2 Tem 2:7 - BAEBOLO ANZƐƐ BULUKU NWUANZANWUANZA

⁷ Dwenle mɔɔ melɛka la anwo, ɔluakɛ Awulae baboa wɔ yeamaa wɔade ɔ muala abo.

2 Tem 2:7 ပူးပေါင်းရင်းမြစ်များ

1 Edk 22:12

Ɔdaye Ɛdɛnkɛma ɔmaa wɔ nrɛlɛbɛ nee ndelebɛbo, amaa saa ɔfa Yizilayɛ maanle ne ɔwula ɛ sa nu a wɔali Ɛdɛnkɛma wɔ Nyamenle ne mɛla zo.

1 Edk 29:19

Maa me ra Sɔlɔmɔn ahonle kpalɛ maa ɔli debie biala mɔɔ ɛkɛze ye la azo na ɔzi Ɛzonlenlɛ Sua ne mɔɔ yemɔti meboɔboa ninyɛne ɛhye mɔ anloa la.”

Edwɛndolɛ Buluku ne 119:125

Mele wɔ sonvolɛ; maa me ndelebɛbo, amaa meanwu wɔ mɛla ne mɔ!

Edwɛndolɛ Buluku ne 119:144

Wɔ mɛla ne mɔ le fɔɔnwo dahuu; maa me ndelebɛbo, amaa meanyia ngoane.

Edwɛndolɛ Buluku ne 119:73

Ɛdawɔ yɛɛ wɔbɔ me na wɔziezie me a; maa me ndelebɛbo, amaa meazukoa wɔ mɛla ne mɔ.

Edwɛndolɛ Buluku ne 64:9

Akee menli kɔsɔɔti bazulo; bɛbaha gyima mɔɔ Nyamenle ɛli la, na bɛadwenle mɔɔ yeyɛ la anwo.

Mrɛlɛbulɛ Buluku ne 24:32

Menwunle ye la mendwenlenle nwolɛ. Meneanle ye kpalɛ na menyianle ezukoalɛdeɛ wɔ nu.

Ayezaya Buluku ne 1:3

Ɛnlankɛ ze ɔ menle, asoaso ze ɛleka mɔɔ ɔ menle maa ye aleɛ la; na Yizilayɛma, mɔɔ le medame me menli la ɛnze me, yɛɛ bɛnlɛ ndelebɛbo.”

Ayezaya Buluku ne 28:26

Sonla zɛhae ze mɔɔ ɔwɔ kɛ ɔyɛ la, ye Nyamenle ne a kilehile ye a.

Ayezaya Buluku ne 5:12

Getaa mgbole nee ngyikyi, fulutu nee akɛya yɛɛ bɛbɔ na bɛno nwanye wɔ bɛ ɛvoyialilɛ bo a; bɛmbu Ɛdɛnkɛma gyima mɔɔ yeli la bie, yɛɛ bɛnnwu ɔ sa anloa gyima mɔɔ yeyɛ la.

Daneɛle Buluku ne 1:17

Mgbavolɛ nna ɛhye, Nyamenle manle bɛnwunle nwoma na bɛnwunle nrɛlɛbɛ kpole. Nyamenle manle Daneɛle ɛnyelɛzodeɛnwunlɛ nee ɛlalɛ bo ɛhilelɛ adwenle.

Edwɛkpa ne kɛmɔ Luku hɛlɛle la 21:15

ɔboalekɛ mebamaa bɛ nrɛlɛbɛ nee edwɛkɛ agbɔkɛ meamaa bɛaha na bɛ kpɔvolɛma biala ɛnrɛhola bɛ nyunlu gyinla yeye bɛ nloa azo.

Edwɛkpa ne kɛmɔ Luku hɛlɛle la 24:45

Akee ɔbukele bɛ adwenle ɔmanle bɛdele Nyamenle Edwɛkɛ ne abo,

Edwɛkpa ne kɛmɔ Luku hɛlɛle la 9:44

“Bɛmaa ɛhye ɛhɔ bɛ nzo nu! Bɛbaye medame Sonla Ra bɛawula menli sa nu.”

Dw 14:26

Boavolɛ ne, mɔɔ le Sunsum Nwuanzanwuanza ne, mɔɔ Selɛ ne bazoa ye wɔ me duma nu la, barahilehile bɛ debie biala, na yeamaa bɛahakye mɔɔ meha mehile bɛ la amuala.

Dw 16:13

Na saa Sunsum ne mɔɔ baye nɔhalɛ ne mɔɔ fane Nyamenle anwo la ba a, ɔbamaa bɛanwu nɔhalɛ ne amuala. Ɔnrɛva ɔdaye ye tumi ɔnrɛdendɛ, na ɔbaha mɔɔ ɔkɛde, na yeaha ninyɛne mɔɔ bara la anwo edwɛkɛ yeahile bɛ.

Ɛzoanvolɛma Gyima ne 7:10

na ɔyele ye ɔvile ye amaneɛnwunlɛ muala anu. Mɔɔ Dwosefi dwule Yigyibiti belemgbunli ne (Falo) anyunlu la, Nyamenle manle ye nrɛlɛbɛ na ɔlua zo ɔnyianle ɔ nyunlu. Na Yigyibiti belemgbunli yɛle ye amɛnlado wɔ ye maanle ne anu nee ye suakunlu ɛkɛ ne neavolɛ.

1 Kɔl 12:8

Nyamenle Sunsum ne maa bie ka nrɛlɛbɛ edwɛkɛ, yɛɛ ɔmaa bie adwenle nu buke.

Mɛla 32:29

Saa bɛze nrɛlɛbɛ a anrɛɛ bɛkɛde ɛhye abo, anrɛɛ bɛbanwu mɔɔ nzinlii bazi bɛ nwo zo la.

Mɛla 4:39

Zɔhane ati bɛnwu ye ɛnɛ na bɛva bɛzie bɛ ti anu kɛ Ɛdɛnkɛma a le Nyamenle wɔ anwuma nee azɛlɛ ti anu a; nyamenle bieko ɛnle ɛkɛ.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:8

Me mediema, mɔɔ meka meadwula me edwɛkɛ ne la a le kɛ, bɛdwenle ninyɛne mɔɔ le nɔhalɛ, mɔɔ lɛ duma, ninyɛne mɔɔ le fɔɔnwo, mɔɔ anwo te, mɔɔ le kɛnlɛma, mɔɔ sɔ ɛnyelɛ, nee mɔɔ di munli na ayɛlɛyelɛ wɔ nwolɛ la anwo.

Kɔlɔ 1:9

Ɔlua ɛhye ati, sumunli kɛ yɛdele bɛ nganeɛ la, dahuu yɛsɛlɛ yɛmaa bɛ. Yɛsɛlɛ Nyamenle kɛ ɔva sunsum nu nrɛlɛbɛ nee ndelebɛbo muala ɔyi bɛ tɛkɛɛ, amaa bɛanyia Nyamenle ɛhulolɛdeɛ ne anwo ndelebɛbo,

1 Tem 4:15

Bɔ mɔdenle yɛ ɛhye mɔ na tu ɛ nwo maa bɔkɔɔ, amaa wɔ anyunluhɔlɛ ne ala ali wɔ menli kɔsɔɔti anyunlu.

2 Tem 2:6

Ɛyazonlɛnli ne mɔɔ ɛyɛ gyima ɛsesebɛ la yɛɛ ɔwɔ kɛ dumua di avule ne anu aleɛ ne bie a.

2 Tem 2:8

Kakye Gyisɛse Kelaese, kakye ye ewudwazo ne na kakye kɛ ɔle Devidi anlɔnra. Edwɛkpa ne mɔɔ mebɔ ye nolo la ɛne.

Kɛlata mɔɔ bɛhɛlɛle bɛhɔmanle Hibuluma la 12:3

Bɛdwenle ɛkpɔlɛ mɔɔ Gyisɛse nyianle ye, nee kɛ ɔzile ɔgyinlanle kpundii wɔ ɛkpɔlɛ bebelebe ne anloa, wɔ ɛtanevolɛma asa nu la anwo, na bɛmmamaa bɛ rɛle bɔ anzɛɛ bɛ gyakɛ anzi tuto.

Kɛlata mɔɔ bɛhɛlɛle bɛhɔmanle Hibuluma la 13:7

Bɛhakye bɛ mgbanyima ne mɔ, mɔɔ hanle Nyamenle edwɛkɛ ne hilele bɛ la. Bɛdwenle bɛnwu kɛ bɛzile bɛbɔle bɛ ɛbɛla ne la, nee bɛ ewule nu, na bɛzukoa bɛ diedi ne mɔɔ ɛnee bɛlɛ la.

Kɛlata mɔɔ bɛhɛlɛle bɛhɔmanle Hibuluma la 3:1

Me mediema Keleseɛnema, mɔɔ bɛdabɛ noko Nyamenle ɛvɛlɛ bɛ a! Bɛdwenle Gyisɛse, mɔɔ Nyamenle ɛzoa ye kɛ ɔrayɛ Sɛlɛvolɛ Kpanyinli wɔ diedi ye mɔɔ yɛlɛ nu la anwo.

Kɛlata mɔɔ bɛhɛlɛle bɛhɔmanle Hibuluma la 7:4

Bɛdabɛ bɛkola bɛnwu kɛ ɛnee ɔle sonlakpole kpalɛ. Ebileham, yɛ nlenya kpanyinli ne, hyɛle ye ninyɛne mɔɔ ɔnyianle bɛ konle nu la anu bulu na ɔdule ɛkpɔ ko ɔmanle ye.

Gyemise Kɛlata ne 1:5

Saa bɛ nuhua bie hyia nrɛlɛbɛ a, ɔzɛlɛ Nyamenle na ɔkɛva ɔkɛmaa ye; ɔboalekɛ Nyamenle ati akunlu le kɛnlɛma na ɔyila bɛdabɛ mɔɔ bɛbiza ye debie la.

Gyemise Kɛlata ne 3:15

Nrɛlɛbɛ zɛhae ɛnvi anwuma lɔ a ba a; ɔle ewiade nrɛlɛbɛ yɛɛ Nyamenle Sunsum ɛnle sonla ne mɔɔ lɛ ye la nu; sonla zɔhane le abɔnsam.

Gyemise Kɛlata ne 3:17

Nrɛlɛbɛ ne mɔɔ vi anwuma lɔ la anwo te, mɔɔ lumua la ɛne. Eza ɔle anzonudwolɛ, ɔka ɔ nwo aze, ɔlɛ ndelebɛbo; anwunvɔnezelɛ ɛyi ye tɛkɛɛ yɛɛ ɔso nyɛleɛ kpalɛ biala ma. Ɔndwenle adwenle ɛtane, yɛɛ ɔmbɔ adalɛ.

1 Dw 5:20

Yɛze kɛ Nyamenle Ara ne ɛra na yeramaa yɛ ndelebɛbo mɔɔ yɛfa yɛnwu nɔhalɛ Nyamenle ne a. Yɛ nee nɔhalɛ Nyamenle ne nee ɔ Ra Gyisɛse Kelaese a lua a. Ɛhye a le nɔhalɛ Nyamenle ne a. Ɛhye a le ngoane ne mɔɔ ɛnlɛ awieleɛ la a.