2 Tem 2:22 - BAEBOLO ANZƐƐ BULUKU NWUANZANWUANZA

²² Yemɔti kpo wɔ mgbavolɛ nu atiakunluwɔzo ne mɔ na ɛ nee bɛdabɛ mɔɔ bɛfa ahonle mɔɔ nuhua te bɛfɛlɛ Awulae la ɛpele ɛkpondɛ pɛlepɛlelilɛ, diedi, ɛhulolɛ, nee anzonudwolɛ bo zo.

2 Tem 2:22 ပူးပေါင်းရင်းမြစ်များ

Edwɛndolɛ Buluku ne 119:9

Kɛ ɔkɛyɛ na kpavolɛ adenle nu ayɛ bɔkɔbɔkɔ ɛ? Kyesɛ ɔdua wɔ edwɛkɛ zo ɔsinza ɔ nwo.

Edwɛndolɛ Buluku ne 17:1

O Ɛdɛnkɛma, tie me nɔhalɛ edwɛkɛ nee me ɛzunlɛ. Gyele ɛ nzo tie me nzɛlɛlɛ, membɔ adalɛ.

Mrɛlɛbulɛ Buluku ne 15:8

Amumuyɛnli azubɔlɛ le kyibadeɛ maa Ɛdɛnkɛma; Ɛdɛnkɛma anye die sonla mɔɔ di pɛlepɛle la nzɛlɛlɛ nwo.

Mrɛlɛbulɛ Buluku ne 6:5

Die ɛ nwo kɛ weɛlɛ die ɔ nwo fi bɔvolɛ sa nu la, anzɛɛ kɛ anloma die ɔ nwo fi mɔɔ sua nlomangane la asa anu la.

Mrɛlɛbulɛ Buluku ne 7:8

Menwunle kɛ ɛnee ɔlua kpalɛ ne azo na yeva kodoka bie mɔɔ raalɛ bie de nu la adenle zo.

Sɛlɛ 15:18

Saa nrenya nee raalɛ da na ɔ nwo ba a, ɔwɔ kɛ bɛ mu nwiɔ bɛbia, yɛɛ bɛ nwo ɛnrɛde toonwo nɔsolɛ.

Ɛzoanvolɛma Gyima ne 7:59

Mɔɔ bɛlɛsi Sitivin awolɛ la ɛnee ɔ ne la nu ɔlɛtea ɔfɛlɛ Awulae kɛ, “Awulae Gyisɛse, die me ɛkɛla!”

Ɛzoanvolɛma Gyima ne 9:14

Na yera ɛke kɛ ɔlɛ tumi ngɛlɛta vi sɛlɛvolɛ mgbanyinli ne mɔ ɛkɛ kɛ ɔbahye bɛdabɛ mɔɔ bɛsonle wɔ la amuala.”

Wulo 14:17

Ɔluakɛ Nyamenle Belemgbunlililɛ ne, tɛ yemɔ a le nlidi nlidi anzɛɛ nono nono, na yemɔ a le pɛlepɛlelilɛ, anzonudwolɛ nee anyelielɛ ne mɔɔ Sunsum Nwuanzanwuanza ne fa maa la.

Wulo 14:19

Zɔhane ati, ɔwɔ kɛ kenle biala yɛyɛ ninyɛne mɔɔ fa anzonudwolɛ ba na ɔboa yɛ nee yɛ gɔnwo mɔ na ɔmaa yɛ anwosesebɛ la.

1 Kɔl 1:10

Mediema, melɛ yɛ Awulae Gyisɛse Kelaese duma ne mesɛlɛ bɛ kɛ bɛmaa bɛ muala bɛ nloa ɛzɛ bɛ nwo; bɛmmamaa mgbakyemgbakye biala bada bɛ avinli. Bɛhye bɛ nwo file wɔ adwenle nu nee bɛ kpɔkɛbɔlɛ nu.

1 Kɔl 1:2

ɛlɛkɛlɛ kɛlata ɛhye a. Yɛlɛ yɛkamaa Nyamenle menli ne mɔɔ wɔ Kɔlente, mɔɔ Kelaese Gyisɛse ati bɛdu bɛ bɛzie ɛkɛ ne, na bɛvɛlɛ bɛ nee bɛdabɛ mɔɔ bɛwɔ ɛleka muala, mɔɔ bɛbɔ yɛ Awulae Gyisɛse Kelaese duma la, kɛ bɛrayɛ Nyamenle menli la.

1 Kɔl 10:14

Ɛhye ati ayi mɔ, bɛhwe bɛ nwo bɛvi awozonle ɛzonlenlɛ nwo.

1 Kɔl 14:1

Bɛkpondɛ ɛhulolɛ bo zo na bɛmaa bɛ nye ɛbolo bɛkpondɛ sunsum nu ahyɛlɛdeɛ ne mɔ, titile, Nyamenle edwɛkɛ ne nolobɔlɛ.

1 Kɔl 6:18

Bɛgyakyi ɛbɛla mgbane mgbane ɛbɔlɛ. Ɛtane biala mɔɔ sonla yɛ la ɛnga ye sonlabaka ne; na awie biala mɔɔ kɛbɔ adwɔmane ɛbɛla la yɛ ɛtane tia ɔdaye ye sonlabaka ne.

1 Tem 1:14

Awulae noko lole me totohyia, na ɔmanle me diedi nee ɛhulolɛ mɔɔ le yɛ ɛdeɛ la wɔ Kelaese Gyisɛse ati.

1 Tem 1:5

Bodane mɔɔ yɛ ngilehilelɛ ɛdeɛ ne gyi zolɛ la a le ɛhulolɛ mɔɔ vi ahonle mɔɔ ɛtane ɛnle nu, adwenle mɔɔ nuhua te wienyi, nee diedi mɔɔ di munli la.

1 Tem 2:8

Saa bɛyia nuhua kɛ bɛsonle a, mekpondɛ kɛ mrenya ala a yɛ nzɛlɛlɛ a. Ɔwɔ kɛ mrenya zɛhae mɔ yɛ menli mɔɔ bɛdu bɛ nwo bɛmaa Nyamenle na bɛkola bɛmaa bɛ sa zo bɛsɛlɛ mɔɔ ɛya anzɛɛ kpolerazulɛ biala ɛnle nu a.

1 Tem 4:12

Mmamaa awie bu wɔ kakula; maa wɔ ɛdendɛlɛ nee wɔ nyɛleɛ, wɔ ɛhulolɛ, wɔ diedi nee wɔ anwondelɛ ɛyɛ ndonwo ɛmaa diedima ne amuala.

1 Tem 6:11

Na wɔmɔ, Nyamenle sonla, twe ɛ nwo fi ninyɛne ɛhye mɔ anwo, na pele kpondɛ pɛlepɛlelilɛ, anwondelɛ, diedi, ɛhulolɛ, abotane yɛɛ bɛtɛɛyɛlɛ bo zo.

Kɛlata mɔɔ bɛhɛlɛle bɛhɔmanle Hibuluma la 12:14

Bɛbɔ mɔdenle kɛ bɛ nee menli kɔsɔɔti kɛdɛnla anzonudwolɛ nu na bɛmaa bɛ ɛbɛla nwo ɛde nwuanzaanwu, ɔboalekɛ mɔɔ anyɛ ye zɔhane la ɔyɛ se kɛ ɔkɛnwu Nyamenle.

1 Pit 2:11

Ayi mɔ, mesɛlɛ bɛ, bɛle nyɛvolɛ nee adendulɛma wɔ ewiade! Bɛmmadi nwonane atiakunluwɔzo ne mɔ mɔɔ dahuu nee bɛ ɛkɛla ko la anzi fee.

1 Pit 3:11

Ɔwɔ kɛ ɔtwe ɔ nwo ɔfi ɛtane nwo na ɔyɛ kpalɛ; ɔwɔ kɛ ɔkpondɛ anzonudwolɛ bo zo na ɔdi ɔ nzi.

3 Dw 1:11

Ayi, mmasukoa ɛyɛ mɔɔ le ɛtane la, sukoa yɛ mɔɔ le kpalɛ la. Awie biala mɔɔ yɛ mɔɔ le kpalɛ la le Nyamenle ɛdeɛ, yɛɛ awie biala mɔɔ di ɛtane la ɛtɛnwunle Nyamenle.