2 Tem 2:26 - BAEBOLO ANZƐƐ BULUKU NWUANZANWUANZA

²⁶ Na saa bɛ nye zo tete bɛ a bɛanriandi bɛavi Abɔnsam mɔɔ hyele bɛ manle bɛkpole Nyamenle ɛhulolɛdeɛ ne la ɛhane ne anu.

2 Tem 2:26 ပူးပေါင်းရင်းမြစ်များ

Dwobu Buluku ne 1:12

Na Ɛdɛnkɛma zele Seetan kɛ, “Nea, debie biala mɔɔ ɔlɛ la wɔ ɛ sa nu, noko mmafa ɛ sa ɛka Dwobu ɛleka biala fee.” Akee Seetan vi Ɛdɛnkɛma anyunlu ɛkɛ ne hɔle.

Dwobu Buluku ne 2:6

Na Ɛdɛnkɛma zele Seetan kɛ, “Ɔwɔ ɛ sa nu, na anrɛɛ mmafa ɛ sa ɛka ye ngoane ne.”

Edwɛndolɛ Buluku ne 124:7

Yɛvi ɛsalɛ kɛ anloma mɔɔ ɛvi ɛhane nu; ɛhane ne ɛbubu, yɛvi ɛsalɛ!

Ayezaya Buluku ne 28:13

Zɔhane ati Ɛdɛnkɛma edwɛkɛ ne bayɛ bɛ kɔme nu edwɛkɛ agbɔkɛ agbɔkɛ, ɛhonlone, ɛhonlone, ɛke ekyi, nehane ekyi, amaa bɛahɔ na bɛadu bɛagua alɛnranyunlu, bɛabubu na bɛahye bɛ ɛhane nu bɛ nee bɛ ahɔ.

Ayezaya Buluku ne 53:12

Yemɔti mebamaa ye ɛleka wɔ mgbolema avinli, na ɔ nee anwosesebɛma ahyɛ ninyɛne mɔɔ bɛnyianle bɛ wɔ konle nu la, ɔboalekɛ ɔvale ɔ nwo ɔmanle kɛ bɛhu ye, na bɛdianle ye bɛbokale mɛladonlɛma anwo. Ɔvale menli dɔɔnwo ɛtane ɔdole ɔ nwo zo, na ɔkpale mɛladonlɛma ati kyɛlɛ.”

Ayezaya Buluku ne 8:15

Menli dɔɔnwo bafofo zolɛ na bɛadu bɛagua; bɛbado ɛhane na bɛahye bɛ bɛahɔ.”

Edwɛkpa ne kɛmɔ Luku hɛlɛle la 11:21

“Saa katakyie siezie ɔ nwo kɛ ɔsinza ye sua a, ɛnee ye ninyɛne mɔɔ ɔlɛ la amuala anwo le kɔlɔnwo.

Edwɛkpa ne kɛmɔ Luku hɛlɛle la 15:17

Nzinlii ye adwenle rale ɔ nwo na ɔzele kɛ, ‘Gyimayɛvoma mɔɔ wɔ egya gyima nu la di aleɛ maa ɔbo bɛ nwo zo, mame a mela ɛke mɔɔ ɛhɔne ɛlɛku me la!

Edwɛkpa ne kɛmɔ Luku hɛlɛle la 5:10

Zɔhane ala noko yɛɛ Saemɔn agɔnwo mɔ, Gyemise nee Dwɔn, mɔɔ le Zɛbɛdi amra ne mɔ, bɛdabɛ ɛzulolɛ hanle bɛ a. Gyisɛse zele Saemɔn kɛ, “Mmasulo, ɔvi ɛnɛ mɔɔ kɔ la ɛbahye menli wɔamaa Nyamenle.”

Dw 13:2

Gyisɛse nee ye ɛdoavolɛma ne dɛnlanle aze nɔsolɛ nu kɛ bɛdi debie. Abɔnsam noko ɛbɔ kpɔkɛ ɛwie kɛ ɔwɔ kɛ Dwudase, Saemɔn Yesekaleɔto ara ne ye Gyisɛse maa.

Dw 13:27

Dwudase liele kpanwo ne la yɛɛ Seetan wolole ye a. Gyisɛse zele ye kɛ, “Ka ɛ nwo yɛ mɔɔ ɛyɛ la.”

Ɛzoanvolɛma Gyima ne 26:18

Mesoa wɔ, amaa wɔahɔbuke bɛ nye na wɔahwe bɛ wɔavi awozinli nu nee Seetan tumi ne abo wɔara wienyi nu nee Nyamenle ɛkɛ, amaa ɔlua bɛ diedi mɔɔ wɔ me nu la azo bɛanyia ɛtanefakyɛ na bɛanyia ɛleka wɔ Nyamenle menli ne mɔɔ yekpa nu yeye bɛ la avinli.’

Ɛzoanvolɛma Gyima ne 5:3

Pita zele ye kɛ, “Ananayase, duzu ati a wɔmaa Seetan ɛvo ɛ nwo zo na yemaa wɔbɛlɛbɛla Sunsum Nwuanzanwuanza ne na wɔde ezukoa mɔɔ ɛnyianle ye la bie wɔvea ɛ?

1 Kɔl 15:34

Bɛzia bɛ nzi bɛva adwenle kpalɛ na bɛgyakyi ɛtaneyɛlɛ. Ɔyɛ anyiemgba bɔbɔ kɛ menwɔha kɛ bɛ bie mɔ ɛnze Nyamenle a.

2 Kɔl 2:11

amaa Seetan anli yɛ nwo zo konim, ɔluakɛ yɛze ye ndenle ne mɔ amuala.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:14

ɔluakɛ debie biala mɔɔ kɛla ali la, ɛnee yeyɛ wienyi. Yemɔti a bɛha ye kɛ, “Wɔmɔ mɔɔ wɔlafe a, tunwue na ɛvi mɔwuamra anu dwazo! Na Kelaese wienyi ne kɛda ɛ nwo.”

Kɔlɔ 1:13

Nyamenle ɛlie yɛ ɛvi awozinli nu tumi ne mɔ abo, yeva yɛ yera ɔ Ra kulovolɛ ne belemgbunlililɛ ne abo,

1 Tem 1:20

Menli zɛhae bie mɔ a le Haemɛneeyɛse nee Alɛzanda, mɔɔ meva bɛ mewula Seetan tumi ne abo la, amaa bɛahile bɛ kɛ ɔwɔ kɛ bɛgyakyi Nyamenle anwo edwɛkɛ ɛtane ɛhanlɛ.

1 Tem 3:7

Ɔwɔ kɛ ɔyɛ sonla mɔɔ bɛdabɛ mɔɔ bɛngɔ asɔne la di ye eni, amaa yeangua ɔ nyunlu aze, yeangɔndɔ Abɔnsam ɛhane nu.

Yekile 12:9

Bɛvuandinle nane anwo ɛzulolɛ ne mɔɔ le kɛ ɛlɛnrɛne la bɛdole azɛlɛ ye azo. Yemɔ a le mɔmoane ɛwɔlɛ ne mɔɔ bɛfɛlɛ ye Abɔnsam anzɛɛ Seetan, mɔɔ ɛbɛlɛbɛla ewiade amra amuala la. Bɛvuandinle ye soanvolɛma ne mɔ noko bɛguale azɛlɛ ye azo.