2 Tem 2:16 - BAEBOLO ANZƐƐ BULUKU NWUANZANWUANZA

¹⁶ Twe ɛ nwo fi bɛdabɛ mɔɔ bɛsu zɛhae munzule nee koasea kpolera la anwo. Ɛhye te menli fi Nyamenle anwo.

2 Tem 2:16 ပူးပေါင်းရင်းမြစ်များ

Ɛzela Buluku ne 10:10

Na sɛlɛvolɛ Ɛzela dwazole na ɔzele bɛ kɛ, “Bɛdo mɛla kɛ bɛgya nyɛvolɛ mraalɛ a. Bɛmaa Yizilayɛma fɔlɛlilɛ ne akee ɛyɛ kpole kpalɛ.

Hozia Buluku ne 12:1

“Debie biala mɔɔ Yifelaem yɛ, ɔvi nwonlomɔ mɔɔ kɔdwu nɔsolɛ la le mgbane na ɔsɛkye ninyɛne. Bɛbɔ adalɛ mɔnwo na bɛka konle. Bɛ nee Aselea yɛ ngyehyɛlɛ na bɛfa nwole bɛkɔ Yigyibiti.”

1 Kɔl 15:33

Bɛmmamaa bɛbɛlɛbɛla bɛ, “Agɔnwolɛ ɛtane sɛkye ɛbɛla kpalɛ.”

1 Kɔl 5:6

Bɛ adubɛnwo ye ka bie! Bɛnze kɛ, “Fɛlɛ ko dɔ sonlɛ na ɔla fɛlɛ dɔɔnwo avinli a ɔsɛkye bɛ muala.”

1 Tem 1:9

Ɔwɔ kɛ yɛnwu kɛ tɛ menli mɔɔ di boɛ la ati a mɛla ne wɔ ɛkɛ a, mɛla ne wɔ ɛkɛ maa atuadelɛma, anzosesebɛma, bɛdabɛ mɔɔ bɛnze Nyamenle nee ɛtanevolɛma, bɛdabɛ mɔɔ bɛ nwo ɛnde, menli mɔɔ ku bɛ ze mɔ anzɛɛ bɛ nli mɔ, ahɔdiawu,

1 Tem 4:7

Twe ɛ nwo fi yɛ nlenya mɔ anwo koasea nwɔra mgbane mgbane ne mɔ mɔɔ ɛnle nyamenlezonlenlɛ la anwo, na mia ɛ nwo sonle Nyamenle kpalɛ.

1 Tem 6:20

Temɔte, nea mɔɔ bɛva bɛwula ɛ sa nu la boɛ. Twe ɛ nwo fi munzule edwɛkɛ ɛhehanlɛ nee kpolerazulɛ mgbane mgbane ne mɔ mɔɔ bie mɔ fo fɛlɛ ye “Adwenlenubukelɛ” la anwo.

2 Tem 2:14

Kakyehakye wɔ menli ne mɔ wɔ ɛhye anwo, na bɔ bɛ kɔkɔ wɔ Nyamenle anyunlu kɛ bɛmmadi edwɛkɛ agbɔkɛ nwo butule. Ɔnle kpalɛ, yɛɛ ɔsɛkye menli mɔɔ tie la adwenle.

2 Tem 2:21

Saa awie twe ɔ nwo fi ninyɛne evinli nwo a, ɔkɛyɛ kɛ ɛyɛba mɔɔ anwo hyia na bɛde nwolɛ bɛmaa Nyamenle, na ɔ nwo ɛra nvasoɛ ɛmaa ɔ menle na bɛziezie ye kɛ bɛfa bɛayɛ gyima kpalɛ la.

2 Tem 3:13

Amumuyɛma nee adalɛma bahɔ zolɛ amaa bɛ ti ayɛ se kpalɛ, bɛbabɛlɛbɛla awie mɔ na bɛabɛlɛbɛla bɛdabɛ bɛ ngome bɛ nwo.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:11

Ɔwɔ kɛ ɛtua bɛ, ɔboalekɛ ɔlua ezukoakpondɛlɛ ti bɛlɛkilehile mɔɔ ɔnle kɛ bɛkilehile la, na bɛlɛsɛkye mbusua dɔɔnwo bɛabɔ bɛ awuke.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:14

na bɛandoa Dwuuma amaamuo dɛba ne nee bɛ mɛla ne mɔ mɔɔ vi menli mɔɔ ɛkpo nɔhalɛ ne la ɛkɛ ne la abo zo.

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:9

Tua ɛhye mɔ: kpolerazulɛ mɔɔ nrɛlɛbɛ ɛnle nu, yɛ nlenya mɔ aluma ngilehilenu, butulelilɛ nee mɛla nwo kpolerazulɛ. Ɛhye mɔ anwo ɛnlɛ nvasoɛ yɛɛ eza bɛle debie mgbane.

Kɛlata mɔɔ bɛhɛlɛle bɛhɔmanle Hibuluma la 12:15

Bɛnlea boɛ na bɛ bie ande anvi Nyamenle ɛlolɛ ne anwo. Bɛnlea boɛ na bɛ bie angakyi ɔ nwo “baka gyangoyi” ambɛkɛbɛka mbaka gyɛne nwo anguhu ɔ gɔnwo mɔ.

2 Pit 2:18

Bɛtu bɛ nloa anu, bɛka edwɛkɛ mɔɔ nrɛlɛbɛ ɛnle nu la na bɛfa adwɔmanebɔlɛ atiakunluwɔzo bɛsɛkye bɛdabɛ mɔɔ bɔ zo mɔɔ bɛlɛbɔ mɔdenle bɛanriandi bɛavi menli mɔɔ de ɛtane nu la avinli la.

2 Pit 2:2

Menli dɔɔnwo badoa bɛ alua bɛ ɛbɛla mgbane mgbane adenle ɛhye anu, na ɔlua bɛ nyɛleɛ ti menli adendɛ ɛtane atia nɔhalɛ Adenle ne.

Yekile 13:14

Ɔluale ngonyia ɛhye mɔ mɔɔ bɛmanle ye adenle bɛmanle ɔluale alumua nane ne anwo zo ɔyele la azo ɔbɛlɛbɛlale menli mɔɔ wɔ ewiade la amuala. Nane ɛhye mɔɔ tɔ zolɛ nwiɔ la zele menli kɔsɔɔti kɛ bɛyɛ ananze mɔɔ zɔho nane ne mɔɔ bɛbɔle ye hanlɛ kpole noko ɔtɛte ngoane nu la.

Yekile 13:3

Nane ne ati ne mɔ ko zɔho debie mɔɔ bɛbɔle ye hanlɛ kpole bie na hanlɛ ne ɛhɔ la. Ɔ nwo yɛle ewiade amra amuala ɛzulolɛ na bɛdule bɛdoale ye.