2 Tem 2:19 - BAEBOLO ANZƐƐ BULUKU NWUANZANWUANZA

¹⁹ Noko adiabo ne mɔɔ Nyamenle ɛwula la gyi kpundii, na bɛhɛlɛ nwolɛ kɛ, “Awulae ze bɛdabɛ mɔɔ bɛle ye ɛdeɛ la,” yɛɛ “Ɔwɔ kɛ awie biala mɔɔ bɔ Awulae duma kɛ ɔle Awulae la twe ɔ nwo fi ɛtane nwo.”

2 Tem 2:19 ပူးပေါင်းရင်းမြစ်များ

Dwobu Buluku ne 28:28

“Na ɔzele sonla kɛ, ‘Nrɛlɛbɛ a le kɛ ɛkɛzulo Awulae; yɛɛ ndelebɛbo a le kɛ ɛkɛhwe ɛ nwo ɛkɛvi ɛtane nwo!’ ”

Edwɛndolɛ Buluku ne 1:6

Ɛdɛnkɛma ze pɛlepɛlelilɛnli adenle; amumuyɛnli adenle fa ye kɔ munzule nu.

Edwɛndolɛ Buluku ne 112:6

Ɔluakɛ pɛlepɛlenli ne abo zo ɛnrɛminli ɛlɛ; bɛbahakye ye dahuu.

Edwɛndolɛ Buluku ne 34:14

Twe ɛ nwo fi ɛtane nwo, na di boɛ; kpondɛ anzonudwolɛ na di ɔ nzi.

Edwɛndolɛ Buluku ne 37:18

Ɛdɛnkɛma ze mɔɔ ɛnze nwolɛ bie la kenle, bɛ agyadeɛ bayɛ bɛ ɛdeɛ dahuu.

Edwɛndolɛ Buluku ne 97:10

Ɛdɛnkɛma kulo bɛdabɛ mɔɔ bɛkyi ɛtane la; ɔbɔ ɔdaye ye menli ne anwo bane; ɔdie bɛ ɔfi amumuyɛma asa anu.

Mrɛlɛbulɛ Buluku ne 10:25

Saa ahumu ne tu se a, amumuyɛnli ne ɛnle ɛkɛ ne bieko, na sonlakpalɛ ne wɔ ɛkɛ ne dahuu.

Mrɛlɛbulɛ Buluku ne 3:7

Mmabu ɛ nwo kɛ ɛze nrɛlɛbɛ, sulo Ɛdɛnkɛma na twe ɛ nwo fi ɛtane nwo;

Ayezaya Buluku ne 14:32

Duzu mualɛ yɛɛ sonla bava amaa maanle ne soanvolɛma a? “Ɛdɛnkɛma ɛkyekye Zayɔn, na ɛkɛ ne yɛɛ ye menli mɔɔ ɛlɛnwu amaneɛ la anwo badɔ bɛ a.”

Ayezaya Buluku ne 28:16

Yemɔti kɛ Awulae Nyamenle ne se la ɛne, “Bɛnlea, melɛfa bolɛ meado adiabo wɔ Zayɔn. Ɔbayɛ bolɛ mɔɔ bɛzɔ bɛnlea, mgbɛnezo bolɛ mɔɔ sonle bolɛ kpalɛ wɔ adiabo kpundii nu, na meahɛlɛ zolɛ kɛ, ‘Mɔɔ die di la ɛnrɛpele ndɛ.’

Ayezaya Buluku ne 63:19

Yɛyɛ kɛ menli bie mɔɔ ɛtɛsiele yɛ ɛlɛ la. Yɛnzɔho menli mɔɔ bɛva wɔ duma bɛvɛlɛ bɛ ɛlɛ a.

Ayezaya Buluku ne 65:15

Me menli ne mɔɔ mekpa nu meye bɛ la bava bɛ duma awa amonle, yɛɛ Awulae Nyamenle ne bahu bɛ; na me sonvolɛma ne ɛdeɛ, mebava duma fofolɛ meavɛlɛ bɛ.

Yizikeɛle Buluku ne 9:4

Na Ɛdɛnkɛma zele ye kɛ, “Kɔ Gyɛlusalɛm suakpole ne azo amuala na fa sɛkɛlɛneɛ to awie biala mɔɔ ɛlɛdi nyane wɔ munzule ɛbɛla mɔɔ bɛbɔ wɔ zolɛ la anwo la anwoma azo.”

Nahum Buluku ne 1:7

Ɛdɛnkɛma le kpalɛ, ɔle ɛvealeka wɔ ɛmianlɛ nu; ɔsɔ bɛdabɛ mɔɔ bɛnriandi bɛbatane ye la.

Hagae Buluku ne 2:23

Mekɛ ne anu, medame Tumivolɛ Ɛdɛnkɛma mese, mebava ɛdawɔ Zɛlubabɛle, me akɛlɛ mɔɔ ɛ ze a le Hyialeteɛle la, na meayɛ wɔ kɛ belemgbunli kpɔdelera, ɔluakɛ mekpa nu meye wɔ, medame Tumivolɛ Ɛdɛnkɛma a mese a.”

Zɛkalaya Buluku ne 3:9

Bɛnlea, meva bolɛ mezie Dwɔhyua anyunlu ɛkɛ. Ɔle bolɛ kokye mɔɔ anye le nsuu a, na zolɛ yɛɛ mebahɛlɛ a, medame Tumivolɛ Ɛdɛnkɛma a mese a. Mebaye azɛlɛ ɛhye fɔlɛlilɛ ne amuala kenle kokye.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 16:5

ɔhanle ɔhilele Kɔla nee ɔ sa zo ne mɔ kɛ, “Ɛhyema nwonlomɔ Ɛdɛnkɛma bahile yɛ sonla holɛ ko mɔɔ le ye ɛdeɛ, na ɔle nwuanzanwuanza, na ɔkɛmaa ye adenle kɛ ɔbikye ye la; mɔɔ ɔdaye ɔkɛye ye la babikye ye.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 6:27

Na Ɛdɛnkɛma zele kɛ, “Saa bɛbɔ me duma bɛyila Yizilayɛma a, mebayila bɛ.”

Edwɛkpa ne kɛmɔ Mateyu hɛlɛle la 24:24

Ɔluakɛ Mɛzayama adalɛ nee Nyamenle kpɔmanvolɛma alane dɔɔnwo bara; bɛbayɛ nwanwane ninyɛne mgbole mɔɔ yɛ ɛzulolɛ la dɔɔnwo, na saa bɛyɛ na ɔkɛyɛ boɛ a, bɛava bɛabɛlɛbɛla Nyamenle menli ne mɔɔ di munli bɔbɔ la na bɛaminli menli dɔɔnwo diedi.

Edwɛkpa ne kɛmɔ Mateyu hɛlɛle la 28:19

Yemɔti bɛhɔ maanle ti nee maanle bo, bɛmaa menli ɛrayɛ me ɛdoavolɛma; bɛzɔne bɛ wɔ Selɛ ne, Ralɛ ne nee Sunsum Nwuanzanwuanza ne duma nu,

Edwɛkpa ne kɛmɔ Mateyu hɛlɛle la 7:23

Na mebaze bɛ kɛ, ‘Menze bɛ. Bɛvi ɛkɛ ne bɛhɔ. Nindavoma!’

Edwɛkpa ne kɛmɔ Mateyu hɛlɛle la 7:25

Ezule kpole dɔle na azule yile bule aze, na ahumu kpole dule bɔle sua ne, noko yeambu, ɔboalekɛ ɔgyi bodane zo.

Edwɛkpa ne kɛmɔ Maake hɛlɛle la 12:16

Bɛvale bie bɛmanle ye, na ɔbizale bɛ kɛ, “Nwane nvoninli nee ye duma a le ɛhye mɔ?” Bɛbuale kɛ, “Siza ɔ.”

Edwɛkpa ne kɛmɔ Maake hɛlɛle la 13:22

Ɔluakɛ Mɛzayama nee Nyamenle kpɔmanvolɛma alane dɔɔnwo bara. Bɛbaye ngonyia, bɛayɛ nwanwane ninyɛne mgbole kɛ bɛfa bɛabɛlɛbɛla Nyamenle menli ne mɔɔ yekpa nu yeye bɛ la saa ɔkɛyɛ boɛ a.

Edwɛkpa ne kɛmɔ Luku hɛlɛle la 13:27

Na ɔbaze bɛ bieko kɛ, ‘Menze ɛleka mɔɔ bɛvi a. Bɛvi ɛkɛ ne bɛhɔ, amumuyɛma!’

Edwɛkpa ne kɛmɔ Luku hɛlɛle la 6:48

Ɔle kɛ nrenya bie mɔɔ ɛnee ɛlɛsi ye sua la, ɔpɛle kuma ne ɔmanle ɔhɔle kolaa na yeawula sua ne aze wɔ bolɛ zo. Ezule ne bule aze na ɔravale sua ne, na yeangola ye bu, ɔluakɛ bɛzile ye boɛ.

Dw 10:14

Mame a mele mboaneneavolɛ kpalɛ ne a. Kɛmɔ Selɛ ne ze me na meze Selɛ ne la, zɔhane ala yɛɛ meze me mboane ne na bɛdabɛ noko bɛze me a; yɛɛ mekponle zolɛ kɛ menwɔwu menwɔmaa bɛ.

Dw 13:18

“Tɛ bɛ muala bɛ nwo edwɛkɛ a melɛka a; meze mɔɔ mekpa nu meye bɛ la. Na Nyamenle Edwɛkɛ ne mɔɔ se, ‘Sonla ne mɔɔ nee me di nee me no la hakyile ɔ nzi zile me’ la ɔwɔ kɛ yɛ zɔhane.

Dw 3:33

Mɔɔ die ye edwɛkɛ ne to nu la kile maa bɛnwu kɛ Nyamenle le nɔhalɛ.

Ɛzoanvolɛma Gyima ne 11:26

Mɔɔ ɔnwunle ye la ɔ nee ye rale Anteɔko. Bɛ mu nwiɔ bɛ nee asɔnema ne dɛnlanle ɛvolɛ ko na bɛhilehilele bɛ. Na Anteɔko ɛkɛ yɛɛ bɛlumuale bɛvɛlɛle ɛdoavolɛma ne Keleseɛnema a.

Ɛzoanvolɛma Gyima ne 15:17

amaa ewiade amra mɔɔ ɛha la ara me ɛkɛ, na bɛdabɛ mɔɔ bɛnle Dwuuma na mevɛlɛ bɛ la arayɛ me ɛdeɛ.

Ɛzoanvolɛma Gyima ne 9:14

Na yera ɛke kɛ ɔlɛ tumi ngɛlɛta vi sɛlɛvolɛ mgbanyinli ne mɔ ɛkɛ kɛ ɔbahye bɛdabɛ mɔɔ bɛsonle wɔ la amuala.”

Wulo 11:2

Nyamenle ɛtɛkpole ye menli ne mɔɔ mɔlebɛbo ne amuala ɔkpale nu ɔyele bɛ la. Se bɛze Nyamenle Edwɛkɛ ne ɛleka mɔɔ kile kɛ ɛnee Yelaegya ɛlɛsɛlɛ Nyamenle atia Yizilayɛma la?

Wulo 12:9

Bɛmaa bɛ ɛhulolɛ ɛyɛ nɔhalɛ ɛhulolɛ; bɛhyi mɔɔ le ɛtane la na bɛzɔ mɔɔ le kpalɛ la anu.

Wulo 15:20

Ɛhye ati mɔɔ mekpondɛ la a le kɛ menwɔva Edwɛkpa ne menwɔdo gua wɔ ɛleka mɔɔ bɛtɛtele Kelaese nganeɛ ɛlɛ la, amaa meangɔnzɔ mɔɔ awie gyɛne ɛbɔ ɔ bo la azo.

Wulo 15:9

na yeamaa bɛdabɛ mɔɔ bɛnle Dwuuma la aye Nyamenle ayɛlɛ wɔ ye anwunvɔnezelɛ ne ati. Ɔluakɛ Nyamenle Edwɛkɛ ne se, “Zɔhane ati mebaye wɔ ayɛlɛ wɔ menli mɔɔ ɛnle Dwuuma la avinli. Mebado ayɛlɛyelɛ edwɛne meayeyɛ wɔ”

Wulo 8:28

Yɛze kɛ wɔ debie biala anu, Nyamenle maa debie biala yɛ kpalɛ maa bɛdabɛ mɔɔ bɛkulo ye la, meka bɛdabɛ mɔɔ yevɛlɛ bɛ, kɛmɔ ye ngyehyɛlɛ ne de la.

Wulo 9:11

Na amaa bɛ nuhua ko ɛvɛlɛlɛ ɛdeɛ ne ali munli, kɛmɔ Nyamenle hyehyɛle la, Nyamenle zele Relebɛka kɛ, “Kpanyinli ne bazonle kakula ne.” Ɔhanle ɛhye kolaa na bɛawo bɛ, na bɛanwu kpalɛ anzɛɛ ɛtane; ɛhye kile kɛ Nyamenle ɛvɛlɛlɛ ne gyi ye ɛhulolɛdeɛ zo na tɛ nyɛleɛ biala mɔɔ bɛyɛle la ati ɔ.

1 Kɔl 1:2

ɛlɛkɛlɛ kɛlata ɛhye a. Yɛlɛ yɛkamaa Nyamenle menli ne mɔɔ wɔ Kɔlente, mɔɔ Kelaese Gyisɛse ati bɛdu bɛ bɛzie ɛkɛ ne, na bɛvɛlɛ bɛ nee bɛdabɛ mɔɔ bɛwɔ ɛleka muala, mɔɔ bɛbɔ yɛ Awulae Gyisɛse Kelaese duma la, kɛ bɛrayɛ Nyamenle menli la.

1 Kɔl 8:3

Awie mɔɔ kulo Nyamenle la, Nyamenle ze ye.

2 Kɔl 7:1

Ayi mɔ, ɛwɔkɛ mɔɔ Nyamenle ɛbɔ yɛ la ɛne. Yemɔti, bɛmaa yɛwowo debie biala mɔɔ wɔ yɛ nwo mɔɔ gua yɛ sonlabaka ye anzɛɛ yɛ ɛkɛla ne mɔ anwo evinli la yɛgua, yɛzulo Nyamenle, na yɛmaa yɛ ɛbɛlabɔlɛ nwo ɛde bɔkɔɔ.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:9

Kɛkala mɔɔ bɛnwu Nyamenle la anzɛɛ bɛmaa menga kɛ, kɛkala mɔɔ Nyamenle ɛkpondɛ bɛ bo zo la, duzu ati a eza bɛkulo kɛ bɛsia bɛkɔsonle sunsum ɛtane ɛtane, anwo anwunvɔne ɛhye mɔ bieko ɛ? Duzu ati a eza bɛkulo kɛ bɛsia bɛyɛ bɛ nwo ngɛkɛlɛ bɛmaa bɛ ɛ?

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:20

Bɛdabɛ noko a bɛle sua mɔɔ bɛlɛsi ye wɔ ɛzoanvolɛma nee Nyamenle kpɔmanvolɛma adiabo ne mɔɔ bɛwula la azo a, na Kelaese ɔdaye mumua ne a ɔle sua ne mgbɛnezo sika ne mɔɔ hyia kpole kpalɛ la a.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:15

mɔɔ ye nehane a abusua biala mɔɔ wɔ anwuma nee aze la nyia ye nɔhalɛ duma la,

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:30

Bɛmmabɔ Nyamenle Sunsum Nwuanzanwuanza ne arɛle, ɔluakɛ Sunsum ne a le Nyamenle nzonlɛ mɔɔ yeyɛ ye bɛ nwo mɔɔ kile kɛ bɛle ye ɛdeɛ a; sɛkɛlɛneɛ ɛhye kile kɛ Kenle ne dwu a Nyamenle bakpɔne bɛ.

1 Tem 3:15

Na saa mekyɛ ɛralɛ nu a, kɛlata ɛhye bamaa wɔanwu kɛ ɔwɔ kɛ ɛsi ɛbɔ wɔ ɛbɛla wɔ Nyamenle sua nu la, meka tease Nyamenle ne asɔne ne mɔɔ le nɔhalɛ ne sika nee ye bodane la.

1 Tem 6:19

Ye zɛhae ɛnee bɛlɛkuohua bɛ agyadeɛ nloa mɔɔ bayɛ sua bo ɛdolɛ amaa bɛ wɔ kenle bie, amaa bɛ sa aha ngoane ne mɔɔ le nɔhalɛ ngoane ne la.

Kɛlata mɔɔ bɛhɛlɛle bɛhɔmanle Hibuluma la 11:10

Ɔluakɛ ɛnee Ebileham ɛlɛkendɛ Nyamenle ɔdaye ye Suakpole ne mɔɔ yehyehyɛ, yewula ye aze na yekyekye la.

2 Pit 3:14

Zɔhane ati, ayi mɔ, kɛmɔ bɛlɛkendɛ ɛhye mɔ la, bɛbɔ mɔdenle, amaa Awulae ba a yeanwu kɛ bɛ nwo te mɔɔ nvonleɛ biala ɛnle bɛ nu na bɛ nee ye bɛ nloa sɛ bɛ nwo a.

1 Dw 2:19

Menli ɛhye mɔ vi yɛ nu a hɔle a, na bɛmboka yɛ nwo. Saa bɛboka yɛ nwo a, anrɛɛ bɛ nee yɛ dɛnlanle. Bɛgyakyile yɛ bɛhɔle, amaa yeala ali wienyi kɛ bɛ biala ɛmboka yɛ nwo.

Yekile 17:8

Nane ne mɔɔ ɔde zolɛ la anrɛɛ de aze, na kɛkala yewu. Na ɔvi azɛlɛ kuma ne mɔɔ ɛnlɛ ɔ bo la anu ɔbavinde yeahɔ yeamaa bɛazɛkye ye. Bɛdabɛ mɔɔ bɛwɔ ewiade ye anu na bɛangɛlɛ bɛ aluma wɔ teasema buluku ne anu, kolaa na bɛabɔ ewiade la nwu nane ne a ɔbayɛ bɛ azibɛnwo kɛ mekɛ bie ɛnee nane ne de aze, na kɛkala yewu, na eza ɔbavinde yeara bieko a.

Yekile 2:13

Meze kɛ ɛleka mɔɔ ɛde la, ɛkɛ ne a Seetan ebia ne gyi a. Noko ɛlɛ me duma ne anu ɛsesebɛ na ɛdi nɔhalɛ ɛmaa me, yɛɛ wɔ diedi amkpo aze, bɔbɔ wɔ mekɛ mɔɔ bɛhunle me nɔhalɛ dasevolɛ Antɛpase wɔ Seetan ebia ne abo la.

Yekile 21:14

Suakpole ne bane ne, bɛhyele ye wɔ adiabo awolɛ bulu nee nwiɔ mɔɔ bɛhɛlɛ Boaneralɛ ne ɛzoanvolɛma bulu nee nwiɔ ne aluma wɔ nwolɛ la azo.

Yekile 22:4

Bɛnwu ɔ nyunlu, yɛɛ ye duma wɔ bɛ nwoma azo.

Yekile 3:8

Meze mɔɔ ɛyɛ la; meze kɛ wɔ tumi le ekyi bie, noko wɔli me ngilehilelɛ zo na wɔli nɔhalɛ wɔmaa me.