2 Tem 2:25 - BAEBOLO ANZƐƐ BULUKU NWUANZANWUANZA

²⁵ Ɔwɔ kɛ ɔto ɔ rɛle azule nu ɔkilehile bɛdabɛ mɔɔ bɛ nee ye ɛnga la, ɔluakɛ saa ɔyɛ Nyamenle ɛhulolɛ a ɔbamaa bɛ mekɛ kpalɛ yeamaa bɛanlu bɛ nwo na bɛaranwu nɔhalɛ ne.

2 Tem 2:25 ပူးပေါင်းရင်းမြစ်များ

Gyɛlɛmaya Buluku ne 31:33

Ngyekyeleɛ ne mɔɔ me nee Yizilayɛma bayɛ la ɛne: Mebava me mɛla ne meawula bɛ nuhua, mebahɛlɛ ye bɛ ahonle nu; mebayɛ bɛ Nyamenle, na bɛdabɛ noko bɛayɛ me menli.

Yizikeɛle Buluku ne 11:19

“ ‘Mebamaa bɛanyia ahonle fofolɛ na meamaa bɛ sunsum fofolɛ. Mebaye bolɛ ahonle ne wɔ bɛ nuhua na meamaa bɛ tieyɛ ahonle.

Yizikeɛle Buluku ne 12:3

“Yemɔti, sonla ra, kyekye bɔlɛ na yɛ kɛ sonla mɔɔ bɛhye ye bɛ nee ye ɛlɛkɔ nlɔnu la. Tɔ adenle zo alehyenlɛ nu mɔɔ awie biala anye dua wɔ kɛ ɛlɛkɔ nlɔnu la. Yɛ ɛ nwo kɛ sonla mɔɔ ɛlɛkɔ nlɔnu la na ɛvi ɛleka ko kɔ ɛleka fofolɛ. Bɛ nzo yɛ se, yɛɛ bɛde atua ɛdeɛ, noko wɔannea a bɛbade ɔ bo.

Yizikeɛle Buluku ne 36:26

Mebamaa bɛ ahonle fofolɛ, meava sunsum fofolɛ meawula bɛ nuhua, na meaye bolɛ ahonle ne mɔɔ wɔ bɛ nu la na meamaa bɛ ahonle bɛlɛvolɛ.

Yizikeɛle Buluku ne 36:31

Na akee bɛbahakye bɛ ninyɛndane nee bɛ nyɛleɛ ɛtane ɛtane ne mɔ mɔɔ bɛyɛle la, na bɛavu bɛ nwo kɛ bɛyɛle amumuyɛ nee bɛkyi ninyɛne zɔhane mɔ a.

Zɛkalaya Buluku ne 12:10

“Mebamaa Devidi abo zo amra ne nee Gyɛlusalɛmma aze anwunvɔne dɔɔnwo, na bɛanyia sunsum mɔɔ bɛfa bɛyɛ nzɛlɛlɛ la, amaa bɛnea sonla mɔɔ bɛboda ye la a bɛali nyane bɛamaa ye, kɛmɔ sonla su ɔ ra nrenya kokye mɔɔ ɔlɛ na ɔkɛwu la; bɛbazu ye kɛ sonla mɔɔ ye belamunli ralɛ kɛwu na ɔlɛsu ye la.

Edwɛkpa ne kɛmɔ Mateyu hɛlɛle la 11:29

Bɛva me gyɛnvayile ne bɛdo bɛ kɔme zo na bɛzukoa mɔɔ meyɛ la, ɔluakɛ mele bɛtɛɛ, yɛɛ memmemaa me nwo zo, na bɛ ɛkɛla ne mɔ anwo kɛdɔ bɛ.

Edwɛkpa ne kɛmɔ Mateyu hɛlɛle la 21:32

Ɔluakɛ Dwɔn Sɔnevolɛ ne rale na ɔrahilehilele bɛ nɔhalɛ adenle ne la, bɛanlie ye bɛanli; noko adwuledievolɛma nee tuutuuma liele ye lile; yɛɛ nzinlii bɔbɔ mɔɔ bɛnwunle ɛhye zɔhane la, bɛannu bɛ nwo na bɛalie ye bɛali.”

Edwɛkpa ne kɛmɔ Maake hɛlɛle la 1:15

“Mekɛ ne ɛdwu, Nyamenle Belemgbunlililɛ ne ɛbikye. Bɛnlu bɛ nwo na bɛlie Edwɛkpa ne bɛli.”

Dw 5:34

Tɛ kɛ asɛɛ mekpondɛ sonla daselɛ la ati ɔ; meka ɛhye amaa bɛalie bɛ ngoane.

Ɛzoanvolɛma Gyima ne 11:18

Bɛdele ɛhye la, bɛgyakyile bɛ nvefenu ne na bɛyeyɛle Nyamenle bɛzele kɛ, “Nyamenle ɛmaa bɛdabɛ mɔɔ bɛnle Dwuuma la noko adenle kɛ bɛnlu bɛ nwo na bɛnyia ngoane mɔɔ ɛnlɛ awieleɛ.”

Ɛzoanvolɛma Gyima ne 2:38

Pita zele bɛ kɛ, “Bɛnlu bɛ nwo na bɛgyakyi ɛtane ɛyɛlɛ, na bɛmaa bɛzɔne bɛ wɔ Gyisɛse Kelaese duma nu, amaa bɛava bɛ ɛtane bɛahyɛ bɛ na bɛanyia Nyamenle ahyɛlɛdeɛ ne, mɔɔ le Sunsum Nwuanzanwuanza ne.

Ɛzoanvolɛma Gyima ne 20:21

Mengakyele Dwuuma nee bɛdabɛ mɔɔ bɛnle Dwuuma la amuala kɛ bɛnlu bɛ nwo wɔ bɛ ɛtane ne mɔ mɔɔ bɛyɛ bɛtia Nyamenle la anwo na bɛlie yɛ Awulae Gyisɛse bɛli.

Ɛzoanvolɛma Gyima ne 5:21

Aleɛ hyenle nwonlomɔ mangyee ne la, ɛzoanvolɛma ne hɔle Ɛzonlenlɛ Sua ne anu na bɛbɔle ɔ bo kɛ bɛkilehile. Sɛlɛvolɛ Kpanyinli ne nee ɔ sa zo ne mɔ manle bɛvɛlɛle mgbanyima ayia, na bɛdule menli kɛ bɛhɔye ɛzoanvolɛma ne wɔ efiade ne bɛrɛla.

Ɛzoanvolɛma Gyima ne 5:31

Na yemɔ yɛɛ Nyamenle ɛmaa ye zo ɛzie ye ye fema zo ɛyɛ ye Adenlekilevolɛ nee Dievolɛ kɛ ɔhile Yizilayɛma adenle ɔmaa bɛnlu bɛ nwo na bɛanyia ɛtanefakyɛ a.

Ɛzoanvolɛma Gyima ne 8:22

Zɔhane ati, nu ɛ nwo wɔ wɔ amumuyɛ adwenle ɛhye anwo, na sɛlɛ Awulae kɛ saa ɔyɛ na ɔkɛyɛ boɛ a, ɔva wɔ ɛtane ɔhyɛ wɔ kɛ wɔdwenle zɔhane a.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 6:1

Mediema, saa bɛnwu awie mɔɔ ɛlɛyɛ ɛtane a, bɛdabɛ mɔɔ Nyamenle Sunsum ne wɔ bɛ nu la ɛdenrɛ ye, noko anrɛɛ bɛyɛ ye bɛtɛɛ wɔ adenle kɛnlɛma nu. Bɛdabɛ noko bɛnlea bɛ nwo boɛ na bɛanyɛ mɔɔ ahenle yɛle la bie.

1 Tem 2:4

Ɔluakɛ ɛkpondɛ kɛ menli kɔsɔɔti nwu nɔhalɛ ne na bɛnyia ngoane.

1 Tem 6:11

Na wɔmɔ, Nyamenle sonla, twe ɛ nwo fi ninyɛne ɛhye mɔ anwo, na pele kpondɛ pɛlepɛlelilɛ, anwondelɛ, diedi, ɛhulolɛ, abotane yɛɛ bɛtɛɛyɛlɛ bo zo.

2 Tem 3:7

Mraalɛ zɛhae mɔ dahuu bɔ mɔdenle kɛ bɛkɛzukoa noko bɛngola bɛnnwu nɔhalɛ ne ɛlɛ.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:1

Medame Pɔɔlo, mɔɔ mele Nyamenle sonvolɛ nee Gyisɛse Kelaese ɛzoanvolɛ la yɛɛ melɛkɛlɛ kɛlata ɛhye a. Bɛyele me na bɛzoanle me kɛ mengɔmboa Nyamenle menli ne mɔɔ yekpa nu yeye bɛ la wɔ bɛ diedi nu, na mengilehile bɛ memaa bɛnwu nɔhalɛ ne mɔɔ wɔ yɛ nyamenlezonlenlɛ ne anu la.

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:2

Ka kile bɛ kɛ bɛmmaka awie anwo edwɛkɛ ɛtane anzɛɛ bɛmmadi butule, na bɛva anzonudwolɛ nee agɔnwolɛyɛlɛ bɛdɛnla na bɛli awie biala eni.

Gyemise Kɛlata ne 1:17

Ɛlolɛdeɛ kpalɛ biala nee ahyɛlɛdeɛ biala mɔɔ di munli la vi anwuma; ɔvi Nyamenle Selɛ ne mɔɔ bɔle anwuma ahɛnlaneɛ ne mɔ la ɛkɛ a ɔba a. Nyamenle ɛnli ngakyile, anzɛɛ ɔmboa ɔngakyi wienyi awozinli.

1 Pit 3:15

Bɛzulo Kelaese wɔ bɛ ahonle nu kɛ ɔle bɛ Awulae. Dahuu bɛziezie bɛ nwo, amaa saa awie biza bɛ bɛ anyelazo ne mɔɔ bɛlɛ ye la anwo edwɛkɛ a bɛahola bɛaye ɔ nloa,

1 Dw 5:16

Saa awie nwu adiema bie kɛ ɔlɛyɛ ɛtane mɔɔ ɛndwe ye ɛngɔ ewule nu la a, ɔzɛlɛ ɔmaa ye na Nyamenle kɛmaa adiema ne ngoane. Noko ɛtane ne bie wɔ ɛkɛ mɔɔ wie ewule a. Menga ye kɛ awie ɛzɛlɛ ɛhye anwo.