2 Tem 2:8 - BAEBOLO ANZƐƐ BULUKU NWUANZANWUANZA

⁸ Kakye Gyisɛse Kelaese, kakye ye ewudwazo ne na kakye kɛ ɔle Devidi anlɔnra. Edwɛkpa ne mɔɔ mebɔ ye nolo la ɛne.

2 Tem 2:8 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 1:1

Gyisɛse Kelaese abusua ɛlɔnwɔne ne ɛne. Gyisɛse le Devidi angabɛnzo yɛɛ Devidi le Ebileham alɔnra.

Edwɛkpa ne kɛmɔ Luku hɛlɛle la 24:46

na ɔzele bɛ kɛ, “Mɔɔ bɛhɛlɛ bɛdo ɛkɛ ne la ɛne: Ɔwɔ kɛ Mɛzaya ne nwu amaneɛ na ye kenle nsa ne anzi bɛdwazo ye bɛfi mɔwuamra anu.

Ɛzoanvolɛma Gyima ne 13:23

Devidi ɛhye alɔnra a le Gyisɛse mɔɔ Nyamenle ɛyɛ ye Yizilayɛma Ngoanedievolɛ, kɛmɔ ye ɛwɔkɛ ne se la.

Ɛzoanvolɛma Gyima ne 2:24

Na Nyamenle dwazole ye vile mɔwuamra anu na ɔyele ye ɔvile ewule asa nu; ɔluakɛ ɔnle kɛ ewule di ɔ nwo zo konim.

Ɛzoanvolɛma Gyima ne 2:30

Ɔle Nyamenle kpɔmanvolɛ yɛɛ ɔze ɛwɔkɛ mɔɔ Nyamenle ɛbɔ ye a: Nyamenle hanle ndane dole zolɛ kɛ ɔbamaa Devidi abo zo amra ne bie ali belemgbunli kɛ ɔdaye Devidi la.

Wulo 16:25

Bɛmaa yɛlua Gyisɛse Kelaese anwo zo yɛva anyunlunyia yɛmaa Nyamenle mɔɔ ɔ ngomekye ala a ɔze nrɛlɛbɛ na ɔkola ɔmaa bɛgyinla kpundii wɔ diedi nu, kɛmɔ ye Edwɛkpa ne mɔɔ fane Awulae Gyisɛse Kelaese anwo, mɔɔ mebɔ ye nolo la kile la. Edwɛkpa ɛhye mɔɔ anrɛɛ vea, na bɛhedale zolɛ wɔ mekɛ dɔɔnwo mɔɔ ɛraze ɛhɔ la akee ɛvinde wienyi. Ɛdɛnkɛma Nyamenle ne ɛmaa bɛbɔ ye nolo bɛhile maanle maanle kɔsɔɔti, amaa bɛalie bɛali na bɛali zolɛ, kɛmɔ Nyamenle kpɔmanvolɛma ɛha ye wɔ Nyamenle Edwɛkɛ ne anu la. Anyunlunyia ɛha Nyamenle dahuu! Amen.

Wulo 2:16

kɛmɔ Edwɛkpa ne mɔɔ mebɔ ye nolo la kile la. Na yemɔ a le kɛ, Nyamenle dua Gyisɛse Kelaese anwo zo bua menli kɔsɔɔti ndɛne wɔ adwenle biala mɔɔ bɛfa ye fealera nu la anwo.

1 Kɔl 15:1

Mediema, akee metwe bɛ adwenle meara Edwɛkpa ne mɔɔ membɔle ye nolo mengilele bɛ a bɛliele bɛdole nu na bɛ diedi gyi zo la azo.

1 Kɔl 15:4

Bɛziele ye na ye kenle nsa ne azo, Nyamenle dwazole ye rale ngoane nu, kɛmɔ Nyamenle Edwɛkɛ ne se la.

2 Tɛs 2:14

Nyamenle luale Edwɛkpa ne mɔɔ yɛhanle yɛhilele bɛ la azo a vɛlɛle bɛ a, amaa bɛanyia Awulae Gyisɛse Kelaese anyunlunyia ne bie.

1 Tem 1:11

Ngilehilelɛ ɛhye mɔ wɔ Edwɛkpa ne mɔɔ anyunlunyia nee saleɛ Nyamenle ne ɛva ɛwula me sa nu kɛ membɔ ye nolo la anu.

1 Tem 2:7

Ɛhye ati yɛɛ ɔyɛle me ɛzoanvolɛ kɛ menga na mengilehile bɛdabɛ mɔɔ bɛnle Dwuuma la nɔhalɛ diedi ne a. Membɔ adalɛ, nɔhalɛ ne a melɛka la!

2 Tem 1:8

Mmamaa Awulae anwo daselɛlilɛ yɛ wɔ nyiane; yɛɛ mmamaa medame noko mɔɔ Kelaese ati mela efiade la me nwo yɛ wɔ nyiane. Ɛdawɔ dua anwosesebɛ ne mɔɔ Nyamenle ɛva ɛmaa wɔ la azo nwu Edwɛkpa ne anwo amaneɛ ne bie.

2 Tem 2:7

Dwenle mɔɔ melɛka la anwo, ɔluakɛ Awulae baboa wɔ yeamaa wɔade ɔ muala abo.

Yekile 5:5

Na mgbanyima ne mɔ ko zele me kɛ, “Mmasu. Nea! Dwuda abusua nu awenade ne, mɔɔ le Belemgbunli Devidi ati anwo anlɔnra kpole ne, ɛli konim, na ɔkola ɔwaye ɛyɛlɛ nsuu ne mɔ na ɔbuke nwoma ne anu.”