2 Tem 2:24 - BAEBOLO ANZƐƐ BULUKU NWUANZANWUANZA

²⁴ Ɔnle kɛ Awulae sonvolɛ biala di butule. Ɔwɔ kɛ ɔyɛ atiakunlukɛnlɛma ɔmaa awie biala, na ɔyɛ kilehilevolɛ kpalɛ mɔɔ lɛ abotane a.

2 Tem 2:24 ပူးပေါင်းရင်းမြစ်များ

2 Edk 24:6

Yemɔti belemgbunli ne manle bɛvɛlɛle Sɛlɛvolɛ Kpanyinli Gyɛhɔyada bɛrale, na ɔzele ye kɛ, “Duzu ati a ɛtɛmanle Livaema ɛtɛkɔdieliele adwule ne mɔɔ Ɛdɛnkɛma sonvolɛ, Mosisi, hyehyɛle dole ɛkɛ kɛ bɛlie wɔ menli ne mɔ ɛkɛ bɛva bɛyɛ Ɛdɛnkɛma Ndanlɛ Sua ne boɛ la bɛtɛfile Dwudama nee Gyɛlusalɛm amra ɛkɛ ne a?”

Ayezaya Buluku ne 40:11

Ɔbanlea ye menli ne boɛ kɛ mboaneneavolɛ yɛne nyɛmoa, ɔbaboɔboa mboane mralɛ ne anloa yeadedɛ bɛ ɔ sa zo. Ɔbavia bɛ ɔ kɛnra azo, na yeali mɔɔ lɛ mralɛ la anyunlu bɛtɛɛ.

Daneɛle Buluku ne 6:20

Ɔbikyele tunli ne la ɔvale abodelɛ ɔdeanle nuhua kɛ, “Tease Nyamenle ne sonvolɛ Daneɛle! Asoo wɔ Nyamenle ne mɔɔ ɛsonle ye dahuu la ɛhola ɛlie wɔ ɛvi awenade ne mɔ asa anu?”

Edwɛkpa ne kɛmɔ Mateyu hɛlɛle la 12:19

Ɔnrɛzu kpolera, yɛɛ ɔnrɛdeɛdea nu; awie ɛnrɛde ɔ ne wɔ gua zo.

Dw 6:52

Ɛhye vale kpolera kpole radole Dwuuma ne mɔ avinli na bɛbizale kɛ, “Kɛ sonla ɛhye si ava ye nwonane amaa yɛali ɛ?”

Ɛzoanvolɛma Gyima ne 15:2

Pɔɔlo nee Baanabase nee bɛ zule ɛhye anwo kpolera kpole kpalɛ. Zɔhane ati bɛdule menli kɛ bɛboka Pɔɔlo nee Baanabase anwo bɛhɔ Gyɛlusalɛm bɛhɔnwu ɛzoanvolɛma ne nee mgbanyima ne mɔ wɔ nwolɛ.

Ɛzoanvolɛma Gyima ne 23:9

Bɛdeanle kpalɛ, na mɛla kilehilevolɛma bie mɔ mɔɔ boka Falasiima fane ne anwo la dwazole hanle kɛ, “Yɛnnwu ɛtane biala wɔ sonla ne anwo! Ɔkɛyɛ zɔhane kɛ Nyamenle soanvolɛ bie anzɛɛ sunsum bie ɛdendɛ ɛhile ye amgba.”

Ɛzoanvolɛma Gyima ne 7:26

Ye alehyenlɛ nu ɔnwunle kɛ Yizilayɛma nwiɔ ɛlɛko, ɔhɔle kɛ ɔkakpɔda, na ɔzele bɛ kɛ, ‘O, ebiamɔ! Bɛle mediema; duzu ati a bɛlɛko bɛayɛ bɛ nwo asa ɛ?’

2 Kɔl 10:1

Medame Pɔɔlo, mesɛlɛ bɛ, bɛse mewɔ bɛ nwo lɔ a menle awie, na saa menle bɛ nwo lɔ a, ɛnee me nloa yɛ se wɔ bɛ nwo. Kelaese ati, melɛ bɛtɛɛyɛlɛ nee atiakunlukɛnlɛma mebodo bɛ,

2 Kɔl 10:4

Tɛ ewiade konle ninyɛne a yɛfa yɛko a; Nyamenle konle ninyɛne mɔɔ tumi wɔ nu la a yɛfa yɛbubu aranemgbole ne mɔ a. Yɛsɛkye kpolerazulɛ mgbane mgbane;

2 Kɔl 6:4

Wɔ yɛ nyɛleɛ biala anu yɛfa abotane yɛgyinla ngyegyelɛ, anwongyelelɛ nee abodelɛ biala anloa, yɛkile kɛ yɛle Nyamenle sonvolɛma.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:22

Nyamenle Sunsum ne ma a le ɛhye mɔ: ɛhulolɛ, anyelielɛ, anzonudwolɛ, abotane, atiakunlukɛnlɛmayɛlɛ, kpalɛyɛlɛ, nɔhalɛlilɛ,

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:2

Dahuu bɛbɛlɛ bɛ nwo aze, bɛyɛ bɛtɛɛ na bɛnyia abotane. Bɛde bɛmaa bɛ gɔnwo mɔ ngoko ngoko wɔ ɛhulolɛ nu.

Mɛla 34:5

Yemɔti Ɛdɛnkɛma sonvolɛ Mosisi wule Mowabe azɛlɛ zo, kɛmɔ Ɛdɛnkɛma hanle la.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:14

Bɛmmatendɛ bɛ nzo abo na bɛsu kpolera wɔ bɛ debie biala ɛyɛlɛ nu,

Pɔɔlo Kɛlata mɔɔ ɔhɛlɛle ɔhɔmanle Felepaema la 2:3

Bɛmmayɛ debie biala angomedi nu anzɛɛ adubɛnwo nu; dahuu bɛva anwoazehanlɛ bɛbu bɛ gɔnwo mɔ bɛdɛla bɛ nwo bɔbɔ.

Kɔlɔ 3:13

Bɛsosɔ bɛ nwo ngoko ngoko, na saa bie lɛ ɔ gɔnwo anwo ɛya a ɔva ɔhyɛ ye. Bɛva ɛtane bɛhyɛ, kɛmɔ Awulae ɛva bɛ nwo edwɛkɛ ɛhyɛ bɛ la.

1 Tɛs 2:7

noko kɛmɔ yɛle Kelaese ɛzoanvolɛma la, anrɛɛ yɛkola yɛka kɛ bɛyɛ ye zɔhane. Noko yɛbɛlɛle yɛ nwo aze, wɔ mekɛ mɔɔ ɛnee yɛ nee bɛ de la, na yɛdɛfɛdɛfɛle bɛ kɛ ɛrɛladane mɔɔ ɛlɛdi ɔ mra adane la.

1 Tem 6:11

Na wɔmɔ, Nyamenle sonla, twe ɛ nwo fi ninyɛne ɛhye mɔ anwo, na pele kpondɛ pɛlepɛlelilɛ, anwondelɛ, diedi, ɛhulolɛ, abotane yɛɛ bɛtɛɛyɛlɛ bo zo.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:1

Medame Pɔɔlo, mɔɔ mele Nyamenle sonvolɛ nee Gyisɛse Kelaese ɛzoanvolɛ la yɛɛ melɛkɛlɛ kɛlata ɛhye a. Bɛyele me na bɛzoanle me kɛ mengɔmboa Nyamenle menli ne mɔɔ yekpa nu yeye bɛ la wɔ bɛ diedi nu, na mengilehile bɛ memaa bɛnwu nɔhalɛ ne mɔɔ wɔ yɛ nyamenlezonlenlɛ ne anu la.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:7

Ɔluakɛ, kɛmɔ asɔne neavolɛ ne gyi Nyamenle gyima ne ati la, ɔnle kɛ ɔ nwo nyia ngehanleɛ, ɔnle kɛ ɔmemaa ɔ nwo zo anzɛɛ ɔnyia ahonle kpole. Ɔnle kɛ ɔyɛ nzanli anzɛɛ ɔ sa yɛ kpokpo, ɔnle kɛ ɔ nye bolo ezukoa.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:9

Ɔwɔ kɛ ɔsɔ Nyamenle edwɛkɛ ne mɔɔ bɛkola bɛfa bɛ rɛle bɛto zo na eza ɔ nee yɛ ngilehilelɛ ne kɔ zolɛ la anu kyengye. Adenle ɛhye azo yɛɛ ɔbamaa yeahola yeamaa menli anwosesebɛ na yeahilehile bɛ na eza yeamaa bɛdabɛ mɔɔ bɛtia ngilehilelɛ ne la anwu bɛ nvonleɛ a.

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:2

Ka kile bɛ kɛ bɛmmaka awie anwo edwɛkɛ ɛtane anzɛɛ bɛmmadi butule, na bɛva anzonudwolɛ nee agɔnwolɛyɛlɛ bɛdɛnla na bɛli awie biala eni.

Gyemise Kɛlata ne 1:1

Kɛlata ɛhye vi Gyemise, Nyamenle nee Awulae Gyisɛse Kelaese akɛlɛ ne ɛkɛ. Mebiza Nyamenle menli ne mɔɔ ɛde ɛkponde aleɛabo la amuala kɔsɔɔti ahye.

Gyemise Kɛlata ne 3:17

Nrɛlɛbɛ ne mɔɔ vi anwuma lɔ la anwo te, mɔɔ lumua la ɛne. Eza ɔle anzonudwolɛ, ɔka ɔ nwo aze, ɔlɛ ndelebɛbo; anwunvɔnezelɛ ɛyi ye tɛkɛɛ yɛɛ ɔso nyɛleɛ kpalɛ biala ma. Ɔndwenle adwenle ɛtane, yɛɛ ɔmbɔ adalɛ.

Gyemise Kɛlata ne 4:2

Bɛkpondɛ ninyɛne bie, noko bɛnnyia bie, yemɔti bɛkuhu bɛ nwo; bɛ nye bolo ninyɛne nwo ɛsesebɛ kɛ bɛ kunlu a anrɛɛ, noko bɛnnyia bɛ ɛlɛ, yemɔti bɛdi butule na bɛko. Bɛ sa ɛnga deɛ ne mɔɔ bɛhyia nwo la, ɔluakɛ bɛmbiza Nyamenle.

Dwɔhyua Buluku ne 1:1

Ɛdɛnkɛma sonvolɛ Mosisi wule la, Ɛdɛnkɛma zele Nɛn ara Dwɔhyua mɔɔ le Mosisi boavolɛ la kɛ,

1 Pit 3:8

Awieleɛ ne, ɔwɔ kɛ bɛ muala bɛ adwenle yɛ ko; bɛde bɛ gɔnwo mɔ nyane bo na bɛhulo bɛ nwo ngoko ngoko kɛ bɛle mediema. Bɛnyia ahonle kpalɛ na bɛbɛlɛ bɛ nwo aze.

Dwuudu Kɛlata ne 1:3

Ayi mɔ, menzuzule kɛ mekɛlɛ bɛ wɔ ngoanelielɛ ne mɔɔ yɛnyia ye la anwo, na menwu kɛ ɔhyia kɛ mekɛlɛ bɛ na mesi bɛ ahonle kɛ bɛho bɛmaa diedi ne mɔɔ Nyamenle ɛva ɛmaa ye menli ne bɔkɔɔ la.