2 Tem 2:21 - BAEBOLO ANZƐƐ BULUKU NWUANZANWUANZA

²¹ Saa awie twe ɔ nwo fi ninyɛne evinli nwo a, ɔkɛyɛ kɛ ɛyɛba mɔɔ anwo hyia na bɛde nwolɛ bɛmaa Nyamenle, na ɔ nwo ɛra nvasoɛ ɛmaa ɔ menle na bɛziezie ye kɛ bɛfa bɛayɛ gyima kpalɛ la.

2 Tem 2:21 ပူးပေါင်းရင်းမြစ်များ

Edwɛndolɛ Buluku ne 119:9

Kɛ ɔkɛyɛ na kpavolɛ adenle nu ayɛ bɔkɔbɔkɔ ɛ? Kyesɛ ɔdua wɔ edwɛkɛ zo ɔsinza ɔ nwo.

Ayezaya Buluku ne 1:25

Mebava me sa meazie ɛ nwo. Mebaye evinli nee debie mgbane biala mɔɔ wɔ wɔ nuhua la.

Ayezaya Buluku ne 52:11

Bɛhɔ, bɛhɔ, bɛvi Babelonia bɛdwazo bɛhɔ, bɛmmafa bɛ sa bɛka debie biala mɔɔ evinli ɛha ye la. Bɛhɔ na bɛhɔnlua bɛ nwo, bɛmɛ mɔɔ bɛsoa Ɛdɛnkɛma dwora ne mɔ la.

Gyɛlɛmaya Buluku ne 15:19

Yemɔti Ɛdɛnkɛma buale kɛ, “Saa ɛsia ɛ nzi a, mebalie wɔ na wɔazia wɔayɛ me sonvolɛ. Saa wɔanva ɛ nloa wɔanga mgbane mgbane, na ɛfa ɛka nrɛlɛbɛ edwɛkɛ a, mebayɛ wɔ me kpɔmanvolɛ. Menli ne bazia aradoa wɔ na tɛ wɔmɔ yɛɛ ɛbahɔdoa bɛ a.

Malakae Buluku ne 3:3

Ɔbadɛnla aze kɛ dwinvolɛ mɔɔ tu dwɛtɛ fufule nu la. Ɔbadu Livaema anu na yeabolo bɛ nwo kɛ ezukoa nvutuke anzɛɛ yeahwi bɛ nwo kɛ dwɛtɛ fufule, kɔdwu mekɛ mɔɔ bɛkɛva nɔhalɛ azubɔlɛ ninyɛne bɛkɛmaa Ɛdɛnkɛma la.

Ɛzoanvolɛma Gyima ne 9:15

Awulae zele ye kɛ, “Wɔmɔ kɔ, na meye ye kɛ ɔrayɛ me sonvolɛ, ɔva me duma ɔhɔ bɛdabɛ mɔɔ bɛnle Dwuuma la anu nee arelemgbunli nee Yizilayɛma kɔsɔɔti anwo zo.

1 Kɔl 5:7

Bɛye fɛlɛ ne mɔɔ ɛlɔ azonlɛ la wɔ bɛ avinli na bɛ nwo ade saanwu, amaa bɛayɛ menli fofolɛ mɔɔ evinli biala ɛnle bɛ nwo a, kɛmɔ meze ye wienyi kɛ amgba bɛde la. Ɔluakɛ kɛkala mɔɔ bɛhu Kelaese, yɛ Akpabɛnwo boaneralɛ ne bɛbɔ azu la,

2 Kɔl 7:1

Ayi mɔ, ɛwɔkɛ mɔɔ Nyamenle ɛbɔ yɛ la ɛne. Yemɔti, bɛmaa yɛwowo debie biala mɔɔ wɔ yɛ nwo mɔɔ gua yɛ sonlabaka ye anzɛɛ yɛ ɛkɛla ne mɔ anwo evinli la yɛgua, yɛzulo Nyamenle, na yɛmaa yɛ ɛbɛlabɔlɛ nwo ɛde bɔkɔɔ.

2 Kɔl 9:8

Nyamenle kola maa bɛ ninyɛne mɔɔ bɛhyia nwolɛ la maa ɔbo zolɛ, amaa dahuu bɛanyia mɔɔ sa bɛ la na bɛava bie bɛayɛ nyele.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:10

Yɛle Nyamenle asa anloa gyima, yɛɛ yelua yɛ nee Kelaese Gyisɛse yɛ koyɛlɛ ne azo yebɔ yɛ yemaa ɛbɛla kpalɛ ne mɔɔ ɔhyehyɛle ɔdole yɛ ɛkɛ ne dɛba kɛ yɛbɔ la.

1 Tem 6:11

Na wɔmɔ, Nyamenle sonla, twe ɛ nwo fi ninyɛne ɛhye mɔ anwo, na pele kpondɛ pɛlepɛlelilɛ, anwondelɛ, diedi, ɛhulolɛ, abotane yɛɛ bɛtɛɛyɛlɛ bo zo.

2 Tem 2:16

Twe ɛ nwo fi bɛdabɛ mɔɔ bɛsu zɛhae munzule nee koasea kpolera la anwo. Ɛhye te menli fi Nyamenle anwo.

2 Tem 2:20

Wɔ awuke kpole biala anu, nyɛba nee dwora ngakyile dɔɔnwo wɔ ɛkɛ: bie mɔ wɔ nu mɔɔ bɛvale ezukoa nvutuke anzɛɛ dwɛtɛ fufule a bɛyɛle a, yɛɛ bie mɔ noko bɛvale baka anzɛɛ ɛva a bɛyɛle a; bie mɔ anwo hyia kpalɛ yɛɛ bie mɔ noko anwo ɛngyia biala.

2 Tem 3:17

amaa sonla ne mɔɔ sonle Nyamenle la ali munli na bɛaziezie ye bɛamaa yeayɛ gyima kpalɛ.

2 Tem 4:11

Yeha Luku angomekye ala wɔ me nwo ɛke. Nea kɛ ɛ sa kɛha Maake na ɛ nee ye bɛrɛla, ɔluakɛ ɔkɛhola ɔkɛboa me.

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:1

Kakye wɔ menli ne kɛ bɛha bɛ nwo aze bɛmaa arelemgbunli nee bɛdabɛ mɔɔ tumi wɔ bɛ sa nu la, bɛdie bɛ edwɛkɛ na bɛbɔ ɛbɛla kpalɛ wɔ adenle biala anu.

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:14

Maa yɛ menli ne mɔ ɛzukoa ɛyɛ gyima kpalɛ, amaa saa edwɛkɛ bie mɔɔ hyia la si a bɛahola bɛaboa. Ɔnle kɛ bɛbɔ ɛbɛla mɔɔ nvasoɛ biala ɛnle zolɛ la.

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:8

Edwɛkɛ ɛhye le nɔhalɛ. Mekulo kɛ ɛka edwɛkɛ ɛhye mɔ na ɛsi zo ɛsesebɛ, amaa bɛdabɛ mɔɔ bɛdie Nyamenle bɛdi la anlea zolɛ abɔ ɛbɛla kpalɛ dahuu. Ɔluakɛ ɛhye mɔ le kpalɛ na eza ɔhyia ɔmaa sonla biala.

1 Pit 1:22

Kɛkala mɔɔ ɔlua bɛ tieyɛ wɔ nɔhalɛ ne anwo bɛde bɛ nwo bɛvi ninyɛndane nwo na bɛnyia ɛhulolɛ bɛmaa bɛ mediema diedima la, bɛmaa bɛ ɛhulolɛ ne ɛyɛ nɔhalɛ ɛhulolɛ mɔɔ vi bɛ ahonle nu a.

1 Pit 1:7

Ninyɛne ɛhye mɔ wɔ ɛkɛ kɛ bɛfa bɛazɔ bɛ diedi bɛanlea saa ɔgyi kpundii a. Ezukoa nvutuke bɔbɔ mɔɔ sɛkye la, bɛfa senle a bɛnea kɛ ɔle kpalɛ a; zɔhane ala yɛɛ ɔwɔ kɛ bɛ diedi ne mɔɔ hyia tɛla ezukoa nvutuke la bɛsɔ ye bɛnea a, amaa yeava ayɛlɛyelɛ, anyunlunyia, yɛɛ enililɛ yearɛlɛ bɛ wɔ Kenle ne mɔɔ Gyisɛse bara la.

1 Dw 3:3

Awie biala mɔɔ lɛ anyelazo ɛhye wɔ Kelaese anu kɛ yɛbayɛ kɛ Kelaese ala la maa ɔ nwo te kɛ Kelaese la.