2 Tem 2:11 - BAEBOLO ANZƐƐ BULUKU NWUANZANWUANZA

¹¹ Edwɛkɛ ne le nɔhalɛ, ɔse: “Saa yɛ nee ye ɛwu a, ɛnee yɛ nee ye badɛnla ngoane nu.

2 Tem 2:11 ပူးပေါင်းရင်းမြစ်များ

Dw 14:19

Ɔnrɛhyɛ biala ɛnee ewiade ɛnnwu me bieko, na bɛmɛ, bɛbanwu me, na kɛmɔ mede ngoane nu la, bɛdabɛ noko bɛbadɛnla ngoane nu.

Wulo 6:5

Ɔluakɛ saa yɛ nee Kelaese a hɔle ewule nu a, ɛnee bɛbadwazo yɛdayɛ noko bɛavi ewule nu bɛara ngoane nu, kɛmɔ bɛdwazole ye la.

Wulo 6:8

Saa yɛ nee Kelaese ɛwu a, ɛnee yɛdie yɛdi kɛ yɛ nee ye badɛnla ngoane nu.

2 Kɔl 13:4

Na saa ɔyɛle bɛtɛɛ ɔwule meanubaka ne azo bɔbɔ a, ɔlua Nyamenle tumi zo ɔde ngoane nu. Yɛdayɛ noko yɛle bɛtɛɛ wɔ Kelaese ati, na ɔlua Nyamenle tumi ne azo yɛ nee ye badɛnla na yɛ nee bɛ ali.

2 Kɔl 4:10

Dahuu yɛte Gyisɛse ewule ne nyane wɔ yɛ sonlabaka ye anu, amaa menli anwu ye ngoane ne noko wɔ yɛ sonlabaka ye anu.

1 Tɛs 4:17

na akee yɛdayɛ mɔɔ mekɛ ne anu yɛtɛte aze anzɛɛ yɛtɛwule la bɛakpogya yɛ zo anwuma na yɛ nee bɛ yɛ muala yɛahuohua yɛ nloa wɔ amungu ne anu, na yɛahɔyia Awulae wɔ anwomanyunlu. Na akee yɛ nee Awulae adɛnla dahuu.

1 Tɛs 5:10

Gyisɛse wule manle yɛ amaa ɔba a, saa yɛwu o, yɛde ngoane nu o, yɛ nee ye adɛnla.

1 Tem 1:15

Ɛhye le nɔhalɛ edwɛkɛ bɔkɔɔ mɔɔ ɔwɔ kɛ bɛdie bɛto nu na bɛdie bɛdi a; Kelaese Gyisɛse rale ewiade ye anu kɛ ɔbalie ɛtanevolɛma, mɔɔ medame a mele bɛ nuhua kpanyinli la ngoane.

1 Tem 3:1

Ɛhye le nɔhalɛ edwɛkɛ bɔkɔɔ: Saa awie anye bolo kɛ ɔyɛ asɔne kpanyinli a, ɛnee yeva gyima kpalɛ.

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:8

Edwɛkɛ ɛhye le nɔhalɛ. Mekulo kɛ ɛka edwɛkɛ ɛhye mɔ na ɛsi zo ɛsesebɛ, amaa bɛdabɛ mɔɔ bɛdie Nyamenle bɛdi la anlea zolɛ abɔ ɛbɛla kpalɛ dahuu. Ɔluakɛ ɛhye mɔ le kpalɛ na eza ɔhyia ɔmaa sonla biala.