2 Tem 2:3 - BAEBOLO ANZƐƐ BULUKU NWUANZANWUANZA

³ Ɛdawɔ noko nwu wɔ afoa nu amaneɛ ɛdeɛ, kɛ ɛle Kelaese Gyisɛse sogyanli kpalɛ mɔɔ di nɔhalɛ a.

2 Tem 2:3 ပူးပေါင်းရင်းမြစ်များ

Ɛzoanvolɛma Gyima ne 23:31

Sogyama ne yɛle bɛ gyima ne kɛmɔ bɛhilele bɛ la na nɔe ne ala bɛvale Pɔɔlo bɛ nee ye hɔle toonwo bɛhɔdwule Antepatelese.

1 Kɔl 13:7

Ɛhulolɛ ɛmkpo aze ɛlɛ; ɔlɛ diedi wɔ debie biala anu, ɔlɛ debie biala anwo anyelazo yɛɛ ye abotane bo ɛndu ɛlɛ.

1 Kɔl 9:7

Sogyanli boni a wɔ konle nloa na ɔdaye ɔ ngome ɔdi ɔ nloa anu ndɔnie a? Nwane a ɛyɛ vanye egyinli na ɔnli vanye ma ne bie a? Nwane a nea nyɛmoa na ɔnno bɛ nyɛfonzule ne bie a?

2 Kɔl 1:6

Saa yɛnwu amaneɛ a, ɛnee bɛ ngoanelielɛ nee bɛ arɛlekyekyelɛ ti ɔ; yɛɛ saa bɛkyekye yɛ rɛle a, ɛnee bɛkyekye bɛdabɛ noko bɛ rɛle, na bɛmaa bɛ anwosesebɛ, amaa bɛava abotane bɛagyinla amaneɛnwunlɛ ko ne ala mɔɔ yɛdayɛ yɛgyi bie anwo la anloa.

1 Tem 1:18

Me ra Temɔte, melɛ mɛla ɛhye, kɛmɔ Nyamenle kpɔmanvolɛma edwɛkɛ ne mɔɔ bɛhanle ye wɔ ɛ nwo dɛbadɛba la se la, mewula ɛ sa nu. Maa edwɛkɛ ne ɛyɛ wɔ konle ninyɛne na fa ko konle kpalɛ ne,

2 Tem 1:1

Medame Pɔɔlo, mɔɔ ɔlua Nyamenle ɛhulolɛ zo merayɛ Kelaese Gyisɛse ɛzoanvolɛ, na yezoa me kɛ membɔ ngoane ne mɔɔ Kelaese ati bɛvale bɛbɔle yɛ ɛwɔkɛ la nolo la, yɛɛ melɛkɛlɛ kɛlata ɛhye a.

2 Tem 1:8

Mmamaa Awulae anwo daselɛlilɛ yɛ wɔ nyiane; yɛɛ mmamaa medame noko mɔɔ Kelaese ati mela efiade la me nwo yɛ wɔ nyiane. Ɛdawɔ dua anwosesebɛ ne mɔɔ Nyamenle ɛva ɛmaa wɔ la azo nwu Edwɛkpa ne anwo amaneɛ ne bie.

2 Tem 2:10

Ɛhye ati medi debie biala me kunlu wɔ Nyamenle menli ne mɔɔ yekpa nu yeye bɛ la ati, amaa bɛdabɛ noko Kelaese Gyisɛse ati bɛanyia ngoanelielɛ ne nee anyunlunyia ne mɔɔ ɛnlɛ awieleɛ la bie.

2 Tem 2:9

Na Edwɛkpa ɛhye ati yɛɛ melɛnwu amaneɛ na bɛgua me nwɔnzɔnwɔnzɔ kɛ asɛɛ medo mɛla bie la. Nyamenle edwɛkɛ ne ɛdeɛ bɛtɛguale ye nwɔnzɔnwɔnzɔ.

2 Tem 3:11

me amaneɛnwunlɛ nee kpɔdekpɔde mɔɔ bɛyɛ me, ɛze mɔɔ zile me nwo zo wɔ Anteɔko, Ayekoneɛm yɛɛ Lesetela la amuala, ɛzulolɛ mɔɔ menwunle ye la le kpole. Noko Awulae yele me vile ɔ muala anu.

2 Tem 4:5

Na wɔmɔ, sie ɛ ti koonwu, mia ɛ nye te nyane, kpɔsa bɔ Edwɛkpa ne nolo, na yɛ Nyamenle gyima ne kɛ ɛle sonvolɛ.

Pɔɔlo Kɛlata mɔɔ ɔhɛlɛle ɔhɔmanle Faelimɔn la 1:2

ɔdwu asɔnema mɔɔ yia wɔ sua nu ɛkɛ ne, yɛɛ adiema raalɛ Afea nee Aakepɛse mɔɔ le yɛ gɔnwo sogyanli ne la ɛkɛ:

Kɛlata mɔɔ bɛhɛlɛle bɛhɔmanle Hibuluma la 10:32

Bɛhakye mɔɔ zile bɛ nwo zo wɔ mekɛ mɔɔ Nyamenle wienyi ne dale bɛ nwo zo la. Bɛnwunle amaneɛ dɔɔnwo, noko abodelɛ ne ambo bɛ nwo zo ɛlɛ.

Kɛlata mɔɔ bɛhɛlɛle bɛhɔmanle Hibuluma la 11:27

Diedi zo yɛɛ ɔlua mɔɔ Mosisi anzulo belemgbunli ne ɛya mɔɔ ɔkɛva la na ɔdule ɔvile Yigyibiti a. Yeanzia ɔ nzi, ɔgyinlanle kpundii kɛ sonla mɔɔ ɛnwu Nyamenle ne mɔɔ bɛnnwu ye la.

Kɛlata mɔɔ bɛhɛlɛle bɛhɔmanle Hibuluma la 6:15

Ebileham zile abotane, na ɔnyianle ɛwɔkɛ ne mɔɔ Nyamenle bɔle ye la.

Gyemise Kɛlata ne 1:12

Nyilalɛ ɛha sonla ne mɔɔ kɛgyinla kpundii wɔ sɔnea nu la, ɔboalekɛ saa ɔko ɔtɔ zolɛ a ye ahatualɛ a le ngoane ne mɔɔ Nyamenle ɛva ɛbɔ menli mɔɔ kulo ye la ɛwɔkɛ la.

Maanlebuvolɛma Buluku ne 3:2

Ɔyɛle ɛhye kɛ ɔfa yeahile Yizilayɛma awolɛndoazo ne mɔ konle deɛ holɛ, na bɛdabɛ mɔɔ bɛtɛnwunle konle ɛlɛ la anwu kɛ konle si de la.