2 Tem 2:1 - BAEBOLO ANZƐƐ BULUKU NWUANZANWUANZA

¹ Me ra, wɔmɔ maa ɛ nwo ɛyɛ se wɔ ɛlolɛ ne mɔɔ Kelaese Gyisɛse ati ɔle yɛ ɛdeɛ la anu.

2 Tem 2:1 ပူးပေါင်းရင်းမြစ်များ

Hagae Buluku ne 2:4

Noko akee bɛzi ahonle, Zɛlubabɛle! Medame Ɛdɛnkɛma a mese a. Dwɔhyua, Gyɛhɔzeedake ara, Sɛlɛvolɛ Kpanyinli, bɛzi ahonle. Bɛzi ahonle, bɛdabɛ Yizilayɛma kɔsɔɔti mɔɔ bɛwɔ maanle ye anu la. Medame Ɛdɛnkɛma a mese a. Medame Tumivolɛ Ɛdɛnkɛma mese: Bɛyɛ gyima ne, na me nee bɛ lua,

1 Kɔl 16:13

Bɛyɛ bɛ nye gyɛlɛmgbɛɛnye, bɛgyinla kpundii wɔ diedi ne anu, bɛnyia akɛnrasesebɛ, bɛmaa bɛ nwo ɛyɛ se.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:10

Awieleɛ ne, bɛlua Awulae tumi bedevinli ne azo bɛmaa bɛ nwo ɛyɛ se.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:13

Ɔlua anwosesebɛ ne mɔɔ Kelaese fa maa me la ati, mekola megyinla ninyɛne muala anloa.

1 Tem 1:18

Me ra Temɔte, melɛ mɛla ɛhye, kɛmɔ Nyamenle kpɔmanvolɛma edwɛkɛ ne mɔɔ bɛhanle ye wɔ ɛ nwo dɛbadɛba la se la, mewula ɛ sa nu. Maa edwɛkɛ ne ɛyɛ wɔ konle ninyɛne na fa ko konle kpalɛ ne,

1 Tem 1:2

Mefa meahɔmaa Temɔte, mɔɔ le me ra kpalɛ wɔ diedi ne anu la. Nyamenle Selɛ ne nee Kelaese Gyisɛse yɛ Awulae ne ɛlo wɔ, ɛnwu wɔ anwunvɔne na ɔmaa wɔ anzonudwolɛ.

2 Tem 1:1

Medame Pɔɔlo, mɔɔ ɔlua Nyamenle ɛhulolɛ zo merayɛ Kelaese Gyisɛse ɛzoanvolɛ, na yezoa me kɛ membɔ ngoane ne mɔɔ Kelaese ati bɛvale bɛbɔle yɛ ɛwɔkɛ la nolo la, yɛɛ melɛkɛlɛ kɛlata ɛhye a.

2 Tem 1:2

Mefa meahɔmaa me ra Temɔte mɔɔ la me ahonle nwo la. Nyamenle Selɛ ne nee yɛ Awulae Kelaese Gyisɛse ɛlo wɔ, ɔnwu wɔ anwunvɔne na ɔmaa wɔ anzonudwolɛ.

2 Tem 1:7

Ɔluakɛ Nyamenle ammaa yɛ sunsum mɔɔ le foanvoanle a; Nyamenle manle yɛ Sunsum mɔɔ lɛ tumi nee ɛhulolɛ na ɔmaa yɛkola yɛkomo yɛ nwo zo la.

2 Tem 2:10

Ɛhye ati medi debie biala me kunlu wɔ Nyamenle menli ne mɔɔ yekpa nu yeye bɛ la ati, amaa bɛdabɛ noko Kelaese Gyisɛse ati bɛanyia ngoanelielɛ ne nee anyunlunyia ne mɔɔ ɛnlɛ awieleɛ la bie.

2 Tem 4:17

Awulae gyinlanle me nzi, na ɔmanle me anwosesebɛ. Zɔhane ati mengolale membɔle Edwɛkpa ne nolo memanle bɛdabɛ mɔɔ bɛnle Dwuuma la amuala dele bie; na Nyamenle yele me vile awenade ne anloa anu.

Dwɔhyua Buluku ne 1:7

Mmasulo, gyinla kpundii na di mɛla ne mɔɔ me sonvolɛ Mosisi vale manle wɔ la azo. Mmabu ɛ nye ɛgua zolɛ ɛkɔ bɛne anzɛɛ fema zo, amaa ɛleka biala mɔɔ ɛkɛhɔ la wɔali konim.

2 Pit 3:18

Bɛhɔ zolɛ bɛnyi wɔ yɛ Awulae nee Dievolɛ Gyisɛse Kelaese anwo nrɛlɛbɛ nee ɛlolɛ ne anu. Yemɔ yɛɛ anyunlunyia ɛha ye kɛkala nee mekɛ mɔɔ ɛnlɛ awieleɛ la a! Amen.