2 Tem 1:7 - BAEBOLO ANZƐƐ BULUKU NWUANZANWUANZA

⁷ Ɔluakɛ Nyamenle ammaa yɛ sunsum mɔɔ le foanvoanle a; Nyamenle manle yɛ Sunsum mɔɔ lɛ tumi nee ɛhulolɛ na ɔmaa yɛkola yɛkomo yɛ nwo zo la.

2 Tem 1:7 ပူးပေါင်းရင်းမြစ်များ

Edwɛndolɛ Buluku ne 119:80

Mmamaa medi fɔlɛ wɔ wɔ mɛla ne mɔ anwo, amaa me nyunlu angua aze.

Mrɛlɛbulɛ Buluku ne 2:7

Ɔfa nrɛlɛbɛ kpalɛ ɔmaa mɔɔ le tenlene la; ɔle enyinlike ɔmaa bɛdabɛ mɔɔ bɛze nrɛlɛbɛ la,

Mrɛlɛbulɛ Buluku ne 8:14

Metu folɛ, mekile nrɛlɛbɛ adenle kpalɛ, melɛ ndelebɛbo yɛɛ me nwo yɛ se.

Ayezaya Buluku ne 11:2

Ɛdɛnkɛma Sunsum ne bara ɔ nwo zo, ɔbanwu nrɛlɛbɛ, yeanyia ndelebɛbo, ɔbanyia anwosesebɛ, yeayɛ folɛtuvolɛ, ɔbanyia adwenle na yeazulo Ɛdɛnkɛma.

Maeka Buluku ne 3:8

Na mame, Ɛdɛnkɛma Sunsum ne ɛva tumi ɛyi me tɛkɛɛ, yemaa me pɛlepɛlelilɛ nee anwosesebɛ kɛ membɔ Gyɛkɔbo abo zo amra mɛladonlɛ ne nee Yizilayɛma ɛtane mɔɔ bɛyɛ la nolo mengile bɛ.

Zɛkalaya Buluku ne 4:6

Na ɔzele me kɛ, “Edwɛkɛ mɔɔ Ɛdɛnkɛma ɛlɛka ahile Zɛlubabɛle la ɛne: Tɛ anwosesebɛ anzɛɛ tumi, na me Sunsum ne yɛɛ ɛbava wɔali konim a, medame Tumivolɛ Ɛdɛnkɛma a mese a.

Edwɛkpa ne kɛmɔ Luku hɛlɛle la 10:19

Na bɛdie! Memaa bɛ tumi wɔ Kpɔvolɛ ne anwo zo. Eza memaa bɛ tumi kɛ bɛtietia nwɔlɛ nee nyamenleakɛlɛ nwo zo na debie biala ɛnrɛyɛ bɛ.

Edwɛkpa ne kɛmɔ Luku hɛlɛle la 15:17

Nzinlii ye adwenle rale ɔ nwo na ɔzele kɛ, ‘Gyimayɛvoma mɔɔ wɔ egya gyima nu la di aleɛ maa ɔbo bɛ nwo zo, mame a mela ɛke mɔɔ ɛhɔne ɛlɛku me la!

Edwɛkpa ne kɛmɔ Luku hɛlɛle la 24:49

Medame mumua ne mebazoa deɛ mɔɔ Egya vale bɔle ɛwɔkɛ la wɔ bɛ nwo. Bɛdɛnla suakpole ɛhye azo ɛke kɔkpula kɛ tumi vi anwuma kɛra bɛ nwo zo la.”

Edwɛkpa ne kɛmɔ Luku hɛlɛle la 8:35

Menli hɔle kɛ bɛkanlea mɔɔ ɛzi la. Bɛrale Gyisɛse anwo ɛkɛ ne la bɛnwunle nrenya ne mɔɔ bɛdule sunsum ɛtane ne mɔ wɔ ɔ nwo la kɛ ɔde Gyisɛse anwo ɛkɛ ne na ɔheda ɛdanlɛ, ye adwenle la ɛkɛ ne wienyi; na bɛzulole.

Dw 14:27

“Anzonudwolɛ a mefa megyakyi bɛ a; medame me anzonudwolɛ a mefa megyakyi bɛ a. Menva memmaa bɛ kɛmɔ ewiade fa maa la. Bɛmmamaa bɛ rɛle bɔ na bɛdi nyane; bɛmmasulo noko.

Ɛzoanvolɛma Gyima ne 1:8

Na saa Sunsum Nwuanzanwuanza ne ba bɛ nwo zo a bɛbanyia tumi, na bɛali me nwo daselɛ wɔ Gyɛlusalɛm, nee Dwudiya amuala nee Samɛlea bɛahɔdwu aleɛabo ɛleka biala.”

Ɛzoanvolɛma Gyima ne 10:38

Bɛze Gyisɛse mɔɔ vi Nazalɛte la anwo edwɛkɛ nee kɛ Nyamenle zile vale Sunsum Nwuanzanwuanza ne wulale ye na ɔmanle ye tumi la amuala. Gyisɛse kpɔsale ɛleka dɔɔnwo yɛle ahunlunyele gyima, na ɔyɛle bɛdabɛ mɔɔ Abɔnsam ɛlɛfa ye tumi ne agyegye bɛ la ayile, ɔluakɛ Nyamenle nee ye lua.

Ɛzoanvolɛma Gyima ne 20:24

Noko me ngoane ɛdeɛ, mendwenle nwolɛ, amaa meahola meawie Awulae Gyisɛse gyima ne mɔɔ yeva yemaa me kɛ membɔ Edwɛkpa ne mɔɔ fane Nyamenle ɛlolɛ ne anwo la nolo.

Ɛzoanvolɛma Gyima ne 21:13

Na ɔbizale yɛ kɛ, “Na ɛzunlɛ ye abo ɛ? Duzu ati a bɛyɛ bɛabɔ me rɛle ɛ? Meziezie me nwo kɛ tɛ ɛkyekyelɛ mɔɔ bɛkyekye me la angome, na kɛ menwɔwu wɔ Gyɛlusalɛm wɔ Awulae Gyisɛse duma ne ati.”

Ɛzoanvolɛma Gyima ne 26:11

Mekɛ dɔɔnwo ne ala memanle bɛdeanle bɛ wɔ nyianu azua ne mɔ anu, na membɔle mɔdenle kɛ memaa bɛ ngome bɛaha ɛtane bɛatia bɛ ɛzonlenlɛ ne. Me nye bolole bɛ nwo kpalɛ manle ɔrale kɛ akee mekɔ azuamgbole zo wɔ maanle maanle zo yɛɛ mekɔkye bɛ meba a.

Ɛzoanvolɛma Gyima ne 26:25

Pɔɔlo buale ye kɛ, “Nana Fɛsetɛse, metɛsɛle. Nɔhalɛ komii ne a melɛka la.

Ɛzoanvolɛma Gyima ne 6:8

Nyamenle lole Sitivin dɔɔnwo na ɔmanle ye tumi kpole ɔmanle ɔyɛle nwanwane ninyɛne mgbole ɔhilele menli.

Ɛzoanvolɛma Gyima ne 9:22

Na Sɔɔlo nyianle anwosesebɛ kpalɛ wɔ ye edwɛkɛhanlɛ nu na ɔholale ɔhilehilele nu kɛ Gyisɛse a le Mɛzaya ne, ɔmanle ɔrale kɛ Dwuuma bɔbɔ mɔɔ wɔ Dɛmasekɛse la dɔle mumule wɔ nwolɛ.

Wulo 5:5

Anyelazo ɛhye ɛnye yɛ anrinli ɛndo yɛ sa nu, ɔluakɛ Nyamenle ɛlua Sunsum Nwuanzanwuanza ne, mɔɔ le Nyamenle ahyɛlɛdeɛ ne azo ɛva ye ɛhulolɛ ɛyi yɛ ahonle ne mɔ tɛkɛɛ.

Wulo 8:15

Ɔluakɛ Sunsum ne mɔɔ Nyamenle ɛva ɛmaa bɛ la ɛnyɛ bɛ ahanra, na ɔmmaa bɛnyɛ avoanvoanle. Sunsum ne maa bɛyɛ Nyamenle amra, na ɔlua Sunsum ne tumi zo yɛkola yɛfɛlɛ Nyamenle kɛ, “Egya! Me Papa.”

1 Kɔl 2:4

yɛɛ meanva sonla nrɛlɛbɛ nee anloanu kolokolo a mengilehilele bɛ, membɔle edwɛkɛ ne nolo a; menluale Nyamenle Sunsum ne tumi zo,

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:22

Nyamenle Sunsum ne ma a le ɛhye mɔ: ɛhulolɛ, anyelielɛ, anzonudwolɛ, abotane, atiakunlukɛnlɛmayɛlɛ, kpalɛyɛlɛ, nɔhalɛlilɛ,

Kɔlɔ 1:8

Ɔdaye yɛɛ eza yeha ɛhulolɛ ne mɔɔ Sunsum ne ɛva ɛmaa bɛ la anwo edwɛkɛ yehile yɛ a.

Kɛlata mɔɔ bɛhɛlɛle bɛhɔmanle Hibuluma la 2:15

na yealie bɛdabɛ mɔɔ ɔlua kɛ bɛsulo ewule la ati bɛyɛle ahanra wɔ mekɛ mɔɔ bɛde ngoane nu la.

1 Pit 1:22

Kɛkala mɔɔ ɔlua bɛ tieyɛ wɔ nɔhalɛ ne anwo bɛde bɛ nwo bɛvi ninyɛndane nwo na bɛnyia ɛhulolɛ bɛmaa bɛ mediema diedima la, bɛmaa bɛ ɛhulolɛ ne ɛyɛ nɔhalɛ ɛhulolɛ mɔɔ vi bɛ ahonle nu a.

1 Dw 4:18

Ɛzulolɛ ɛnle ɛhulolɛ nu; ɛhulolɛ kpalɛ mɔɔ di munli la tu ɛzulolɛ kpokpoti. Ɔluakɛ awie biala mɔɔ lɛ ɛzulolɛ la ɛhulolɛ ɛnli munli, ɔboalekɛ ɛzulolɛ nee ndeanlɛ a lua a.