2 Tem 2:14 - BAEBOLO ANZƐƐ BULUKU NWUANZANWUANZA

¹⁴ Kakyehakye wɔ menli ne mɔ wɔ ɛhye anwo, na bɔ bɛ kɔkɔ wɔ Nyamenle anyunlu kɛ bɛmmadi edwɛkɛ agbɔkɛ nwo butule. Ɔnle kpalɛ, yɛɛ ɔsɛkye menli mɔɔ tie la adwenle.

2 Tem 2:14 ပူးပေါင်းရင်းမြစ်များ

Gyɛlɛmaya Buluku ne 16:19

O Ɛdɛnkɛma, ɛle me anwosesebɛ nee me aranemgbole, me ɛvealeka wɔ me anwongyelelɛ mekɛ nu. Maanle maanle vi maanle ti nee maanle bo bariandi araze wɔ kɛ, “Yɛ ze mɔ annyia agyadeɛ kpaziwɔkɛ biala kɛ adalɛ nee ninyɛne mgbane mgbane mɔɔ nvasoɛ ɛnle zolɛ la ala.

Gyɛlɛmaya Buluku ne 2:11

Maanle biala ɛtɛkakyile ye nyamenle ne mɔ mɔɔ ɛnle nyamenle bɔbɔ la, noko me menli ne ɛva bɛ anyunlunyia ɛlie debie mɔɔ nvasoɛ ɛnle zo la.”

Gyɛlɛmaya Buluku ne 2:8

Sɛlɛvolɛma ne mɔ ambiza kɛ, ‘Ɛdɛnkɛma wɔ nienwu?’ Bɛdabɛ mɔɔ bɛnea mɛla ne azo la ɛnze me. Menli mɔɔ bu maanle ne la tietiale me mɛla ne mɔ azo; Nyamenle kpɔmanvolɛma hanle bozonle Beeyale nrɛlaleɛ na bɛzonlenle ninyɛne mɔɔ anwo ɛnlɛ nvasoɛ la.

Gyɛlɛmaya Buluku ne 23:32

Bɛnlea, mekyi bɛdabɛ mɔɔ bɛka ɛlalɛ adalɛ na bɛfa bɛ adalɛ nee bɛ nloa anu ɛyelɛ bɛdi me menli ne adwenle na bɛminli bɛ wɔ mekɛ mɔɔ metɛsoanle bɛ, anzɛɛ metɛkilele bɛ debie kɛ bɛyɛ la. Menli ne ɛnnyia Nyamenle kpɔmanvolɛma ne mɔ nyɛleɛ ne azo nvasoɛ biala.”

Gyɛlɛmaya Buluku ne 23:36

Na edwɛkɛ agbɔkɛ, ‘Ɛdɛnkɛma adesoa’ ne ɛdeɛ, bɛmmabɔ zolɛ bieko, ɔluakɛ adesoa ne a le bɛdabɛ bɛ nloa edwɛkɛ. Bɛmɛ, bɛsi tease Nyamenle ne mɔɔ le Tumivolɛ Ɛdɛnkɛma, yɛ Nyamenle ne la anloa edwɛkɛ ne ati aze.

Gyɛlɛmaya Buluku ne 7:8

“Bɛmɛ, bɛdie mɛlɛbɛla edwɛkɛ bɛdi, noko bɛnnyia zolɛ nvasoɛ.

Habakɛke Buluku ne 2:18

Duzu nvasoɛ a wɔ ananze mɔɔ sonla ɔdaye yeyɛ la azo a? Ɔle ananze ala, ɔle kilehilevolɛ adalɛ. Dwinvolɛ biala die ananze mɔɔ ɔdaye yeyɛ, mɔɔ ɛndendɛ la di.

Edwɛkpa ne kɛmɔ Mateyu hɛlɛle la 16:26

Saa sonla nyia ewiade ninyɛne ne amuala na ɔminli ye ɛkɛla a, duzu nvasoɛ a ɔnyia a? Ɔnnyia ɛhwee! Debie biala ɛnle ɛkɛ mɔɔ sonla kɛhola kɛva kɛzenza ye ngoane a.

Ɛzoanvolɛma Gyima ne 13:10

na ɔzele ye kɛ, “Wɔmɔ Abɔnsam ara, ɛle debie kpalɛ biala kpɔvolɛ. Amumuyɛ ɛyi wɔ tɛkɛɛ, yɛɛ dahuu ɛbɔ adalɛ wɔ Awulae adenle kpalɛ ne anwo.

Ɛzoanvolɛma Gyima ne 15:24

Yɛde kɛ yɛ bie mɔ mɔɔ yɛanzoa bɛ la ɛra bagyegye bɛ aha edwɛkɛ azɛkye bɛ adwenle.

Wulo 14:1

Mɔɔ ye diedi le ekyi la, bɛlie ye wɔ bɛ avinli, noko bɛ nee ye mmasu ye adwenle nu nzuzulɛ biala anwo kpolera.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:7

Nɔhalɛ, Edwɛkpa fofolɛ bieko ɛnle ɛkɛ mɔɔ vi Nyamenle ɛkɛ, kɛ mɔɔ meha mehile bɛ la ala. Menwu kɛ awie mɔ ɛlɛgyegye bɛ azɛkye bɛ adwenle, na bɛahakyi Edwɛkpa ne mɔɔ fane Kelaese anwo la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:17

Mekakye bɛ wɔ Awulae duma nu; bɛmmabɔ bɛ ɛbɛla kɛ awozonle ɛzonlenlɛma la bieko mɔɔ bɛndwenle adwenle kpalɛ a.

1 Tɛs 4:1

Awieleɛ ne, mediema, kɛmɔ bɛzukoale kɛ bɛkɛzi bɛkɛbɔ ɛbɛla kpalɛ mɔɔ sɔ Nyamenle anye la bɛvile yɛ ɛkɛ ne la, zɔhane ala yɛɛ bɛyɛ a. Na kɛkala yɛlua Awulae Gyisɛse duma nu yɛsɛlɛ bɛ kɛ bɛyɛ ye molozo.

2 Tɛs 3:6

Mediema, yɛlua Awulae Gyisɛse Kelaese duma nu, yɛka yɛahile bɛ kɛ bɛhwe bɛ nwo bɛvi mediema mɔɔ ɛlɛyɛ mgbovonle na bɛngulo kɛ bɛdi folɛ mɔɔ yɛdule bɛ la azo la anwo.

1 Tem 1:4

Ka kile bɛ maa bɛgyakyi bɛ nla mɔ anwo nwɔra ɛdolɛ ne nee mbusua nu ɛhilehilelɛ somasoma ne. Ɛhye mɔ wie kpolerazulɛ ala, na ɔnvane Nyamenle ngyehyɛlɛ ne mɔɔ bɛdua diedi zo bɛnwu ye la anwo.

1 Tem 1:6

Menli bie ɛhwe bɛ nwo ɛvi ngilehilelɛ ɛhye mɔ anwo na bɛhɔdoa ngoasea edwɛkɛ ngehanleɛ bo zo bɛminli.

1 Tem 4:8

Nwonane agbɔkɛ nu ɛkpundinlɛ hyia kpalɛ, noko sunsum nu ɛdeɛ ne hyia kpole kpalɛ, ɔluakɛ ɔmaa yɛ kɛkala nee kenle bie ngoane mɔɔ ɛnlɛ awieleɛ.

1 Tem 5:21

Megyi Nyamenle nee Kelaese Gyisɛse nee anwuma soanvolɛma nwuanzanwuanza ne mɔ anyunlu meka meahile wɔ kɛ, di ngyehyɛlɛ ɛhye mɔ azo, na mmanea menli nyunlu anzɛɛ ɛdi mɔguazo wɔ debie biala anu.

1 Tem 6:13

Megyi Nyamenle mɔɔ maa ninyɛne kɔsɔɔti ngoane, nee Kelaese Gyisɛse mɔɔ gyinlanle Pɔntɛse Paelɛte anyunlu lile ye diedi nwo daselɛ la anyunlu, meka meahile wɔ kɛ

2 Tem 1:6

Zɔhane ati meka meahile wɔ kɛ fa ahyɛlɛdeɛ ne mɔɔ Nyamenle manle wɔ, wɔ mekɛ mɔɔ menvale me sa menguale ɛ ti zo la yɛ gyima.

2 Tem 2:16

Twe ɛ nwo fi bɛdabɛ mɔɔ bɛsu zɛhae munzule nee koasea kpolera la anwo. Ɛhye te menli fi Nyamenle anwo.

2 Tem 2:23

Twe ɛ nwo fi koasea kpolerazulɛ mgbane mgbane ne mɔ anwo, ɔluakɛ ɛze kɛ bɛwie butulelilɛ.

2 Tem 4:1

Megyi Nyamenle nee Kelaese Gyisɛse mɔɔ babua anyewɔzo amra nee mɔwuamra ndɛne la anyunlu, meka ye ɛralɛ bieko nee ye belemgbunlililɛ ne na mese wɔ kɛ:

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:1

Kakye wɔ menli ne kɛ bɛha bɛ nwo aze bɛmaa arelemgbunli nee bɛdabɛ mɔɔ tumi wɔ bɛ sa nu la, bɛdie bɛ edwɛkɛ na bɛbɔ ɛbɛla kpalɛ wɔ adenle biala anu.

Kɛlata mɔɔ bɛhɛlɛle bɛhɔmanle Hibuluma la 13:9

Bɛmmamaa ngilehilelɛ ngakyile biala twe bɛ fi adenle kpalɛ ne mɔɔ bɛlua zo la azo. Ɔle kpalɛ kɛ yɛkɛmaa Nyamenle ɛlolɛ ne kɛmaa yɛ ɛkɛla nwo kɛyɛ se tɛla kɛ yɛkɛli aleɛ nwo ngyehyɛlɛ zo la, ɔluakɛ bɛdabɛ mɔɔ bɛlile ngyehyɛlɛ zɛhae mɔ anzi la, yeamboa bɛ.

2 Pit 1:13

Menea a ɔle kpalɛ kɛ ɔwɔ kɛ mekakyehakye bɛ adwenle wɔ edwɛkɛ ɛhye mɔ anwo wɔ mekɛ mɔɔ mede ngoane ɛhye anu la.

1 Sam 12:21

Bɛmmadi adalɛ nyamenle ne mɔ mɔɔ ɛnrɛhola ɛnrɛlie bɛ ngoane la anzi, ɔluakɛ bɛdabɛ mumua ne bɛnlɛ ngoane.