2 Tem 2:20 - BAEBOLO ANZƐƐ BULUKU NWUANZANWUANZA

²⁰ Wɔ awuke kpole biala anu, nyɛba nee dwora ngakyile dɔɔnwo wɔ ɛkɛ: bie mɔ wɔ nu mɔɔ bɛvale ezukoa nvutuke anzɛɛ dwɛtɛ fufule a bɛyɛle a, yɛɛ bie mɔ noko bɛvale baka anzɛɛ ɛva a bɛyɛle a; bie mɔ anwo hyia kpalɛ yɛɛ bie mɔ noko anwo ɛngyia biala.

2 Tem 2:20 ပူးပေါင်းရင်းမြစ်များ

Ɛzela Buluku ne 1:6

Bɛ gɔnwo mɔ amuala boale bɛ. Bɛmanle bɛ ahyɛnze mɔɔ bɛva dwɛtɛ fufule nee ezukoa nvutuke bɛyɛ la, nane mɔɔ soa ninyɛne, aleɛ, yɛɛ ninyɛne mɔɔ sonle bolɛ, yɛɛ akee ahunlundwolɛ ahyɛlɛ ninyɛne mɔɔ bɛfa bɛahɔbɔ azu la.

Ɛzela Buluku ne 6:5

Akee ninyɛne mɔɔ bɛvale ezukoa nvutuke nee dwɛtɛ fufule a bɛyɛle, mɔɔ Belemgbunli Nɛbukadenɛza yeyele bɛ vile Ɛzonlenlɛ Sua ne anu wɔ Gyɛlusalɛm rale Babelɔn la, bɛva bɛ muala bɛhɔzie bɛ bo zo ne mɔ wɔ Ɛzonlenlɛ Sua ne anu wɔ Gyɛlusalɛm.’ ”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 27:3

Yɛ nwolɛ mbuakɛ na bɛava nzonle bɛagua nu. Eza yɛ azofi nee ahyɛnze nee faka nee senlevalɛ ahyɛnze; fa kɔbele a yɛ ninyɛne ɛhye mɔ kɔsɔɔti a.

Gyɛlɛmaya Awolɛyelɛ 4:2

Zayɔn mgbavolɛ mɔɔ di munli, mɔɔ sonle bolɛ kɛ ezukoa nvutuke la ɛnɛ ɛzɔho mbuakɛ mɔɔ nwovolɛ ɛnwo bɛ ɔ sa nu la.

Daneɛle Buluku ne 5:2

Bɛlehyaza zɔle nza ne bie nleanle la, ɔhanle kɛ bɛhɔsesa ezukoa nvutuke ahɔpo nee dwɛtɛ fufule ahɔpo ne mɔ mɔɔ ɔ ze Nɛbukadenɛza sesale bɛ wɔ Gyɛlusalɛm Ɛzonlenlɛ Sua ne anu la bɛrɛla bɛmaa belemgbunli nee ye maanle mgbanyima, ye mraalɛ nee ye mgbɔnla ne mɔ ɛnlo nu.

Dw 8:49

Gyisɛse buale kɛ “Menlɛ ayɛne. Medi Egya eni, na bɛmɛ bɛngulo kɛ bɛdi me eni.

Wulo 9:20

Na ayi, ɛdawɔ bɔbɔ a le nwane na wɔayeye Nyamenle anloa azo? Buakɛ ɛngola ɛmbiza mɔɔ nwonle ye la kɛ, “Duzu ati a ɛnwonle me zɛhae ɛ?”

1 Kɔl 3:9

Ɔluakɛ yɛ mu nwiɔ yɛle Nyamenle egyinli nu gyimayɛvoma yɛɛ bɛmɛ a bɛle egyinli ne a. Eza bɛle Nyamenle sua.

2 Kɔl 4:7

Noko yɛmɛ mɔɔ yɛlɛ Sunsum nu anwonyia ɛhye la yɛle kɛ mbuakɛ ala, amaa yeala ali kɛ tumi bedevinli ne le Nyamenle ɛdeɛ, na ɔnle yɛ ɛdeɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:22

Kɛmɔ bɛ nee Kelaese ɛyɛ ko la, bɛdabɛ noko bɛlua Nyamenle Sunsum ne azo bɛlɛsi bɛ nee menli kɔsɔɔti kɛ sua la na Nyamenle adɛnla nu.

1 Tem 3:15

Na saa mekyɛ ɛralɛ nu a, kɛlata ɛhye bamaa wɔanwu kɛ ɔwɔ kɛ ɛsi ɛbɔ wɔ ɛbɛla wɔ Nyamenle sua nu la, meka tease Nyamenle ne asɔne ne mɔɔ le nɔhalɛ ne sika nee ye bodane la.

1 Pit 2:5

Bɛrɛla kɛ bɛle tease awolɛ na bɛmaa bɛva bɛ bɛzi sunsum nu ɛzonlenlɛ sua mɔɔ bɛsonle nu, kɛ bɛle sɛlɛvolɛma nwuanzanwuanza na bɛlua Gyisɛse Kelaese anwo zo bɛbɔ sunsum nu azu mɔɔ sɔ ɛnyelɛ la bɛmaa Nyamenle.