wɔanyi sunsum nu.

1 Tem 6:11

Na wɔmɔ, Nyamenle sonla, twe ɛ nwo fi ninyɛne ɛhye mɔ anwo, na pele kpondɛ pɛlepɛlelilɛ, anwondelɛ, diedi, ɛhulolɛ, abotane yɛɛ bɛtɛɛyɛlɛ bo zo.

2 Tem 2:22

Yemɔti kpo wɔ mgbavolɛ nu atiakunluwɔzo ne mɔ na ɛ nee bɛdabɛ mɔɔ bɛfa ahonle mɔɔ nuhua te bɛfɛlɛ Awulae la ɛpele ɛkpondɛ pɛlepɛlelilɛ, diedi, ɛhulolɛ, nee anzonudwolɛ bo zo.

2 Tem 4:2

Bɔ edwɛkɛ ne nolo na si zolɛ mɔɔ ɛndwenle mɔɔ kɛzi ɔ nzi a, kpalɛ o, ɛtane o! Di menli ne adwenle maa bɛlie Edwɛkpa ne bɛdo nu, twi bɛ nyunlu, tu bɛ folɛ na fa abotane kilehile bɛ.

2 Tem 4:3

Mekɛ bie bara mɔɔ menli ɛnrɛdie ngilehilelɛ kpalɛ a. Bɛbali bɛdabɛ bɛ atiakunluwɔzo nzi, na bɛaboɔboa kilehilevolɛma dɔɔnwo mɔɔ kɛha mɔɔ bɛkulo kɛ bɛte la anloa bɛamaa bɛ nwo.

2 Tem 4:7

Meho konle kpalɛ ne, mewie ɛnriandilɛ ne su, meli me ɛwɔkɛ zo.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:7

Wɔ ninyɛne muala anu, ɛdawɔ mumua ne pɛ kelemunli kpalɛ wɔ gyima kpalɛ ɛyɛlɛ nu to ɛkɛ. Maa ɛ nye ɛbolo wɔ ngilehilelɛ ne anwo na di nɔhalɛ.

Kɛlata mɔɔ bɛhɛlɛle bɛhɔmanle Hibuluma la 13:9

Bɛmmamaa ngilehilelɛ ngakyile biala twe bɛ fi adenle kpalɛ ne mɔɔ bɛlua zo la azo. Ɔle kpalɛ kɛ yɛkɛmaa Nyamenle ɛlolɛ ne kɛmaa yɛ ɛkɛla nwo kɛyɛ se tɛla kɛ yɛkɛli aleɛ nwo ngyehyɛlɛ zo la, ɔluakɛ bɛdabɛ mɔɔ bɛlile ngyehyɛlɛ zɛhae mɔ anzi la, yeamboa bɛ.

2 Pit 3:11

Na saa bɛbazɛkye ewiade ye amuala wɔ adenle zɛhae anu a, ɛnee bɛdabɛ bɛnea a duzu menli a ɔwɔ kɛ bɛyɛ a? Ɔwɔ kɛ bɛyɛ menli mɔɔ bɛ ɛbɛla nwo te saanwu na bɛtu bɛ nwo bɛmaa Nyamenle,