2 Tem 2:2 - BAEBOLO ANZƐƐ BULUKU NWUANZANWUANZA

² Fa ngilehilelɛ ne mɔɔ ɛdele ɛvile me ɛkɛ ne wɔ mekɛ mɔɔ ɛnee melɛkilehile menli dɔɔnwo la wula bɛdabɛ mɔɔ ɛdie bɛ ɛdi kɛ bɛkɛhola ye kilehile la asa anu.

2 Tem 2:2 ပူးပေါင်းရင်းမြစ်များ

Ɛzela Buluku ne 7:10

Ɛzela ɛnee ɛdu ɔ nwo ɛmaa na yeva ye mekɛ kɔsɔɔti yezukoa Ɛdɛnkɛma Mɛla ne mɔɔ yeva yemaa Yizilayɛma la kpalɛ, na yevua kɛ ɔdi zolɛ na yeahilehile Yizilayɛma noko.

Ɛzela Buluku ne 7:25

“Na wɔmɔ Ɛzela, dua Nyamenle nrɛlɛbɛ ne mɔɔ yeva yemaa wɔ la azo ye menli mɔɔ ze wɔ Nyamenle ne Mɛla ne la, yɛ bɛ edwɛkɛdivolɛma nee ndɛnebuavolɛma maa bɛnlea bɛmaa pɛlepɛle ɛrɛla menli mɔɔ wɔ Yufileti Adɔleɛ la avinli. Na kilehile bɛdabɛ mɔɔ bɛnze mɛla ne la amuala.

Nihɛmaya Buluku ne 7:2

Akee menyele me diema Haneenae nee Hananaya mɔɔ yemɔ a ɔnea aranemgbole ne azo la kɛ bɛ mu nwiɔ bɛnlea suakpole Gyɛlusalɛm, ɔluakɛ Hananaya di nɔhalɛ na ɔle sonla mɔɔ sulo Nyamenle tɛla menli dɔɔnwo a.

Edwɛndolɛ Buluku ne 101:6

Mebava ɛnyelɛ kpalɛ meanlea bɛdabɛ mɔɔ bɛdi nɔhalɛ wɔ azɛlɛ ne azo la, amaa bɛ nee me adɛnla; sonla mɔɔ dua ndenle mɔɔ ngehanleɛ ɛnle nwolɛ la anu la, yemɔ yɛɛ ɔbazonle me a.

Mrɛlɛbulɛ Buluku ne 13:17

Soanvolɛ ɛtane fa menli kɔ ngyegyelɛ nu, yɛɛ ɛbɔfoɔ kpalɛ fa anzonudwolɛ ba.

Gyɛlɛmaya Buluku ne 23:28

Nyamenle kpɔmanvolɛma mɔɔ ka ɛlalɛ la ɛha bɛ ɛlalɛ ne, na Nyamenle kpɔmanvolɛ mɔɔ ka me nrɛlaleɛ ne la ɛha me nrɛlaleɛ ne nɔhalɛ nu.” Ɛdɛnkɛma ɛlɛbiza kɛ, “Ɛhonle fa ye nienwu a nee awule sɛ a?”

Sɛlɛ 14:42

na bɛava awolɛ fofolɛ bɛawulowula bane ne mɔ anu, bɛatanlitanli sua ne bane ne na akee bɛada sua ne bieko.

Malakae Buluku ne 2:7

Ɔluakɛ ɔwɔ kɛ ndelebɛbo finde sɛlɛvolɛ biala anloa edwɛkɛ nu, yɛɛ ɔwɔ kɛ menli fa ɛzukoalɛdeɛ wɔ ye ɛdendɛlɛ nu, ɔboalekɛ ɔle Tumivolɛ Ɛdɛnkɛma soanvolɛ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 12:7

Na me sonvolɛ Mosisi ɛdeɛ, asolo ye, meva ye mezie me menli Yizilayɛma kɔsɔɔti anloa.

Edwɛkpa ne kɛmɔ Mateyu hɛlɛle la 13:52

Na ɔzele bɛ kɛ, “Zɔhane ati mɛla kilehilevolɛ biala mɔɔ bɛtete ye wɔ Anwuma Belemgbunlililɛ ne anwo la le kɛ awuke zo neavolɛ mɔɔ ye ninyɛne fofolɛ nee dɛba fi ye gya nu finde la.”

Edwɛkpa ne kɛmɔ Mateyu hɛlɛle la 24:25

Bɛdie! Kɛ mehakye bɛ ɛhye mɔ kolaa na mekɛ ne adwu ɛ!

Edwɛkpa ne kɛmɔ Luku hɛlɛle la 12:42

Awulae buale kɛ, “Ɛnee nwane a le sonvolɛ mɔɔ di nɔhalɛ na ɔle nrɛlɛbɛvolɛ la? Yemɔ a le sonla ne mɔɔ ɔ menle kɛyɛ ye kpanyinli wɔ ye awuke ne anu kɛ ɔmaa sonvolɛma mɔɔ ɛha la aleɛ wɔ mekɛ ne anloa la.

1 Kɔl 4:2

Debie ko mɔɔ ɔwɔ kɛ sonvolɛ zɛhae yɛ la a le kɛ ɔkɛli nɔhalɛ ɔkɛmaa ɔ menle ne.

2 Kɔl 2:14

Yɛyɛ Nyamenle mo kɛ dahuu ɔfa yɛ kɛ menli mɔɔ Kelaese ɛhye yɛ nuokɛ na ɔfa yɛ ɔto Kelaese konimlilɛ ɛlɔnwɔne, na ɔdua yɛ nwo zo ɔmaa Kelaese anwo edwɛkɛ kpalɛ ne wolowolo ɛleka biala kɛ debie evuanlɛ la.

2 Kɔl 3:5

Yɛnlɛ debie biala wɔ yɛ nu mɔɔ maa yɛka kɛ yɛkola yɛyɛ gyima ɛhye a. Yɛ munlililɛ vi Nyamenle ɛkɛ;

Kɔlɔ 1:7

Ɛpafelase a hilehilele bɛ Nyamenle ɛlolɛ ɛhye anwo edwɛkɛ a. Ɔle yɛ diema sonvolɛ kpalɛ kpalɛ mɔɔ sonle Kelaese nɔhalɛ nu a; ɔgyi yɛ gyakɛ anu wɔ lɔ.

1 Tem 1:12

Meyɛ yɛ Awulae Kelaese Gyisɛse mɔɔ ɛmaa me anwosesebɛ wɔ me gyima ne anwo la mo. Meyɛ ye mo kɛ yebu me bie na yeva me wɔ ye gyima nu a.

1 Tem 1:18

Me ra Temɔte, melɛ mɛla ɛhye, kɛmɔ Nyamenle kpɔmanvolɛma edwɛkɛ ne mɔɔ bɛhanle ye wɔ ɛ nwo dɛbadɛba la se la, mewula ɛ sa nu. Maa edwɛkɛ ne ɛyɛ wɔ konle ninyɛne na fa ko konle kpalɛ ne,

1 Tem 4:14

Mmakpo sunsum nu ahyɛlɛdeɛ ne mɔɔ Nyamenle kpɔmanvolɛma hanle a ɛ sa hanle ye wɔ mekɛ mɔɔ mgbanyima ne mɔ vale bɛ sa guale ɛ ti zo la.

1 Tem 4:6

Saa ɛfa ngilehilelɛ ɛhye mɔ ɛkilehile mediema ne mɔ a, ɛbayɛ Kelaese Gyisɛse sonvolɛ kpalɛ, na diedi nu ngilehilelɛ ne nee ngilehilelɛ kpalɛ ne mɔɔ dahuu ɛli ɔ nzi la aboa amaa wɔanyi sunsum nu.

1 Tem 5:22

Mmapele ndɛ ɛfa ɛ sa ɛgua awie biala ati zo kɛ ɔrayɛ Awulae gyima. Mmafa ɛ nwo ɛdielie awie mɔ nyɛleɛ ɛtane ɛtane nu; nea maa ɛ nwo ɛde.

1 Tem 6:12

Bɔ mɔdenle ko diedi nu konle kpalɛ ne na ɛ sa aha ngoane mɔɔ ɛnlɛ awieleɛ la, ɔluakɛ ngoane ɛhye ati yɛɛ Nyamenle vɛlɛle wɔ wɔ mekɛ mɔɔ ɛlale wɔ diedi ne ali wɔ dasevolɛma dɔɔnwo ne anyunlu la a.

2 Tem 3:10

Na wɔmɔ, wɔli me ngilehilelɛ, me nyɛleɛ nee me ɛbɛlabɔlɛ nu bodane ne anzi; wɔnwu me diedi, me abotane, me ɛhulolɛ, nee me kpundii mɔɔ megyi,

2 Tem 3:14

Na wɔmɔ, kɔ zolɛ sɔ nɔhalɛ ne mɔ mɔɔ bɛhilehile wɔ na ɛdie ɛdi ɛsesebɛ la anu. Ɛze wɔ kilehilevolɛma ne mɔ,

Kɛlata mɔɔ bɛhɛlɛle bɛhɔmanle Hibuluma la 2:17

Ɛhye kile kɛ ɔwɔ kɛ ɔyɛ kɛ ɔ mediema ne mɔ la wɔ adenle biala anu, amaa yeayɛ bɛ Sɛlɛvolɛ Kpanyinli mɔɔ di nɔhalɛ na ɔse anwunvɔne wɔ ye Nyamenle gyimayɛlɛ nu, na yeali bɛ ti mgbɔdalɛ, amaa bɛava menli ɛtane bɛahyɛ bɛ.

1 Sam 2:35

Mebaye sɛlɛvolɛ mɔɔ bali nɔhalɛ amaa me na yeayɛ debie biala mɔɔ menwɔze ye kɛ ɔyɛ la. Mebamaa ye nlɔnra mɔɔ dahuu bazonle me wɔ belemgbunli ne mɔɔ mebaye ye la abo a.