2 Tem 1:5 - BAEBOLO ANZƐƐ BULUKU NWUANZANWUANZA

⁵ Mekakye nɔhalɛ diedi ne mɔɔ ɛlɛ ye, diedi ne mɔɔ ɛnee ɛ nla Loyese nee ɛ nli Yunaesi lɛ ye la bie, na medie medi kɛ ɛdawɔ noko ɛlɛ zɔhane diedi ne.

2 Tem 1:5 ပူးပေါင်းရင်းမြစ်များ

Edwɛndolɛ Buluku ne 116:16

O Ɛdɛnkɛma, mele wɔ sonvolɛ; mele wɔ sonvolɛ, wɔ sonvolɛ raalɛ ara nrenya. Wɔzianyi me nwɔnzɔnwɔnzɔ ne.

Edwɛndolɛ Buluku ne 17:1

O Ɛdɛnkɛma, tie me nɔhalɛ edwɛkɛ nee me ɛzunlɛ. Gyele ɛ nzo tie me nzɛlɛlɛ, membɔ adalɛ.

Edwɛndolɛ Buluku ne 18:44

Maanle gyɛne nu amra rabɔle bɛ ti aze manle me; bɛte me ne ala a bɛtie me.

Edwɛndolɛ Buluku ne 22:10

Bɛvale me bɛdole ɛ nwo zo ɔvi me awolɛ nu; yɛɛ sumunli kɛ ɔmɔ wole me la wɔmɔ a ɛle me Nyamenle a.

Edwɛndolɛ Buluku ne 66:3

Bɛha bɛhile Nyamenle kɛ, “Wɔ gyima yɛ ɛzulolɛ! Wɔ tumi ne kpole ti wɔ kpɔvolɛma tu gua ɛ nyunlu.

Edwɛndolɛ Buluku ne 77:6

Mendole edwɛne nɔɔzo wɔ me ahonle nu; medwenledwenle nwo meneɛnlea me ahonle nu kɛ:

Edwɛndolɛ Buluku ne 81:15

Bɛdabɛ mɔɔ bɛkyi Ɛdɛnkɛma la baradane ye, bɛ ndeanlɛ bo ɛnrɛdu ɛlɛ.

Edwɛndolɛ Buluku ne 86:16

Kakyi ɛ nye me nwo zo na nwu me anwunvɔne; fa wɔ anwosesebɛ ne maa wɔ akɛlɛ, na die wɔ sonvolɛ raalɛ ne ara nrenya ye.

Gyɛlɛmaya Buluku ne 3:10

Ɛhye amuala zile, noko Yizilayɛ adiema raalɛ Dwuda ngunzi anva ye ahonle kɔsɔɔti ammaa me; ɔ nee me lile egyele zo amanie ala. Medame Ɛdɛnkɛma a mese a.”

Dw 1:47

Mɔɔ Gyisɛse nwunle kɛ Natanayɛle ɛlɛba la, ɔzele kɛ, “Bɛnlea, Yizilayɛnli kpalɛ mɔɔ ɛnze adalɛ bɔ la ɛne!”

Ɛzoanvolɛma Gyima ne 16:1

Pɔɔlo eza rale Dɛbi nee Lesetela noko. Ɛdoavolɛ bie wɔ ɛkɛ, bɛfɛlɛ ye Temɔte. Ɔ nli le Dwuunli mɔɔ ɛlie Edwɛkpa ne ɛli a, yɛɛ ɔ ze le Gilikinli.

Ɛzoanvolɛma Gyima ne 26:26

Belemgbunli Agelepa, mekpa edwɛkɛ ne anwo ɛdanlɛ mɔɔ menzulo ɔ nzi a, ɔluakɛ ɛdawɔ ɛze ɛhye mɔ amuala. Meze noko kɛ ɛyɛle bɛ nzonlɛ kpalɛ kpalɛ, ɔluakɛ ɛhye mɔ biala anzi fealera nu.

Wulo 14:14

Sumunli kɛ me nee Awulae Gyisɛse lile ngamɔnu la menwu ye kɔsɔɔ kɛ aleɛ biala ɛnle ɛkɛ mɔɔ anwo ɛnde a. Na saa awie dwenle kɛ bie anwo ɛnde a, ɛnee nwolɛ ɛnde ɛmmaa ɔdaye ɔ ngome,

Wulo 14:5

Sonla ne bie adwenle a le kɛ kenle ne bie hyia tɛla kenle mɔɔ ɛha la amuala. Bie noko dwenle nwolɛ kɛ kenle ne amuala sɛ. Ɔwɔ kɛ biala dwenle nwolɛ kpalɛ na ɔmaa ye adwenle si pi wɔ nwolɛ.

Wulo 15:14

Me mediema, medame mumua ne medie meto nu kɛ kpalɛyɛlɛ ɛyi bɛ tɛkɛɛ, yɛɛ bɛlɛ adwenle ne na bɛkola bɛkilehile bɛ nwo ngoko ngoko.

Wulo 4:21

Ɔliele ɔlile bɔkɔɔ kɛ Nyamenle kola yɛ mɔɔ yeha la maa ɔbo zolɛ.

Wulo 8:38

Ɔluakɛ meze ye wienyi kɛ debie biala ɛnrɛhola ɛnrɛkpɔkye yɛ ɛnrɛvi Kelaese ɛhulolɛ ne anwo; ewule o, ngoane o, Nyamenle soanvolɛma o, anzɛɛ awozinli nu tumivolɛma biala, wɔ ɛnɛ edwɛkɛ mɔɔ bazi anzɛɛ kenlebie ɛdeɛ mɔɔ bara la anu,

2 Kɔl 6:6

Noko ɔlua yɛ anwondelɛ, nrɛlɛbɛ, abotane, atiakunlukpalɛ nee Nyamenle Sunsum Nwuanzanwuanza ne nee yɛ nɔhalɛ ɛhulolɛ,

1 Tem 1:5

Bodane mɔɔ yɛ ngilehilelɛ ɛdeɛ ne gyi zolɛ la a le ɛhulolɛ mɔɔ vi ahonle mɔɔ ɛtane ɛnle nu, adwenle mɔɔ nuhua te wienyi, nee diedi mɔɔ di munli la.

1 Tem 4:6

Saa ɛfa ngilehilelɛ ɛhye mɔ ɛkilehile mediema ne mɔ a, ɛbayɛ Kelaese Gyisɛse sonvolɛ kpalɛ, na diedi nu ngilehilelɛ ne nee ngilehilelɛ kpalɛ ne mɔɔ dahuu ɛli ɔ nzi la aboa amaa wɔanyi sunsum nu.

2 Tem 1:12

Zɔhane ati yɛɛ menwu amaneɛ ɛhye mɔ a. Noko ɔnyɛ me nyiane, ɔluakɛ meze mɔɔ meva me rɛle mewula ye nu la, na medie medi kɛ ɔkɛhola ɔkɛzie mɔɔ meva mewula ɔ sa nu la gyɛlɛɛnye ɔkɛhɔkpula Awulae Kenle ne.

2 Tem 3:15

yɛɛ ɛkakye kɛ sumunli wɔ ngakula nu yɛɛ ɛzukoale Nyamenle Edwɛkɛ ne mɔɔ maa wɔ nrɛlɛbɛ mɔɔ saa ɛdie Kelaese Gyisɛse ɛdi a, ɔkola ɔmaa wɔ ngoanelielɛ la.

Kɛlata mɔɔ bɛhɛlɛle bɛhɔmanle Hibuluma la 11:13

Diedi nu yɛɛ menli ɛhye mɔ amuala wule a. Bɛ sa anga ɛwɔkɛ ne mɔ mɔɔ Nyamenle bɔle bɛ la, noko bɛnwunle ye bɛ adwenle nu wɔ moa moa na bɛliele bɛdole nu kɛ bɛle nyɛvolɛ mɔɔ ɛra nlɔnu wɔ azɛlɛ ɛhye azo a.

Kɛlata mɔɔ bɛhɛlɛle bɛhɔmanle Hibuluma la 6:9

Noko ayi mɔ, saa yɛtendɛ zɛhae bɔbɔ a, yɛ adwenle si pi wɔ bɛ nwo. Yɛze kɛ nyilalɛ kpalɛ bie wɔ ɛkɛ mɔɔ beta ngoanelielɛ nwo a.

1 Pit 1:22

Kɛkala mɔɔ ɔlua bɛ tieyɛ wɔ nɔhalɛ ne anwo bɛde bɛ nwo bɛvi ninyɛndane nwo na bɛnyia ɛhulolɛ bɛmaa bɛ mediema diedima la, bɛmaa bɛ ɛhulolɛ ne ɛyɛ nɔhalɛ ɛhulolɛ mɔɔ vi bɛ ahonle nu a.